50 ᐊᐱᒥᓕᒃ ᐂᒋᕗᖅ ᑎᐱᔾᒧᑦ, ᐃᒡᓗᒐᓴᖏᓪᓗ ᓵᓚᒋᓪᓗᒋᑦ ᑎᒍᕔᑦ.
ᐃᖅᑲᐅᒪᓐᖏᓚᓰ ᑍᒫᒃ ᐊᐱᒥᓕᒃ ᔨᕈᐱᑎᐅᑉ ᐃᕐᓂᖓ ᑐᖁᑕᐅᓚᐅᕐᓯᒪᖕᒪᑦ? ᑍᑲᓂ ᑎᐱᔾᒥ, ᐊᕐᓇᒧᑦ ᓯᖃᓪᓕᓯᕕᖕᒧᑦ ᒥᓗᕐᑕᐅᓚᐅᕐᓯᒪᖕᒪᑦ ᐊᕙᓗᕐᔪᐊᑉ ᑭᒡᓕᖓᓂᑦ ᑐᖁᓪᓗᒍᓗ. ᓱᖕᒪᑦ ᐊᕙᓗᕐᔪᐊᑉ ᖃᓂᒋᔭᖓᓄᐊᓗᐊᕐᐱᓰ?’ ᑍᒫᒃ ᐊᖓᔪᖅᑳᕐᔪᐊᑉ ᐊᐱᕆᒃᐹᑎᑦ, ᐅᖃᐅᑎᓂᐊᕐᐸᑦ, ‘ᐅᓇᑕᕐᑐᒃᓴᖁᑏᑦᑕᐅᖅ ᔪᕅᐊ ᕼᐃᑍᑎᒥᐅᑕᖅ ᑐᖁᑕᐅᓚᐅᕆᕗᖅ.’”
ᐅᒻᕆ ᒋᐱᑖᓐᒥᑦ ᐊᐅᓪᓚᕐᐳᑦ ᐃᓴᕆᐊᓕᒥᐅᓕᒫᓪᓗ, ᐅᓇᑕᕆᐊᕐᓗᑎᒃ ᑎᕐᔭᒧᑦ ᐊᕙᑕᖏᕐᐹᓪᓗ.
ᐃᓄᓕᒫᓪᓗ ᓇᑲᑦᓯᕗᑦ ᓇᐹᕐᑐᑦ ᐊᕙᓚᖓᔪᖏᓐᓂᑦ; ᐊᐱᒥᓕᑭᒥᒡᓗ ᒪᓕᒡᓗᑎᒃ, ᑲᑎᑉᐰᓪᓗ ᕿᔪᐃᑦ ᕿᒫᓯᒪᕕᒋᔭᖓᓐᓄᑦ. ᐃᑯᐊᓪᓚᒃᐹᓪᓗ, ᐃᓄᐃᑦ ᓯᑭᒻᒥ ᐳᕐᑐᔪᒦᑎᓪᓗᒋᑦ, ᐃᓄᓕᒫᖏᓪᓗ ᑕᕝᕙᓃᑦᑐᑦ ᑐᖁᕗᑦ; ᐃᒪᖄ 1,000 ᐊᖑᑎᑦ ᐊᕐᓁᓪᓗ.
ᑍᑲᓂᓗ ᓇᐸᔪᕐᔪᐊᖃᕐᐳᖅ ᐊᑦᑕᕐᓇᖏᑦᑐᒥᒃ, ᑕᕝᕙᓃᑦᑐᓪᓗ ᐊᖑᑏᑦ ᐊᕐᓁᓪᓗ ᐃᒡᓗᒐᓴᖕᓃᑦᑐᑦ ᑕᕝᕗᖓ ᕿᒫᕗᑦ, ᐅᒃᑯᐊᖓᓗ ᐊᑦᓱᖏᕐᓗᒍ; ᐊᐱᒥᓕᒃᑯᓪᓕ ᑕᕝᕗᓐᖓᕋᒥᒃ ᖃᖓᓄᐊᕐᐳᑦ.
