ᐃᓗᐊᕐᓮᔩᑦ ᐊᒡᓚᖏᑦ 8:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᒋᑎᐅᓂ ᓴᓇᓚᐅᕐᐳᖅ ᐊᔪᕆᕐᑐᐃᔨᕐᔪᐊᑉ ᓴᒡᕕᖕᒥᐅᑕᖏᓐᓂᒃ ᒎᓗᓂᒃ ᐱᓚᐅᕐᑕᒥᓂᒃ; ᐊᖏᕐᕋᒥᓄᓪᓗ ᐃᓕᕚ ᐅᐸᕋᒥ. ᐃᓴᕆᐊᓕᒥᐅᑦ ᐃᓘᓐᓇᑎᒃ ᐊᓯᓐᓂᐊᓕᓚᐅᕐᐳᑦ ᒎᑎᒥᒃ, ᐃᓘᓐᓇᑎᒡᓗ ᐂᕗᑦ ᑐᒃᓯᐊᕆᐊᕐᑐᕐᓗᑎᒃ ᑖᑦᓱᒧᖓ. ᒋᑎᐅᓂᐅᑉ ᐃᓚᖏᑕᓗ ᐊᔪᓕᕈᑎᒋᓚᐅᕐᐹᑦ.

ᐃᓗᐊᕐᓮᔩᑦ ᐊᒡᓚᖏᑦ 8:27 ပူးပေါင်းရင်းမြစ်များ

ᐃᓐᖏᕈᑎᑦ 106:35

ᐃᓅᖃᑎᒌᒡᔪᐊᓄᓪᓕ ᐃᓚᓕᐅᑎᓚᐅᕐᐳᑦ ᐂᑉᐸᕐᑖᖃᑦᑕᓕᕐᓗᑎᒃ, ᐃᓕᓐᓂᐊᕐᕕᒋᓗᒋᓪᓗ ᐱᓇᓱᐊᕐᓂᖏᓐᓂᒃ.

ᐃᓐᖏᕈᑎᑦ 106:39

ᐃᒻᒥᖕᓂᒃ ᐱᓂᐊᕐᓂᕐᒥᖕᓄᑦ ᓴᓗᒪᔪᓐᓃᕐᑎᓚᐅᕐᐳᑦ, ᐊᓯᓐᓂᐊᓚᐅᕐᐳᓪᓗ ᓇᖕᒥᓂᖅ ᐱᓂᐊᕐᓂᕐᒥᒍᑦ.

ᐃᓐᖏᕈᑎᑦ 73:27

ᐃᓛᒃ ᐃᓕᖕᓂᑦ ᐅᖓᓯᒃᑐᑦ ᑖᒃᑯᐊ ᐊᓯᐅᔪᒫᕐᐳᑦ; ᓄᖑᑎᑦᓱᒫᕋᕕᒋᑦ ᐃᓕᖕᓂᒃ ᕿᒤᓪᓗᑎᒃ ᐊᓯᓐᓂᐊᕐᓯᒪᔪᑦ.

ᒨᓯᓯ ᐂᑉᐸᖏᑦ 23:33

ᓄᓇᒋᔭᑦᓯᓐᓂ ᓄᓇᖅᑲᑎᒋᔭᒃᓴᕆᓐᖏᓚᓯ, ᑖᒃᑯᓇᓐᖓᑦ ᐊᔪᕐᑐᓕᑎᑕᐅᖁᓇᓯ ᐅᕙᓐᓄᑦ; ᒎᑎᓐᖑᐊᖏᓐᓂᒃ ᑐᒃᓯᐊᕐᕕᖃᓕᕈᑦᓯ, ᑕᒪᓐᓇ ᖁᓚᕐᓇᒋᑦᓯᐊᕐᑐᒥᒃ ᐃᓕᑦᓯᓐᓄᑦ ᓂᒐᕐᑎᑦᓯᔪᑎᑎᑐᑦ ᑍᒤᓐᓂᐊᕐᐳᖅ.”

ᒨᓯᓯ ᐂᑉᐸᖏᑦ 32:4

ᐂᕉᓂᐅᓪᓗ ᓯᐅᑎᒥᐅᑍᑦ ᐱᒐᒥᒋᑦ ᐊᐅᒃᑎᑉᐰᑦ, ᑯᕕᓪᓗᒋᓪᓗ ᐋᖅᑭᒃᓯᕕᖕᒧᑦ, ᓄᕐᕋᓐᖑᐊᒥᒡᓗ ᓴᓇᕗᖅ. ᐃᓄᐃᓪᓗ ᐅᖃᕐᐳᖅ, “ᐃᓴᕆᐊᓕ, ᐅᓇ ᑕᕝᕙ ᒎᑎᕗᑦ, ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ!”

ᒨᓯᓯ ᐂᑉᐸᖏᑦ 34:16

ᐃᕐᓂᓯᓗ ᑖᒃᑯᓇᓐᖓᑦ ᓄᓇᖃᑎᒃᓴᔭᕆᓐᖏᑕᑦᓯᓐᓂᑦ ᓄᓕᐊᓂᑐᐃᓐᓇᕆᐊᖃᕐᒪᑕ, ᓄᓕᐊᒥᓄᓪᓗ ᑕᓯᐅᕐᑕᐅᓕᕋᔭᕐᓗᑎᒃ ᐅᕙᓐᓂᒃ ᑲᒪᔪᓐᓃᕐᑎᑕᐅᓗᑎᒃ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᐃᓯᑭᐊᓕᐅᑉ ᐊᒡᓚᖏᑦ 7:20

ᐱᐅᓴᐅᑎᒥᖕᓂᒃ ᐱᔪᕆᐅᑎᖃᕐᐸᓚᐅᕐᐳᑦ, ᓇᕐᕈᓇᕐᑐᒥᒡᓕ ᒎᑎᓐᖑᐊᓕᐊᕆᓚᐅᕐᐰᑦ ᐃᑦᔪᕐᓇᕐᑐᓂᒡᓗ ᐱᓇᓱᐊᕈᑎᒋᓪᓗᒋᑦ; ᑍᒤᒻᒪᑦ ᓇᕐᕈᓇᕐᓯᑎᓐᓂᐊᓕᕐᐸᒃᑲ ᑖᒃᑯᓄᖓ.

ᕼᐆᓯᐊᑉ ᐊᒡᓚᖏᑦ 2:2

“ᐊᓈᓇᓯ ᐊᔪᐃᓐᓈᕆᓯᐅᒃ ᐅᑎᖅᑯᓪᓗᒍ, ᓄᓕᐊᕆᔪᓐᓁᕋᒃᑯ ᑖᑦᓱᒪᓗ ᐅᐃᒋᔪᓐᓁᕐᒪᖓ, ᐊᔪᐃᓐᓈᕆᓯᐅᒃ ᐊᑐᒐᐅᔪᓐᓁᖁᓪᓗᒍ ᐊᑭᓕᕐᑕᐅᓂᕐᒧᑦ, ᐊᓯᓐᓂᐊᕐᑎᐅᔪᓐᓁᖁᓪᓗᒍᓗ.

ᕼᐆᓯᐊᑉ ᐊᒡᓚᖏᑦ 3:4

ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 7:16

ᐃᓅᖃᑎᒌᒡᔪᐊᓕᒫᓂᒃ ᓄᖒᑦᓯᑦᑎᐊᕐᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖏᓐᓂᒃ ᐃᓕᑦᓯᓐᓄᑦ, ᓂᑲᒋᔭᒃᓴᕆᖏᒻᒪᕆᒃᐸᓯ ᑕᐅᑦᑐᖏᑦ ᐱᑦᔪᑎᒋᓗᒋᑦ; ᒎᑎᒋᔭᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᑐᒃᓯᐊᕐᕕᒋᑐᐊᕈᑦᓯᒋᒃ ᓂᒐᕐᑎᑕᐅᔪᑎᑐᑦ ᑍᒤᒐᔭᕋᑦᓯ.

ᒨᓯᓯ ᑕᓪᓕᒪᖏᑦ 7:25

ᒎᑎᓐᖑᐊᖏᑦ ᐃᑯᐊᓪᓚᒃᑎᑕᒃᓴᕆᕙᓯ. ᐱᔪᒥᒋᔭᒃᓴᕆᓐᖏᓚᓯᓗ ᑕᕝᕙᓃᑦᑐᑦ ᓯᐅᓪᕕᕇᑦ ᒎᓗᐃᓪᓗ, ᓇᖕᒥᓂᒃᓴᑦᓯᓐᓂᒡᓘᓐᓃᑦ ᐱᑖᕐᕕᒋᔭᒃᓴᕆᓐᖏᓚᓯ. ᑍᒤᑦᑐᓂᒃ ᐱᔪᕕᓂᐅᑐᐊᕈᑦᓯ, ᑕᒪᓐᓇ ᐅᓗᕆᐊᓇᓪᓚᕆᒃᐳᖅ, ᐊᑕᓂᐅᑉ ᒎᑎᑦᓯ ᒎᑎᓐᖑᐊᖃᕐᓂᖅ ᐆᒥᒋᓪᓚᕆᖕᒪᒍ.

ᐃᓗᐊᕐᓮᔩᑦ ᐊᒡᓚᖏᑦ 17:5

ᑖᓐᓇ ᐊᖑᑦ ᒤᑲ ᓇᖕᒥᓂᖅ ᑐᒃᓯᐊᕐᕕᖃᓚᐅᕐᐳᖅ. ᑐᓂᕐᕈᓯᕐᑎᑦᓯᔨᓯᐅᑎᒥᒃ ᓴᒡᕕᖕᒥᐅᑕᓕᐅᓚᐅᕐᐳᖅ ᐃᒡᓗᒥᐅᑕᓂᒡᓗ ᒎᑎᓐᖑᐊᓂᒃ, ᐃᕐᓂᕐᒥᓗ ᐃᓚᖓᓐᓂᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᓪᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 18:14

ᑍᒃᑯᐊ ᐊᖑᑏᑦ ᑕᓪᓕᒪᑦ ᐃᔨᕋᕐᑐᕐᓗᑎᒃ ᖃᐅᔨᓴᕆᐊᓚᐅᕐᑐᑦ ᓔᓯᒥᒃ ᐃᓚᑎᒃ ᐅᖃᐅᑎᕔᑦ, “ᖃᐅᔨᒪᓐᖏᓚᓰ ᐃᒡᓗᓂ ᑖᒃᑯᓇᓂ ᑐᓂᕐᕈᓯᕐᑎᑦᓯᔨᐅᑉ ᐊᑐᕐᐸᒃᑕᖓᓂᒃ ᐊᓐᓄᕌᕐᑕᖃᕐᒪᑦ, ᒎᑎᓐᖑᐊᓂᒡᓗ ᒥᑭᔪᓂᒃ ᐃᒡᓗᒥᐅᑕᕐᓂᒃ, ᕿᔪᖕᒥᒡᓗ ᓴᓇᓐᖑᐊᕐᓯᒪᔪᒥᒃ ᒎᑎᓐᖑᐊᒥᒃ, ᐊᐅᒃᑎᓯᒪᔪᒥᒡᓗ ᒎᑎᓐᖑᐊᓕᐊᕆᓯᒪᔪᒥᒃ ᓴᕕᕋᔭᖕᒥᒃ? ᒫᓐᓇᓕ ᐃᓱᒪᒃᓴᕐᓯᐅᓕᕆᑦᓯ ᖃᓄᐃᓕᐅᕐᓂᐊᕐᒪᖔᑦᓯ.”

ᐃᓗᐊᕐᓮᔩᑦ ᐊᒡᓚᖏᑦ 18:17

ᑖᒃᑯᐊ ᑕᑦᓕᒪᑦ ᐃᔨᕋᕐᑐᕐᓗᑎᒃ ᓄᓇᒥᒃ ᖃᐅᔨᓴᕆᐊᓚᐅᕐᑐᑦ ᐃᒡᓗᖓᓄᑦ ᐃᑎᕐᐳᑦ ᑎᒍᓪᓗᒋᓪᓗ ᑐᓂᕐᕈᓯᕐᑎᑦᓯᔨᐅᑉ ᐊᑐᕐᐸᒃᑕᖓ ᐊᓐᓄᕌᖅ, ᒎᑎᓐᖑᐊᓪᓗ ᒥᑭᔪᑦ ᐃᒡᓗᒥᐅᑍᑦ, ᕿᔪᒡᓗ ᓴᓇᓐᖑᐊᕐᓯᒪᔪᖅ ᒎᑎᓐᖑᐊᖅ, ᐊᐅᒃᑎᓯᒪᔪᕐᓗ ᒎᑎᓐᖑᐊᓕᐊᕆᓯᒪᔪᑦ ᓴᕕᕋᔭᒃ, ᑐᓂᕐᕈᓯᕐᑎᑦᓯᔨᓕ ᐃᑎᕐᑕᕐᕕᖕᒦᖏᓐᓇᓚᐅᕐᐳᖅ 600 ᐊᖑᑏᑦ ᐱᖃᑎᒋᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 2:2

ᐊᖏᖃᑎᒌᒍᑎᓕᐅᕐᑐᒃᓴᐅᓐᖏᓚᓯᓗ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᑐᓂᕐᕈᓯᕐᕕᖏᓪᓗ ᓯᖁᒥᑕᒃᓴᕆᕙᓯ.’ ᐅᖃᐅᓯᕆᓚᐅᕐᑕᓐᓂᒡᓕ ᐊᑐᖏᓐᓇᑦᓯ. ᓱᖕᒪᑦ ᑍᒤᓕᐅᕐᐱᓰ?

ᐃᓗᐊᕐᓮᔩᑦ ᐊᒡᓚᖏᑦ 2:3

ᒫᓐᓇᓕ ᐅᖃᐅᑎᕙᑦᓯ ᑖᒃᑯᐊ ᐃᓄᐃᑦ ᐊᐅᓪᓚᕐᑎᓐᓂᐊᕈᓐᓃᕐᐸᒃᑲ ᓯᕗᓂᑦᓯᓐᓂ ᐊᑭᕋᕐᑐᕐᑎᒋᓂᐊᓕᕋᓯᐅᒃ ᒎᑎᓐᖑᐊᖏᓐᓂᓪᓗ ᐊᔪᓕᕐᑎᑕᐅᓗᓯ.”

ᐃᓗᐊᕐᓮᔩᑦ ᐊᒡᓚᖏᑦ 6:11

ᐊᑕᓂᐅᓪᓕ ᐂᖏᓕᖓ ᕾᓚᐅᕐᐳᖅ ᐃᖏᓪᓗᓂᓗ ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᐊᑖᓄᑦ ᓄᓇᒥ ᐅᐸᕋᒥ, ᔪᐊᓯᐅᑉ ᓄᓇᖁᑎᖓᓄᑦ, ᐊᐰᔭᕆᑎᐅᑉ ᑭᖑᕚᖓᓄᑦ. ᐃᕐᓂᖓ ᒋᑎᐅᓂ ᐹᓚᐅᒑᒃᓮᑦ ᓄᕗᖏᓂᒃ ᐲᔧᓚᐅᕐᐳᖅ ᐊᓇᐅᓕᕐᓗᒋᑦ ᕔᓂᒃᓴᓂᒃ ᐃᑦᑏᔧᕕᐅᑉ ᐃᓗᐊᓂ ᒥᑎᐊᓂᒥᐅᓂᑦ ᐃᔨᕐᓯᒪᓪᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 6:24

ᑍᒤᒻᒪᑦ ᒋᑎᐅᓂ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ ᐊᑦᑎᕐᓗᒍᓗ, “ᐊᑕᓂᖅ ᐃᓂᓪᓚᖓᑦᓯᐊᕐᓇᕐᐳᖅ.” ᐅᓪᓗᒥᒧᑦ ᓱᓕ ᓇᐸᕗᖅ ᐅᐸᕋᒥ, ᐃᓚᒌᑦ ᐊᐰᔭᕆᑎᑦ ᓄᓇᖁᑎᖓᓂ.

ᐃᓗᐊᕐᓮᔩᑦ ᐊᒡᓚᖏᑦ 8:26

ᓯᐅᑎᒥᐅᑍᑦ ᒎᓗᐃᑦ ᐅᖁᒤᓐᓂᖃᓚᐅᕐᐳᑦ 1,700ᓂᒃ ᓴᑯᓪᔅᓂᒃ ᐅᖁᒤᓐᓂᕐᓯᐅᑏᑦ ᒪᓕᒡᓗᒋᑦ, ᐃᓚᒋᔭᐅᓇᑎᒃ ᖁᖓᓯᕐᒧᑦ ᐱᐅᓴᐅᑏᑦ, ᐃᑦᑎᐅᔧᓪᓗ ᑕᐅᑦᑐᖏᑦ ᐊᓐᓄᕌᑦ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᖏᑕ ᐊᑐᓚᐅᕐᑕᖏᑦ, ᐅᕝᕙᓘᓐᓃᑦ ᑳᒥᓖᑦ ᖁᖓᓯᕈᑎᒋᓚᐅᕐᑕᖏᑦ.

ᐃᓗᐊᕐᓮᔩᑦ ᐊᒡᓚᖏᑦ 8:28

ᒥᑎᐊᓂᒥᐅᑦ ᓵᓚᐅᕗᑦ ᐃᓴᕆᐊᓕᒥᐅᓄᑦ, ᓯᕘᕋᓇᕈᓃᓚᐅᕐᐳᑦ ᒪᑭᒃᑲᓐᓂᕈᓐᓃᕐᓗᑎᒡᓗ. ᓄᓇᒥᓗ ᐅᓇᑕᕐᓂᖃᕈᓐᓃᓚᐅᕐᐳᑦ ᐊᕐᕌᒍᓂᒃ 40ᓂᒃ ᒋᑎᐅᓂᐅᑉ ᑐᖁᓂᖓ ᑎᑭᓪᓗᒍ.