ᐃᓗᐊᕐᓮᔩᑦ ᐊᒡᓚᖏᑦ 6:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᐊᑕᓂᐅᓪᓗ ᐊᓂᕐᓂᖓᑕ ᒋᑎᐅᓂ ᐊᐅᓚᓕᕐᐹ, ᑎᑦᑐᓚᐅᑎᒥᒡᓗ ᓂᓪᓕᕐᑎᑦᓯᓪᓗᓂ, ᐊᐰᔨᕅᑏᑦ ᑭᖑᕚᖑᖃᑎᓂ ᕾᖁᕔᑦ ᒪᓕᖁᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 6:34 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 12:18

ᑕᕝᕙ ᐊᓂᕐᓂᐅᑉ ᐊᒪᓮ ᑎᑭᕝᕕᒋᕚ, ᐊᖓᔪᖅᑳᖑᔪᖅ 30ᓄᑦ, ᐅᖃᕐᓗᓂᓗ, “ᐃᓕᖕᓄᑦ ᐱᒋᔭᐅᕗᒍᑦ, ᑍᕕᑏ; ᐃᓕᖕᓂᒡᓗ ᐃᓕᖃᕐᐳᒍᑦ, ᔨᓯᐅᑉ ᐃᕐᓂᖓ! ᓮᒻᒪᕐᑎᑕᐅᒋᑦ, ᓮᒪᓂᐅᓪᓗ ᓇᔪᕐᓕᑎᑦ, ᐃᑲᔪᕐᑎᑎᓪᓗ ᓮᒻᒪᕐᑎᑕᐅᓕᑦ! ᒎᑎᕕᑦ ᐃᑲᔪᕐᒫᑎᑦ.” ᑕᕝᕙ ᑍᕕᑎᐅᑉ ᐃᓚᓕᐅᕐᐰᑦ, ᐊᖓᔪᖅᑳᓐᖑᕐᑎᓪᓗᒋᓪᓗ ᐅᓇᑕᕐᑐᒃᓴᖁᑎᒥᓄᑦ.

ᑯᕉᓂᑲ ᓯᕗᓪᓖᑦ 12:19

ᒫᓇᓯᐅᑉ ᑭᖑᕚᖏᑕ ᐃᓚᖏᑦ ᐃᓚᓕᐅᑎᓚᐅᕐᐳᑦ ᑍᕕᑎᒧᑦ ᐱᓕᔅᑍᓂᒥᐅᓂᒃ ᐃᓚᖃᕐᓗᓂ ᐅᓇᑕᕆᐊᕐᑎᓪᓗᒍ ᓴᐅᓕᒥᒃ. ᑍᕕᑎᐅᓪᓕ ᐃᑲᔪᓚᐅᓐᖏᓔᑦ, ᐱᓕᔅᑍᓂᒥᐅᑦ ᐊᖓᔪᖅᑳᖏᑕ ᐊᐅᓪᓚᕐᑎᓚᐅᕐᒪᒋᑦ ᐅᖃᖃᑎᒌᒃᓗᑎᒃ ᐅᖃᓚᐅᕐᒪᑕ, “ᐃᓚᓕᐅᑎᑐᐃᓐᓇᕆᐊᖃᕐᒪᑦ ᐊᖓᔪᖅᑳᒥᓄᑦ ᓴᐅᓕᒧᑦ ᐅᕙᑦᑎᓐᓄᑦ ᑲᑉᐱᐊᓇᕐᓯᓗᓂ.”

ᑯᕉᓂᑲ ᐂᑉᐸᖏᑦ 24:20

ᑕᕝᕙ ᒎᑎᐅᑉ ᐊᓂᕐᓂᖓ ᐃᑎᕐᐳᖅ ᓴᑲᕅᐊᒧᑦ ᑐᓂᕐᕈᓯᕐᑎᑦᓯᔨᐅᑉ ᔨᕼᐅᐃᐊᑕᐅᑉ ᐃᕐᓂᖓᓄᑦ ᐊᐅᓚᓕᕐᓗᒍ; ᓂᑯᕕᑉᐳᕐᓗ ᐳᕐᑐᓂᕐᓴᒧᑦ, ᐃᓄᐃᓪᓗ ᐅᖃᐅᑎᓪᓗᒋᑦ, “ᒎᑎ ᐃᒫᒃ ᐅᖃᕐᐳᖅ, ‘ᓱᖕᒪᑦ ᐊᑕᓂᐅᑉ ᐱᖁᔭᖏᓐᓂᒃ ᓈᓚᓐᖏᓚᓯ? ᐃᓕᑦᓯᓐᓂᒃ ᐱᔪᓐᓇᕐᓯᕙᓪᓕᐊᑎᖏᓐᓇᑦᓯ, ᐊᑕᓂᕐᒥᒃ ᕿᒤᓚᐅᕋᑦᓯ, ᑕᕝᕙ ᑖᑦᓱᒪ ᕿᒪᓚᐅᕆᕚᓯ.’”

ᐃᓐᖏᕈᑎᑦ 51:11

ᐊᓂᑎᓐᓂᐊᕐᓇᖓ ᓇᔪᒐᕐᓂᑦ, ᐊᕐᓵᕐᑍᓕᓐᖓᓗ ᐊᓂᕐᓂᕐᓂᒃ ᐃᑦᔪᕐᓁᑦᑐᒥᒃ.

ᒨᓯᓯ ᓯᑕᒪᖏᑦ 10:3

ᑕᒪᕐᒥᒃ ᓂᓪᓕᕐᑎᑕᐅᒃᐸᑎᒃ, ᐃᓄᒋᐊᒃᑐᕐᔪᐊᑦ ᑕᕝᕙ ᓵᖕᓂ ᑲᑎᔭᕆᐊᖃᕐᐳᑦ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ.

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᒐᓔᑎᐊᒥᐅᓄᑦ 3:27

ᐅᓄᕐᑑᓪᓗᓯ ᙭ᔅᑑᓯᒃᑯᑦ ᐹᑉᑎᑕᐅᓯᒪᔪᓯ ᐊᑎᑎᑕᐅᓯᒪᕗᓯ ᙭ᔅᑑᓯᒥᒃ.

ᔮᓱᐊᑉ ᐊᒡᓚᖏᑦ 17:2

ᓄᓇᓖᑦ ᔪᐊᕐᑕᓂᐅᑉ ᑰᖓᑕ ᓯᕿᓂᖓᑕ ᓂᐱᕕᐊᓃᑦᑐᖅ ᑐᓂᔭᐅᕗᖅ ᒫᓇᓯᐅᑉ ᐃᓚᖏᓐᓄᑦ ᓄᓇᑖᓚᐅᖏᑦᑐᓄᑦ ᐅᑯᓄᖓ: ᐊᐰᔨᕆ, ᕼᐃᓕᒃ, ᐊᔅᕅᐊᓪ, ᓯᑭᒻ, ᕼᐃᕙᕐ, ᓯᒤᑕᓗ; ᑖᒃᑯᐊ ᐊᖑᑏᑦ ᒫᓇᓯᐅᑉ ᑭᖑᕚᕆᓚᐅᕐᐰᑦ ᔫᓯᐱᐅᑉ ᐃᕐᓂᖓᑕ, ᓯᕗᓕᕐᑎᒋᔭᐅᓪᓗᑎᒡᓗ ᐃᓚᒥᖕᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 13:25

ᐊᑕᓂᐅᓪᓗ ᐊᓂᕐᓂᖓᑕ ᐱᓇᓱᐊᕐᕕᒋᕙᓪᓕᐊᓚᐅᕐᐹ ᒪᕼᐊᓂ ᑖᓐᒥ ᔫᕋᐅᓪᓗ ᐃᔅᑕᐅᓪᓗ ᐊᑯᓐᓂᖓᓂ.

ᐃᓗᐊᕐᓮᔩᑦ ᐊᒡᓚᖏᑦ 14:19

ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᑐᕐᔪᐊᖑᓪᓗᓂ ᑎᑭᑉᐹ, ᑕᐅᓄᖓᓗ ᐂᕗᖅ ᐊᓯᑭᓗᓂᒧᑦ, ᑕᕝᕙᓂᓗ ᐊᖑᑎᓂᒃ 30ᓂᒃ ᐃᒡᓗᒐᓴᒡᔪᐊᕐᒥᐅᓂᒃ ᑐᖁᑦᓯᓪᓗᓂ, ᐊᓐᓄᕅᔭᕐᐰᑦ, ᐊᓐᓄᕌᓪᓗ ᑐᓂᓪᓗᒋᑦ ᐊᖑᑎᓄᑦ ᐅᖃᓐᖑᐊᕈᓯᐅᑉ ᑐᑭᖓᓂᒃ ᓇᓚᐅᑦᓯᓚᐅᕐᑐᓄᑦ. ᐊᒃᓱᐊᓗᒃ ᓂᓐᖓᐅᒪᓪᓗᓂ ᐊᑖᑕᒥ ᐃᒡᓗᖓᓄᑦ ᐅᑎᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 15:14

ᓕᕼᐃᒧᐊᕋᒥᒃ ᐱᓕᔅᑍᓂᒥᐅᑦ ᐅᐸᒃᐹᑦ ᕾᒐᓛᕐᓗᑎᒃ; ᑕᕝᕙ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖃᕐᓗᓂ ᑎᑭᑉᐹ, ᐊᒃᓗᓈᓪᓗ ᑕᓕᖏᖕᓂ ᕿᓚᒃᓱᕐᓯᒪᔪᑦ ᐃᕕᒃᑎᑐᑦ ᐃᑯᐊᓪᓚᒃᑕᐅᔪᑐᑦ ᑍᒤᓕᕐᐳᑦ, ᕿᓚᕈᑎᖏᑦ ᐊᐅᒃᓗᑎᒃ ᑕᓕᖏᖕᓂ.

ᐃᓗᐊᕐᓮᔩᑦ ᐊᒡᓚᖏᑦ 3:10

ᐊᑕᓂᐅᑉ ᐊᓂᕐᓂᖓᑕ ᐃᓗᒻᒥᕐᐹ, ᐃᓴᕆᐊᓕᒥᐅᓪᓗ ᐃᓱᐊᕐᓴᕐᓗᒋᑦ; ᐅᓯᓂᐅᓪ ᐅᓇᑕᕆᐊᓚᐅᕐᐳᖅ, ᐊᖓᔪᖅᑳᕐᔪᐊᖅ ᑯᓵᓐ-ᕆᓴᑍᒻ ᐊᑕᓂᐅᑉ ᑐᓂᓚᐅᕐᐹ ᑖᑦᓱᒧᖓ; ᑖᑦᓱᒪ ᑯᓵᓐ-ᕆᓴᑍᒻ ᓵᓚᒋᕚ.

ᐃᓗᐊᕐᓮᔩᑦ ᐊᒡᓚᖏᑦ 3:27

ᑎᑭᓐᓇᒥᓗ ᑎᑦᑐᓚᐅᑎᒥᒃ ᓂᓕᕐᑎᑦᓯᕗᖅ ᐃᕗᕅᒻ ᖃᖅᑲᖏᓐᓂ; ᐃᓴᕆᐊᓕᒥᐅᓪᓗ ᕾᖁᓪᓗᒋᑦ ᐅᓇᑕᕆᐊᕐᑐᖃᑎᒋᕔᑦ ᑕᐅᓄᖓ, ᑖᓐᓇ ᓯᕗᓪᓕᕐᐸᐅᓪᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 6:11

ᐊᑕᓂᐅᓪᓕ ᐂᖏᓕᖓ ᕾᓚᐅᕐᐳᖅ ᐃᖏᓪᓗᓂᓗ ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᐊᑖᓄᑦ ᓄᓇᒥ ᐅᐸᕋᒥ, ᔪᐊᓯᐅᑉ ᓄᓇᖁᑎᖓᓄᑦ, ᐊᐰᔭᕆᑎᐅᑉ ᑭᖑᕚᖓᓄᑦ. ᐃᕐᓂᖓ ᒋᑎᐅᓂ ᐹᓚᐅᒑᒃᓮᑦ ᓄᕗᖏᓂᒃ ᐲᔧᓚᐅᕐᐳᖅ ᐊᓇᐅᓕᕐᓗᒋᑦ ᕔᓂᒃᓴᓂᒃ ᐃᑦᑏᔧᕕᐅᑉ ᐃᓗᐊᓂ ᒥᑎᐊᓂᒥᐅᓂᑦ ᐃᔨᕐᓯᒪᓪᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 8:2

ᐅᖃᐅᑎᕔᓪᓕ, “ᖃᓄᖅ ᐱᓂᐊᕐᓂᕆᓚᐅᕐᑕᒃᑲ ᐊᑦᔨᓪᓗᐊᖃᕐᐹᑦ ᐱᓂᐊᕐᓂᕆᓚᐅᕐᑕᑦᓯᓐᓂᒃ? ᐃᕗᕅᒥᒥᑦ ᑲᑎᕐᓱᐃᓂᕐᓗᑯᐃᑦ ᕔᓂᒃᓴᓂᒃ ᐱᐅᓂᕐᓴᐅᓐᖏᓛᑦ ᐊᐰᔨᕆᒥ ᕔᓂᓕᐊᕆᔭᐅᓯᒪᔪᓂᑦ?

ᓴᒧᐃᓕ ᓯᕗᓪᓖᑦ 10:6

ᑕᕝᕙ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖓᑕ ᑎᑭᑦᓱᒫᕐᐹᑎᑦ, ᓇᓚᐅᑦᑍᖃᑕᐅᓕᕐᓗᑎᓪᓗ ᑖᒃᑯᓄᖓ, ᐊᓯᑦᔨᕐᑕᐅᔪᒫᕐᐳᑎᓪᓗ.

ᓴᒧᐃᓕ ᓯᕗᓪᓖᑦ 11:6

ᓴᐅᓕᓕ ᑕᒪᑐᒥᖓ ᑐᓴᕋᒥ, ᒎᑎᐅᑉ ᐊᓂᕐᓂᖓᑕ ᓴᓐᖏᔪᕐᔪᐊᒥᒃ ᑎᑭᕝᕕᒋᕚ, ᓂᓐᖓᐅᒪᓂᕐᔪᐊᒧᓪᓗ ᑎᑭᑕᐅᕗᖅ.

ᓴᒧᐃᓕ ᓯᕗᓪᓖᑦ 13:3

ᔫᓇᑕᓂᐅᑉ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖃᕐᕕᖓ ᐅᓇᑕᕐᓗᒍ ᓵᓚᒋᕚ ᒋᐸᒦᑦᑐᖅ, ᐱᓕᔅᑍᓂᒥᐅᓪᓗ ᑐᓴᓚᐅᕐᐳᑦ ᑕᒪᑐᒥᖓ. ᓴᐅᓕᓗ ᑎᑦᑐᓚᐅᒻᒥᒃ ᓂᓪᓕᐊᑎᑦᓯᓚᐅᕐᐳᖅ ᓄᓇᓕᓕᒫᓄᑦ ᐅᖃᕐᓗᓂ, “ᐄᑉᕈᐃᑦ ᑐᓴᕐᓕᑦ!”

ᓴᒧᐃᓕ ᓯᕗᓪᓖᑦ 16:14

ᐊᑕᓂᐅᓪᓕ ᐊᓂᕐᓂᖓ ᓴᐅᓕᒥᒃ ᕿᒤᕗᖅ, ᐊᓂᕐᓂᕐᓗᒡᓗ ᐊᑕᓂᐅᑉ ᑎᓕᕚ ᐅᖁᒤᒃᓴᕐᑎᑦᓯᓕᕐᓗᓂᓗ ᓴᐅᓕᒥᒃ.