23 ᐃᕼᐅᑦᓗ ᐊᓂᕗᖅ ᐅᒃᑯᐊᕐᓗ ᐊᑦᑐᖏᕐᓗᒍ,
ᑕᕝᕙ ᐱᔨᖓᑕ ᐊᓂᑎᓚᐅᕐᐹ ᐅᒃᑯᐊᕐᓗ ᐊᑦᓱᖏᕐᓗᒍ. ᑕᒫᕆᓕ ᐅᓕᑯᑖᒥᒃ ᐊᑐᓚᐅᕐᐳᖅ ᐂᓕᖕᒥᒃ; ᑍᑦᓱᒪᓂ ᐊᓐᓄᕌᑦ ᐊᑐᕐᑕᐅᒐᔪᓚᐅᕐᒪᑕ ᐊᖓᔪᖅᑳᕐᔪᐊᑉ ᐸᓂᖏᓐᓄᑦ ᐅᐃᖃᓚᐅᕐᓯᒪᖏᑦᑐᓄᑦ.
ᑕᕝᕙ ᐃᕼᐅᑎᐅᑉ ᐅᐸᒃᐹ, ᐃᓄᑑᓪᓗᓂ ᐃᒃᓯᕙᑎᓪᓗᒍ ᓂᒡᓚᕐᓯᕐᕕᖕᒥᓂ ᐃᒡᓘᑉ ᖃᖓᓂ, ᐅᖃᐅᑎᓪᓗᒍᓗ, “ᐅᖃᐅᓯᒃᓴᖃᕐᐳᖓ ᐃᓕᖕᓄᑦ ᒎᑎᒥᑦ ᐱᔪᒥᒃ.” ᐊᖓᔪᖅᑳᕐᔪᐊᕐᓗ ᐃᒃᓯᕙᐅᑕᒥᓂᑦ ᓂᑯᕕᑉᐳᖅ.
ᓴᕕᒡᔪᐊᑉ ᐅᓂᒃᑕᕐᕕᖓ ᐃᓗᖓᓄᐊᖃᓯᐅᑎᓚᐅᕐᐳᖅ, ᐅᕐᓱᖓᓄᑦ ᓴᕕᒡᔪᐊᖅ ᑕᓕᓪᓗᓂ, ᓴᕕᒡᔪᐊᖅ ᐊᒧᓚᐅᖏᒻᒪᒍ ᓈᖓᓂᑦ; ᐃᕐᕋᕕᖏᓪᓗ ᐊᓂᓪᓗᑎᒃ.
ᐊᓂᓯᒪᓕᕐᑎᓪᓗᒍ, ᐱᔨᖏᑦ ᕾᒐᒥᒃ ᐅᒃᑯᐊᖅ ᐊᑦᑐᖏᕐᓯᒪᖕᒪᑦ, ᐃᒡᓘᑉ ᖁᓛᓄᑦ ᐃᑎᕐᕕᒃ, ᐊᖓᔪᖅᑳᕐᔪᐊᖅ ᐃᓗᐊᓃᒻᒪᑦ ᐃᓱᒪᒋᕚᑦ ᐊᓇᕆᐊᕐᑐᕐᓯᒪᓇᓱᒋᓪᓗᒍ ᐃᒡᓘᑉ ᖁᓛᓂ ᐃᒡᓗᕈᓯᕐᒥ.
