ᐃᓗᐊᕐᓮᔩᑦ ᐊᒡᓚᖏᑦ 20:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐃᓄᒋᐊᒃᑐᕐᔪᐊᑦ ᐊᐱᕆᓚᐅᕐᐳᑦ ᐊᑕᓂᕐᒥᒃ, (ᑍᑦᓱᒪᓂ ᐃᒃᓯᕐᕕᒃ ᐊᖏᖃᑎᒌᒍᑎᑕᓕᒃ ᒎᑎᐅᑉ ᐱᖓ ᑕᕝᕙᓃᓚᐅᕐᒪᑦ ᐅᓪᓗᓂ ᑍᒃᑯᓇᓂ.

ᐃᓗᐊᕐᓮᔩᑦ ᐊᒡᓚᖏᑦ 20:27 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:6

ᑍᒪᓐᖓᓂᑦ ᐃᓴᕆᐊᓕᒥᐅᑦ ᐊᐅᓪᓚᐅᑎᓚᐅᕐᓯᒪᒐᒃᑭᑦ ᐄᑦᔨᑉᑎᒥᑦ ᒫᓐᓇᒧᑦ ᑎᑭᓪᓗᒍ ᐃᓂᖃᓚᐅᕐᓯᒪᓐᖏᓚᖓ ᐃᒡᓗᒥᒃ, ᐊᐅᓪᓚᖃᑕᐅᖃᑦᑕᓚᐅᕐᐳᖓᓕ ᑐᐱᕐᒥ ᐃᓂᖃᕐᓗᖓ.

ᐂᓮᐊᓯᐅᑉ ᐊᒡᓚᖏᑦ 59:1

ᑕᑯᒋᑦ ᐊᑕᓂᐅᑉ ᑕᓕᖓ ᓁᓗᐊᓐᖏᓚᖅ ᐱᐅᓕᒃᓯᔭᕆᐊᒃᓴᖅ, ᓯᐅᑎᖏᒡᓗ ᑐᓵᑦᓯᐊᖏᑦᑑᓇᑎᒃ, ᑐᓴᕈᓐᓁᓪᓕᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 7:12

ᐂᓕᕆᑦ ᓮᓗᐊᒦᑦᑐᒧᑦ ᑐᒃᓯᐊᕐᕕᐅᒋᐊᕐᖓᓚᐅᕐᑐᒧᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ, ᑕᑯᓗᑎᓪᓗ ᖃᓄᐃᓕᓐᓂᕐᒪᖔᒃᑯ ᐃᓄᖁᑎᒪ ᐱᐅᖏᑦᑐᓕᓂᖏᑦ ᐱᓪᓗᒋᑦ.

ᒨᓯᓯ ᓯᑕᒪᖏᑦ 27:21

ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓂ ᓇᖏᕐᓗᓂ, ᐃᓕᓯᕆ ᐊᑕᓂᕐᒥᒃ ᐊᐱᕐᓱᕐᓂᐊᕐᒪᑦ ᐃᓱᒻᒥᕐᑐᐃᓂᕐᒧᑦ ᐊᑐᕐᑕᐅᕙᒃᑐᖅ ᔫᕆᒻ ᐊᑐᕐᓗᒍ; ᐅᖃᕌᖓᑦ ᐊᐅᓪᓚᖃᑦᑕᕐᓂᐊᕐᒪᑕ, ᐅᖃᕌᖓᓪᓗ ᑎᑭᖃᑦᑕᕐᓂᐊᕐᒪᑕ, ᐃᓴᕆᐊᓕᒥᐅᓕᒫᓂᒃ ᐃᓚᖃᕐᓗᓂ ᐃᓄᒋᐊᒃᑐᕐᔪᐊᓂᒃ.”

ᔮᓱᐊᑉ ᐊᒡᓚᖏᑦ 18:1

ᓄᓇ ᐅᓇᑕᕐᓂᒃᑯᑦ ᐱᑖᕆᒐᒥᑦᔪᒃ, ᐃᓴᕆᐊᓕᒥᐅᓕᒫᑦ ᑲᑎᕗᑦ ᓮᓗᐊᒥ, ᑕᕝᕙᓂᓗ ᑐᐱᖅ ᐊᑕᓂᐅᑉ ᓇᔪᕐᑕᖓ ᓇᑉᐸᕐᐹᑦ ᑲᑎᒪᕕᒃᓴᕆᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 1:1

ᔮᓱᐊᑉ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐊᐱᕆᓕᕐᐳᑦ ᐊᑕᓂᕐᒧᑦ, “ᐃᓴᕆᐊᓕᐅᑉ ᑭᖑᕚᕇᖏᓐᓂᑦ ᓇᓪᓕᐊᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᑬᓇᓂᒥᐅᓂᒃ, ᐅᕙᑦᑎᓐᓂᒃ ᐱᑦᔪᑦᔨᓗᑎᒃ?”

ᐃᓗᐊᕐᓮᔩᑦ ᐊᒡᓚᖏᑦ 20:18

ᐃᓴᕆᐊᓕᒥᐅᑦ ᑐᒃᓯᐊᕆᐊᕐᑐᓚᐅᕐᐳᑦ ᐱᑎᓕᒧᑦ, ᑍᑲᓂᓗ ᒎᑎ ᐊᐱᕐᓱᕐᐹᑦ, “ᓇᓪᓕᕗᑦ ᑭᖑᕚᖑᖃᑎᒌᓂᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᔫᑕᐅᑉ ᑭᖑᕚᖏᑦ.”

ᐃᓗᐊᕐᓮᔩᑦ ᐊᒡᓚᖏᑦ 20:23

ᐃᓄᒋᐊᒃᑐᕐᔪᐊᓪᓗ ᐃᓴᕆᐊᓕᒥᐅᑦ ᐂᓚᐅᕐᐳᑦ ᐊᑕᓂᐅᑉ ᓵᖓᓄᑦ ᕿᐊᓪᓗᑎᒡᓗ ᐅᓐᓄᒧᑦ ᑎᑭᓪᓗᒍ; ᐊᑕᓂᕐᒧᓪᓗ ᐊᐱᕆᓪᓗᑎᒃ, “ᐅᓇᑕᕆᐊᒃᑲᓐᓂᕆᐊᖃᕐᐱᑖ ᖃᑕᓐᖑᑎᑦᑎᓐᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᐅᓇᑕᕆᐊᓕᕐᓯᐅᒃ.”

ᐃᓗᐊᕐᓮᔩᑦ ᐊᒡᓚᖏᑦ 20:28

ᐱᓂᕼᐋᓯᓗ, ᐃᓕᓯᕆᐅᑉ ᐃᕐᓂᖓ ᐂᕉᓂᐅᑉ ᐃᕐᖑᑕᖓ, ᑲᒪᔨᐅᓚᐅᕐᐳᖅ ᐅᓪᓗᓂ ᑍᒃᑯᓇᓂ), ᐅᖃᕐᓗᓂ, “ᐅᓇᑕᕆᐊᒃᑲᓐᓂᕆᐊᖃᕐᐱᑖ ᖃᑕᓐᖑᑎᑦᑎᓐᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ, ᐅᕝᕙᓘᓐᓃᑦ ᓄᖅᑲᕆᐊᖃᓕᕐᐱᑖ?” ᐊᑕᓂᐅᑉ ᑭᐅᕔᑦ, “ᐅᓇᑕᕆᐊᓕᕆᑦᓯ, ᖃᐅᒃᐸᑦ ᓵᓚᖃᕐᑎᓐᓂᐊᕐᐸᑦᓯ.”

ᓴᒧᐃᓕ ᓯᕗᓪᓖᑦ 10:3

ᑍᑲᓐᖓᓪᓗ ᐊᐅᓪᓚᕈᒫᕐᐳᑎᑦ ᑎᑭᓪᓗᑎᓪᓗ ᓇᐹᕐᑐᒧᑦ ᐆᒃᒧᑦ ᐃᑦᔪᕐᓁᑦᑐᒧᑦ ᑍᐳᐊᒦᑦᑐᒧᑦ; ᑍᑲᓂᓗ ᑲᑎᓯᔪᒫᕐᐳᑎᑦ ᐊᖑᑎᓂᒃ ᐱᖓᓱᓂᒃ ᐱᑎᓕᒥ ᑐᓂᕐᕈᓯᕆᐊᕐᑐᕐᑐᓂᒃ ᒎᑎᒧᑦ, ᐃᓚᖓᑦ ᐱᖓᓱᓂᒃ ᒎᑦᓰᑦ ᓄᕐᕋᖏᓐᓂᒃ ᑎᒍᒥᐊᕈᒫᕐᐳᖅ, ᐃᓚᖓᓪᓗ ᐊᒡᔭᕐᓯᔪᒫᕐᐳᖅ ᓂᐊᖂᔭᓂᒃ ᐱᖓᓱᓂᒃ, ᐃᓚᖓᓪᓗ ᐊᒡᔭᕐᓯᔪᒫᕐᐳᖅ ᕿᓯᖕᒥᒃ ᕔᓂᖃᐅᑎᒥᒃ.