ᐃᓗᐊᕐᓮᔩᑦ ᐊᒡᓚᖏᑦ 8:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒎᑎᐅᑉ ᓵᓚᖃᕐᓂᕐᒥᒃ ᑐᓂᕕᒋᓚᐅᕐᐹᓯ ᒥᑎᐊᓂᒥᐅᑦ ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᖕᓂᒃ ᒪᕐᕉᖕᓂᒃ, ᐅᕆᑉᒥᒃ ᔩᐱᒥᒡᓗ; ᓱᓇᒥᒡᓕ ᐱᓂᐊᓚᐅᕐᐳᖓ ᐱᓂᐊᕐᓂᕆᓚᐅᕐᑕᑦᓯ ᐊᑦᔨᓪᓗᐊᖏᓐᓂᒃ?” ᑍᒫᒃ ᐅᖃᐅᑎᖕᒪᒋᑦ ᓂᓐᖓᐅᒪᓗᐊᕈᓐᓃᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 8:3 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:1

ᓂᑲᒍᓱᒡᓗᓂ ᐅᖃᐅᑦᔨᔪᖅ ᓂᓐᖓᐅᒪᓂᕐᒥᒃ ᓮᒻᒪᕐᑎᑦᓯᕗᖅ, ᐊᑦᑕᕈᓱᒐᓂᓕ ᐅᖃᐅᑦᔨᔪᖅ ᓂᓐᖓᖕᓂᕐᒥᒃ ᓄᐃᑎᑦᓯᕗᖅ.

ᐱᓕᐱᒥᐅᓄᑦ 2:3

ᐱᓇᓱᐊᕐᓂᐊᕋᓯ ᓇᖕᒥᓂᕐᓯᐅᕐᓂᕐᒥᒃ ᐅᕝᕙᓗ ᐊᔪᖏᓐᓂᕐᓴᐅᓇᓱᒋᓂᕐᒥᒃ, ᐱᐅᔪᕆᖏᓐᓂᕐᒧᓪᓕ ᐃᓅᖃᑎᑦᓯ ᐃᓕᑦᓯᓐᓂᑦ ᐱᐅᓂᕐᓴᐅᓂᖏᓐᓂᒃ ᐃᓱᒪᖃᕆᑦᓯ.

ᕉᒪᒥᐅᓄᑦ 12:6

ᐊᑦᔨᒌᖏᑦᑐᓂᒃ ᑐᓂᕐᕈᓯᐊᕐᓯᒪᒐᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᓂᕐᕈᓯᐊᑦᑎᓐᓂᒃ, ᐊᑏ ᑐᓂᕐᕈᓯᐊᕗᑦ ᐊᑐᑦᓯᐊᓚᐅᕐᓚᕗᑦ: ᓇᓪᓕᐊᑦ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᑐᓂᕐᕈᓯᐊᕈᓂ, ᑍᒤᓕᐅᕐᓕ ᐅᒃᐱᕐᓂᖅ ᐱᓯᒪᔭᓂ ᒪᓕᒡᓗᒍ;

ᕉᒪᒥᐅᓄᑦ 12:3

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᖓᑕ ᑐᓂᓯᕕᒋᓯᒪᖕᒪᖓ ᑕᒪᑦᓯᓐᓄᑦ ᐅᖃᕐᐳᖓ: ᓇᖕᒥᓂᑦᓯᓐᓂᒃ ᐱᐅᔪᕆᖁᓇᓯ, ᐃᓕᑦᓯᓐᓂᒡᓕ ᐃᓱᒪᒋᓕᕆᑦᓯ ᐃᓱᒪᒃᓴᕐᓯᐅᑦᓯᐊᕐᓗᓯ, ᐊᑐᓂᑦ ᒎᑎᐅᑉ ᑐᓂᔭᖓ ᐅᒃᐱᕐᓂᖅ ᒪᓕᒡᓗᒍ.

ᔪᐊᓇᓯᐅᑉ ᐊᒡᓚᖏᑦ 4:37

ᐅᖃᐅᓯᐅᕙᒃᑐᖅ ᓱᓕᕗᖅ ᐃᒤᓕᔪᖅ; ‘ᐃᓄᒃ ᑲᓐᖓᕐᓱᐃᕗᖅ, ᐊᓯᐊᓕ ᑲᑎᕐᓱᐃᕗᖅ.’

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:15

ᕿᓄᐃᓵᕐᓂᒃᑯᑦ ᐊᖓᔪᖅᑳᕐᔪᐊᖅ ᐃᓱᒪᓕᐅᕐᑕᐅᔪᓐᓇᕐᒪᑦ, ᐅᖃᕐᒧᓪᓗ ᓂᑲᒍᓱᒃᑐᒧᑦ ᓴᐅᓂᖅ ᓇᑲᑕᐅᔪᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:11

ᐅᖃᐅᓯᖅ ᓇᓛᒎᕐᑐᒥᒃ ᐅᖃᐅᓯᐅᔪᖅ ᐊᑦᔨᖃᕐᐳᖅ ᐋᐳᓂᒃ ᒎᓗᓂᒃ ᓯᐅᓪᕕᕆᒥᒃ ᐊᓪᓕᕋᖃᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:32

ᓂᓐᖓᒃᓴᕅᖏᑦᑐᖅ ᐊᔪᖏᑦᑐᕐᔪᐊᒥᑦ ᐱᐅᓂᕐᓴᐅᕗᖅ, ᐊᓂᕐᓂᕐᒥᓂᒡᓗ ᐊᐅᓚᑦᓯᔪᓐᓇᕐᑐᖅ ᐱᐅᓂᕐᓴᐅᒋᕗᖅ ᐃᒡᓗᒐᓴᒡᔪᐊᓂᒃ ᓵᓚᖃᕐᑐᒥᑦ.

ᐃᓐᖏᕈᑎᑦ 115:1

ᐅᕙᒎᖏᑦᑐᖅ ᐊᑕᓃᖅ, ᐅᕙᒎᖏᑦᑐᖅ, ᐃᕝᕕᓪᓕ ᐊᑏᑦ ᓂᕐᑐᕐᑕᐅᓕ, ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᓱᕐᕋᔪᐃᑦᑑᓃᓪᓗ ᐱᓪᓗᒋᑦ!

ᐃᓐᖏᕈᑎᑦ 44:3

ᓄᓇᒥᒃ ᑎᒍᓯᓚᐅᖏᒻᒪᑕ ᓇᖕᒥᓂᖅ ᓴᕕᒡᔪᐊᖏᑕ ᐱᔪᓐᓇᕐᓂᖏᓐᓄᑦ, ᓇᖕᒥᓂᕐᓘᓐᓃᑦ ᐊᒡᒐᖕᒥᖕᓄᑦ ᓴᐳᑎᓚᐅᓐᖏᓚᑦ; ᐃᕝᕕᓪᓕ ᑭᓯᐊᓂ ᐊᒡᒐᖕᓄᑦ ᑕᓕᕐᐱᖕᓄᑦ, ᑮᓇᕐᐱᓪᓗ ᖃᐅᒪᓂᖓᓄᑦ, ᖁᕕᐊᒋᓚᐅᕋᕕᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 8:2

ᐅᖃᐅᑎᕔᓪᓕ, “ᖃᓄᖅ ᐱᓂᐊᕐᓂᕆᓚᐅᕐᑕᒃᑲ ᐊᑦᔨᓪᓗᐊᖃᕐᐹᑦ ᐱᓂᐊᕐᓂᕆᓚᐅᕐᑕᑦᓯᓐᓂᒃ? ᐃᕗᕅᒥᒥᑦ ᑲᑎᕐᓱᐃᓂᕐᓗᑯᐃᑦ ᕔᓂᒃᓴᓂᒃ ᐱᐅᓂᕐᓴᐅᓐᖏᓛᑦ ᐊᐰᔨᕆᒥ ᕔᓂᓕᐊᕆᔭᐅᓯᒪᔪᓂᑦ?

ᐃᓗᐊᕐᓮᔩᑦ ᐊᒡᓚᖏᑦ 8:4

ᒋᑎᐅᓂ ᑎᑭᑎᓪᓗᒍ ᔪᐊᕐᑕᓂᒧᑦ ᐃᑳᕐᑎᓪᓗᒍᓗ ᐊᑭᐊᓄᑦ. ᐃᒻᒥᓂᒃ ᐊᖑᑎᓪᓗ 300ᐃᑦ ᐃᓚᒋᔭᖏᑦ ᑕᖃᓯᒪᓕᓚᐅᕐᐳᑦ, ᑳᓕᕐᓗᑎᒡᓗ.