ᔨᕆᒤᐊᐅᑉ ᐊᒡᓚᖏᑦ 14:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᔫᑕᒥᐅᑦ ᕿᒃᓵᓕᕐᐳᑦ, ᓄᓇᖓᑦ ᐸᓂᓕᕐᒪᑦ, ᓄᓇ ᐱᓪᓗᒍ ᐅᒡᒍᐊᕐᐳᑦ, ᔨᕉᓴᓕᒥᐅᓪᓗ ᕿᓄᓂᖏᑦ ᑐᓴᕐᓴᐅᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 14:2 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 34:28

ᐊᒃᓱᔪᑦ ᐃᑲᔪᕐᑕᐅᔪᒪᓕᖁᓪᓗᒋᑦ ᑖᑦᓱᒧᖓ, ᐋᓐᓂᐊᓇᕐᑐᒦᑦᑐᑦ ᓂᓪᓕᐊᓕᕐᒪᑕ ᑕᕝᕙ ᑐᓴᓚᐅᕐᐰᑦ.

ᐃᓐᖏᕈᑎᑦ 144:14

ᐃᒻᒧᒃᓯᐅᒐᖁᑎᕗᓪᓗ ᐅᓄᕐᑐᓂᒃ ᕿᑐᕐᖓᕐᑖᖁᓪᓗᒋᑦ, ᑕᒪᐅᓁᓐᓇᖅ ᐃᓄᕐᑐᓂᒃ ᕿᑐᕐᖓᕐᑖᖁᓇᒋᑦ ᐅᕝᕙᓗ ᑐᖁᔨᐊᖃᖁᓇᒋᑦ; ᐊᒃᓱᕈᕐᓇᕐᑐᓂᒡᓗ ᓂᓪᓕᐊᔪᖃᖁᓇᒍ ᐊᖅᑯᑎᑦᑎᓐᓂ.

ᒨᓯᓯ ᐂᑉᐸᖏᑦ 2:24

ᓂᓪᓕᐊᓂᖓᑦ ᐃᓖᔭᕆᔭᐅᓂᕐᒧᑦ ᒎᑎᐅᑉ ᑐᓴᕋᒥᐅᑉ ᐊᖏᖃᑎᒌᒍᑎᒋᓚᐅᕐᑕᓂ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐃᖅᑲᕐᐹ.

ᐂᓮᐊᓯᐅᑉ ᐊᒡᓚᖏᑦ 15:5

ᒧᐊᐱᒥᐅᑦ ᐆᒻᒪᑎᒃᑯᑦ ᕿᐊᑦᔪᑎᒋᕙᒃᑲ; ᐃᓄᖏᑦ ᕿᒫᕗᑦ ᔪᐊᕆᒥᐅᓄᑦ, ᐃᒡᓚᑦ-ᓯᓕᓯᔭᒧᓪᓗ, ᐃᓚᖏᓪᓗ ᐊᖅᑯᑎᒃᑯᑦ ᓗᕼᐃᑎᐅᑉ ᒪᔪᖅᑲᖓᒎᕐᓗᑎᒃ, ᕿᐊᓪᓗᑎᒃ ᐊᖅᑯᑎᒥᖕᓂ: ᐃᓚᖏᓪᓗ ᐊᓐᓇᒋᐊᕐᐳᑦ ᕼᐅᕈᓁᒥᒧᑦ ᕿᐊᓪᓗᑎᒃ; ᓂᐱᖅᑯᕐᑐᓪᓗᑎᒃ ᕿᐊᕗᑦ ᐊᓯᕈᕐᑕᐅᓂᑎᒃ ᐱᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 24:11

ᐊᖅᑯᑎᓂ ᕾᒐᓛᕐᑐᑦ ᑐᓴᕐᓴᐅᕗᑦ ᕔᓂᒥᒃ ᐃᒥᒐᒃᓴᒥᒃ ᐊᔪᕐᓇᕐᓯᖕᒪᑦ, ᖁᕕᐊᓇᕐᑐᖃᓚᐅᕐᓯᒪᑦᔮᖏᑦᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒥ ᖁᕕᐊᓇᕐᑐᖃᕈᓐᓃᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 24:4

ᓄᓇᕐᔪᐊᖅ ᐸᓂᕐᓂᕐᒧᑦ ᑐᖁᓕᔪᒫᕐᐳᖅ, ᓄᓇᕐᔪᐊᕐᒥᐅᓕᒫᑦ ᓄᑮᕈᑎᓕᕈᒫᕐᐳᑦ: ᓄᓇᓗ ᓯᓚᓗ ᑕᒪᕐᒥᒃ ᐱᐅᔪᓐᓃᕐᐸᓪᓕᐊᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 24:7

ᐅᕐᐲᑦ ᕔᓂᒃᓴᓄᑦ ᐱᕈᕐᕕᐅᕙᒃᑐᑦ ᑐᖁᓕᕙᓪᓕᐊᓕᕐᐳᑦ, ᖁᕕᐊᓱᒃᐸᓚᐅᕐᑑᒐᓗᐊᑦ ᒫᓐᓇᓕ ᖁᕕᐊᓱᒍᓐᓁᓪᓕᕗᑦ.

ᐂᓮᐊᓯᐅᑉ ᐊᒡᓚᖏᑦ 3:26

ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 33:9

ᓄᓇ ᕿᒃᓵᓕᕐᐳᖅ ᓴᓐᖐᓕᓪᓗᓂᓗ; ᓕᐸᓇᓂᐅᑉ ᓇᐹᕐᑐᒐᓴᒃᔪᐊᖏᑦ ᓇᓗᓕᕐᓂᕐᒧᑦ ᑐᖁᓕᕗᑦ; ᓵᕋᓂᐅᑉ ᓇᑎᕐᓇᖓ ᓱᓇᖃᔪᐃᑦᑐᑎᑐᑦ ᑍᒤᓕᕐᐳᖅ; ᐹᓴᓂᒥ ᑳᕐᒥᐅᓪᒥᓗ ᓇᐹᕐᑐᐃᑦ ᐅᖃᐅᔭᖏᑦ ᑲᑕᒐᕐᓯᒪᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᔨᕆᒤᐊᐅᑉ ᐊᒡᓚᖏᑦ 11:11

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐱᐅᖏᑦᑐᒧᑦ ᑎᑭᑕᐅᑎᓐᓂᐊᕐᐸᒃᑲ ᕿᒫᔪᓐᓇᕐᓂᐊᓐᖏᑕᖓᓐᓂᒃ, ᐅᕙᓐᓂᒃ ᑕᑎᖃᕋᓱᒃᑲᓗᐊᕐᐸᑕ, ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 12:11

ᓄᓇᓕᒫᖅ ᐊᑐᕐᑐᒃᓴᐅᔪᓐᓃᕐᐳᖅ, ᓱᓇᑕᖃᕈᓐᓃᕐᐳᖅ, ᐅᕙᓐᓄᑦ ᕿᒃᓵᒡᓗᓂ ᕿᐊᕗᖅ. ᓄᓇᓕᒫᖅ ᐊᑐᕐᕕᒃᓮᕈᑎᕗᖅ, ᑭᓇᒧᓪᓘᓐᓃᑦ ᐃᒃᐱᒋᔭᐅᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 12:4

ᖃᓄᖅ ᐊᑯᓂᐅᑎᒋᔪᒥᒃ ᓄᓇ ᕿᒃᓵᖕᓂᐊᕐᐹ? ᐃᕕᒃᓱᒐᕕᓂᖏᓪᓗ ᑐᖁᓕᓗᑎᒃ? ᐃᓄᖏᑕ ᐱᐅᖏᓐᓂᖏᓐᓄᑦ, ᐆᒪᔪᑦ ᑎᖕᒥᐊᓪᓗ ᑐᖁᕋᓕᕐᐳᑦ, ᐅᖃᕐᒪᑕ, ‘ᐊᑕᓂᐅᑉ ᐱᐅᓯᕗᑦ ᖃᐅᔨᒪᓐᖏᓔ.’

ᔨᕆᒤᐊᐅᑉ ᐊᒡᓚᖏᑦ 18:22

ᐃᒡᓗᖏᓐᓂ ᕿᐊᕙᓗᒃᑐᑦ ᑐᓴᕐᓴᐅᓕᕐᓕᑦ, ᑎᑭᑕᐅᑲᓪᓚᒃᑎᓪᓗᒋᑦ ᓵᓚᖃᕆᐊᕐᑐᕐᑐᓂᑦ, ᐃᔪᒃᑲᕐᕕᒃᓴᓐᓂᒃ ᐃᑎᕐᓴᓕᐅᕆᓚᐅᕐᒪᑕ, ᓂᒐᕐᕕᒃᓴᓕᐅᕐᓗᓂᖓᓗ ᐃᑎᒐᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 4:28

ᓄᓇᕐᔪᐊᖅ ᕿᒃᓵᖕᓂᐊᕐᐳᖅ, ᕿᓚᒡᓗ ᑖᕐᓯᓗᓂ, ᐊᑕᓂᐅᔪᖓ ᐅᖃᕋᒪ ᐅᒡᒍᐊᕈᑎᒋᑦᔮᓐᖏᓚᕋᓗ, ᐃᓱᒪᒋᔭᕋ ᓴᖑᑎᓐᓂᐊᕐᓇᒍ.”

ᔨᕆᒤᐊᐅᑉ ᐊᒡᓚᖏᑦ 46:12

ᐃᓅᖃᑎᒌᒡᔪᐊᓄᑦ ᑲᓐᖑᓇᕐᑐᒦᓐᓂᓯ ᑐᓴᐅᒪᔭᐅᓕᕐᐳᖅ, ᕿᐊᓂᓯᓗ ᓄᓇᕐᔪᐊᓕᒫᒥ ᑐᓵᔭᐅᓕᕐᐳᖅ, ᐅᓇᑕᕐᑎ ᐹᓪᓚᒃᐳᖅ ᐅᓇᑕᕐᑎᐅᖃᑎᒥᓄᑦ; ᑕᕝᕙ ᑕᒪᖏᒃ ᐅᕐᕈᖃᑎᒌᒃᐴᒃ.

ᔨᕆᒤᐊᐅᑉ ᐊᒡᓚᖏᑦ 8:21

ᐃᓄᖁᑎᒪ ᑭᓪᓕᒃᑕᐅᓂᖏᓐᓄᑦ ᐆᒻᒪᑎᒐ ᑭᓪᓕᒃᑕᐅᖃᑕᐅᕗᖅ, ᕿᒃᓵᒃᐳᖓ ᑲᑉᐱᐊᓱᖃᑕᐅᓪᓗᖓᓗᑦᑕᐅᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:8

ᓮᐅᓂᐅᑉ ᐊᕙᓗᕐᔪᐊᖏᑦ ᐅᕐᕈᑎᑕᐅᖁᓪᓗᒋᑦ ᐊᑕᓂᐅᑉ ᑲᔪᓯᑎᑉᐹ, ᐆᒃᑐᕋᐅᑎᒧᑦ ᐆᒃᑐᕋᕐᐹ ᐊᓯᕈᕐᑕᐅᓂᒃᓴᖓ ᓇᓪᓕᐅᑎᖁᓪᓗᒍ, ᓇᐸᔪᕐᔪᐊᖏᑦ ᐃᒡᓗᒐᓮᓪᓗ ᐊᑭᓐᓇᖏᑦ ᐊᓯᕈᕐᑕᐅᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:9

ᔨᕉᓴᓕᐅᑉ ᐃᑎᕐᑕᕐᕕᖏᑦ ᓄᓇᒧᑦ ᒪᖑᒃᑎᑉᐰᑦ, ᐹᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᐰᑦ, ᐊᖓᔪᖅᑳᕐᔪᐊᖓᑦ ᐃᕐᓂᖏᓪᓗ ᐊᐅᓪᓚᕈᑦᔭᐅᕗᑦ ᐃᓅᖃᑎᒌᒡᔪᐊᓄᑦ; ᐱᖁᔭᖏᓪᓗ ᐊᑑᑎᔪᓐᓁᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᐊᑕᓂᕐᒥᑦ ᐱᔪᓂᒃ ᑕᑯᑎᑕᐅᕙᒍᓐᓁᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:10

ᑳᓗᐊᕐᓂᑯᒧᑦ ᐆᑎᕐᓇᕐᓯᖃᑦᑕᕐᐳᒍᑦ ᐅᕕᓂᕗᑦ ᐆᑎᕐᓇᕐᓂᑯᒧᑦ ᐃᒐᕕᒃᑎᑐᑦ ᐆᓇᕐᑎᒋᕙᒃᐳᑦ.

ᕼᐆᓯᐊᑉ ᐊᒡᓚᖏᑦ 4:3

ᑍᒤᒻᒪᑦ ᓄᓇ ᕿᒃᓵᓕᕐᐳᖅ, ᑕᒫᓂᓗ ᐃᓂᖃᕐᑐᓕᒫᑦ ᓂᐹᓕᕐᐳᑦ, ᐆᒪᔪᐃᓪᓗ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ; ᐃᖃᓗᐃᓪᓗ ᐊᒡᓛᑦ ᓄᖑᑕᐅᓕᕐᐳᑦ.”

ᔪᐃᓕᐅᑉ ᐊᒡᓚᖏᑦ 1:10

ᐱᕈᕐᓰᕖᑦ ᐊᑐᕈᓐᓁᕐᐳᑦ; ᓄᓇᓗ ᕿᒃᓵᒃᐳᖅ, ᓂᐊᑰᔭᒃᓮᑦ ᐊᓯᕈᕐᑕᐅᓂᖏᓐᓄᑦ, ᐸᐅᕐᖎᓪᓗ ᐸᓂᕐᐳᑦ ᕔᓂᒃᓮᑦ, ᓇᐹᕐᑐᐃᓪᓗ ᐅᕐᓱᒃᓴᕐᑕᓖᑦ ᑐᖁᓕᕗᑦ.

ᔪᐃᓕᐅᑉ ᐊᒡᓚᖏᑦ 1:11

ᐅᒡᒍᐊᓕᕆᑦᓯ ᐃᓕᑦᓯ ᐱᕈᕐᓰᕕᓕᕆᔨᐅᔪᓯ, ᕿᐊᓕᕆᑦᓯ ᐃᓕᑦᓯ ᕔᓂᓕᐅᕐᑎᐅᔪᓯ, ᕿᒃᓵᒍᑎᒋᓕᕐᓯᒋᒃ ᐃᕖᑦ ᓂᐊᑰᔭᒃᓮᓪᓗ ᐱᕈᕐᓰᕕᖕᒥ ᐊᓯᕈᕐᑕᐅᖕᒪᑕ.

ᔪᐃᓕᐅᑉ ᐊᒡᓚᖏᑦ 1:14

ᓂᕆᑦᑍᓕᖁᔨᒋᑦᓯ, ᑲᑎᖁᔨᓗᓯ ᐃᓄᓕᒫᓂᒃ; ᓯᕗᓕᕐᑏᑦ ᑲᑎᖁᓯᒋᑦ ᔫᑕᐅᓪᓗ ᐃᓄᓕᒫᖏᑦ, ᐊᑕᓂᐅᑉ ᒎᑎᓯ ᐃᒡᓗᖓᓄᑦ, ᑐᒃᓯᐊᕐᓗᓯ ᕿᓄᒋᑦᓯ ᐊᑕᓂᕐᒧᑦ.

ᔪᐃᓕᐅᑉ ᐊᒡᓚᖏᑦ 2:6

ᐃᓄᐃᑦ ᓯᕗᓂᐊᓃᑦᑐᑦ ᓴᔪᒃᐳᑦ ᑲᑉᐱᐊᓱᖕᓂᕐᒧᑦ, ᑮᓇᖏᓪᓗ ᐊᐅᖏᕈᑎᕗᑦ.

ᕼᐊᒊᑉ ᐊᒡᓚᖏᑦ 1:11

ᓄᓇ ᐸᓂᕐᑎᓚᐅᕐᐸᕋ ᐱᕈᕐᓰᕖᑦ ᖃᖅᑬᓪᓗ, ᓂᐊᖂᔭᒃᓮᓪᓗ, ᕔᓂᒃᓮᓪᓗ, ᐱᕈᕐᑐᐃᓪᓗ ᐅᕐᓱᖏᑦ ᓱᓇᑐᐃᓐᓁᓪᓗ ᓄᓇᐅᑉ ᐱᕈᕐᑎᑕᖏᑦ, ᐃᓄᖕᓄᑦ ᐆᒪᔪᖁᑎᑦᓯᓐᓄᓪᓗ, ᐊᒡᒐᑦᓯᓗ ᓴᓇᔭᓕᒫᖏᑦ.’”

ᓴᑲᕅᐊᐅᑉ ᐊᒡᓚᖏᑦ 7:13

ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ, “ᓂᓪᓕᐊᒐᒪ ᓈᓚᒍᒪᓚᐅᖏᓚᑦ, ᑍᒤᒻᒪᑦ ᓂᓪᓕᐊᒐᓗᐊᕐᒪᑕ ᐅᕙᓐᓄᑦ ᓈᓚᒍᒪᓚᐅᓐᖏᓚᒃᑲ.

ᓴᒧᐃᓕ ᓯᕗᓪᓖᑦ 5:12

ᑍᒃᑯᐊᓗ ᑐᖁᖏᑦᑑᒐᓗᐊᑦ ᐋᓐᓂᐊᓇᕐᑐᕐᑖᓚᐅᕐᐳᑦ ᐋᖅᑭᒃᑕᐅᔪᓐᓇᖏᑦᑐᓂᒃ, ᐃᓄᐃᓪᓗ ᐃᒡᓗᒐᓴᓃᑦᑐᑦ ᐃᓗᖏᕐᓱᕐᓗᑎᒃ ᓂᓪᓕᐊᓂᖏᑦ ᕿᓚᖕᒧᑦ ᑎᑭᐅᒪᓕᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 9:16

“ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᑎᓕᓯᕕᒋᔪᒫᕐᐸᒋᑦ ᐊᖑᒻᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ; ᑖᓐᓇ ᐅᕐᓱᕐᑎᕈᒫᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ. ᑖᑦᓱᒪ ᐃᓄᖁᑎᒃᑲ ᐱᐅᓕᔪᒫᕐᐰᑦ ᐱᓕᔅᑍᓂᒥᐅᓂᑦ; ᐃᓄᖁᑎᒪ ᐅᖁᒤᑦᑐᒦᓐᓂᖏᑦ ᑕᑯᓯᒪᓕᕋᒃᑭᑦ, ᓂᓪᓕᐊᓂᖏᑦ ᐅᕙᓐᓄᑦ ᑎᑭᓯᒪᓕᕐᒪᑕ.”