ᐃᓗᐊᕐᓮᔩᑦ ᐊᒡᓚᖏᑦ 8:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᓯᐅᑎᒥᐅᑍᑦ ᒎᓗᐃᑦ ᐅᖁᒤᓐᓂᖃᓚᐅᕐᐳᑦ 1,700ᓂᒃ ᓴᑯᓪᔅᓂᒃ ᐅᖁᒤᓐᓂᕐᓯᐅᑏᑦ ᒪᓕᒡᓗᒋᑦ, ᐃᓚᒋᔭᐅᓇᑎᒃ ᖁᖓᓯᕐᒧᑦ ᐱᐅᓴᐅᑏᑦ, ᐃᑦᑎᐅᔧᓪᓗ ᑕᐅᑦᑐᖏᑦ ᐊᓐᓄᕌᑦ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᖏᑕ ᐊᑐᓚᐅᕐᑕᖏᑦ, ᐅᕝᕙᓘᓐᓃᑦ ᑳᒥᓖᑦ ᖁᖓᓯᕈᑎᒋᓚᐅᕐᑕᖏᑦ.

ᐃᓗᐊᕐᓮᔩᑦ ᐊᒡᓚᖏᑦ 8:26 ပူးပေါင်းရင်းမြစ်များ

ᐃᔅᑕᐅᑉ ᐊᒡᓚᖏᑦ 8:15

ᑕᕝᕙ ᒧᐊᑎᑬ ᐊᖓᔪᖅᑳᕐᔪᐊᑉ ᓇᔪᕐᑕᖓᓂᑦ ᐊᓂᕗᖅ ᐊᖓᔪᖅᑳᕐᔪᐊᕐᓯᐅᑎᓂᒃ ᐊᓐᓄᕌᓂᒃ ᐊᑐᕐᓗᓂ ᑐᖑᔪᕐᑕᓂᒃ ᖃᖁᕐᑕᓂᒡᓗ ᑕᕐᓴᓕᖕᒥᒃ, ᓂᐊᖂᓯᕐᓯᒪᓪᓗᓂᓗ ᒎᓗᒥᒃ ᐊᖏᔪᒥᒃ ᐅᓕᒡᔪᐊᕐᓯᒪᕗᕐᓗ ᖃᓪᓗᓈᕐᑕᒥᒃ ᓵᑦᑐᒥᒃ ᐊᐅᐸᓪᓗᕆᒃᑐᒥᒃ, ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᕾᒐᓛᓚᐅᕐᐳᑦ ᖁᕕᐊᓱᖕᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:22

ᕿᐱᓕᐅᕐᐸᒡᓗᓂᓗ ᓇᖕᒥᓂᖅ; ᐊᓐᓄᕌᖃᕐᓗᓂᓗ ᐊᑭᑐᔪᒃᓴᔭᓂᒃ ᐊᐅᐸᓪᓚᕆᒃᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 3:18

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐲᔭᕈᒫᕐᐰᑦ ᐱᐅᓴᐅᑏᑦ ᓯᖏᕐᓂᕐᒥᐅᑕᖏᑦ ᓯᕙᓂᕋᕈᑏᑦ, ᖃᐅᕈᑎᖏᓪᓗ ᐅᔭᒥᖏᓪᓗ;

ᔨᕆᒤᐊᐅᑉ ᐊᒡᓚᖏᑦ 10:9

ᑲᑦᔪᒃᑕᐅᓯᒪᔭᕇᕐᑐᒥᒃ ᓯᐅᓪᕕᕆᑖᖃᑦᑕᕐᐳᑦ ᑖᕐᓯᓯᒥᑦ, ᒎᓗᑖᕐᐸᒡᓗᑎᒡᓗ ᐆᐸᔾᒥᑦ. ᓴᓇᓐᖑᐊᕐᑎᓄᑦ ᒎᓗᒥᒡᓗ ᐋᖅᑭᒃᓱᐃᔨᓄᑦ ᓴᓇᔭᐅᔭᕇᕌᖓᑕ, ᐊᓐᓄᕌᓕᐅᕐᑕᐅᕗᖅ ᑐᖑᑦᑐᕆᒃᑐᒥᒃ ᐊᐅᐸᓪᓚᕆᒃᑐᒥᒡᓗ ᐱᔭᕇᕐᑕᐅᕗᑦ ᓴᓇᔭᐅᓪᓗᑎᒃ ᓴᓇᓯᑎᐅᓂᕐᐹᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 27:7

ᐄᑦᔨᑉᑎᒥᑦ ᖃᓪᓗᓈᕐᑕᓂᒃ ᓵᑦᑐᓂᒃ ᑕᕐᓯᕐᑐᕐᓯᒪᔪᓂᒃ ᑎᖏᕐᕋᐅᑕᖃᕐᐸᒃᓗᓯ, ᐃᓕᑕᕆᔭᐅᔪᓐᓇᕐᑐᓂᒃ; ᑖᓗᑕᖃᕐᓗᓯᓗ ᖃᓪᓗᓈᕐᑕᑦᓯᐊᕙᖕᓂᒃ ᓵᑦᑐᓂᒃ ᑐᖑᔪᕐᑐᓂᒃ ᐊᐅᐸᓪᓚᕆᒃᑐᓂᒡᓗ ᕿᑭᕐᑕᒥᐅᓂᑦ ᐱᓯᒪᔪᓂᒃ ᓮᐸᕋᔅᒥᑦ.

ᓘᑲᓯᐅᑉ ᐊᒡᓚᖏᑦ 16:19

“ᐊᔪᕐᓴᖏᑦᑐᖕᒥᒃ ᐊᖑᑎᑕᖃᓚᐅᕐᐳᖅ ᐊᓐᓄᕌᓯᒪᕙᒃᑐᒥᒃ ᐊᓐᓄᕌᓂᒃ ᐊᑭᑐᓂᕐᐹᓂᒃ ᐊᐅᐸᓪᓚᕆᒃᑐᓂᒃ, ᖃᐅᑕᒫᑦ ᓂᕆᕕᒃᔪᐊᕐᑎᑦᓰᓐᓇᕐᑐᒥᒃ.

ᔪᐊᓇᓯᐅᑉ ᐊᒡᓚᖏᑦ 19:2

ᐅᓇᑕᕐᑐᒃᓮᑦ ᓂᐊᖂᑎᒃᓴᓕᐅᕐᐳᑦ ᑲᑭᓪᓚᐅᑎᓕᖕᓂᒃ ᐅᕐᐱᐅᔮᕐᑐᓂᒃ ᐱᕐᕅᓪᓗᑎᒃ, ᔩᓱᓯᐅᓪᓗ ᓂᐊᖁᐊᓄᑦ ᐃᓕᕚᑦ, ᐊᓐᓄᕌᒥᒡᓗ ᐊᐅᐸᓪᓚᕆᒃᑐᒥᒃ ᐊᑎᑎᓪᓗᒍ;

ᔪᐊᓇᓯᐅᑉ ᐊᒡᓚᖏᑦ 19:5

ᑕᕝᕙ ᔩᓱᓯ ᐊᓂᕗᖅ, ᓂᐊᖂᓯᔭᕐᓗᓂ ᑲᑭᓪᓚᐅᑎᓕᖕᓂᒃ ᐅᓕᒡᔪᐊᖃᕐᓗᓂᓗ ᐊᐅᐸᓪᓚᕆᒃᑐᒥᒃ. ᐰᓛᑑᓯ ᐃᓄᖕᓄᑦ ᐅᖃᕐᐳᖅ, “ᑕᑯᓕᕐᓯᐅᒃ ᐊᖑᑦ ᐅᓇ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:4

ᐊᕐᓇᕐᓗ ᐊᓐᓄᕌᕐᓯᒪᕗᖅ ᓵᑦᑐᒥᒃ ᐊᐅᐸᓪᓚᕆᒃᑐᒥᒃ ᐊᐅᐸᕐᑐᒥᒡᓗ, ᒎᓗᓂᒡᓗ ᐅᔭᕋᖕᓂᒡᓗ ᐱᐅᔪᓂᒃ ᓴᐸᖓᕐᓂᒡᓗ ᐊᓐᓄᕌᒥ ᖄᖓᒍᑦ ᐱᐅᓴᐅᑎᖃᕐᐳᖅ, ᑎᒍᒥᐊᕐᓗᓂᓗ ᖃᓪᓗᑎᒥᒃ ᒎᓗᒥᒃ ᐃᒪᖃᕐᑐᒥᒃ ᓇᕐᕈᓇᕐᑐᓂᒃ ᐊᖑᓐᓂᐊᖃᑦᑕᕐᓂᖓᑕᓗ ᓴᓗᒤᓐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:12

ᓂᐅᕕᐊᒃᓴᖁᑎᖃᕐᒪᑕ ᒎᓗᓂᒃ, ᓯᐅᓪᕕᕆᓂᒃ, ᐅᔭᕋᖕᓂᒡᓗ ᐱᐅᓴᐅᑎᓂᒃ, ᓴᐸᖓᕐᓂᒡᓗ, ᖃᓪᓗᓈᕐᑕᑦᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ, ᐱᐊᒃᑐᓂᒡᓗ, ᐊᑭᑐᔪᒃᓴᔭᓂᒡᓗ ᐊᐅᐸᕐᑐᓂᒃ, ᕿᔪᖕᓂᒡᓗ ᐊᑦᔨᒌᖏᑦᑐᓂᒃ ᕿᔪᓯᐊᕙᖕᓂᒃ, ᑑᒑᕐᓂᒡᓗ ᓴᓇᓯᒪᔪᓂᒃ ᐊᒥᓱᓂᒃ, ᕿᔪᖕᓂᒡᓗ ᐊᑭᑐᔪᒃᓴᔭᓂᒃ ᓴᓇᓯᒪᔪᓂᒃ, ᑲᓐᓄᔭᓂᒃ, ᓴᕕᕋᔭᖕᓂᒃ, ᐅᔭᕋᖕᓂᒡᓗ ᒫᕐᐳᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:16

ᐅᖃᕐᓗᑎᒃ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᓐᓄᕌᕐᓯᒪᕙᓚᐅᕐᐳᑦ ᐊᓐᓄᕌᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ ᐊᐅᑉᐸᕆᒃᑐᓂᒡᓗ ᐱᐅᓴᐅᑎᖃᕐᓗᓂ, ᒎᓗᓂᒃ ᐅᔭᕋᖕᓂᒡᓗ ᐱᐅᔪᓂᒃ, ᓴᐸᖓᓂᒡᓗ ᖄᒥᐅᑕᓕᖕᓂᒃ!

ᐃᓗᐊᕐᓮᔩᑦ ᐊᒡᓚᖏᑦ 8:21

ᔩᐸᓗ ᔮᓪᒨᓇᓗ ᐅᖃᕐᐴᒃ ᒋᑎᐅᓂᒧᑦ, “ᐊᑏ, ᓇᖕᒥᓂᖅ ᑐᖁᓚᐅᕐᑎᒍᒃ. ᐊᖑᑦ ᐊᖑᑕᐅᖕᒪᑦ ᓴᓐᖏᔫᓪᓗᓂᓗ.” ᑍᒤᒻᒪᑦ ᒋᑎᐅᓂᐅᑉ ᑐᖁᑉᐹᒃ, ᑳᒥᓕᖁᑎᖏᑕᓗ ᖁᖓᓯᖏᑕ ᐱᐅᓴᐅᑎᖏᑦ ᐅᔭᒥᖏᑦ ᑎᒍᕔᑦ.

ᐃᓗᐊᕐᓮᔩᑦ ᐊᒡᓚᖏᑦ 8:25

ᐃᓄᐃᑦ ᑭᐅᕚᑦ, “ᖁᕕᐊᓱᖕᓂᐊᕐᐳᒍᑦ ᑐᓂᓯᕕᒋᒍᑦᑎᒋᑦ.” ᐊᓐᓄᕌᒥᒃ ᐃᓕᓯᓪᓗᑎᒃ, ᐃᓘᓐᓇᑎᒡᓗ ᐃᓕᓯᕗᑦ ᓯᐅᑎᒥᐅᑕᕐᓂᒃ ᑎᒍᓚᐅᕐᑕᒥᖕᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 8:27

ᒋᑎᐅᓂ ᓴᓇᓚᐅᕐᐳᖅ ᐊᔪᕆᕐᑐᐃᔨᕐᔪᐊᑉ ᓴᒡᕕᖕᒥᐅᑕᖏᓐᓂᒃ ᒎᓗᓂᒃ ᐱᓚᐅᕐᑕᒥᓂᒃ; ᐊᖏᕐᕋᒥᓄᓪᓗ ᐃᓕᕚ ᐅᐸᕋᒥ. ᐃᓴᕆᐊᓕᒥᐅᑦ ᐃᓘᓐᓇᑎᒃ ᐊᓯᓐᓂᐊᓕᓚᐅᕐᐳᑦ ᒎᑎᒥᒃ, ᐃᓘᓐᓇᑎᒡᓗ ᐂᕗᑦ ᑐᒃᓯᐊᕆᐊᕐᑐᕐᓗᑎᒃ ᑖᑦᓱᒧᖓ. ᒋᑎᐅᓂᐅᑉ ᐃᓚᖏᑕᓗ ᐊᔪᓕᕈᑎᒋᓚᐅᕐᐹᑦ.