ᔨᕆᒤᐊᐅᑉ ᐊᒡᓚᖏᑦ 11:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ “ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᕈᕐᑎᓚᐅᕋᓗᐊᕐᒪᓯ, ᐃᓴᕆᐊᓕᒥᐅᓪᓕ ᔫᑕᒥᐅᓪᓗ ᐅᕙᓐᓂᒃ ᓂᓐᖓᒃᓮᓯᒪᕗᑦ ᐱᐅᖏᑦᑐᓕᓂᕐᒥᖕᓄᑦ, ᑐᓂᕐᕈᓯᕐᓗᑎᒃ ᒎᑎᓐᖑᐊᒧᑦ ᐰᓕᒧᑦ.”

ᔨᕆᒤᐊᐅᑉ ᐊᒡᓚᖏᑦ 11:17 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:10

ᐃᓂᒃᓴᒥᒃ ᓂᕈᐊᕐᓂᐊᕐᐳᖓ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐃᓂᖃᑦᓯᐊᖁᓪᓗᒋᑦ, ᓇᖕᒥᓂᖅ ᓄᓇᖃᖁᓪᓗᒋᑦ, ᐸᕝᕕᓴᒃᑕᐅᖃᑦᑕᖏᓪᓗᑎᒃ ᓇᓪᓕᐊᓐᓄᓪᓘᓐᓃᑦ; ᐃᓴᒋᔭᖃᖏᑦᑐᓄᓪᓗ ᐸᒡᕕᓴᒃᑕᐅᖃᑦᑕᕈᓐᓁᖁᓪᓗᒋᑦ, ᓯᕗᓕᕆᓚᐅᕐᑕᖏᑎᑐᑦ.

ᑯᕉᓂᑲ ᐂᑉᐸᖏᑦ 28:25

ᔫᑕᐅᓪᓗ ᐃᒡᓗᒐᓴᓕᒫᖏᓐᓂ ᒎᑎᓐᖑᐊᓄᑦ ᑐᒃᓯᐊᕐᕕᖕᓂᒃ ᓴᓇᕗᖅ ᑎᐱᑦᓯᐊᕆᒃᑐᓂᒃ ᐃᑯᐊᓚᑎᑦᓯᕕᒃᓴᓂᒃ ᒎᑎᓐᖑᐊᓄᑦ, ᑕᒪᑐᒧᖓᓗ ᐊᑕᓂᖅ ᓂᓐᖓᒃᓴᓚᐅᕐᐹ, ᓯᕗᓕᖏᑕ ᒎᑎᖓᑦ.

ᐃᓐᖏᕈᑎᑦ 44:2

ᐃᓅᖃᑎᒌᒡᔪᐊᑦ ᐊᒡᒐᖕᓄᑦ ᐊᐅᓪᓚᕐᑎᓚᐅᕋᕕᒋᑦ, ᐊᑖᑕᕗᓪᓗ ᓄᓇᒃᓴᖏᓐᓄᐊᕐᑎᓪᓗᒋᑦ; ᐃᓄᐃᑦ ᓵᓚᒋᓚᐅᕐᐸᑎᑦ ᐊᐅᓪᓚᕐᑎᓪᓗᒋᓪᓗ.

ᐃᓐᖏᕈᑎᑦ 80:15

ᑕᓕᕐᐱᖕᓄᑦ ᓇᑉᐸᕐᑎᓚᐅᕐᑍᑦ, ᑖᓐᓇ ᕔᓂᒃᓴᓕᒃ ᓴᓐᖏᔪᕈᕐᑎᓚᐅᕋᕕᐅᒃ ᐱᓪᓗᑎᑦ.

ᐃᓐᖏᕈᑎᑦ 80:8

ᓇᐹᕐᑐᖅ ᕔᓂᓕᒃᓴᖅ ᐂᓚᐅᕐᐸᑦ ᐄᑦᔨᑉᑎᒥᑦ; ᐃᓅᖃᑎᒌᒡᔪᐊᑦ ᓄᓇᖏᓐᓂᑦ ᐊᐅᓪᓚᐅᑎᓪᓗᒍ ᓄᓇᖏᓐᓄᑦ ᐃᓕᖔᓚᐅᕐᐸᑦ.

ᐂᓮᐊᓯᐅᑉ ᐊᒡᓚᖏᑦ 5:2

ᓄᓇ ᐳᐊᕐᕆᔭᓚᐅᕐᐹ ᐅᔭᕅᔭᕐᓗᒍᓗ; ᐃᓕᐅᕅᕕᒋᓚᐅᕐᐹ ᕔᓂᒃᓴᓂᒃ ᐱᐅᓂᕐᐹᓂᒃ; ᐳᕐᑐᔪᒥᒡᓗ ᕿᑎᖓᓂ ᐃᒡᓗᓕᐅᕐᐳᖅ ᖃᐅᔨᓴᕐᕕᖕᒥᒃ, ᐃᑎᕐᓴᓕᐅᓪᓗᓂᓗ ᕔᓂᒃᓴᓂᒃ ᐃᑦᑏᔧᕕᒃᓴᒥᓂᒃ, ᕔᓂᒃᓮᓪᓗ ᐱᕈᕇᕐᓯᐊᕆᓕᕐᐰᑦ, ᐱᐅᔪᓂᒃ ᓂᕆᐅᒡᓗᓂ, ᕔᓂᒃᓮᓪᓕ ᐱᕈᕇᕋᓗᐊᕐᒪᑕ ᐱᐅᖏᑦᑐᓂᒃ ᐸᐅᕐᖓᖃᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 1:14

ᐊᑕᓂᐅᑉ ᐅᖃᐅᑎᕚᖓ, “ᐅᓐᓄᐊᓪᓗᐊᑉ ᓇᓛᓂᑦ ᐊᓯᕈᕐᑕᐅᓐᓇᕐᑐᖅ ᑎᑭᑦᓱᒫᕐᐳᖅ ᓄᓇᒧᑦ ᑕᒪᑐᒧᖓ,

ᔨᕆᒤᐊᐅᑉ ᐊᒡᓚᖏᑦ 11:11

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐱᐅᖏᑦᑐᒧᑦ ᑎᑭᑕᐅᑎᓐᓂᐊᕐᐸᒃᑲ ᕿᒫᔪᓐᓇᕐᓂᐊᓐᖏᑕᖓᓐᓂᒃ, ᐅᕙᓐᓂᒃ ᑕᑎᖃᕋᓱᒃᑲᓗᐊᕐᐸᑕ, ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 11:13

ᔫᑕᒥᐅᑕᐅᔪᓯ ᒎᑎᖃᓕᕐᐳᓯ ᓄᓇᖁᑎᑦᓯᑐᑦ ᐅᓄᕐᑎᒋᔪᓂᒃ; ᑐᓂᕐᕈᓯᕐᕕᖃᐅᓕᕐᓗᓯᓗ ᔨᕉᓴᓕᒥᐅᑦ ᐊᖅᑯᑎᖏᑎᑐᑦ ᐅᓄᕐᑎᒋᔪᓂᒃ ᓇᕐᕈᓇᕐᑐᓂᒃ, ᒎᑎᓐᖑᐊᒧᑦ ᐰᓕᒧᑦ ᐃᓯᕐᓗᐊᕐᓂᑎᑦᓯᕕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 12:2

ᑲᓐᖓᕐᓱᓚᐅᕐᐸᑎᑦ ᐊᒫᖃᑦᓯᐊᓕᕐᓗᑎᒡᓗ, ᐱᕈᕐᐳᑦ ᐸᐅᕐᖓᖃᓕᕐᓗᑎᒃ; ᖃᓂᑉᐳᑎᑦ ᖃᓂᖏᓐᓄᑦ ᐆᒻᒪᑎᖏᓐᓄᓪᓕ ᐅᖓᓯᒃᐳᑎᑦ.

ᔨᕆᒤᐊᐅᑉ ᐊᒡᓚᖏᑦ 18:15

ᐃᓄᖁᑎᒪᓕ ᐳᐃᒍᕐᐹᖓ; ᐆᑕᒃᓴᓂᒃ ᑐᓂᕐᕈᓯᕐᐸᓕᕐᐳᑦ ᒎᑎᓐᖑᐊᓄᑦ; ᐹᓪᓚᒃᐳᑦ ᐱᓂᐊᕐᓂᑎᒃ ᒪᓕᒡᓗᒋᑦ, ᐃᓅᓯᕆᔭᐅᖁᔭᐅᓚᐅᕐᑐᖅ ᓯᕗᓕᕐᒥᖕᓄᑦ ᒪᓕᖏᓐᓇᒥᑦᔪᒃ ᐊᑐᕐᑕᐅᕙᖏᑦᑐᑎᒎᕋᓱᐊᕐᐳᑦ ᐊᖅᑯᓯᐊᖑᓯᒪᖏᑦᑐᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 18:8

ᑭᖑᓂᖓᒍᓪᓗ ᐃᓅᖃᑎᒌᒡᔪᐊᑦ ᖃᕿᐊᓕᕐᐸᑕ ᐱᐅᖏᑦᑐᓕᓂᕐᒥᖕᓂᑦ, ᐊᓯᕈᕐᑕᐅᑦᔪᑎᒃᓴᕋᓗᐊᖏᓐᓂᒃ ᑲᔪᓯᕕᐅᑎᓐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 19:15

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᓄᑦ ᓄᓇᓕᖕᓄᓪᓗ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓕᒫᓐᓂᒃ ᐃᓕᑦᓯᓐᓄᑦ, ᓯᑎᔫᓚᐅᕐᒪᑕ, ᑐᓴᕈᒪᓇᑎᒡᓗ ᐅᖃᐅᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:21

ᐱᕈᕐᓮᓚᐅᕐᐳᖓ ᐃᓕᖕᓂᒃ ᕔᓂᒃᓴᓂᒃ ᐸᐅᕐᖓᖃᕐᕕᒃᓴᑎᑐᑦ ᓂᕈᐊᕐᑕᐅᓯᒪᔪᑎᑐᑦ, ᐱᐅᓂᕐᐹᒥᒃ ᐱᕈᕐᑐᒃᓴᓂᑦ, ᖃᓄᕐᓕ ᐅᕙᓐᓂᒃ ᓇᕐᕈᓕᓚᐅᕐᓂᕆᕖᑦ? ᐸᐅᕐᖓᖃᕐᕕᒃᓴᑎᑐᑦ ᐱᕈᕐᓂᕐᓗᕕᐅᔪᑎᑐᑦ ᐱᕈᕐᓰᕕᐅᖏᑦᑐᒥ.

ᔨᕆᒤᐊᐅᑉ ᐊᒡᓚᖏᑦ 24:6

ᐃᒃᐱᒋᑦᓯᐊᕐᓂᐊᕐᐸᒃᑲ ᐱᐅᔪᒧᑦ, ᐅᑎᕐᑎᑦᓱᒫᕐᒥᒐᒃᑭᑦ ᓄᓇᒧᑦ ᑕᒪᐅᖓ. ᒪᑭᑎᑦᓱᒫᕐᐸᒃᑲ, ᑲᑕᒃᑎᓐᓂᐊᓐᖏᓚᒃᑲᓗ, ᐱᕈᕐᑎᓐᓂᐊᕐᐸᒃᑲ ᓄᓱᖕᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 26:13

ᐱᓂᐊᕐᓂᓯ ᐃᓕᖅᑯᓯᓯᓗ ᐋᖅᑭᒋᐊᓕᕐᓯᐅᒃ ᐊᑕᓂᕐᓗ ᒎᑎᓯ ᓂᐱᖓ ᓈᓚᒃᓯᐅᒃ, ᐊᑕᓂᐅᕐᓗ ᑕᕝᕙ ᐊᓯᕈᐃᓂᐊᕐᓂᕋᕐᓂᕐᒥᓂᒃ ᐃᓕᑦᓯᓐᓂᒃ ᑕᕝᕙ ᐊᑐᕐᑎᑦᓯᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 26:19

ᕼᐃᓯᑬᐊᐅᑉ ᔫᑕᒥᐅᑦ ᐊᖓᔪᖅᑳᕐᔪᐊᖓᑕ ᐊᓯᐊᑕᓘᓐᓃᑦ ᔫᑕᒥᐅᑕᐅᔪᑦ ᒤᑲ ᑍᒤᓕᐅᕐᓂᖓᓄᑦ ᑐᖁᑕᐅᓚᐅᓐᖏᓚᖅ, ᑭᓯᐊᓂᓕ ᕼᐃᓯᑬᐊ ᐊᑕᓂᕐᒥᒃ ᐃᒃᐱᒍᓱᑦᓯᐊᓚᐅᕐᐳᖅ ᐊᑲᐅᒋᔭᖓᓂᒡᓗ ᐱᓇᓱᐊᕋᓱᐊᕐᓗᓂ, ᐊᑕᓂᐅᓪᓗ ᐃᓱᒪᒋᓚᐅᕐᑕᓂ ᓴᖑᑎᓚᐅᕐᐹ ᐊᓯᕈᐃᔪᓐᓃᕐᓗᓂ ᐊᓯᕈᕐᓂᐊᕐᓂᕋᓚᐅᕐᑕᕋᓗᐊᒥᓂᒃ, ᐅᕙᒍᓪᓕ ᑲᑉᐱᐊᓲᑎᒃᓴᒥᒃ ᐊᖏᔪᒥᒃ ᐋᖅᑭᒃᓲᑎᓕᕐᐳᒍᑦ ᓇᖕᒥᓂᖅ!”

ᔨᕆᒤᐊᐅᑉ ᐊᒡᓚᖏᑦ 32:29

ᑲᐅᓪᑎᐊᒥᐅᓪᓗ ᑎᑭᒃᑯᑎᒃ ᐃᒡᓗᒐᓴᒡᔪᐊᑦ ᐃᑯᐊᓪᓚᒍᒫᕐᐹᑦ, ᐃᑯᒪᒧᑦ ᓄᖑᑕᐅᖁᓪᓗᒋᑦ, ᑍᒃᑯᐊᓗ ᓂᓐᖓᒡᕕᒋᓚᐅᕐᑕᒃᑲ ᒎᑎᓐᖑᐊᒧᑦ ᐰᓕᒧᑦ ᑐᓂᕐᕈᓯᖃᑦᑕᕐᓂᖏᓐᓄᑦ ᕔᓂᒥᒃ ᐃᒡᓗᒥ ᖄᖏᓐᓂ; ᐃᑯᒪᒧᑦ ᓄᖑᑕᐅᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 32:30

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓵᓐᓂ ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᕐᓯᒪᖕᒪᑕ ᒪᒃᑯᖕᓂᕐᒥᖕᓂᑦ, ᐃᓴᕆᐊᓕᒥᐅᓪᓕ ᓂᓐᖓᒃᓮᕗᑦ ᐊᒡᒐᖏᑕ ᐱᓂᐊᕐᓂᖏᑎᒍᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 35:17

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᔫᑕᒥᐅᓄᑦ ᔨᕉᓴᓕᒥᐅᓕᒫᓄᓪᓗ ᑎᑭᑕᐅᑎᑦᓯᔪᒫᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓐᓂᒃ, ᐅᖃᐅᑎᕙᓚᐅᕋᓗᐊᕋᒃᑭᑦ ᓈᓚᒍᒪᓚᐅᖏᒻᒪᑕ, ᑎᓕᓯᑦᔪᑎᓐᓂᒡᓗ ᓈᓚᒍᒪᓚᐅᕋᑎᒃ.”

ᔨᕆᒤᐊᐅᑉ ᐊᒡᓚᖏᑦ 36:7

ᐃᒻᒪᖄ ᐊᑕᓂᕐᒧᑦ ᕿᓄᔪᓐᓇᕐᓯᒐᔭᕐᒪᑕ, ᐊᑐᓂᓪᓗ ᓵᒋᐊᕐᓗᑎᒃ ᐱᐅᖏᑦᑐᓕᓂᕐᒥᖕᓂᑦ, ᐊᑕᓂᐅᑉ ᓂᓐᖓᕕᒃᔪᐊᕐᓂᕐᒥᓄᑦ ᓱᒋᐊᕐᓯᔪᒪᓂᖓ ᐊᖏᔪᐊᓘᖕᒪᑦ ᑖᒃᑯᓄᖓ.”

ᔨᕆᒤᐊᐅᑉ ᐊᒡᓚᖏᑦ 40:2

ᐊᖓᔪᖅᑳᖑᓂᕐᐹᕆᔭᐅᔫᑉ ᔨᕆᒤᐊ ᑕᑯᓕᕋᒥᐅᒃ ᐅᖃᐅᑎᕚ, “ᐊᑕᓂᐅᑉ ᒎᑎᕕᑦ ᐅᖃᐅᓯᕆᖃᑦᑕᓚᐅᕐᑕᖓ ᑲᑉᐱᐊᓇᕐᑐᖅ ᓇᓪᓕᐅᑎᔪᒫᕐᑐᖅ ᓄᓇᓕᖕᓄᑦ ᑖᒃᑯᓄᖓ,

ᔨᕆᒤᐊᐅᑉ ᐊᒡᓚᖏᑦ 40:3

ᒫᓐᓇ ᐊᑕᓂᐅᑉ ᓇᓪᓕᐅᑎᑎᓯᒪᓕᕐᐹ, ᓲᕐᓗ ᐅᖃᐅᓯᕆᖃᑦᑕᓚᐅᕐᑕᖓᑐᑦ ᑍᒤᓕᕐᐳᖅ, ᑕᒪᓐᓇᓗ ᑍᒤᑉᐳᖅ ᐃᓅᖃᑎᒌᖑᓪᓗᓯ ᐊᔪᕐᑐᓕᓚᐅᕋᑦᓯ ᐊᑕᓂᕐᒥᒃ ᓈᓚᖏᓐᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 42:10

ᓄᓇᒥ ᑕᒫᓃᖏᓐᓇᕈᑦᓯ, ᐱᕈᕐᐸᓪᓕᐊᑎᓐᓂᐊᕐᐸᑦᓯ ᓄᖑᑉᐸᓪᓕᐊᑎᖏᓪᓗᓯ, ᐱᕈᕐᑎᑦᓱᒪᕙᑦᓯ ᓄᖑᑦᓱᒪᓐᖏᓚᑦᓯ, ᐊᓯᕈᕐᑕᐅᓇᕐᑐᒧᑦ ᑎᑭᑎᑦᓯᓂᕆᓚᐅᕐᑕᕋ ᐅᒡᒍᐊᕈᑎᒋᒐᒃᑯ.

ᔨᕆᒤᐊᐅᑉ ᐊᒡᓚᖏᑦ 44:5

ᑐᓴᕈᓐᓇᓚᐅᓐᖏᓐᓇᑦᓯ ᓈᓚᒍᒪᖏᓪᓗᓯᓗ, ᐱᐅᖏᑦᑐᓕᓂᓯ ᓄᖅᑲᐅᑎᔪᒪᓚᐅᖏᓐᓇᑦᓯᐅᒃ ᒎᑎᓐᖑᐊᓄᑦ ᑐᓂᕐᕈᓯᕐᓗᓯ ᑐᒃᓯᐊᕐᕕᖃᖃᑦᑕᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 44:8

ᓱᖕᒪᑦ ᓂᓐᖓᒃᑎᓐᓇᓱᐊᕐᐱᓯᓐᖔ ᑐᒃᓯᐊᕐᕕᖃᕐᓂᑦᓯᓐᓄᑦ ᒎᑎᓐᖑᐊᓄᑦ ᑐᓂᕐᕈᓯᕐᕕᒋᓪᓗᒋᓪᓗ ᐄᑦᔨᑉᑎᒥ ᒎᑎᒋᔭᐅᔪᑦ? ᑍᒤᓕᐅᕋᓱᐊᕐᐱᓰ? ᓄᖑᑦᓯᐊᒻᒪᕆᒍᒪᓪᓗᓯ, ᓄᓇᒥ ᐃᓅᖃᑎᒌᒡᔪᐊᖑᔪᓄᑦ ᒥᑕᐅᑎᒋᔭᒃᓴᓐᖑᕈᒪᓪᓗᓯ ᐅᖃᕐᓂᕐᓘᑎᒃᓴᐅᔪᒪᓪᓗᓯᓘ?

ᔨᕆᒤᐊᐅᑉ ᐊᒡᓚᖏᑦ 45:4

“ᐊᑕᓂᖅ ᐅᖃᕐᐳᖅ, ᐃᒫᒃ ᐅᖃᐅᑎᒍᒃ, ᑕᑯᒋᑦ, ᓇᑉᐸᕐᑎᓚᐅᕐᑕᒃᑲ ᓄᖑᑎᑦᓱᒫᕆᕙᒃᑲ, ᐱᕈᕐᑎᓚᐅᕐᑕᒃᑲᓗ ᓄᓱᒃᐸᒡᓗᒋᑦ ᓄᓇᓕᒫᒥᑦ.

ᔨᕆᒤᐊᐅᑉ ᐊᒡᓚᖏᑦ 7:18

ᕿᑐᕐᖓᖏᑦ ᐃᑯᐊᓚᑦᓯᑦᔪᑎᒃᓴᓂᒃ ᕿᔪᒃᑕᕐᐳᑦ, ᐊᑖᑕᖏᑕᓗ ᐃᑭᓵᕐᓗᓂᒋᑦ, ᐊᕐᓇᖏᓪᓗ ᓂᐊᖂᔭᓕᐊᒃᓴᒥᖕᓂᒃ ᐃᖑᑦᓯᕗᑦ, ᓂᐊᖂᔭᓂᒡᓗ ᖃᓚᑦᑎᕗᑦ ᕿᓚᐅᑉ ᑯᐃᖓᑕ ᐱᓂᐊᕐᑕᖏᓐᓂᒃ. ᐃᒥᕐᑕᐅᔪᒃᓴᓂᒡᓗ ᑐᓂᕐᕈᓯᕐᐳᑦ ᒎᑎᓐᖑᐊᓄᑦ ᐅᕙᓐᓂᒃ ᓂᓐᖓᒃᓮᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 17:5

ᓄᓇᑦᓯᓐᓂᑦ ᐱᕈᕐᓯᐊᒃᓴᒥᒃ ᐱᓪᓗᓂ ᐱᕈᕐᓰᕕᖕᒧᑦ ᐃᑦᔪᖃᑦᓯᐊᕐᑐᒧᑦ ᐃᓕᕚ; ᐃᒪᖃᑦᓯᐊᕐᑐᒧᑦ. ᐅᕐᐱᒐᕐᑎᑐᑦ ᐋᖅᑭᒡᓗᒍ,

ᕼᐆᓯᐊᑉ ᐊᒡᓚᖏᑦ 10:1

ᐃᓴᕆᐊᓕ ᓯᐊᒻᒪᖓᑦᓯᐊᕐᑑᓪᓗᓂ ᕔᓂᓕᒃᓴᐅᕗᖅ; ᐱᕈᕐᑎᑦᓯᒐᒥ ᐃᒻᒥᓄᑐᐊᖅ ᐊᑐᕐᐳᖅ. ᐱᕈᕐᑐᖏᑦ ᐅᓄᕐᓯᕙᓪᓕᐊᖕᒪᑕ ᑐᓂᕐᕈᓯᕐᕕᓕᐅᕐᐸᓪᓕᐊᕗᖅ ᐅᓄᕐᑐᓂᒃ; ᓄᓇᖓᓗ ᐊᔪᕐᓴᕈᓐᓁᕐᐸᓪᓕᐊᖕᒪᑦ, ᓇᐸᔪᓂᒃ ᒎᑎᓐᖑᐊᓂᒃ ᐋᖅᑭᒃᓱᐃᕙᓪᓕᐊᕗᖅ.