ᐃᓗᐊᕐᓮᔩᑦ ᐊᒡᓚᖏᑦ 2:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐅᓇᑕᕆᐊᑐᐊᕌᖓᑕᓗ, ᐊᑕᓂᐅᑉ ᐅᓇᑕᖃᑦᑕᓕᓚᐅᕐᐰᑦ, ᓲᕐᓗ ᑍᒫᒃ ᓯᕗᓂᖓᒍᑦ ᐅᖃᐅᑎᓚᐅᕋᒥᒋᑦ. ᑍᒫᒡᓗ ᐊᖏᕐᕕᒋᓚᐅᕋᒥᒋᑦ; ᕿᒃᓵᖕᓂᖃᒻᒪᕆᓚᐅᕐᐳᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 2:15 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 12:1

ᑕᒪᑐᒪ ᑭᖑᕐᖓᒍᑦ ᕆᕼᐅᐳᐊᒻ ᐊᐅᓚᑦᓯᑦᓯᐊᓕᕐᑎᓪᓗᒍ ᐊᖓᔪᖅᑳᕐᔪᐊᖃᕐᕕᖕᒥᓂᓗ ᓲᖑᓂᖃᑦᓯᐊᓕᕋᒥ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᕗᖅ, ᐃᓴᕆᐊᓕᒥᐅᓕᒫᓪᓗ ᒪᓕᒃᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 18:8

ᑭᖑᓂᖓᒍᓪᓗ ᐃᓅᖃᑎᒌᒡᔪᐊᑦ ᖃᕿᐊᓕᕐᐸᑕ ᐱᐅᖏᑦᑐᓕᓂᕐᒥᖕᓂᑦ, ᐊᓯᕈᕐᑕᐅᑦᔪᑎᒃᓴᕋᓗᐊᖏᓐᓂᒃ ᑲᔪᓯᕕᐅᑎᓐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 21:10

ᑍᒤᓕᐅᕈᒪᓂᕋ ᓴᖑᑎᑦᔮᔪᓐᓃᕐᐸᕋ ᐃᒡᓗᒐᓴᖕᓄᑦ ᐱᐅᔪᒥᒃ ᐱᓇᓱᐊᕐᓂᐊᖏᓐᓇᒪ ᐱᐅᖏᑦᑐᒥᒃ ᑭᓯᐊᓂ, ᐊᑕᓂᖅ ᐅᖃᕐᐳᖅ: ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐱᔪᓐᓇᕐᓂᖃᕐᑎᑕᐅᓂᐊᕐᐳᖅ ᐊᓯᕈᐃᖁᓪᓗᒍ ᐃᑯᒪᒧᑦ.’”

ᔨᕆᒤᐊᐅᑉ ᐊᒡᓚᖏᑦ 44:11

“ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐊᑭᕋᕐᑐᕐᓂᐊᕐᐸᑦᓯ ᔫᑕᒥᐅᓕᒫᓪᓗ ᐊᓯᕈᕈᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 44:27

ᑕᑯᒋᑦ, ᖃᐅᔨᓴᕐᓂᐊᓕᕐᐸᒃᑲ ᐊᓯᕈᕐᑕᐅᖁᓪᓗᒋᑦ ᐱᐅᔪᒥᒃ ᐱᕕᐅᖁᓇᒋᑦ, ᔫᑎᑦ ᐄᑦᔨᑉᑎᒦᑦᑐᑦ ᑐᖁᑕᐅᔪᒫᕐᐳᑦ ᐅᓇᑕᕐᑐᓄᑦ ᑳᖕᓇᕐᑐᕐᔪᐊᒧᓪᓗ ᑕᒪᕐᒥᒃ ᓄᖑᑕᐅᓚᐅᖏᓐᓂᓕᒫᒥᖕᓂ.

ᒤᑲᐅᑉ ᐊᒡᓚᖏᑦ 2:3

ᑍᒤᒻᒪᑦ ᐊᑕᓂᖅ ᐅᖃᕐᐳᖅ: “ᑕᑯᒋᑦ, ᐅᖁᒤᒃᓴᕐᓇᕐᑐᓂᒃ ᐋᖅᑭᒃᓱᐃᕗᖓ ᐃᓄᖕᓄᑦ ᑖᒃᑯᓄᖓ, ᐃᒻᒥᖕᓂᒡᓗ ᓴᐳᑎᔪᓐᓇᕐᓂᐊᓐᖏᓚᑦ; ᐱᐅᔪᕆᓗᑎᒡᓗ ᐱᓱᖃᑦᑕᕐᓂᐊᕈᓐᓁᕐᐳᑦ, ᐅᖁᒤᓐᓇᕐᑐᖅ ᑕᒪᓐᓇ ᓇᓪᓕᐅᑎᓂᐊᓕᕐᒪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:8

ᖃᓄᑐᐃᓐᓇᖅ ᐅᑯᒤᒃᓴᕐᑎᑕᐅᕗᒍᑦ, ᐊᔪᓕᕐᑎᑕᐅᓇᑕᓕ; ᖁᓚᕐᓇᕐᑐᒦᑎᑕᐅᕗᒍᑦ, ᓴᐱᓕᕐᑎᑕᐅᓇᑕᓕ;

ᒨᓯᓯ ᑕᓪᓕᒪᖏᑦ 18:20

ᓇᓪᓕᐊᓪᓕ ᐅᖃᓪᓚᒐᓱᐊᕐᐸᑦ ᐅᕙᓐᓄᑦ ᐅᖃᖁᔭᐅᓯᒪᖏᓪᓗᓂ, ᑖᓐᓇ ᑍᒫᑦᓮᓐᓇᕐᑕᐅᖅ ᒎᑎᒋᔭᐅᔪᓂᒃ ᐱᑦᔪᑎᖃᕐᓗᓂ ᐅᖃᓪᓚᒐᓱᐊᕐᑐᖅ ᑍᒫᑦᓮᓐᓇᖅ ᑖᓐᓇ ᑐᖁᔪᒪᕐᐳᖅ.’

ᐃᓗᐊᕐᓮᔩᑦ ᐊᒡᓚᖏᑦ 10:9

ᐊᒧᓁᑎᑦ ᐊᒡᓛᑦ ᐃᑳᓚᐅᕐᐳᑦ ᔪᐊᕐᑕᓂᐅᑉ ᑰᖓᓂᒃ ᐅᓇᑕᕆᐊᕐᓗᑎᒃ ᔫᑕᐅᑉ ᑭᖑᕚᖏᓐᓂᒃ, ᐱᓐᔭᒥᓂᐅᓪᓗ ᑭᖑᕚᖏᓐᓂᒃ, ᐃᕗᕅᑎᒥᐅᓪᓗ ᑭᖑᕚᖏᓐᓂᒃ. ᐃᓴᕆᐊᓕᒥᐅᑦ ᖁᕕᐊᓇᖏᑦᑐᒃᑰᕐᑎᑕᐅᓚᐅᕐᐳᑦ.

ᕉᑎᐅᑉ ᐅᓂᒃᑲᐅᓯᓂᖓ 1:13

ᐅᑦᑕᖅᑭᔪᓐᓇᕋᔭᕐᐱᓰᒃ ᐱᕈᕐᕇᕐᓯᐊᕆᓗᒋᒃ? ᑍᒫᒃ ᐊᑯᓂᐊᓗᒃ ᐅᐃᓂᒃᑍᓕᑦᔪᑎᒋᒐᔭᕐᐱᓯᒃᑰᒃ? ᐸᓃᒃᑲ ᖃᐅᔨᒪᕗᓯᒃ ᑍᒫᒃ ᐊᔪᕐᓇᑦᓯᐊᕐᑐᖅ; ᐊᖏᔪᒥᒃ ᕿᒃᓵᒍᑎᒋᒐᓗᐊᕐᐸᑦᓯᒃ ᓇᒡᓕᒋᓪᓗᓯᒃ ᑭᓯᐊᓂ ᐊᑕᓂᐅᑉ ᑍᒤᑦᓱᓐᓁᓪᓕᑎᑖᖓ.”

ᓴᒧᐃᓕ ᓯᕗᓪᓖᑦ 12:15

ᑭᓯᐊᓂᓕ ᐊᑕᓂᐅᑉ ᓂᐱᖓᓂᒃ ᓈᓚᖕᓂᐊᖏᒃᑯᑦᓯ, ᐊᑕᓂᐅᓪᓗ ᐱᖁᔭᖏᓐᓂᒃ ᐊᑭᕋᕐᑐᓕᕈᑦᓯ, ᑕᕝᕙ ᐊᑕᓂᐅᑉ ᐊᒡᒐᖏᑦ ᐃᓕᑦᓯᓐᓂᒃ ᐊᖓᔪᖅᑳᕐᔪᐊᑦᓯᓐᓂᒡᓗ ᐊᑭᕋᕐᑐᓕᕈᒫᕐᐳᖅ.

ᓴᒧᐃᓕ ᓯᕗᓪᓖᑦ 13:6

ᐃᓴᕆᐊᓕᒥᐅᑦ ᐃᓄᖏᑦ ᑕᑯᒐᒥᒃ ᑲᑉᐱᐊᓇᕐᑐᒦᓕᕐᓂᕐᒥᖕᓂᒃ, (ᐃᓗᖏᕐᓱᕐᓗᑎᒃ ᐃᓱᒪᔮᓕᕐᐳᑦ,) ᐃᓴᕆᐊᓕᒥᐅᑦ ᐃᓚᖏᑦ ᐃᔨᕐᐳᑦ ᕾᕈᓱᖕᓄᑦ ᐃᑎᕐᓴᓄᓪᓗ ᐅᔭᕅᓪᓗ ᐊᑯᓐᓂᖓᓐᓄᑦ, ᐃᑎᕐᓴᐅᓂᕐᓄᓪᓗ;

ᓴᒧᐃᓕ ᓯᕗᓪᓖᑦ 14:24

ᐃᓴᕆᐊᓕᒥᐅᑦ ᐅᓪᓗᒥ ᑍᑦᓱᒪᓂ ᑕᖃᕗᑦ ᑳᖕᓂᕐᒧᑦ, ᓴᐅᓕ ᐅᖃᓚᐅᕐᒪᑦ, ᐊᖏᒻᒪᕆᒃᓱᓂ ᐃᒫᒃ: “ᓱᒋᐊᕐᑕᐅᔪᒃᓴᐅᕗᖅ ᓇᓪᓕᐊᑦ ᐅᓐᓄᓚᐅᖅᑳᕐᑎᓐᓇᒍ ᓂᕆᔪᖅ ᐊᑭᓂᐊᕇᓚᐅᖅᑳᕐᑎᓐᓇᖓ ᐊᑭᕋᓐᓂᒃ.” ᑍᒤᒻᒪᑦ ᓇᓪᓕᐊᓪᓘᓐᓃᑦ ᓂᕆᔪᖃᓚᐅᓐᖏᓚᑦ.

ᓴᒧᐃᓕ ᓯᕗᓪᓖᑦ 30:6

ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.