ᐃᓗᐊᕐᓮᔩᑦ ᐊᒡᓚᖏᑦ 3:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᐅᖃᐅᑎᓪᓗᒋᓪᓗ, “ᒪᓕᒃᓯᓐᖓ; ᐊᑕᓂᐅᑉ ᓵᓚᖃᕐᑎᒻᒪᓯ, ᒧᐊᐰᑎᓂᒃ ᐊᑭᕋᑦᓯᓐᓂᒃ.” ᐃᕼᐅᑦ ᒪᓕᒃᐹᑦ ᑕᐅᓄᖓ ᔪᐊᕐᑕᓂᒥ ᐃᑳᕐᕕᖏᓐᓂ ᒧᐊᐱᒥᐅᑦ ᐅᑕᖅᑭᓪᓗᒋᑦ, ᐊᑕᐅᓯᕐᒥᒡᓘᓐᓃᑦ ᐃᑳᕐᑐᖃᓚᐅᓐᖏᓚᖅ.

ᐃᓗᐊᕐᓮᔩᑦ ᐊᒡᓚᖏᑦ 3:28 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 20:21

ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᒪᓕᒃᓴᕐᐳᖅ, ᕿᒻᒥᕐᔪᐊᓕᖕᓂᒃ ᑲᓕᒐᓕᖕᓂᒡᓗ ᐊᒃᓴᓗᐊᓕᖕᓂᒃ ᓵᓚᒋᓪᓗᒋᓪᓗ, ᓯᕆᐊᒥᐅᓪᓗ ᑐᖁᕋᕐᐰᑦ ᐅᓄᕐᑐᕐᔪᐊᑦ.

ᔮᓱᐊᑉ ᐊᒡᓚᖏᑦ 2:7

ᑕᕝᕙ ᐊᖑᑏᑦ ᒪᓕᒃᓴᕐᒪᑕ ᔪᐊᕐᑕᓂᐅᑉ ᑰᖓᑕ ᓇᓛᓄᑦ, ᐃᑎᕐᑕᕐᕕᐅᑉ ᐅᒃᑯᐊᖓ ᐅᒃᑯᐊᕐᑕᐅᕗᖅ, ᐊᖑᑏᓪᓗ ᕿᓂᓚᐅᕐᐳᑦ ᔪᐊᕐᑕᓂᐅᑉ ᑰᖓ ᑎᑭᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 10:11

ᐊᑕᓂᐅᑉ ᐃᓴᕆᐊᓕᒥᐅᑦ ᑭᐅᕔᑦ ᐃᒫᒃ: “ᓴᐳᑎᓚᐅᓐᖏᓚᑦᓰ ᐄᑦᔨᑉᑎᒥᐅᓂᑦ, ᐊᒧᕅᑎᒥᐅᓂᓪᓗ, ᐊᒧᓁᑎᒥᐅᓂᓪᓗ, ᐱᓕᔅᑍᓂᒥᐅᓂᓪᓗ?

ᐃᓗᐊᕐᓮᔩᑦ ᐊᒡᓚᖏᑦ 12:5

ᕿᒫᖁᓇᒋᓪᓕ ᐃᕗᕅᒥᐅᑦ ᒋᓕᐊᑎᒥᐅᑦ ᑎᒍᓚᐅᕐᐰᑦ ᐃᑳᕐᕕᖕᓂ ᔪᐊᕐᑕᓂᐅᑦ ᑰᖓᓂ. ᐃᕗᕅᒥᐅᑦ ᑭᖑᕚᖏᑦ ᕿᒫᓇᓱᒃᑐᑦ ᐅᖃᕐᐸᓚᐅᕐᐳᑦ, “ᐃᑳᕐᑎᓐᖓ.” ᒋᓕᐊᑎᒥᐅᓪᓕ ᐊᖑᑎᑦ ᐊᐱᕆᖃᑦᑕᓚᐅᕐᐰᑦ, “ᐃᕗᕅᒥᐅᖑᕖᑦ?” ᐅᖃᕐᐸᑦ, “ᐃᕗᕅᒥᐅᖑᓐᖏᓚᖓ,”

ᐃᓗᐊᕐᓮᔩᑦ ᐊᒡᓚᖏᑦ 3:29

ᐅᓪᓗᒥ ᑍᑦᓱᒪᓂ 10,000ᓂᒃ ᑐᖁᕅᓚᐅᕐᐳᑦ, ᒧᐊᐱᒥᐅᑦ ᐅᓇᑕᕐᑐᒃᓴᖏᓐᓂᒃ ᓴᓐᖏᔪᓂᒃ, ᐊᔪᖏᑦᑐᕐᔪᐊᓂᒃ. ᐊᑕᐅᓯᕐᓘᓐᓃᑦ ᕿᒫᔪᓐᓇᓚᐅᓐᖏᓚᖅ.

ᐃᓗᐊᕐᓮᔩᑦ ᐊᒡᓚᖏᑦ 4:10

ᐸᕌᑭᐅᓪᓗ ᕾᖁᕔᑦ ᓯᐳᓗᓂᐅᑉ ᑭᖑᕚᖏᑦ ᐊᒻᒪᓗ ᓈᑉᑕᓕᐅᑉ ᑭᖑᕚᖏᑦ ᑭᑎᓯᒧᑦ; ᐊᖑᑎᓪᓗ 10,000ᐃᑦ ᒪᓕᒡᓗᑎᒃ ᑭᖑᓂᖓᓂ, ᑎᐴᕋᐅᑦᑕᐅᖅ ᐂᑉᐸᕆᕚ.

ᐃᓗᐊᕐᓮᔩᑦ ᐊᒡᓚᖏᑦ 7:14

ᐱᖃᑎᖓᑕ ᑭᐅᕚ, “ᐃᓐᓇ ᒋᑎᐅᓂᐅᑉ ᓴᕕᒡᔪᐊᖓ, ᔪᐊᓯᐅᑉ ᐃᕐᓂᖓᑕ, ᐃᓴᕆᐊᓕᒥᐅᑕᐅᑉ ᒎᑎᐅᑉ ᓵᓚᖃᕐᑎᒻᒪᒍ ᒥᑎᐊᓂᒥᐅᓂᒃ ᐅᓇᑕᕐᑐᒃᓴᖁᑎᓕᒫᖏᓐᓂᒡᓗ!”

ᐃᓗᐊᕐᓮᔩᑦ ᐊᒡᓚᖏᑦ 7:15

ᒋᑎᐅᓂᓕ ᑐᓴᕋᒥ ᓯᓇᒃᑑᑉ ᐅᓂᒃᑳᕆᔭᐅᓂᖓᓂᒃ ᖃᓄᕐᓗ ᑐᑭᖃᕐᒪᖔᑦ, ᐹᒻᒪᒃᑎᕐᐳᖅ ᑐᒃᓯᐊᕐᓗᓂᓗ ᐊᑕᓂᕐᒧᑦ; ᐅᑎᕋᒥᒡᓗ ᐃᓴᕆᐊᓕᒥᐅᑦ ᑕᖕᒫᕐᓯᒪᕕᒋᔭᖓᓄ ᐅᖃᐅᑎᕔᑦ, “ᒪᑭᓕᕆᑦᓯ, ᐊᑕᓂᐅᑉ ᓵᓚᖃᕐᑎᒻᒪᓯ ᒥᑎᐊᓂᒥᐅᑦ ᐅᓇᑕᕐᑐᒃᓴᕐᔪᐊᖁᑎᖏᓐᓂᒃ!”

ᐃᓗᐊᕐᓮᔩᑦ ᐊᒡᓚᖏᑦ 7:17

ᐅᖃᐅᑎᓪᓗᒋᓪᓗ, “ᑕᑯᓐᓈᕐᓗᖓ ᖃᓄᐃᓕᐅᕐᒪᖔᕐᒪ ᒪᓕᖕᓂᐊᕐᐸᑦᓯᓐᖓ, ᑕᖕᒫᕐᓯᒪᕕᖏᑕ ᓯᓚᑖᓄᐊᕈᒪ, ᖃᓄᐃᓕᐅᕐᒪᖔᕐᒪ ᖃᐅᔨᓴᑦᓯᐊᕐᓂᐊᕐᐳᓯ.

ᐃᓗᐊᕐᓮᔩᑦ ᐊᒡᓚᖏᑦ 7:24

ᒋᑎᐅᓂ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᖃᖅᑲᓕᖕᓄᑦ ᐃᕗᕅᑎᒥ ᓄᓇᖃᕐᑐᓄᑦ ᐅᖃᐅᑎᓪᓗᒋᑦ, “ᐊᖅᑲᕐᑎᕐᓗᓯ ᕾᒋᑦᓯ ᐅᓇᑕᕆᐊᕐᓗᓯ ᒥᑎᐊᓂᒥᐅᓂᒃ. ᐃᑳᕐᕖᑦ ᓴᐳᒻᒥᓯᐅᒃ ᐱᑦ-ᐸᕋ ᑎᑭᓪᓗᒍ, ᔪᐊᕐᑕᓂᐅᑉ ᑰᖓ ᑎᑭᓪᓗᒍ.” ᐃᕗᕅᑎᒥᐅᑦ ᕾᖁᔭᐅᓚᐅᕐᐳᑦ ᓴᐳᒻᒥᒃᓯᓕᕐᓗᑎᒡᓗ ᐃᑳᕐᕕᖕᓂᒃ ᐱᑦ-ᐸᕋ ᑎᑭᓪᓗᒍ ᔪᐊᕐᑕᓂᐅᓪᓗ ᑰᖓᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 7:9

ᑍᑦᓱᒪᓂ ᐅᓐᓄᒃᑎᓪᓗᒍ ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᒪᑭᓕᕆᑦ ᐅᓇᑕᕆᐊᕐᓗᑎᓪᓗ ᑕᖕᒫᕐᓯᒪᕕᖏᓐᓄᑦ; ᓵᓚᖃᕐᑎᑦᑕᕇᕋᒃᑭᑦ.

ᓴᒧᐃᓕ ᓯᕗᓪᓖᑦ 17:47

ᐅᑯᐊᓗ ᑲᑎᒪᔪᓕᒫᑦ ᖃᐅᔨᖁᓪᓗᒋᑦ ᐊᑕᓂᖅ ᐱᐅᓕᒃᓯᖏᒻᒪᑦ ᓴᕕᒡᔪᐊᒃᑯᑦ ᖃᓗᒋᐊᒃᑯᓪᓗ; ᐅᓇᑕᕐᓂᖅ ᐊᑕᓂᐅᑉ ᐅᓇᑕᕐᓂᕆᕚ ᑐᓂᓂᐊᕐᐹᑎᓪᓗ ᐱᔪᓐᓇᕐᓂᑦᑎᓐᓄᑦ.”