ᐃᓗᐊᕐᓮᔩᑦ ᐊᒡᓚᖏᑦ 6:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐅᓐᓄᒃᑎᓪᓗᒍ ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᐊᑖᑕᕕᑦ ᐃᒻᒧᒃᓯᐅᒐᖁᑎᖓᓂᒃ ᐊᖑᓴᓪᓗᕐᒥᒃ ᐱᓗᑎᑦ, ᐊᖑᓴᓪᓗᖁᑎᑦᓯ ᐂᑉᐸᖓᓂᒃ ᐊᕐᕌᒍᓕᖕᒥᒃ 7ᓂᒃ ᓇᒃᓴᕐᓗᒍ, ᐰᓕᒧᑦ ᑐᓂᕐᕈᓯᕐᕕᒃ ᐅᕐᕈᑎᒋᐊᕐᑐᕈᒃ, ᐊᑖᑕᕕ ᐱᖓ, ᓴᓂᐊᓃᑦᑐᕐᓗ ᓇᓗᓁᒃᑯᑕᖅ ᒎᑎᓐᖑᐊᒧᑦ ᐊᓯᕋᒧᑦ ᓇᑲᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 6:25 ပူးပေါင်းရင်းမြစ်များ

ᐃᓗᐊᕐᓮᔩᑦ ᐊᒡᓚᖏᑦ 3:7

ᐃᓴᕆᐊᓕᒥᐅᑦ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓚᐅᕐᐳᑦ ᐊᑕᓂᐅᑉ ᓵᖓᓂ, ᐊᑕᓂᖅ ᒎᑎᑎᒃ ᐳᐃᒍᕐᓗᒍ, ᐱᔨᑦᓯᓕᕐᓗᑎᒃ ᐰᓕᓂᒃ ᐊᓯᕋᑎᒥᒡᓗ ᒎᑎᓐᖑᐊᓂᒃ.

ᒨᓯᓯ ᐂᑉᐸᖏᑦ 34:13

ᑐᓂᕐᕈᓯᕐᕕᖁᑎᖏᓪᓕ ᓯᖁᒥᑕᒃᓴᕆᕙᓯ, ᓇᐸᔪᖁᑎᖏᓪᓗ ᐱᓪᓚᕆᑯᑎᖏᑦ ᐅᔭᕅᑦ ᓄᖑᑎᓪᓗᒋᑦ, ᒎᑎᓐᖑᐊᕆᔭᖏᓪᓗ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᓯᖁᒥᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:29

ᐲᑦᑐᕉᓯ ᐋᐴᓯᑕᓖᓪᓗ ᑭᐅᕗᑦ, “ᒎᑎᒥᒃ ᓈᓚᒋᐊᖃᕐᐳᒍᑦ, ᐃᓄᖕᓂᐅᖏᑦᑐᖅ.

ᒫᑎᐅᓯᐅᑉ ᐊᒡᓚᖏᑦ 10:37

“ᓇᓪᓕᐊᑦ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ; ᓇᓪᓕᐊᓪᓗ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 6:24

“ᐊᖓᔪᖅᑳᖕᓄᑦ ᒪᕐᕉᖕᓄᑦ ᐊᑕᐅᑦᓯᒃᑯᑦ ᐱᔨᑦᓯᕐᑐᖃᕈᓐᓇᓐᖏᓚᖅ; ᐂᑉᐹ ᐆᒥᒋᒐᔭᕐᐹ ᐂᑉᐸᖓᓗ ᓇᒡᓕᒋᓗᒍ; ᐂᑉᐹ ᑲᒪᒋᑦᓯᐊᕋᔭᕐᐹ ᐂᑉᐸᖓᓗ ᓇᕐᕈᒋᓗᒍ. ᑍᒫᒃᑕᐅᖅ ᐊᑕᐅᑦᓯᒃᑯᑦ ᐱᔨᑦᓯᕈᓐᓇᓐᖏᓚᓯ ᒎᑎᒥᒃ ᑮᓇᐅᔭᓂᒡᓗ.

ᐊᑕᓃᑦ ᓯᕗᓪᓖᑦ 18:21

ᐃᓔᑦᔭᐅᓪᓗ ᐃᓄᓕᒫᑦ ᖃᒡᓕᒋᐊᕐᓗᒋᑦ, ᐅᖃᐅᑎᕔᑦ, “ᖃᓄᖅ ᐊᑯᓂᐅᑎᒋᔪᖅ ᓇᓕᐊᖕᓄᕿᑕᖕᓂᐊᕐᐱᓰ ᒪᕐᕉᓕᖅᑭᖓᔪᒥᒃ ᐃᓱᒪᖃᕐᓗᓯ? ᐊᑕᓂᖅ ᒎᑎᐅᒃᐸᑦ, ᑖᓐᓇ ᒪᓕᒃᓯᐅᒃ; ᐰᓕᓕ ᒎᑎᐅᒃᐸᑦ ᑖᓐᓇ ᒪᓕᖕᓂᐊᕐᐸᓯ.” ᐃᓄᐃᓪᓗ ᑭᐅᔪᖃᓚᐅᓐᖏᓚᑦ ᐊᑕᐅᓯᕐᒥᒡᓘᓐᓃᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:19

ᐲᑦᑐᕉᓯᐅᑉ ᔪᐊᓇᓯᐅᓪᓗ ᑭᐅᕔᑦ, “ᐃᓱᒪᒃᓴᕐᓯᐅᓕᕆᑦᓯ, ᓈᒻᒪᖕᒪᖔᑦ ᒎᑎᐅᑉ ᓵᖓᓂ ᐃᓕᑦᓯᓐᓂᒃ ᓈᓚᒃᑯᑦᑕ, ᐅᕝᕙᓘᓐᓃᑦ ᒎᑎᒥᒃ;

ᐃᓐᖏᕈᑎᑦ 101:2

ᓯᓚᑐᑦᓯᐊᕐᓗᖓ ᓈᒻᒪᓈᑦᓯᐊᕐᓗᖓᓗ ᐃᓅᔪᒪᕗᖓ. ᖃᖓ ᐅᕙᓐᓄᑦ ᕾᓂᐊᕐᐲᑦ? ᐃᓅᔪᒪᕗᖓ ᐆᒻᒪᑎᒃᑯᑦ ᓱᓕᑦᓯᐊᕐᑐᒦᓪᓗᖓ ᐊᖏᕐᕋᓐᓂ;

ᔫᐱᐅᑉ ᐊᒡᓚᖏᑦ 22:23

ᐊᔪᒐᖃᖏᑦᑐᒧᑦ ᐅᑎᕈᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ, ᐱᐅᖏᑦᑐᓕᓃᓪᓗ ᐲᕈᕕᒋᑦ ᐊᖏᕐᕋᕐᓂᑦ,

ᒨᓯᓯ ᑕᓪᓕᒪᖏᑦ 7:5

ᑍᒤᒻᒪᑦ ᐃᒫᒃ ᐱᓇᓱᐊᕐᕕᒋᔭᒃᓴᕆᕙᓯ, ᒎᑎᓐᖑᐊᓄᑦ ᑐᓂᕐᕈᓯᕐᕕᖏᑦ ᓱᕋᒃᑎᒐᒃᓴᕆᕙᓯ, ᓱᑲᖁᑎᒋᔭᖏᓪᓗ ᓇᐸᔪᑦ ᐱᓪᓚᕆᖁᑎᒋᔭᖏᑦ ᓯᖃᓪᓕᓗᒋᑦ, ᐊᕐᓇᓐᖑᐊᓪᓗ ᒎᑎᓐᖑᐊᖏᑦ ᐊᓯᕋᒥᒃ ᐊᑎᓖᑦ ᐅᕐᕈᑎᑕᒃᓴᕆᕙᓯ, ᒎᑎᓐᖑᐊᖏᓪᓗ ᐃᑯᐊᓪᓚᒃᑎᓪᓗᒋᑦ.

ᒨᓯᓯ ᓯᕗᓪᓖᑦ 35:2

ᑕᕝᕙ ᔧᑯ ᓇᖕᒥᓂᕐᒥᓄᑦ ᐃᓚᒋᔭᓕᒫᒥᓄᓪᓗ ᐅᖃᕐᐳᖅ, “ᐃᓅᖃᑎᑐᖃᕆᓐᖏᑕᑦᑕ ᒎᑎᓐᖑᐊᖏᑦ ᐱᓯᒪᔭᓯ ᐃᒋᓚᐅᕐᓯᐅᒃ; ᐃᓕᑦᓯᓐᓂᒃ ᓴᓗᒻᒪᕐᓴᕆᑦᓯ, ᐊᓯᖏᓐᓂᒡᓗ ᐊᓐᓄᕌᕐᓗᓯ.

ᐃᓗᐊᕐᓮᔩᑦ ᐊᒡᓚᖏᑦ 2:11

ᐃᓴᕆᐊᓕᒥᐅᑦ ᐃᓄᖏᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᓵᖓᓂ ᐱᔨᑦᓯᓕᕐᓗᑎᒡᓗ ᐰᓕᓄᑦ ᒎᑎᓐᖑᐊᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 6:26

ᑐᓂᕐᕈᓯᕐᕕᖕᒥᒡᓗ ᓴᓇᒋᑦ ᐊᑕᓂᕐᒧᑦ ᒎᑎᖕᓄᑦ ᕿᒫᕕᐅᑉ ᖄᖓᓂ, ᐅᔭᕅᑦ ᐋᖅᑭᒃᓱᕐᓗᒋᑦ ᐋᖅᑭᒃᑎᒪᒋᐊᖃᕐᓂᖏᑦ ᒪᓕᑦᓯᐊᕐᓗᒋᑦ; ᐊᖑᓴᓪᓘᓪᓗ ᐂᑉᐸᖓ ᑎᒍᓗᒍ ᑐᓂᕐᕈᑎᒋᒍᒃ ᕿᔪᖃᕐᓗᑎᑦ ᓇᑲᓚᐅᕐᑕᕐᓂᒃ ᒎᑎᓐᖑᐊᑉ ᐊᓯᕋᐅᑉ ᓇᓗᓁᒃᑯᑕᖓᓂᑦ.”