ᐃᓗᐊᕐᓮᔩᑦ ᐊᒡᓚᖏᑦ 20:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐃᓄᒋᐊᒃᑐᕐᔪᐊᓪᓗ ᐃᓴᕆᐊᓕᒥᐅᑦ ᐂᓚᐅᕐᐳᑦ ᐊᑕᓂᐅᑉ ᓵᖓᓄᑦ ᕿᐊᓪᓗᑎᒡᓗ ᐅᓐᓄᒧᑦ ᑎᑭᓪᓗᒍ; ᐊᑕᓂᕐᒧᓪᓗ ᐊᐱᕆᓪᓗᑎᒃ, “ᐅᓇᑕᕆᐊᒃᑲᓐᓂᕆᐊᖃᕐᐱᑖ ᖃᑕᓐᖑᑎᑦᑎᓐᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᐅᓇᑕᕆᐊᓕᕐᓯᐅᒃ.”

ᐃᓗᐊᕐᓮᔩᑦ ᐊᒡᓚᖏᑦ 20:23 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 3:35

ᑕᕝᕙ ᐃᓄᖕᓂᑦ ᑍᕕᑎ ᐅᓪᓗᓕᒫᖅ ᓂᕆᑎᑕᐅᓇᓱᓚᐅᕋᓗᐊᕐᐳᖅ, ᐊᖏᕈᑎᖃᒻᒪᕆᓚᐅᕐᐳᕐᓕ ᐃᒫᒃ, “ᒎᑎᐅᑉ ᓱᒋᐊᕐᓂᐊᕐᐹᖓ ᓯᕿᓂᖅ ᓂᐱᓚᐅᕐᑎᓐᓇᒍ ᓂᕆᑐᐊᕈᒪ!”

ᕼᐆᓯᐊᑉ ᐊᒡᓚᖏᑦ 5:15

“ᐃᓄᖁᑎᒃᑲ ᕿᒪᒃᓯᒪᓂᐊᕐᐸᒃᑲ ᐸᓯᔭᒃᓴᐅᓂᕐᒥᖕᓂᒃ ᖃᐅᔨᓚᐅᖏᓐᓂᖏᓐᓂ ᐅᕙᓐᓂᒡᓗ ᕿᓂᓕᓚᐅᖏᓐᓂᖏᓐᓂ, ᐃᒻᒪᖄᓕ ᐊᒃᓱᕈᓕᕈᑎᒃ ᐅᕙᓐᓂᒃ ᕿᓂᓕᕈᒫᕐᐳᑦ.”

ᔮᓱᐊᑉ ᐊᒡᓚᖏᑦ 7:6

ᑕᕝᕙ ᔮᓱᐊ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐊᓐᓄᕌᑎᒃ ᐊᓕᒃᐰᑦ ᕿᒃᓵᖕᓂᕐᒧᑦ, ᐹᒻᒪᒃᐳᓪᓗ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᑕ ᓵᖓᓄᑦ, ᑕᕝᕙᓃᓚᐅᕐᐳᓪᓗ ᐅᓐᓄᒃ ᑎᑭᓪᓗᒍ; ᐊᕐᔭᓕᓂᕐᓂᒡᓗ ᓂᐊᖁᕐᒥᓅᕆᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᕕᒡᔪᐊᕐᓂᕐᒥᖕᓂᒃ.

ᔮᓱᐊᑉ ᐊᒡᓚᖏᑦ 7:7

ᔮᓱᐊᓗ ᐅᖃᕐᐳᖅ, “ᐊᔪᒐᖃᖏᑦᑐᑎᑦ ᐊᑕᓃᖅ ᒎᑏ! ᓱᖕᒪᑦ ᐃᑳᕐᑎᓚᐅᕐᐱᑎᒎᑦ ᔪᐊᕐᑕᓂᐅᑉ ᑰᖓᓂᒃ? ᐊᒧᕅᑎᒥᐅᓄᑦ ᑐᓂᔪᒪᓪᓗᑖ? ᐊᓯᕈᕈᒪᓪᓗᑕᓘ? ᐱᐅᓂᕐᓴᐅᒐᔭᓚᐅᓐᖏᓛᖅ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑐᐃᓐᓇᓚᐅᕈᑦᑕ?

ᐃᓗᐊᕐᓮᔩᑦ ᐊᒡᓚᖏᑦ 1:1

ᔮᓱᐊᑉ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐊᐱᕆᓕᕐᐳᑦ ᐊᑕᓂᕐᒧᑦ, “ᐃᓴᕆᐊᓕᐅᑉ ᑭᖑᕚᕇᖏᓐᓂᑦ ᓇᓪᓕᐊᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᑬᓇᓂᒥᐅᓂᒃ, ᐅᕙᑦᑎᓐᓂᒃ ᐱᑦᔪᑦᔨᓗᑎᒃ?”

ᐃᓗᐊᕐᓮᔩᑦ ᐊᒡᓚᖏᑦ 20:18

ᐃᓴᕆᐊᓕᒥᐅᑦ ᑐᒃᓯᐊᕆᐊᕐᑐᓚᐅᕐᐳᑦ ᐱᑎᓕᒧᑦ, ᑍᑲᓂᓗ ᒎᑎ ᐊᐱᕐᓱᕐᐹᑦ, “ᓇᓪᓕᕗᑦ ᑭᖑᕚᖑᖃᑎᒌᓂᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᔫᑕᐅᑉ ᑭᖑᕚᖏᑦ.”

ᐃᓗᐊᕐᓮᔩᑦ ᐊᒡᓚᖏᑦ 20:22

ᐃᓄᒋᐊᒃᑐᕐᔪᐊᓪᓕ ᐊᖑᑎᑦ ᐃᓴᕆᐊᓕᒥᐅᑦ, ᓯᕘᕋᓇᑎᒃ ᓱᓕ ᐅᓇᑕᕐᓂᕐᒧᑦ ᓴᓂᓕᕇᓕᓚᐅᕆᕗᑦ ᑕᒫᓂᑦᓮᓐᓇᖅ ᓴᓂᓕᕇᒡᕕᒋᓚᐅᕐᑕᒥᖕᓂ ᐅᓪᓗᐃᑦ ᓯᕗᓪᓕᕐᐹᖓᓂ.

ᐃᓗᐊᕐᓮᔩᑦ ᐊᒡᓚᖏᑦ 20:24

ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᕆᐊᓕᓚᐅᕆᕗᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ ᐅᓪᓘᑉ ᐂᑉᐸᖓᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 21:2

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᑦ ᐱᑎᓕᒧᐊᓚᐅᕐᐳᑦ ᑍᑲᓂᓗ ᐃᒃᓯᕙᓪᓗᑎᒃ ᒎᑎᐅᑉ ᓵᖓᓂ ᐅᓐᓄᒧᑦ ᑎᑭᓪᓗᒍ. ᓂᐱᖅᑯᕐᑐᒻᒪᕆᒃᓗᑎᒃ ᕿᐊᓚᐅᕐᐳᑦ:

ᓴᒧᐃᓕ ᓯᕗᓪᓖᑦ 10:3

ᑍᑲᓐᖓᓪᓗ ᐊᐅᓪᓚᕈᒫᕐᐳᑎᑦ ᑎᑭᓪᓗᑎᓪᓗ ᓇᐹᕐᑐᒧᑦ ᐆᒃᒧᑦ ᐃᑦᔪᕐᓁᑦᑐᒧᑦ ᑍᐳᐊᒦᑦᑐᒧᑦ; ᑍᑲᓂᓗ ᑲᑎᓯᔪᒫᕐᐳᑎᑦ ᐊᖑᑎᓂᒃ ᐱᖓᓱᓂᒃ ᐱᑎᓕᒥ ᑐᓂᕐᕈᓯᕆᐊᕐᑐᕐᑐᓂᒃ ᒎᑎᒧᑦ, ᐃᓚᖓᑦ ᐱᖓᓱᓂᒃ ᒎᑦᓰᑦ ᓄᕐᕋᖏᓐᓂᒃ ᑎᒍᒥᐊᕈᒫᕐᐳᖅ, ᐃᓚᖓᓪᓗ ᐊᒡᔭᕐᓯᔪᒫᕐᐳᖅ ᓂᐊᖂᔭᓂᒃ ᐱᖓᓱᓂᒃ, ᐃᓚᖓᓪᓗ ᐊᒡᔭᕐᓯᔪᒫᕐᐳᖅ ᕿᓯᖕᒥᒃ ᕔᓂᖃᐅᑎᒥᒃ.

ᓴᒧᐃᓕ ᓯᕗᓪᓖᑦ 11:4

ᑕᕝᕙ ᐅᖃᕆᐊᕐᑐᕐᑐᑦ ᑎᑭᒻᒪᑕ ᒋᐱᐊᒧᑦ, ᓴᐅᓕᐅᑉ ᓇᔪᕐᑕᖓᓄᑦ, ᐅᖃᓚᐅᕐᐳᑦ ᐱᓂᐊᕐᓂᐅᔪᓂᒃ ᐃᓄᖕᓄᑦ; ᐃᓄᐃᓪᓗ ᑐᓴᕋᒥᒃ ᕿᒃᓵᖕᓂᕐᒧᑦ ᓂᐱᖃᕐᓗᑎᒃ ᕿᐊᓕᕐᐳᑦ.

ᓴᒧᐃᓕ ᓯᕗᓪᓖᑦ 7:6

ᑍᒤᒻᒪᑦ ᑲᑎᓚᐅᕐᐳᑦ ᒥᔅᐸᒥ, ᐃᒪᕐᒥᒃ ᖃᓗᓯᓪᓗᑎᒃ ᑯᕕᓪᓗᒍᓗ ᐂᑦᑑᑎᒋᓚᐅᕐᐹᑦ ᐊᑕᓂᕐᒧᑦ, ᓂᕆᑦᑍᓕᓚᐅᕐᐳᓪᓗ ᐅᓪᓗᒥ ᑕᕝᕙᓂ, ᐅᖃᕐᓗᑎᒡᓗ, “ᐊᑕᓂᕐᒧᑦ ᐊᔪᕐᑐᓕᓚᐅᕐᐳᒍᑦ.” ᑕᕝᕙᓂᓗ ᒥᔅᐸᒥ ᓴᒧᐃᓕᐅᑉ ᐃᓴᕆᐊᓕᒥᐅᑦ ᐃᓗᐊᖏᑦᔪᑎᖏᓐᓂᑦ ᐃᓱᐊᕐᓯᑎᓚᐅᕐᐰᑦ.