ᔨᕆᒤᐊᐅᑉ ᐊᒡᓚᖏᑦ 17:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᕿᑐᕐᖓᖏᑦ ᐊᐅᓚᔨᕗᑦ ᑐᓂᕐᕈᓯᕐᕕᖏᓐᓂᒃ ᒎᑎᓐᖑᐊᒧᑦ ᐊᓯᕋᒧᑦ, ᓇᐹᕐᑐᐃᑦ ᑐᖑᔪᐃᓐᓇᕐᑐᑦ ᓴᓂᐊᓐᓂ, ᐱᖑᐃᓪᓗ ᐳᕐᑐᔪᑦ ᖄᖏᓐᓂ.

ᔨᕆᒤᐊᐅᑉ ᐊᒡᓚᖏᑦ 17:2 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 24:18

ᐊᑕᓂᐅᓪᓗ ᐃᒡᓗᖓ ᓯᕗᓕᖏᑦᑕ ᒎᑎᖓᑦ ᑲᒪᒋᔪᓐᓃᕐᐹᑦ, ᐱᔨᑦᓯᖔᓕᕐᓗᑎᒡᓗ ᕿᔪᖕᓄᑦ ᓴᓇᓯᒪᔪᓄᑦ ᒎᑎᓐᖑᐊᓄᓪᓗ ᐊᓯᕋᒧᑦ. ᓂᓐᖓᒡᕕᐅᓂᕐᒧᓪᓗ ᑎᑭᑕᐅᕗᑦ ᔫᑕ ᔨᕉᓴᓕᓗ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᓂᖏᑦ ᐱᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 2:20

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑍᑦᓱᒪᓂᐊᓘᓕᕐᐳᖅ ᓇᖕᒪᐅᑍᑦ ᓱᕋᓚᐅᕋᕕᐅᒃ, ᕿᓚᕈᑏᓪᓗ ᕿᒃᑐᕋᕐᓗᒍ ᐅᖃᕐᓗᑎᓪᓗ, ‘ᐱᔨᑦᓯᕐᓂᐊᕈᓐᓃᕐᐸᒋᑦ.’ ᑍᒤᓚᐅᕐᐳᕐᓗ ᑕᒪᓐᓇ ᐱᖑᐃᑦ ᖄᖏᓐᓂ, ᓇᐹᕐᑐᐃᓪᓗ ᐊᑖᓂ ᐊᓯᓐᓂᐊᖃᑦᑕᓚᐅᕐᐸᕐᒪ ᐊᖑᓐᓂᐊᕐᑎᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 17:8

ᑐᓂᕐᕈᓯᕐᕕᖕᓂᒃ ᓴᓇᓚᐅᕐᑕᒥᖕᓂᒃ ᑕᑎᖃᕈᓐᓃᕈᒫᕐᐳᑦ, ᐊᒡᒐᒥᖕᓄᑦ ᓴᓇᓚᐅᕐᑕᒥᖕᓂᒃ, ᑕᑎᖃᕈᓐᓃᕐᓗᑎᒡᓗ ᓇᖕᒥᓂᖅ ᓴᓇᓯᒪᔭᒥᖕᓂᒃ ᒎᑎᓐᖑᐊᒥᒃ ᐊᓯᕋᒥᒃ ᑐᓂᕐᕈᓯᕐᕕᖕᓂᒡᓗ ᐃᓯᕐᓗᐊᕐᓂᑎᑦᓯᕕᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 1:29

ᑲᓐᖑᓱᒃᑎᑕᐅᔪᒫᕐᐳᓯ ᓇᐹᕐᑐᓂᑦ ᑍᔭᐅᔪᓂᑦ ᐆᒃᒥᒃ ᖁᕕᐊᒋᓚᐅᕐᑕᑦᓯᓐᓂᑦ; ᐊᐅᐸᓪᓕᕐᑎᑕᐅᓗᓯᓗ ᐱᕈᕐᓰᕖᑦ ᓂᕈᐊᕆᓚᐅᕐᑕᑦᓯ ᐱᓪᓗᒋᑦ.

ᑯᕉᓂᑲ ᐂᑉᐸᖏᑦ 33:3

ᓴᓇᒋᐊᓪᓚᓚᐅᕐᒪᑦ ᒎᑎᓐᖑᐊᓄᑦ ᑐᒃᓯᐊᕐᕕᖕᓂᒃ ᐊᑖᑕᖓᑕ ᕼᐃᓯᑬᐊᐅᑉ ᓱᕋᓚᐅᕐᑕᖏᓐᓂᒃ, ᑐᓂᕐᕈᓯᕐᕖᓪᓗ ᐰᓕᒧᑦ ᐋᖅᑭᒃᓱᕆᐊᓪᓚᒃᓗᒋᑦ, ᕿᔪᖕᓂᒡᓗ ᒎᑎᓐᖑᐊᓂ ᐊᓯᕋᓂᒃ ᐊᑎᓕᖕᓂᒃ ᓴᓇᕗᖅ, ᑐᒃᓯᐊᕐᕕᒋᖃᑦᑕᕐᐰᓪᓗ ᒎᑎᒋᔭᐅᔪᑦ ᐅᓪᓗᕆᐊᑦ ᕿᓚᖕᒦᑦᑐᑦ ᐱᔨᑦᓯᕐᓗᒋᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 3:7

ᐃᓴᕆᐊᓕᒥᐅᑦ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓚᐅᕐᐳᑦ ᐊᑕᓂᐅᑉ ᓵᖓᓂ, ᐊᑕᓂᖅ ᒎᑎᑎᒃ ᐳᐃᒍᕐᓗᒍ, ᐱᔨᑦᓯᓕᕐᓗᑎᒃ ᐰᓕᓂᒃ ᐊᓯᕋᑎᒥᒡᓗ ᒎᑎᓐᖑᐊᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:28

ᓄᓇᑖᕆᔭᐅᖁᓪᓗᒍᓕ ᐊᖏᕈᑎᒋᓚᐅᕐᑕᓐᓄᑦ ᑎᑭᑎᓐᓇᒃᑭᑦ, ᖃᖅᑲᓂᒃ ᐳᕐᑐᔪᓂᒃ ᓇᐹᕐᑐᓂᒡᓗ ᑐᖑᔪᕐᑐᓂᒃ ᑕᑯᓕᕋᒥᒃ ᑐᓂᕐᕈᓯᕐᕕᒋᓚᐅᕐᐰᑦ ᓇᕐᕈᓇᕐᑐᓂᒡᓗ ᑐᓂᕐᕈᓯᕐᕕᒋᓪᓗᒋᑦ; ᑕᕝᕙᓂ ᓂᓐᖓᒃᓮᑦᔪᑎᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᑯᐊᓚᑦᓯᓪᓗᑎᒃ; ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᖃᑦᑕᓚᐅᕐᐳᑦ, ᕔᓂᒥᒡᓗ ᑐᓂᕐᕈᑎᒥᖕᓄᑦ ᐃᓚᓕᐅᑦᔨᕙᒃᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 7:18

ᕿᑐᕐᖓᖏᑦ ᐃᑯᐊᓚᑦᓯᑦᔪᑎᒃᓴᓂᒃ ᕿᔪᒃᑕᕐᐳᑦ, ᐊᑖᑕᖏᑕᓗ ᐃᑭᓵᕐᓗᓂᒋᑦ, ᐊᕐᓇᖏᓪᓗ ᓂᐊᖂᔭᓕᐊᒃᓴᒥᖕᓂᒃ ᐃᖑᑦᓯᕗᑦ, ᓂᐊᖂᔭᓂᒡᓗ ᖃᓚᑦᑎᕗᑦ ᕿᓚᐅᑉ ᑯᐃᖓᑕ ᐱᓂᐊᕐᑕᖏᓐᓂᒃ. ᐃᒥᕐᑕᐅᔪᒃᓴᓂᒡᓗ ᑐᓂᕐᕈᓯᕐᐳᑦ ᒎᑎᓐᖑᐊᓄᑦ ᐅᕙᓐᓂᒃ ᓂᓐᖓᒃᓮᓪᓗᑎᒃ.

ᐃᓐᖏᕈᑎᑦ 78:58

ᓂᓐᖓᒃᓴᓚᐅᕐᐹᑦ ᑐᒃᓯᐊᕐᕕᓕᐊᒥᖕᓄᑦ ᐳᕐᑐᔪᑦ ᖄᖏᓐᓃᑦᑐᓄᑦ; ᓯᖕᓇᑎᓚᐅᕐᐹᓪᓗ ᓴᓇᓐᖑᐊᕐᓯᒪᔪᓄᑦ ᒎᑎᓐᖑᐊᓄᑦ.

ᑯᕉᓂᑲ ᐂᑉᐸᖏᑦ 33:19

ᑐᒃᓯᐊᕐᓂᖓᓗ, ᖃᓄᕐᓗ ᒎᑎᒧᑦ ᑭᐅᔭᐅᓚᐅᕐᓂᖓ ᕿᓄᓂᖓᓄᑦ, ᐊᔪᕐᑐᓕᓂᓕᒫᖏᓪᓗ ᐅᒃᐱᓚᐅᖏᓐᓂᖓᓗ, ᓇᓂᓗ ᑐᒃᓯᐊᕐᕕᓕᐅᓚᐅᕐᓂᖓ ᒎᑎᓐᖑᐊᓄᑦ ᐋᖅᑭᒃᓱᐃᓚᐅᕐᓂᖓᓗ ᕿᔪᖕᓂᒃ ᐊᓯᕋᒥᒃ ᐊᑎᓕᖕᒥᒃ ᐃᓄᓐᖑᐊᓂᒡᓗ ᓴᓇᓚᐅᕐᓂᖓ, ᒥᑭᒡᓕᑎᓚᐅᖏᓐᓂᕐᒥᓂ, ᑕᑯᒋᑦ, ᑎᑎᕋᕐᓯᒪᕗᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᑎᕋᕐᓯᒪᔪᖁᑎᖏᓐᓂ.

ᒨᓯᓯ ᐂᑉᐸᖏᑦ 34:13

ᑐᓂᕐᕈᓯᕐᕕᖁᑎᖏᓪᓕ ᓯᖁᒥᑕᒃᓴᕆᕙᓯ, ᓇᐸᔪᖁᑎᖏᓪᓗ ᐱᓪᓚᕆᑯᑎᖏᑦ ᐅᔭᕅᑦ ᓄᖑᑎᓪᓗᒋᑦ, ᒎᑎᓐᖑᐊᕆᔭᖏᓪᓗ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᓯᖁᒥᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 3:6

ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ, ᐊᑕᓂᐅᑉ ᐅᖃᕐᕕᒋᕚᖓ, “ᑕᑯᓯᒪᕕᓪᓖ? ᐃᓴᕆᐊᓕᒥᐅᑦ ᐅᒃᐱᕈᒪᖏᑦᑐᑦ ᐃᓕᖅᑯᓯᖏᓐᓂᒃ? ᐱᖑᓕᒫᑦ ᖄᖏᓐᓂ ᓇᐹᕐᑐᐃᓪᓗ ᐊᑖᓐᓂ ᐊᓯᓐᓂᐊᓚᐅᕐᐹᖓ ᐊᖑᓐᓂᐊᕐᑎᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 3:23

ᒎᑎᐅᑉ ᐊᓯᐊᓅᕐᓂᕗᑦ ᐱᖑᐃᑦ ᖄᖏᓐᓂ ᖃᖅᑲᓂᓗ ᐃᑲᔪᕐᓯᒪᓐᖏᓚᑦ ᐅᕙᑦᑎᓐᓂᒃ, ᐊᑕᓂᕐᒥ ᒎᑎᑦᑎᓐᓂ ᑭᓯᐊᓂ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖃᕐᐳᑦ.

ᒨᓯᓯ ᑕᓪᓕᒪᖏᑦ 12:2

ᓄᓇᑖᕆᓕᕐᑕᑦᓯᓐᓂ ᐃᓅᖃᑎᒌᒡᔪᐊᑦ ᒎᑎᒥᖕᓄᑦ ᑐᒃᓯᐊᕐᕕᒋᕙᒃᑕᕕᓂᖏᑕ ᐃᓂᖏᑦ ᐊᑕᖏᓪᓚᕆᒡᓗᒋᑦ ᓄᖑᑦᓯᐊᒐᒃᓴᕆᕙᓯ, ᖃᖅᑬᑦ ᐳᕐᑐᔪᑦ ᖄᖏᓐᓂ ᐱᖑᐃᓪᓗ ᖄᖏᓐᓂ ᓇᐹᕐᑐᐃᓪᓗ ᑐᖑᔪᕐᑕᓕᒫᑦ ᐊᑖᓃᑦᑐᑦ;