ᐃᓗᐊᕐᓮᔩᑦ ᐊᒡᓚᖏᑦ 8:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᒋᑎᐅᓂᓗ ᐅᖃᒃᑲᓐᓂᕐᐳᖅ, “ᐱᔪᒪᔭᖃᕐᐳᖓ ᐊᑕᐅᓯᕐᒥᒃ, ᐃᓘᓐᓇᓯ ᑐᓂᓯᕕᒋᓯᓐᖓ ᑐᖁᓚᐅᕐᑕᑦᓯ ᐱᖁᑎᕕᓂᖏᓐᓂᒃ ᑎᒍᓚᐅᕐᑕᑦᓯᓐᓂᒃ ᓯᐅᑎᒥᐅᑕᕐᓂᒃ.” (ᒎᓗᓂᒃ ᓯᐅᑎᕈᑎᖃᕐᐸᓚᐅᕐᒪᑕ ᐃᓯᒤᓕᐅᑉ ᑭᖑᕚᖏᑦ.)

ᐃᓗᐊᕐᓮᔩᑦ ᐊᒡᓚᖏᑦ 8:24 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 24:22

ᑳᒥᓖᓪᓕ ᐃᒥᕇᕐᒪᑕ, ᐊᖑᑦ ᑎᒍᓯᕗᖅ ᒎᓗᒥᒃ ᓴᓪᑰᑉ ᐊᕝᕙᖓᓂᒃ ᐅᖁᒤᓐᓂᖃᕐᑐᒥᒃ ᕿᖓᕐᒥᐅᑕᕐᒥᒃ, ᒪᕐᕉᖕᓂᒡᓗ ᐊᒡᒐᐅᒻᒥᐅᑕᒃᓴᖏᖕᓂᒃ ᒎᓗᓂᒃ ᐅᖁᒤᓐᓂᖃᕐᑐᓂᒃ ᖁᓕᓂᒃ ᓴᓪᑯᓂᒃ.

ᒨᓯᓯ ᓯᕗᓪᓖᑦ 24:53

ᓇᒃᓴᕐᓯᒪᔭᒥᓂᒃ ᐲᔧᓕᕐᐳᖅ ᓯᐅᓪᕕᕆᓂᒃ ᒎᓗᓂᒡᓗ ᓴᓇᓯᒪᔪᓂᒃ, ᐊᓐᓄᕌᓂᒡᓗ, ᕇᐱᑲᒧᓪᓗ ᑐᓂᓪᓗᒋᑦ; ᐊᓂᖓᓄᑦᑕᐅᖅ ᐊᓈᓇᖓᓄᓪᓗ ᑐᓂᓯᕗᖅ ᐊᑭᑐᔪᒃᓴᔭᓂᒃ.

ᒨᓯᓯ ᓯᕗᓪᓖᑦ 25:12

ᐅᑯᐊ ᑕᕝᕙ ᐃᓯᒥᐅᓪ ᑭᖑᕚᖏᑦ, ᐂᑉᕋᕼᐋᒻ ᐃᕐᓂᖓᑕ, ᐂᒡᒐᐅᑉ ᐄᑦᔨᑉᑎᒥᐅᑕᐅᑉ ᓵᕋᐅᑉ ᓯᐊᓛᖓᑕ, ᐂᑉᕋᕼᐋᒻᒥᑦ ᐃᕐᓂᕐᑖᕆᓚᐅᕐᑕᖓᑕ,

ᒨᓯᓯ ᓯᕗᓪᓖᑦ 25:13

ᐅᑯᐊ ᑕᕝᕙ ᐊᑎᖏᑦ ᐃᓯᒥᐅᑉ ᐃᕐᓂᖏᑕ ᐊᖓᔪᒃᓯᕐᓂᑦ ᐱᒋᐊᕐᓗᒋᑦ; ᓂᐰᐅᑎ ᐄᓯᒥᐅᑉ ᐊᖓᔪᒃᓯᕐᐹᖁᑎᖓ; ᑭᑕᕆ, ᐊᑉᑎᐅᓪ, ᒥᑉᓵᒻ,

ᒨᓯᓯ ᓯᕗᓪᓖᑦ 35:4

ᑍᒤᒻᒪᑦ ᔧᑯ ᑐᓂᕚᑦ ᑕᒤᓐᓂᒃ ᐃᓅᖃᑎᑐᖃᕆᓐᖏᑕᖏᑕ ᒎᑎᓐᖑᐊᖏᓐᓂᒃ ᐱᒋᔭᒥᖕᓂᒃ, ᓯᐅᑎᒥᐅᑕᓂᒡᓗ ᐊᑐᕐᑕᒥᖕᓂᒃ; ᑖᒃᑯᐊᓗ ᔧᑰᑉ ᓴᐅᕔᑦ ᓄᓇᒧᑦ ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᐊᑖᓄᑦ ᓯᑭᒻᒥᐅᑉ ᖃᓂᒋᔮᓄᑦ.

ᒨᓯᓯ ᓯᕗᓪᓖᑦ 37:25

ᑕᕝᕙ ᐃᖏᑉᐳᑦ ᓂᕆᓇᓱᐊᓕᕐᓗᑎᒃ; ᑕᑯᓴᕋᒥᒡᓗ ᑕᑯᕗᑦ, ᐃᓯᒤᓕᒥᐅᓂᒃ ᐅᓄᕐᑐᓂᒃ ᐃᖏᕐᕋᖃᑎᒌᒃᑐᓂᒃ, ᓄᓇᒥᑦ ᒋᓕᐊᑎᒥᑦ ᐱᔪᓂᒃ ᑳᒥᓕᒃᑯᑦ ᐃᖏᕐᕋᔪᓂᒃ, ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᑐᑦ, ᐹᓪᒥᓂᒃ, ᒧᕆᓂᒡᓗ, ᐄᑦᔨᑉᑎᒧᓐᖓᐅᑎᔭᒥᖕᓂᒃ.

ᒨᓯᓯ ᓯᕗᓪᓖᑦ 37:28

ᑍᒤᒻᒪᑦ ᒥᑎᐊᓂᒥᐅᑦ ᑕᐅᕐᓰᔩᑦ ᐊᖅᑯᓵᓕᕐᐳᑦ; ᑕᕝᕙ ᔫᓯᐱ ᐃᑎᕐᓴᒥᑦ ᐊᒧᓪᓗᒍ ᐊᓂᑎᑉᐹᑦ, ᓂᐅᕐᕈᑎᒋᓪᓗᒍᓗ ᐃᓯᒤᓕᒥᐅᓄᑦ 20ᓂᒃ ᓯᐅᓪᕕᕆᓂᒃ ᐊᑭᖃᕐᓱᓂ; ᑖᒃᑯᐊᓗ ᔫᓯᐱ ᓇᒃᓴᓕᕐᐹᑦ ᐄᑦᔨᑉᑎᒧᑦ.

ᐊᑕᓃᑦ ᓯᕗᓪᓖᑦ 20:11

ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᑭᐅᕗᖅ ᐅᖃᕐᓗᓂ, “ᐅᖃᐅᑎᒍᒃ, ‘ᓴᐴᓗᑕᒥᓂᒃ ᐊᑎᔪᖅ ᐃᒻᒥᓂᒃ ᐱᐅᔪᕆᓐᖏᓚᐅᕐᓕ, ᓴᐴᓗᑕᒥᓂᒃ ᐲᕐᓯᔪᑎᑐᑦ.’”

ᒨᓯᓯ ᐂᑉᐸᖏᑦ 12:35

ᐃᓴᕆᐊᓕᒥᐅᓪᓗ ᒨᓯᓯᒧᑦ ᐱᖁᔭᐅᓚᐅᕐᓂᑎᒃ ᒪᓕᒡᓗᒍ ᐱᓂᐊᕐᐳᑦ, ᐅᖃᐅᑎᔭᐅᓯᒪᒐᒥᒃ ᐄᑦᔨᑉᑎᒥᐅᓂᑦ ᑐᒃᓯᕋᖁᔭᐅᓪᓗᑎᒃ, ᒎᓗᓂᒃ ᓯᐅᓪᕕᕆᓂᒡᓗ ᐱᖁᑎᖏᓐᓂᒡᓗ ᐊᓐᓄᕌᖏᓐᓂᒡᓗ.

ᒨᓯᓯ ᐂᑉᐸᖏᑦ 32:3

ᑕᕝᕙ ᐃᓄᓕᒫᑦ ᓯᐅᑎᒥᐅᑕᒥᖕᓂᒃ ᒎᓗᓂᒃ ᐲᔧᕗᑦ, ᐂᕉᓂᒧᐊᕐᓗᒋᓪᓗ.

ᒨᓯᓯ ᐂᑉᐸᖏᑦ 32:4

ᐂᕉᓂᐅᓪᓗ ᓯᐅᑎᒥᐅᑍᑦ ᐱᒐᒥᒋᑦ ᐊᐅᒃᑎᑉᐰᑦ, ᑯᕕᓪᓗᒋᓪᓗ ᐋᖅᑭᒃᓯᕕᖕᒧᑦ, ᓄᕐᕋᓐᖑᐊᒥᒡᓗ ᓴᓇᕗᖅ. ᐃᓄᐃᓪᓗ ᐅᖃᕐᐳᖅ, “ᐃᓴᕆᐊᓕ, ᐅᓇ ᑕᕝᕙ ᒎᑎᕗᑦ, ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ!”

ᒨᓯᓯ ᐂᑉᐸᖏᑦ 32:8

ᑖᒃᑯᓄᖓ ᐊᑐᕐᑕᐅᖁᓚᐅᕐᑕᓐᓂᒃ ᒪᓕᒃᑕᐅᖁᓚᐅᕐᑕᓐᓂᒡᓗ ᕿᒤᓯᒪᓕᕇᕐᒪᑕ; ᒎᓗᒥᒃ ᐊᐅᒃᑎᑦᓯᓪᓗᑎᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ ᓴᓇᓯᒪᓕᕐᐳᑦ ᑖᓐᓇᓗ ᑐᒃᓯᐊᕐᕕᒋᓪᓗᒍ ᑐᓂᕐᕈᓯᕐᕕᒋᓯᒪᓕᕐᐹᑦ. ᐅᖃᕐᓗᑎᒡᓗ ‘ᑖᒃᑯᐊ ᑕᕝᕙ ᒎᑎᓯ, ᐃᓴᕆᐊᓕᒥᐅᖑᔪᓯ ᐄᑦᔨᑉᑎᒥᑦ ᐊᐅᓪᓚᕈᑦᔨᔨᒋᓚᕐᑕᓯ.’”

ᐃᓯᑭᐊᓕᐅᑉ ᐊᒡᓚᖏᑦ 7:20

ᐱᐅᓴᐅᑎᒥᖕᓂᒃ ᐱᔪᕆᐅᑎᖃᕐᐸᓚᐅᕐᐳᑦ, ᓇᕐᕈᓇᕐᑐᒥᒡᓕ ᒎᑎᓐᖑᐊᓕᐊᕆᓚᐅᕐᐰᑦ ᐃᑦᔪᕐᓇᕐᑐᓂᒡᓗ ᐱᓇᓱᐊᕈᑎᒋᓪᓗᒋᑦ; ᑍᒤᒻᒪᑦ ᓇᕐᕈᓇᕐᓯᑎᓐᓂᐊᓕᕐᐸᒃᑲ ᑖᒃᑯᓄᖓ.

ᐃᓗᐊᕐᓮᔩᑦ ᐊᒡᓚᖏᑦ 8:25

ᐃᓄᐃᑦ ᑭᐅᕚᑦ, “ᖁᕕᐊᓱᖕᓂᐊᕐᐳᒍᑦ ᑐᓂᓯᕕᒋᒍᑦᑎᒋᑦ.” ᐊᓐᓄᕌᒥᒃ ᐃᓕᓯᓪᓗᑎᒃ, ᐃᓘᓐᓇᑎᒡᓗ ᐃᓕᓯᕗᑦ ᓯᐅᑎᒥᐅᑕᕐᓂᒃ ᑎᒍᓚᐅᕐᑕᒥᖕᓂᒃ.

ᓴᒧᐃᓕ ᓯᕗᓪᓖᑦ 25:11

ᓂᐊᖂᔭᓂᒃ ᐃᒥᕐᒥᒡᓗ ᓂᕿᓂᒡᓗ ᑐᖁᓚᐅᕐᑕᓐᓂᒃ ᕿᐅᕐᑍᔨᖁᑎᓐᓄᑦ ᓂᕿᒃᓴᐅᖁᓪᓗᒋᑦ, ᑐᓂᓯᔪᒃᓴᐅᕗᖓ ᐃᓄᖕᓄᑦ ᓇᑭᑦ ᐱᖕᒪᖔᑕ ᖃᐅᔨᒪᓐᖏᑕᓐᓄᑦ?”