ᐃᓗᐊᕐᓮᔩᑦ ᐊᒡᓚᖏᑦ 19:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑖᓐᓇᓕ ᐊᖑᑦ ᐃᑦᑐᖅ ᐃᒡᓗᖃᕐᑐᖅ ᐊᓂᕗᖅ ᐅᖃᐅᑎᓪᓗᒋᓪᓗ, “ᑍᒤᓕᐅᕋᓯ, ᖃᑕᓐᖑᑎᒃᑳ! ᑍᒫᒃ ᐱᐅᖏᑦᑐᐊᓗᖕᒥᒃ ᐱᓇᓱᐊᕋᓯ, ᑖᓐᓇ ᐊᖑᑦ ᐃᒡᓗᒥᐅᑕᕆᒐᒃᑯ.

ᐃᓗᐊᕐᓮᔩᑦ ᐊᒡᓚᖏᑦ 19:23 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 19:8

ᑕᑯᒋᑦ, ᒪᕐᕉᖕᓂᒃ ᐸᓂᖃᕐᑐᖓ ᓱᓕ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑑᖕᓂᒃ; ᑖᒃᑯᐊᒃ ᐃᓕᑦᓯᓐᓄᑦ ᐊᓂᑎᓚᐅᕐᓛᒃᑲᒃ, ᐃᓱᒪᕐᓲᑎᒋᓂᐊᕋᑦᓯᐅᒃ; ᐅᑯᐊᒡᓕ ᐊᖑᑏᒃ ᐱᓕᕆᐊᕆᓇᓱᐊᕐᓂᐊᕋᓯᐅᒃ; ᐃᒡᓗᓐᓂ ᑖᒃᑯᐊ ᑐᔪᕐᒥᐊᕆᒐᒃᑭᒃ.”

ᒨᓯᓯ ᓯᕗᓪᓖᑦ 34:7

ᔧᑰᓪᓕ ᐃᕐᓂᖏᑦ ᐱᕈᕐᓰᕕᖕᒥᓐᖔᕐᓗᑎᒃ ᑕᕝᕗᓐᖓᕋᒥᒃ ᑕᒪᑐᒥᖓᓗ ᑐᓴᓕᕋᒥᒃ; ᐃᓗᐃᓪᓕᕐᐳᑦ ᓂᓐᖓᒻᒪᕆᒃᓗᑎᒡᓗ, ᓯᑭᒥ ᑍᒤᓕᐅᕐᓯᒪᖕᒪᑦ ᓈᒻᒪᖏᑦᑐᒥᒃ ᐃᓴᕆᐊᓕᒥᐅᓂᒡᓗ ᒥᑕᐅᑎᖃᕐᓗᓂ ᔧᑰᑉ ᐸᓂᖓᓂᒃ ᐃᓐᓇᖓᖃᑎᖃᕐᓂᕐᒥᓄᑦ, ᑍᒤᓕᐅᕐᑐᖃᕆᐊᖃᕐᑎᓐᓇᒍ.

ᓴᒧᐃᓕ ᐂᑉᐸᖏᑦ 13:12

ᐅᖃᕐᐳᕐᓕ, “ᐋᒃᑲ ᐊᓂᒋᒐᒃᑭᑦ, ᐱᔪᒪᑎᓐᓇᖓ ᐱᐅᖏᑦᑐᐊᓗᖕᒥᒃ ᐱᑎᓐᓇᓱᓐᖏᓚᐅᓐᖓ! ᐃᓴᕆᐊᓕᒥ ᑍᒤᓕᐅᕐᑐᖃᖃᑦᑕᖏᒻᒪᑦ; ᑕᒪᓐᓇ ᐱᓇᓱᐊᕈᒪᓃᑦ ᐱᐅᖏᑦᑐᐊᓘᖕᒪᑦ!

ᒨᓯᓯ ᑕᓪᓕᒪᖏᑦ 22:21

ᑕᕝᕙ ᑖᒃᑯᓇᓐᖓᑦ ᑕᕝᕙᓐᖓᑦ ᐊᓐᓂᓯᔭᐅᓗᓂ ᐊᑖᑕᖓᑕ ᐃᒡᓗᖓᑕ ᐃᑎᕐᑕᕐᕕᖓᓄᐊᕈᑦᔭᐅᔪᒃᓴᐅᕗᖅ, ᑖᑦᓱᒪᓗ ᐊᕐᓇᐅᑉ ᓄᓇᖓᑕ ᐃᒡᓗᒐᓴᒡᔪᐊᕐᒥᐅᑦ ᐊᖑᑎᖏᑕ ᒥᓪᓗᕐᓗᒍ ᑐᖁᑕᒃᓴᕆᕚᑦ, ᑖᓐᓇ ᐊᕐᓇᖅ ᑲᓐᖑᓇᕐᑐᒥᒃ ᐃᓴᕆᐊᓕᒥᐅᓄᑦ ᑎᑭᑎᑦᓯᖕᒪᑦ ᐃᓐᓇᖓᖃᑎᖃᕐᓯᒪᓂᕐᒥᓄᑦ ᐅᐃᓂᓚᐅᖅᑳᕋᓂ, ᓱᓕ ᐊᑖᑕᖓᑕ ᐃᒡᓗᖓᓂ ᐊᖏᕐᕋᖃᕐᑎᓪᓗᒍ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᔮᓱᐊᑉ ᐊᒡᓚᖏᑦ 7:15

ᑖᓐᓇᓗ ᓇᓗᓁᕐᑕᐅᔪᖅ ᐱᐅᖏᑦᑐᒥᒃ ᐱᖁᑎᓂᒃ ᐱᓯᒪᔪᖅ ᐃᑭᑕᐅᔪᒃᓴᐅᕗᖅ, ᐃᓚᒌᑦ ᐃᓚᒋᓗᒋᑦ ᐱᖁᑎᓕᒫᖏᓪᓗ, ᑖᓐᓇ ᐊᔪᕐᑐᓕᑎᑦᓯᖕᒪᑦ ᐃᓴᕆᐊᓕᒥᐅᓂᒃ ᓯᖁᒥᑦᑎᓯᒪᓪᓗᓂᓗ ᐊᑕᓂᐅᑉ ᐊᖏᖃᑎᒌᒍᑎᒋᓯᒪᔭᖓᓂᒃ, ᑲᓐᖑᓇᕐᑐᒦᑎᑦᓯᓪᓗᓂᓗ ᐃᓴᕆᐊᓕᒥᐅᓂᒃ.’”

ᐃᓗᐊᕐᓮᔩᑦ ᐊᒡᓚᖏᑦ 20:6

ᑎᒥᖓ ᐱᓚᐅᕐᐸᕋ ᐊᒡᒍᕐᓗᒍ, ᐂᑦᑐᕐᑑᑎᒋᓚᐅᕐᐸᕋᓗ ᐃᓴᕆᐊᓕᒥᐅᑦ ᑭᖑᕚᖏᓐᓄ 12ᓄᑦ; ᑖᒃᑯᐊ ᐃᓄᐃᑦ ᐱᐅᖏᑦᑐᒻᒪᕆᐊᓗᖕᒥᒃ ᐱᓇᓱᐊᕐᒪᑕ ᐊᑐᕆᐊᖃᖏᒻᒪᕆᒃᑐᒥᒃ ᐊᑯᓐᓇᑦᑎᓐᓂ.