ᐃᓗᐊᕐᓮᔩᑦ ᐊᒡᓚᖏᑦ 6:39 - ᐊᒡᓔᑦ ᐃᑦᔪᕐᖕᓁᑦᑐᑦ

³⁹ ᒋᑎᐅᓂ ᐅᖃᓕᕆᕗᖅ ᒎᑎᒧᑦ, “ᓂᓐᖓᒡᕕᒋᑦᑍᓕᓐᖓ ᓱᓕ ᐊᑕᐅᓯᐊᕐᓗᖓ ᐅᖃᒃᑲᓐᓂᕐᓚᖓ; ᕿᓄᔪᖓ ᐊᑕᐅᓯᕐᒥᒃ ᓱᓕ ᐆᒃᑐᕋᒃᑲᓐᓂᕐᓚᖓ ᓰᐱᐅᑉ ᒥᖅᑯᖓᓂᒃ. ᑕᒪᑐᒪᓂ ᓰᐱᐅᑉ ᒥᖅᑯᖓ ᐸᓂᕐᑐᑑᓚᐅᕐᓕ ᓄᓇ ᖃᐅᓯᕐᑎᓪᓗᒍ.”

ᐃᓗᐊᕐᓮᔩᑦ ᐊᒡᓚᖏᑦ 6:39 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:30

ᐂᑉᕋᕼᐋᒻ ᐅᖃᕐᐳᖅ, “ᐊᑕᓃᖅ, ᓂᓐᖓᐅᑎᑦᑍᓕᓐᖓ, ᓱᓕ ᐅᖃᒃᑲᓐᓂᕈᒪᒐᒪ. ᖃᓄᐃᒃᑲᔭᕐᐱᒋᓪᓕ 30ᑐᐃᓐᓇᐅᒃᐸᑕ?” ᑖᑦᓱᒪ ᐅᖃᐅᑎᕚ, “30ᐅᒃᐸᑕ ᓄᖑᓐᓂᐊᓐᖏᓚᒃᑲ.”

ᒨᓯᓯ ᓯᕗᓪᓖᑦ 18:32

ᐂᑉᕋᕼᐋᒻ ᐅᖃᕐᐳᖅ, “ᐊᑕᓃᖅ, ᓂᓐᖓᒃᑍᓕᒋᑦ, ᓱᓕ ᐊᑕᐅᓯᐊᕐᓗᖓ ᐅᖃᒃᑲᓐᓂᕈᒪᒐᒪ. ᖁᓕᑐᐃᓐᓇᐅᒃᐸᑕᓕ?” ᑖᑦᓱᒪ ᐅᖃᐅᑎᕚ, “ᓇᓂᓯᒐᔭᕈᒪ ᖁᓕᓂᒃ ᑖᒃᑯᐊ ᐱᓪᓗᒋᑦ ᓄᖑᓐᓂᐊᓐᖏᓚᒃᑲ.”

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 21:43

“ᑍᒤᒻᒪᑦ ᐅᖃᐅᑎᕙᑦᓯ, ᒎᑎᐅᑉ ᐊᑕᓂᐅᕕᖓᓂᒃ ᐊᕐᓵᕐᑕᐅᔪᒫᕐᐳᓯ ᑐᓂᔭᐅᖔᕐᓗᓂ ᐃᓄᖕᓄᑦ ᐱᕈᕐᑐᖃᕐᑎᑦᓯᔪᓐᓇᕐᑐᓄᑦ. [

ᒫᑎᐅᓯᐅᑉ ᐊᒡᓚᖏᑦ 8:12

ᑖᒃᑯᐊ ᑕᕝᕗᓐᖓᕐᑐᒃᓴᐅᓚᐅᕐᑑᒐᓗᐊᑦ ᒎᑎᐅᑉ ᐊᑕᓂᐅᕕᖓᓄᑦ, ᐃᒋᑕᐅᔪᒫᕐᐳᑦ ᑖᕐᑐᕐᔪᐊᕐᒧᑦ, ᑕᕝᕙᓂ ᕿᐊᓂᖃᕈᒫᕐᐳᑦ ᐋᓐᓂᐊᓂᕐᒧᓪᓗ ᐊᒡᓕᕈᓛᓗᑎᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:46

ᐸᐅᓗᓯᒃᑯᒡᓕ ᐸᕐᓇᐹᓯᒃᑯᒃ ᓯᕘᕋᓇᑎᒃ ᐅᖃᓚᓪᓕᕐᐴᒃ ᐃᒫᒃ, “ᐱᔭᕆᐊᖃᒻᒪᕆᓚᐅᕐᒪᑦ ᐊᑕᓂᐅᑉ ᐅᖃᐅᑕᐅᓂᖓ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ ᐅᖃᐅᓯᐅᖁᓪᓗᒍ. ᑭᓯᐊᓂᓕ ᐃᓚᓕᐅᖏᓐᓇᑦᓯᐅᒃ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᔪᒃᓴᐅᔪᓐᓃᕐᑎᓐᓇᑦᓯ ᐃᓕᑦᓯᓐᓂᒃ, ᔫᑎᐅᖏᑦᑐᓄᑦ ᑕᕝᕙ ᓵᓐᓂᐊᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 22:21

ᐊᑕᓂᐅᑉ ᐅᖃᐅᑎᓚᐅᕐᐹᖓ, ‘ᐊᐅᓪᓚᓕᕆᑦ; ᑎᓕᔪᒪᒐᒃᑭᑦ ᐅᖓᓯᒃᑐᒦᑐᓄᑦ ᔫᑎᐅᖏᑦᑐᓄᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 28:28

“ᑕᒪᓐᓇ ᐱᓪᓗᒍ ᖃᐅᔨᒪᖁᕙᑦᓯ ᒎᑎᐅᑉ ᐱᐅᓕᒃᓯᓂᖓ ᑐᕌᖓᑎᑕᐅᓕᕐᐳᖅ ᔫᑎᐅᖏᑦᑐᓄᑦ; ᑖᒃᑯᐊ ᓈᓚᒍᓐᓇᕐᒪᑕ.” [

ᐃᓗᐊᕐᓮᔩᑦ ᐊᒡᓚᖏᑦ 6:38

ᐊᓱᐃᓛᒃ ᑍᒤᓚᐅᕐᐳᖅ, ᒋᑎᐅᓂ ᐅᓪᓛᒻᒪᕆᒃᑯ ᑐᐸᒐᒥ, ᓰᐱᐅᑉ ᒥᖅᑯᖓ ᓯᕝᕗᕐᓗᒍ ᐴᒍᑕᖅ ᐃᒥᕐᒥᒃ ᑕᑕᑉᐹ.

ᐃᓗᐊᕐᓮᔩᑦ ᐊᒡᓚᖏᑦ 6:40

ᒎᑎ ᑍᒤᓕᐅᓚᐅᕐᐳᖅ ᐅᓐᓄᐊᒥ ᑍᑦᓱᒪᓂ ᓰᐱᐅᑉ ᒥᖅᑯᖓ ᐸᓂᕐᑐᑑᓚᐅᕐᐳᖅ ᓄᓇ ᖃᐅᓯᕐᑎᓪᓗᒍ.