ᔨᕆᒤᐊᐅᑉ ᐊᒡᓚᖏᑦ 16:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐱᐅᓯᕆᔭᓕᒫᖏᑦ ᖃᐅᔨᒪᑦᓯᐊᕋᒃᑭᑦ; ᐅᕙᓐᓄᑦ ᐃᔨᕐᓯᒪᖏᒻᒪᑕ, ᐊᔪᕐᑐᓕᓂᖏᓪᓗ ᑕᕐᕆᓯᒪᔪᖃᕋᑎᒃ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 16:17 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᔫᐱᐅᑉ ᐊᒡᓚᖏᑦ 10:14

ᖃᐅᔨᓮᓐᓇᕐᓯᒪᔪᑎᑦ ᓇᐅᒃᑯᑦ ᐊᔪᕐᑐᓕᓂᐊᕐᒪᖔᕐᒪ, ᐱᐅᖏᑦᑐᓕᓂᓐᓂᒡᓗ ᐃᓱᒪᒋᔪᓐᓁᕕᖃᕈᒪᓇᑎᑦ.

ᔫᐱᐅᑉ ᐊᒡᓚᖏᑦ 31:4

ᐊᖅᑯᑎᒋᔭᕋ ᒎᑎᐅᑉ ᑕᑯᓐᓇᓐᖏᓚᐅᒃ? ᐊᓪᓗᕐᓂᓕᒫᒃᑲᓗ ᓈᓴᕈᓐᓇᓐᖏᓔᑦ?

ᐃᓐᖏᕈᑎᑦ 109:15

ᑖᑦᓱᒪ ᐊᔪᕐᓂᖏᑦ ᐊᑕᓂᐅᑉ ᐃᖅᑲᐅᒤᓐᓇᕐᓕᒋᑦ, ᐃᖅᑲᐅᒪᔭᐅᓂᖓ ᓄᓇᒥ ᐲᕐᑕᐅᑦᓯᐊᒻᒪᕆᖁᓪᓗᒍ!

ᐃᓐᖏᕈᑎᑦ 139:3

ᑕᑯᓐᓈᕐᐸᕐᒪ ᐱᓱᒃᑎᓪᓗᖓ ᓇᓪᓚᖓᑎᓪᓗᖓᓗ, ᐱᓇᓱᐊᕐᓂᓕᒫᑦᓯᐊᒃᑲ ᖃᐅᔨᒪᕙᑎᑦ.

ᐃᓐᖏᕈᑎᑦ 33:15

ᐆᒻᒪᑎᖏᑦ ᐊᑐᓂᑦ ᐋᖅᑭᒃᓱᕐᐰᑦ; ᐱᓂᐊᕐᓂᓕᒫᖏᓪᓗ ᐃᓱᒪᒋᕔᑦ.

ᐃᓐᖏᕈᑎᑦ 51:9

ᑮᓁᑦ ᐃᔨᓚᐅᕈᒃ ᐊᔪᕐᓂᓐᓂᑦ, ᐊᓯᐅᑎᓚᐅᒃᑭᓪᓗ ᑕᒪᕐᒥᒃ ᐱᐅᖏᑦᑐᓕᓂᒃᑲ.

ᐃᓐᖏᕈᑎᑦ 90:8

ᐊᔪᕐᑐᓕᓂᕗᑦ ᓵᖕᓄᑦ ᐱᑎᑉᐸᑎᑦ, ᐊᔪᕐᓂᕗᓪᓗ ᐃᔨᕐᓯᒪᔭᕗᑦ ᑮᓇᕐᐱᑦ ᖃᐅᒻᒪᒃᑎᑉᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:3

ᐊᑕᓂᖅ ᑕᐅᑐᒃᐳᖅ ᓇᓃᑦᑐᓕᒫᓂᒃ, ᑕᒪᕐᒥᒃ ᑕᐅᑐᖕᒪᒋᑦ ᐱᐅᖏᑦᑐᑦ ᐱᐅᔪᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:21

ᐊᖑᑎᐅᑉ ᐱᓂᐊᕐᓂᖏᑦ ᐊᑕᓂᐅᑉ ᐃᔨᖏᒃᑕ ᓵᖓᓃᑉᐳᑦ, ᐊᖅᑯᑎᒋᔭᓕᒫᖏᓪᓗ ᑕᑯᓐᓇᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 29:15

ᑲᑉᐱᐊᓐᓇᒦᒃ ᐃᑎᔪᒥᒃ ᐃᔨᕐᓯᒪᓇᓱᒃᑐᑦ ᐊᑕᓂᕐᒧᑦ ᐃᓱᒪᓕᐅᕈᑎᒋᔭᒥᖕᓂᒃ, ᐱᓂᐊᕐᓂᖏᑦ ᑖᕐᑐᒦᑦᑐᑦ; ᐅᖃᕐᓗᑎᒃ, “ᑭᐊ ᑕᑯᓐᓇᕐᐹᑎᒍᑦ? ᑭᐊᓗ ᖃᐅᔨᒪᕚᑎᒍᑦ?”

ᐂᓮᐊᓯᐅᑉ ᐊᒡᓚᖏᑦ 66:18

“ᐱᓂᐊᕐᓂᖏᑦ ᐃᓱᒪᒋᔭᖏᓪᓗ ᖃᐅᔨᒪᒐᒃᑭᑦ, ᑎᑭᑦᓱᒫᕐᐳᖓᓗ ᐃᓅᖃᑎᒌᒡᔪᐊᑦ ᐅᖃᐅᓯᖃᑎᒌᖏᑦᑐᓪᓗ ᑕᒪᕐᒥᒃ ᑲᑎᑎᑦᓴᕐᑐᕐᓗᒋᑦ; ᕾᒍᑎᒡᓗ ᓂᕐᑐᕐᓇᕐᓂᕐᔪᐊᕋ ᑕᑯᔪᒫᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 2:22

ᓴᓗᒻᒪᕐᓴᕋᓗᐊᕈᕕᑦ ᓴᓗᒻᒪᕐᓴᐅᑎᒧᑦ, ᐅᐊᓴᐅᑎᖃᑦᓯᐊᕐᑐᒧᓪᓗ ᐅᐊᓴᕐᓗᑎᑦ, ᐸᓯᔭᒃᓴᐅᓂᕐᐱᑦ ᓴᓗᒪᖏᓐᓂᖓ ᓱᓕ ᑕᑯᒃᓴᐅᕗᖅ ᐅᕙᓐᓄᑦ.” ᐊᑕᓂᖅ ᒎᑎ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:24

ᐃᓄᒃ ᐃᔨᕐᓯᒪᔪᓐᓇᕐᐹ ᖃᐅᔨᒪᓇᖏᑦᑐᒧᑦ ᑕᑯᔪᓐᓇᕐᓂᐊᓐᖏᑕᓐᓂᒃ? ᐊᑕᓂᖅ ᐅᖃᕐᐳᖅ. ᓇᓂᑐᐃᓐᓈᓐᖏᓚᖔ ᕿᓚᖕᒥ ᓄᓇᒥᓗ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 29:23

ᐃᓴᕆᐊᓕᒥ ᓈᒻᒪᖏᑦᑐᓂᒃ ᐱᓇᓱᐊᕐᓯᒪᖕᒪᑎᒃ, ᓯᓚᖅᑲᑎᒥ ᓄᓕᐊᖏᓐᓂᒃ ᐊᓯᓐᓂᐊᖃᑦᑕᕐᓯᒪᖕᒪᑎᒃ, ᐊᑎᕋᓗ ᐊᑐᕐᓗᒍ ᓴᒡᓗᓪᓗᑎᒃ ᐅᖃᖃᑦᑕᕐᓯᒪᓪᓗᑎᒃ, ᐅᖃᖁᓗᒋᑦ ᐅᖃᓚᐅᕐᓯᒪᑎᓐᓇᖓ. ᐅᕙᖓ ᖃᐅᔨᒪᒐᒪ, ᖃᐅᔨᓯᒪᔫᓂᐊᕐᐳᖓ ᑖᒃᑯᓂᖓ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 32:19

ᐃᓱᒪᒋᔭᑎᑦ ᐊᖏᔪᕐᔪᐊᖑᖕᒪᑕ ᐱᓂᐊᕐᓂᕐᑎᓪᓗ ᐊᔪᒐᖃᖏᑦᑐᕐᔪᐊᖑᓪᓗᑎᒃ; ᐃᓄᐃᓪᓗ ᐱᓂᐊᕐᓂᓕᒫᖏᑦ ᑕᑯᓐᓇᕋᕕᒋᑦ, ᐃᓄᐃᓪᓗ ᐱᐅᓯᖏᑦ ᒪᓕᒡᓗᒋᑦ ᐱᔭᕆᐊᖃᓕᕐᑕᖏᓐᓂᒃ ᐱᑎᑦᓯᕙᒃᑲᕕᑦ, ᐊᑭᓕᕐᐸᒃᓗᒋᓪᓗ ᐱᓂᐊᕐᓂᖏᑦ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 7:11

ᐃᒡᓗᖁᑎᒐ ᐊᑎᓐᓂᒃ ᓇᓗᓁᒃᑯᑕᖃᕐᑐᖅ, ᐃᒡᓗᒋᔭᐅᓕᕐᑎᑉᐱᓯᐅᒃ ᑎᒡᓕᒃᑎᓄᑦ? ᑕᑯᒋᑦ ᐅᕙᖓ ᓇᖕᒥᓂᖅ ᑕᑯᓯᒪᕙᕋ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 8:12

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᖃᐅᔨᕖᑦ? ᐃᓴᕆᐊᓕᐅᑉ ᑭᖑᕚᖏᑕ ᓯᕗᓕᕐᑎᖏᑦ ᐃᔨᕋᕐᑐᕐᓗᑎᒃ ᖃᓄᐃᓕᐅᕐᐸᖕᓂᖏᓐᓂᒃ, ᐃᒡᓗᕈᓯᕐᒥ ᐊᑐᓂᑦ ᒎᑎᓐᖑᐊᓂᒃ ᐊᑦᔨᓐᖑᐊᖁᑎᖃᐅᕐᐳᑦ; ᐅᖃᖃᑦᑕᕐᐳᑦ, ‘ᐊᑕᓂᐅᑉ ᑕᑯᓐᓇᓐᖏᓛᑎᒍᑦ, ᐊᑕᓂᐅᑉ ᓄᓇ ᕿᒪᒃᓯᒪᓕᕐᐹ.’”

ᐃᓯᑭᐊᓕᐅᑉ ᐊᒡᓚᖏᑦ 9:9

ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’

ᔨᐸᓁᐊᐅᑉ ᐊᒡᓚᖏᑦ 1:12

“ᑕᒪᓐᓇ ᐊᑐᓕᕐᐸᑦ ᔨᕉᓴᓕᒻ ᕿᓂᕐᕕᒋᔪᒫᕐᐸᕋ ᓇᓂᕈᐊᓄᑦ, ᓱᒋᐊᕈᒫᕐᐸᒃᑲᓗ ᐃᒻᒥᖕᓂᒃ ᓈᒻᒪᒐᓱᒋᔪᑦ ᐱᔪᓐᓇᕋᓱᒋᔪᓪᓗ, ᐆᒻᒪᑎᒥᒍᓪᓗ ᐃᓱᒪᔪᑦ, ‘ᐊᑕᓂᖅ ᐱᐅᔪᓂᒃ ᐱᐅᖏᑦᑐᓂᒡᓘᓐᓃᑦ ᐱᓇᓱᐊᕐᓂᐊᓐᖏᓚᖅ.’

ᓴᑲᕅᐊᐅᑉ ᐊᒡᓚᖏᑦ 4:10

“ᑖᒃᑯᐊᓕ ᖁᕕᐊᒋᓐᖏᑕᖃᕐᐳᑦ, ᓴᓇᔭᐅᔫᑉ ᓱᒃᑬᓗᐊᕐᓂᖓᓂᒃ ᔨᕈᐸᐱᐅᓕ ᓴᓇᕙᓪᓕᐊᔪᖅ ᑕᑯᒍᓂᑦᔪᒃ ᖁᕕᐊᓱᖕᓂᐊᕐᐳᑦ.” ᐂᖏᓕᐅᑉ ᐅᖃᐅᑎᕚᖓ, “ᓇᓂᕈᐊᖃᕐᕖᑦ ᐅᑯᐊ 7ᐅᔪᑦ ᑐᑭᖃᕐᐳᑦ ᐊᑕᓂᐅᑉ ᐃᔨᖏᓐᓂᒃ ᓄᓇᕐᔪᐊᕐᒦᑦᑐᓕᒫᓂᒃ ᑕᐅᑐᒃᑐᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.