ᐃᓗᐊᕐᓮᔩᑦ ᐊᒡᓚᖏᑦ 7:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐅᓇᑕᕐᑐᒃᓮᑦ ᐱᖓᓱᐃᓕᖅᑲᖓᔪᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᒋᕗᑦ ᐃᒪᖃᐅᑎᓂᒡᓗ ᓯᖁᒥᑦᓯᓪᓗᑎᒃ, ᓴᐅᒥᖕᒥᖕᓂ ᓇᓂᕈᐊᕐᒥᒃ ᑎᒍᒥᐊᕐᓗᑎᒃ, ᑕᓕᕐᐱᖕᒥᖕᓄᓪᓗ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᓪᓗᑎᒃ, ᕾᒐᓛᕐᓗᑎᒡᓗ, “ᓴᕕᒡᔪᐊᖅ ᐊᑕᓂᐅᑉ ᐅᓇᑕᕐᓂᖓ ᒋᑎᐅᓂᐅᓪᓗ!”

ᐃᓗᐊᕐᓮᔩᑦ ᐊᒡᓚᖏᑦ 7:20 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:7

ᐅᕙᒍᓪᓕ ᐊᓂᕐᓂᒃᑯᑦ ᐱᒃᑯᒥᓇᕐᑐᒥᒃ ᑕᒪᑐᒥᖓ ᐱᖃᕐᑐᒍᑦ ᐃᒥᖃᐅᑎᑎᑐᑦ ᒪᕐᕋᕐᑎᑐᑦ ᑍᒤᑉᐳᒍᑦ, ᓴᖅᑭᑎᑦᓯᖁᓪᓗᑕ ᐱᔪᓐᓇᕐᓂᕐᔪᐊᖅ ᑕᒪᓐᓇ ᒎᑎᒥᑦ ᐱᓯᒪᓂᖓᓂᒃ ᐅᕙᑦᑎᓐᓂᐅᖏᑦᑐᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:52

ᐃᔨᐅᑉ ᓯᑯᓐᖏᓪᓚᖕᓂᖓᑐᑦ ᕿᓚᒻᒥᐅᑎᒋᔪᒥᒃ, ᑎᑦᑐᓚᐅᑦ ᑭᖑᓪᓕᕐᐹᖅ ᓂᓪᓕᕐᐸᑦ. ᑎᑦᑐᓚᐅᑦ ᓂᓪᓕᑐᐊᕐᐸᑦ, ᑐᖁᖓᔪᑦ ᒪᑭᑦᓱᒫᕐᐳᑦ ᓱᕈᔭᑦᑑᔪᓐᓃᕐᓗᑎᒃ, ᐅᕙᒍᓪᓗ ᑕᒪᑦᑕ ᐊᓯᑦᔨᕐᑕᐅᔪᒫᕐᐳᒍᑦ.

ᔮᓱᐊᑉ ᐊᒡᓚᖏᑦ 6:20

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᑐᐊᕐᒪᑕ, ᐊᖑᑏᑦ ᓂᐱᖅᑯᕐᑐᓪᓗᑎᒃ ᕾᒐᓛᓕᓚᐅᕐᐳᑦ. ᔨᕆᑰᓪᓗ ᐊᕙᓗᕐᔪᐊᖏᑦ ᐅᕐᕈᕗᑦ, ᐃᓄᓕᒫᓪᓗ ᓵᓐᖓᔭᒥᒃᑎᒍᑦ ᑐᕅᓐᓇᕐᓗᑎᒃ ᐃᑎᕐᐳᑦ ᐃᒡᓗᒐᓴᖕᓄᑦ, ᐃᒡᓗᒐᓮᓪᓗ ᓵᓚᒋᓪᓗᒋᑦ.

ᔮᓱᐊᑉ ᐊᒡᓚᖏᑦ 6:16

7ᖓᓐᓂ ᑬᕙᓪᓔᔭᕇᕐᒪᑕ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᕗᑦ, ᑕᕝᕙ ᔮᓱᐊᑉ ᐊᖑᑏᑦ ᐅᖃᐅᑎᕔᑦ, “ᕾᒐᓛᓕᕆᑦᓯ; ᐊᑕᓂᐅᑉ ᐃᒡᓗᒐᓴᖕᓂᒃ ᑐᓂᕚᓯ!

ᔮᓱᐊᑉ ᐊᒡᓚᖏᑦ 6:4

ᑐᓂᕐᕈᓯᕐᑎᑦᓯᔩᑦ 7 ᐊᑐᓂᑦ ᑎᑦᑐᓚᐅᓯᔭᕐᓗᑎᒃ ᓰᐱᐅᑉ ᐸᖕᓂᖓᑕ ᓇᒡᔪᖏᓐᓂᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᓯᕗᓂᖓᓃᑦᑐᒃᓴᐅᕗᑦ; ᐅᓪᓗᐃᓪᓕ 7ᖓᓐᓂ ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ 7ᐃᕐᓱᕐᓗᒋᑦ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᑎᓂᒃ ᓂᓪᓕᐊᑎᑦᓯᓗᑎᒃ.

ᐄᑉᕈᐃᓄᑦ 11:4

ᐅᒃᐱᕐᓂᑯᑦ ᐂᐱᓕ ᒎᑎᒧᑦ ᑐᓂᕐᕈᓯᓚᐅᕐᐳᖅ ᑐᓂᕐᕈᓯᐅᑎᒃᓴᒥᒃ ᐱᐅᒋᔭᐅᓂᕐᓴᒥᒃ ᑬᓂᐅᑉ ᑐᓂᕐᕈᑎᖓᓂᑦ, ᐅᒃᐱᕐᓂᖓᓄᑦ ᐃᓗᐊᕐᑑᓂᕋᕐᑕᐅᕗᖅ, ᒎᑎᐅᓪᓗ ᓈᒻᒪᒋᓚᐅᕐᐹ ᐂᐱᓕᐅᑉ ᑐᓂᕐᕈᑎᖓ; ᐅᒃᐱᕋᒥᓗ ᓱᓕ ᐅᖃᓪᓚᒃᐳᖅ, ᑐᖁᖓᓕᕋᓗᐊᕐᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:16

ᐊᑕᓂᖅ ᓇᖕᒥᓂᖅ ᕿᓚᖕᒥᑦ ᐊᖅᑲᕈᒫᕐᒪᑦ, ᓂᐱᕐᔪᐊᒧᑦ ᕾᖁᔨᔪᒧᑦ, ᐂᖏᓖᑦ ᐊᖓᔪᖅᑳᖓᑦᑕ ᓂᐱᖓᓄᑦ, ᒎᑎᐅᓪᓗ ᑎᑦᑐᓚᐅᑎᖁᑎᖓᓄᑦ, ᙭ᔅᑑᓯᒥᓗ ᑐᖁᖓᔪᑦ ᐃᓅᓯᕐᒧᑦ ᓯᕗᓪᓕᐅᓗᑎᒃ ᒪᑭᖅᑳᕈᒫᕐᐳᑦ;

ᐲᑦᑐᕉᓯ ᐂᑉᐸᖏᑦ 1:15

ᐊᒃᓱᕈᓪᓚᕆᒃᐳᖓᓗ ᑭᖑᓂᓐᓂ ᑕᒪᒃᑯᓂᖓ ᖃᖓᓕᒫᒃᑯᑦ ᐃᖅᑬᔪᓐᓇᖁᓪᓗᓯ.

ᐃᓗᐊᕐᓮᔩᑦ ᐊᒡᓚᖏᑦ 7:19

ᑕᕝᕙ ᒋᑎᐅᓂ ᐃᓄᖁᑎᖏᓪᓗ 100ᐃᑦ ᑕᖕᒫᕐᓯᒪᕕᖏᑦᑕ ᑭᒡᓕᖓᓄᐊᕐᐳᖅ ᕿᑎᕋᓕᓚᐅᕐᑎᓐᓇᒍ ᐅᓐᓄᒃᑯᑦ, ᖃᐅᔨᓴᕐᑏᑦ ᐊᓯᑦᔨᕐᑕᐅᕋᑖᕐᑎᓪᓗᒋᑦ; ᐊᑕᐅᑦᓯᒃᑯᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᕗᑦ, ᒪᕐᕅᓪᓗ ᐃᒪᖃᐅᑏᑦ ᑎᒍᒥᐊᕐᑕᑎᒃ ᓯᖁᒥᓪᓗᒋᑦ,

ᐃᓗᐊᕐᓮᔩᑦ ᐊᒡᓚᖏᑦ 7:21

ᑕᒪᕐᒥᒃ ᐃᓂᒥᖕᓂ ᓇᖏᕐᐳᑦ ᑕᖕᒫᕐᓯᒪᕕᖓᑦ ᐊᕙᓗᓯᒪᓪᓗᒍ, ᐅᓇᑕᕐᑐᒃᓴᓕᒫᓪᓗ ᕿᒫᓕᕐᐳᑦ ᕾᒐᓛᕐᓗᑎᒃ.

ᓴᒧᐃᓕ ᓯᕗᓪᓖᑦ 11:11

ᖃᐅᑎᓪᓗᒍ ᐅᓪᓛᒃᑯᑦ ᓴᐅᓕᐅᑉ ᐃᓄᖁᑎᓂ ᐊᕕᒃᑐᕐᐰᑦ ᐱᖓᓱᐃᓕᓪᓗᒋᑦ; ᖃᐅᒻᒪᓕᕐᑎᓪᓗᒍ ᐊᑭᕋᖏᑕ ᑕᖕᒫᕐᓯᒪᕕᒋᔭᖓᓄᐊᕐᐳᑦ ᐅᓇᑕᕆᐊᕐᓗᑎᒃ, ᐊᒧᓁᑎᒥᐅᓪᓗ ᑐᖁᕋᕐᐰᑦ ᐅᓪᓘᑉ ᕿᑎᕋᕐᓂᖓᓄᑦ ᑎᑭᓪᓗᒍ; ᐊᒥᐊᒃᑰᔪᓪᓗ ᓯᐊᒻᒪᓚᐅᕐᐳᑦ, ᐂᑉᐸᖃᐅᕋᑎᒃ ᐃᓄᑑᓈᕐᑎᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 47:6

ᐅᖃᕐᐳᓯ, ‘ᐊᑕᓂᐅᑉ ᓴᕕᒡᔪᐊᖓ ᖃᓄᖅ ᐊᑯᓂᐊᑎᒋᔪᖅ ᓄᖅᑲᖓᓂᐊᕐᐲᑦ? ᐴᕆᔭᕐᓂ ᐴᕐᓯᒪᑐᐃᓐᓇᓕᕆᑦ, ᑕᕾᕐᓯᕐᓗᑎᓪᓗ.’