ᔨᕆᒤᐊᐅᑉ ᐊᒡᓚᖏᑦ 12:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᖃᑕᓐᖑᑎᕕᓪᓗ ᐃᒡᓗᒥᐅᖃᑎᕕᓪᓗ ᐊᒡᓛᑦ ᐊᑭᕋᕐᑐᓕᕐᐹᑎᑦ, ᐃᓕᖕᓂᒡᓗ ᐊᑭᕋᕐᑐᕐᑐᓂᒃ ᐃᑲᔪᕐᑐᐃᓕᕐᒪᑕ, ᐅᒃᐱᕆᑦᑍᓕᒃᑭᑦ ᐅᖃᓪᓚᑦᓯᐊᕐᑑᔮᕋᓗᐊᕐᐸᑕ ᐃᓕᖕᓄᑦ.”

ᔨᕆᒤᐊᐅᑉ ᐊᒡᓚᖏᑦ 12:6 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:25

ᐱᑦᓯᐊᕐᓗᓂ ᐅᖃᕐᐸᑦ, ᐅᒃᐱᕆᓂᐊᕐᓇᒍ, ᐆᒻᒪᑎᒥᒍᑦ ᐃᔨᕐᓯᓯᒪᖕᒪᑦ 7ᓂᒃ ᐊᑭᕋᕐᑐᕐᓂᕐᔪᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 9:4

ᐃᓚᓐᓇᕆᔭᑎᑦ ᐅᑦᔨᕆᑦᓯᐊᒃᑭᑦ; ᖃᑕᓐᖑᑏᑦ ᐅᒃᐱᕆᑦᑍᓕᒍᒃ, ᖃᑕᓐᖑᑎᒌᑦ ᓴᒡᓗᕿᖃᑦᑕᐅᑎᔪᐃᓐᓇᐅᓕᕐᒪᑕ, ᐃᓚᓐᓈᕇᓪᓗ ᓱᓕᓂᖃᕈᓐᓃᕐᓗᑎᒃ ᐅᖃᐅᓯᖏᑦ.

ᐃᓐᖏᕈᑎᑦ 12:2

ᓱᓕᖏᑦᑐᓂᒃ ᐅᖃᐅᓯᖃᕐᐳᑦ ᐃᓅᖃᑎᒥᖕᓄᑦ; ᖃᓂᕐᒥᖕᓄᑦ ᐱᐅᔪᕆᔪᒧᑦ, ᐆᒪᒻᒧᓪᓗ ᑕᒃᑯᕐᒨᕐᑐᒧᑦ ᓂᓪᓕᐊᕗᑦ.

ᒫᑎᐅᓯᐅᑉ ᐊᒡᓚᖏᑦ 10:21

“ᐊᖑᑦ ᐱᔭᐅᒃᑬᔪᒫᕐᐳᖅ ᖃᑕᓐᖑᑎᒥᓂᒃ ᑐᖁᑎᑕᐅᖁᓪᓗᒍ, ᐊᑖᑕᐅᔪᕐᓗ ᑍᒫᑦᓮᓐᓇᖅ ᐱᔪᒫᕆᕗᖅ ᕿᑐᕐᖓᒥᓄᑦ; ᕿᑐᕐᖓᕐᓗ ᐊᖓᔪᖅᑳᒥᖕᓂᒃ ᐊᑭᕋᕐᑐᓕᕈᒫᕐᐳᑦ ᑐᖁᑕᐅᑎᑦᓯᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 11:21

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖑᑎᓄᑦ ᓄᓇᒥ ᐊᓇᑑᑎᒦᑦᑐᓄᑦ, ᑐᖁᑦᓯᔪᒪᔪᓄᑦ ᐃᓕᖕᓂᒃ ᐅᖃᕐᓗᑎᒡᓗ, ‘ᐊᑕᓂᐅᑉ ᐊᑎᖓᓂ ᐅᖃᖁᔭᖏᓐᓂᒃ ᐅᖃᕐᑍᓕᒋᑦ, ᐅᖃᑐᐊᕈᕕᑦ ᑐᖁᓐᓂᐊᕐᐸᑦᑎᒋᑦ.’”

ᔨᕆᒤᐊᐅᑉ ᐊᒡᓚᖏᑦ 11:19

ᖃᐅᔨᒪᓇᖓᓕ ᓄᕐᕋᐅᔭᕐᑎᑐᑦ ᑐᖁᑕᐅᕕᒃᓴᒥᓄᑦ ᐋᑕᐅᓕᕐᑐᑎᑐᑦ ᑍᒤᓚᐅᕐᐳᖓ. ᖃᐅᔨᒪᓚᐅᓐᖏᓚᖓ ᐋᖅᑭᒃᓱᐃᓯᒪᔪᕕᓂᐅᓕᕐᑎᓪᓗᒋᑦ ᑐᖁᑦᓯᔪᒪᓪᓗᑎᒃ ᐅᕙᓐᓂᒃ, ᐅᖃᕐᓗᑎᒃ, “ᓇᐹᕐᑐᖅ ᐊᓯᕈᓚᐅᕐᓚᕗᑦ ᐱᕈᕐᑐᖏᓪᓗ ᐆᒪᔪᑦ ᓄᓇᖓᓂᑦ ᓇᑲᓚᐅᕐᓚᕗᑦ, ᐊᑎᖓᓗ ᐃᖅᑲᐅᒪᔭᐅᔪᓐᓁᖁᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 18:12

ᒑᓕᐅ ᐊᖓᔪᖅᑳᓐᖑᕐᑎᑕᐅᖕᒪᑦ ᐊᑬᐊᒥ, ᔫᑎᑦ ᑕᐱᕇᓕᓗᑎᒃ ᐸᐅᓗᓯ ᑎᒍᕚᑦ ᐃᖅᑲᕐᑐᐃᕕᖕᒧᓪᓗ ᐱᑎᑉᐹᑦ.

ᔨᕆᒤᐊᐅᑉ ᐊᒡᓚᖏᑦ 20:10

ᐅᖃᐅᓯᐅᓂᓐᓂᒃ ᑐᓴᖃᑦᑕᕐᐳᖓ, ᐅᕙᓐᓂᒃ ᐊᕙᑎᓕᒫᓐᓂᑦ ᑲᑉᐱᐊᓵᕆᔪᓂᒃ, ᐅᖃᐅᓯᐅᖁᔨᔪᑦ ᐅᖃᐅᓯᖃᕈᒪᔪᓪᓗ, ᐃᓚᓐᓇᕆᔭᓕᒫᒃᑲ ᐅᑕᖅᑭᕗᑦ ᑕᒻᒪᕐᓂᐊᕐᒪᖔᕐᒪ, ᐅᖃᕐᓗᑎᒃ, “ᐃᒻᒪᖄ ᓯᓔᕐᕆᔭᐅᓂᐊᕐᐳᖅ, ᐋᖅᑭᒋᐊᕐᓂᐊᕐᐸᕗᑦ ᑕᕝᕙ.”

ᐃᓐᖏᕈᑎᑦ 69:8

ᑕᑯᓕᒪᓇᖏᑦᑑᓕᕐᐳᖓ ᖃᑕᓐᖑᑎᓐᓄᑦ, ᐃᓚᒋᔭᐅᖏᑦᑐᑎᑐᑦ ᑍᒤᓕᕐᐳᖓ ᐊᓈᓇᒪ ᕿᑐᕐᖓᖏᓐᓄᑦ.

ᔫᐱᐅᑉ ᐊᒡᓚᖏᑦ 6:15

ᐃᓚᒃᑲ ᐅᕙᓐᓂᒃ ᓴᓂᖅᑯᐃᓐᓁᓯᒪᕗᓯ, ᑰᒃᑎᑐᑦ ᐃᖏᕐᕋᔪᑎᑐᑦ.

ᔪᐊᓇᓯᐅᑉ ᐊᒡᓚᖏᑦ 7:5

ᐊᒡᓛᑦ ᖃᑕᓐᖑᑎᖏᑦ ᐅᒃᐱᓚᐅᖏᒻᒪᑕ ᔩᓱᓯᒥᒃ.

ᒫᑯᓯᐅᑉ ᐊᒡᓚᖏᑦ 12:12

ᑖᒃᑯᐊ ᔩᓱᓯ ᑎᒍᔪᒪᒐᓗᐊᕐᐹᑦ, ᐃᓄᒐᓴᒡᔪᐊᓂᒡᓕ ᑲᑉᐱᐊᓱᒃᐳᑦ, ᒪᓗᒍᓱᓕᕋᒥᒃ ᑕᒪᑐᒧᖓ ᐊᑦᔨᐅᔪᒧᑦ ᐅᖃᐅᓯᐅᓂᕐᒥᖕᓂᒃ; ᑍᒤᒻᒪᑦ ᕿᒪᒃᐰᑦ ᐊᓯᐊᓄᐊᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 31:4

ᐃᒫᒃ ᐊᑕᓂᐅᑉ ᐅᖃᕐᕕᒋᓚᐅᕐᐹᖓ, “ᓛᔭ ᐃᕐᓯᓵᕐᐸᑦ ᐅᕝᕙᓗ ᓛᔭ ᐃᓅᓱᒃᑐᖅ ᐃᕐᓯᓵᕐᐸᖕᒪᑦ ᐅᒋᐊᕐᑕᒥᓂᒃ ᓴᐳᓐᓂᐊᕐᓗᑎᒃ, ᓰᐱᓕᕆᔩᓪᓗ ᐅᓄᕐᑐᑦ ᕾᒐᓛᕋᓗᐊᕐᐸᑕ ᓂᐱᒥᖕᓄᑦ ᕿᒫᑎᑦᓯᓂᐊᓐᖏᓚᑦ ᑖᑦᓱᒥᖓ, ᑍᒫᒃᑕᐅᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑎᑭᓐᓂᐊᕆᕗᖅ ᓴᐳᓐᓂᐊᕆᐊᕐᑐᕐᓗᓂ ᓮᐅᓂᐅᑉ ᖃᖅᑲᖓᓂᒃ ᐱᖑᖏᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 16:22

ᐃᓄᒋᐊᒃᑐᓪᓗ ᐃᓚᐅᓕᕐᐳᑦ ᐊᑭᕋᕐᑐᕐᓗᑎᒃ ᐸᐅᓗᓯᒥᒃ ᓮᓚᓯᒥᒡᓗ. ᕉᒪᒥᐅᑦ ᐊᖓᔪᖅᑳᖏᑕ ᐸᐅᓗᓯᐅᑉ ᓮᓚᓯᐅᓪᓗ ᐊᓐᓄᕌᖏᑦ ᐲᕐᐰᑦ, ᑏᒐᕐᑐᕐᑕᐅᖁᓪᓗᒋᒃᓗ.

ᔨᕆᒤᐊᐅᑉ ᐊᒡᓚᖏᑦ 9:2

ᓄᓇᒥᓗ ᓯᐅᕅᓐᓇᕐᒥ ᓯᓂᒃᑕᕐᕕᒃᑕᖃᕐᐸᑦ ᐃᖏᕐᕋᕙᒃᑐᓄᑦ, ᐃᓅᖃᑎᒃᑲ ᕿᒪᒡᓗᒋᑦ ᐊᐅᓪᓚᕋᔭᕋᓗᐊᕐᐳᖓ, ᐊᓯᓐᓂᐊᕐᑏᓐᓇᐅᖕᒪᑕ ᐅᒃᐱᕐᓇᖏᑦᑐᐃᓐᓇᐅᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 9:5

ᐃᓚᓐᓇᕇᑦ ᓴᒡᓗᕿᖃᑦᑕᐅᑎᑐᐃᓐᓇᓕᕐᒪᑕ, ᓱᓕᔪᓂᒡᓗ ᐅᖃᐅᓯᖃᕐᑐᖃᕈᓐᓁᓪᓕᓪᓗᓂ, ᓴᒡᓗᔭᕆᐅᕐᓴᓂᕐᒥᒃ ᐅᖃᕆᐅᕐᓴᕙᓕᕐᒪᑕ, ᐊᔪᕐᑐᓕᓂᕐᒧᑦ ᐃᒥᖕᓂᒃ ᑕᖃᑎᑐᐃᓐᓇᕐᐸᓕᕐᐳᑦ.

ᐃᓐᖏᕈᑎᑦ 12:3

ᐊᑕᓂᐅᑉ ᑭᐱᑎᑦᓱᒫᓕᕐᐰᑦ ᐱᐅᔪᕆᓂᕐᒥᒃ ᓂᓪᓕᐊᔪᑦ, ᐅᕾᓪᓗ ᐱᐅᔪᕆᑦᔪᑎᒥᖕᓂᒃ ᓂᓪᓕᐊᔪᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:8

ᓂᕿ ᑕᒧᐊᔧᑦ, ᒥᕆᐊᕆᓂᐊᕐᐸᑦ, ᐅᖃᐅᓯᕐᑎᓪᓗ ᐱᐅᔪᑦ ᑕᒪᐅᖓᑐᐃᓐᓈᕐᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 9:3

ᐅᖃᕐᑎᒃ ᐱᑎᒃᓯᑐᑦ ᓂᐅᓐᖓᒃᑎᑉᐰᑦ, ᐅᖃᕆᐊᕈᒪᓪᓗᑎᒃ ᓱᓕᖏᑦᑐᓂᒃ; ᓄᓇᖓᓐᓂ ᓴᒡᓗᓂᖅ ᓵᓚᖃᖔᓕᕐᐳᖅ ᓱᓕᓂᕐᒥᒃ. “ᐃᓄᖁᑎᒃᑲ ᐊᔪᕐᑐᓕᓂᕐᒥᑦ ᐊᔪᕐᑐᓕᓂᕐᒧᑦ ᐅᑎᕐᑕᑐᐃᓐᓇᓕᕐᒪᑕ ᐊᕙᒻᒧᑦ, ᐅᕙᓐᓂᒃ ᐅᖃᐅᓯᖃᕐᑐᖃᓐᖏᓚᖅ ᒎᑎᐅᓂᕋᕐᓗᖓ,” ᐊᑕᓂᖅ ᐅᖃᕐᐳᖅ.