ᐃᓗᐊᕐᓮᔩᑦ ᐊᒡᓚᖏᑦ 6:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑐᓂᕐᕈᓯᕐᕕᖕᒥᒡᓗ ᓴᓇᒋᑦ ᐊᑕᓂᕐᒧᑦ ᒎᑎᖕᓄᑦ ᕿᒫᕕᐅᑉ ᖄᖓᓂ, ᐅᔭᕅᑦ ᐋᖅᑭᒃᓱᕐᓗᒋᑦ ᐋᖅᑭᒃᑎᒪᒋᐊᖃᕐᓂᖏᑦ ᒪᓕᑦᓯᐊᕐᓗᒋᑦ; ᐊᖑᓴᓪᓘᓪᓗ ᐂᑉᐸᖓ ᑎᒍᓗᒍ ᑐᓂᕐᕈᑎᒋᒍᒃ ᕿᔪᖃᕐᓗᑎᑦ ᓇᑲᓚᐅᕐᑕᕐᓂᒃ ᒎᑎᓐᖑᐊᑉ ᐊᓯᕋᐅᑉ ᓇᓗᓁᒃᑯᑕᖓᓂᑦ.”

ᐃᓗᐊᕐᓮᔩᑦ ᐊᒡᓚᖏᑦ 6:26 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 24:18

ᑍᑦᓱᒪᓂᑦᓮᓐᓇᖅ ᒑᑦ ᑍᕕᑎᒧᐊᕐᐳᖅ ᐅᖃᐅᑎᓪᓗᒍᓗ, “ᒪᔪᕋᓚᐅᕆᑦ, ᐊᕋᐅᓇᐅᑉ ᐃᕖᔧᕕᖓᓄᑦ ᔨᐳᓮᑎᒦᑦᑐᒧᑦ, ᑍᑲᓂ ᑐᓂᕐᕈᓯᕐᕕᓕᐅᓕᕆᑦ ᐊᑕᓂᕐᒧᑦ.”

ᓴᒧᐃᓕ ᐂᑉᐸᖏᑦ 24:22

ᑕᕝᕙ ᐊᕋᐅᓇ ᑍᕕᑎᒧᑦ ᐅᖃᕐᐳᖅ, “ᐱᒋᓕᕈᖅ ᐊᖓᔪᖅᑳᒃ, ᐃᓱᒪᕐᓱᑎᒋᓗᒍ ᐊᑕᓂᕐᒧᑦ ᑐᓂᕐᕈᓯᓕᕆᑦ ᐃᓱᐊᕐᑑᔪᕆᔭᕐᓂᒃ; ᐅᑯᐊ ᑕᕝᕙ ᐆᒪᔪᐃᑦ ᐃᒻᒧᒃᓯᐅᒊᑦ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ; ᐅᑯᐊᓗ ᑕᕝᕙ ᓇᖕᒪᐅᑕᖏᑦ ᓯᖃᓕᑦᓯᕕᐅᓪᓗ ᕿᔪᒃᓴᖏᑦ ᐃᑯᐊᓪᓚᖅᑯᑎᒃᓮᑦ.”

ᒨᓯᓯ ᐂᑉᐸᖏᑦ 34:13

ᑐᓂᕐᕈᓯᕐᕕᖁᑎᖏᓪᓕ ᓯᖁᒥᑕᒃᓴᕆᕙᓯ, ᓇᐸᔪᖁᑎᖏᓪᓗ ᐱᓪᓚᕆᑯᑎᖏᑦ ᐅᔭᕅᑦ ᓄᖑᑎᓪᓗᒋᑦ, ᒎᑎᓐᖑᐊᕆᔭᖏᓪᓗ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᓯᖁᒥᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:33

ᒎᑎᐅᑉ ᑐᑮᕈᓯᒪᔪᒥᒃ ᐱᖁᖏᒻᒪᑎᒍᑦ ᐋᖅᑭᑦᓯᐊᕐᓯᒪᖁᕚᑎᒍᓪᓕ ᐅᐃᒪᔮᖏᓪᓗᑕ. ᒎᑎᐅᑉ ᐅᒃᐱᕐᑐᖁᑎᓕᒫᖏᓐᓂ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:40

ᑕᒪᕐᒥᒡᓕ ᐊᑐᕐᑕᐅᔪᒃᓴᐅᕗᑦ ᑐᑭᖃᑦᓯᐊᕐᑐᒥᒃ ᐋᖅᑭᒃᓯᒪᑦᓯᐊᕐᑐᒥᒡᓗ.

ᐃᓗᐊᕐᓮᔩᑦ ᐊᒡᓚᖏᑦ 6:25

ᐅᓐᓄᒃᑎᓪᓗᒍ ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᐊᑖᑕᕕᑦ ᐃᒻᒧᒃᓯᐅᒐᖁᑎᖓᓂᒃ ᐊᖑᓴᓪᓗᕐᒥᒃ ᐱᓗᑎᑦ, ᐊᖑᓴᓪᓗᖁᑎᑦᓯ ᐂᑉᐸᖓᓂᒃ ᐊᕐᕌᒍᓕᖕᒥᒃ 7ᓂᒃ ᓇᒃᓴᕐᓗᒍ, ᐰᓕᒧᑦ ᑐᓂᕐᕈᓯᕐᕕᒃ ᐅᕐᕈᑎᒋᐊᕐᑐᕈᒃ, ᐊᑖᑕᕕ ᐱᖓ, ᓴᓂᐊᓃᑦᑐᕐᓗ ᓇᓗᓁᒃᑯᑕᖅ ᒎᑎᓐᖑᐊᒧᑦ ᐊᓯᕋᒧᑦ ᓇᑲᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 6:27

ᐊᓱᐃᓛᒃ ᒋᑎᐅᓂᐅᑉ ᐱᔨᓂ ᖁᓖᑦ ᐃᓚᒋᓪᓗᒋᑦ ᐊᑕᓂᐅᑉ ᐅᖃᐅᓯᕆᔭᖓᓂᒃ ᐱᓇᓱᐊᕐᐳᖅ; ᑲᑉᐱᐊᓱᒃᑲᒥ ᐃᓚᒥᓂᒃ ᐃᓄᖕᓂᒡᓗ ᓄᓇᓕᖕᓃᑦᑐᓂᒃ ᐅᓪᓗᒃᑯᑦ ᐱᓇᓱᐊᓐᖏᓚᖅ, ᐅᓐᓄᒃᑯᓪᓕ ᐱᓇᓱᐊᓚᐅᕐᐳᖅ.

ᓴᒧᐃᓕ ᓯᕗᓪᓖᑦ 6:14

ᑕᕝᕙ ᑲᓕᒐᖅ ᑎᑭᐅᑎᕗᖅ ᐱᕈᕐᓰᕕᖕᒧᑦ ᐱᒋᔭᐅᔪᒧᑦ ᔮᓱᐊᒧᑦ ᐱᑦ-ᓯᒥᔅᒦᑦᑐᒧᑦ, ᑕᕝᕗᓐᖓᕋᒥᓗ ᓄᖅᑲᕐᐳᖅ. ᐅᔭᕋᒡᔪᐊᑉ ᓴᓂᐊᓄᑦ; ᐃᓄᐃᓪᓗ ᑲᓕᒐᖅ ᓱᕋᒃᑎᕐᓗᒍ ᑭᔪᒃᓴᓕᐊᕆᕚᑦ ᐃᒻᒧᒃᓯᐅᒑᒡᓗ ᑐᖁᓪᓗᒋᒃ ᐃᑯᐊᓪᓚᒃᐰᑦ ᑐᓂᕐᕈᑎᒋᓪᓗᒋᒃ ᐊᑕᓂᕐᒧᑦ.