ᐃᓗᐊᕐᓮᔩᑦ ᐊᒡᓚᖏᑦ 18:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᑖᓐ ᑭᖑᕚᖏᑦ ᐃᓄᓐᖑᐊᒥᒃ ᓴᓇᓐᖑᐊᕐᓯᒪᔪᒥᒃ ᐋᖅᑭᒃᓯᓚᐅᕐᐳᑦ ᐃᒻᒥᖕᓄᑦ; ᔫᓇᑕᓂᓗ, ᒌᕐᓲᒥᐅᑉ ᐃᕐᓂᖓ, ᒨᓯᓯᐅᑉ ᐃᕐᖑᑕᖓ, ᑐᓂᕐᕈᓯᕐᑎᑦᓯᔨᐅᓚᐅᕐᐳᖅ ᑖᓐ ᑭᖑᕚᖏᓐᓄᑦ ᐃᓄᐃᑦ ᐊᐅᓪᓚᐅᑦᔭᐅᓂᖓ ᑎᑭᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 18:30 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 15:29

ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:18

ᐊᑕᓂᐅᑉ ᐃᓴᕆᐊᓕᒥᐅᑦ ᓂᓐᖓᒡᕕᒋᓚᐅᕐᐰᑦ ᓇᔪᕈᒪᔪᓐᓃᕐᓗᓂᒋᓪᓗ, ᔫᑕᐅᑉ ᑭᖑᕚᖏᑦ ᐃᓚᓕᐅᕐᓯᒪᔭᑐᐊᕆᓕᕐᓗᓂᒋᑦ.

ᐊᑕᓃᑦ ᐂᑉᐸᖏᑦ 17:20

ᐊᑕᓂᐅᑉ ᐃᓴᕆᐊᓕᐅᑉ ᑭᖑᕚᓕᒫᖏᑦ ᖁᔭᓈᓚᐅᕐᐰᑦ, ᐅᖁᒤᒃᓴᕐᓇᕐᑐᓂᒃ ᐊᑑᑎᑎᓚᐅᕐᐰᑦ ᐊᑭᕋᕐᑐᕐᑎᖏᓐᓄᑦ ᓇᒡᓕᓂᖃᖏᑦᑐᓄᑦ ᐱᓇᓱᐊᕐᕕᐅᑎᓪᓗᓂᒋᑦ ᐃᓚᒋᔪᒪᔪᓐᓃᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:22

ᐃᓴᕆᐊᓕᒥᐅᑉ ᔨᕈᐳᐊᒻ ᐊᔪᕐᑐᓕᑦᔪᑎᖏᓐᓂᒃ ᒪᓕᑐᐃᓐᓇᓚᐅᕐᐳᑦ, ᖃᕿᐊᓕᕈᒪᓇᑎᒡᓗ.

ᐊᑕᓃᑦ ᐂᑉᐸᖏᑦ 17:23

ᐊᑕᓂᐅᑉ ᓇᔪᕈᒪᔪᓐᓃᓚᐅᕐᐰᑦ, ᐅᖃᕐᑎᒥᒍᑦ ᖃᐅᔨᑎᒋᐊᕐᓗᓂᒋᑦ ᐅᖃᐅᑎᕙᓚᐅᕋᓗᐊᕐᓗᓂᒋᑦ. ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᕈᑦᔭᐅᓚᐅᕐᐳᑦ ᐊᓯᕆᐊᒧᐊᕐᑎᑕᐅᓪᓗᑎᒃ ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.

ᒨᓯᓯ ᐂᑉᐸᖏᑦ 18:3

ᐃᕐᓂᖏᒃ ᒪᕐᕉᒃ ᐃᓚᒋᓪᓗᒋᒃ, ᐊᑎᖃᕐᑑᒃ ᒌᕐᓲᒻ ᐊᒻᒪᓗ ᐃᓕᓵ, (ᒌᕐᓲᒥᒃ ᐊᑦᑎᕋᒥᐅᒃ ᒨᓯᓯ ᐅᖃᓚᐅᕐᐳᖅ, “ᓄᓇᖃᕋᒪ ᐃᓅᖃᑎᑐᖃᕆᓐᖏᑕᓐᓂ”),

ᒨᓯᓯ ᐂᑉᐸᖏᑦ 2:22

ᑖᒃᑯᐊᒡᓗ ᐃᕐᓂᕐᑖᕐᐴᒃ, ᒨᓯᓯᓗ ᐅᖃᕐᐳᖅ, “ᑕᒫᓂᒥᐅᑕᐅᖏᓐᓇᒪ ᓄᓇᒥ ᐊᑎᕐᑖᕐᑎᑉᐸᕋ ᒌᕐᓲᒥᒃ.”

ᒨᓯᓯ ᐂᑉᐸᖏᑦ 20:4

“ᓱᓇᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ ᐊᑦᔨᓕᐅᕆᓗᓯ ᕿᓚᖕᒥᐅᑕᕐᒥᒃ ᓄᓇᒥᐅᑕᒥᒡᓘᓐᓃᑦ, ᐃᒪᕐᒥᐅᑕᕐᒥᒃ ᓄᓇᐅᑉ ᐊᑖᓂᕐᒥᐅᑕᒥᒡᓘᓐᓃᑦ.

ᒨᓯᓯ ᐱᖓᔪᖏᑦ 26:1

“ᒎᑎᓐᖑᐊᒥᒃ ᓴᓇᔪᒃᓴᐅᓐᖏᓚᓯ, ᐃᓄᓐᖑᐊᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ ᓇᑉᐸᕐᑎᑦᓯᔪᒃᓴᐅᓐᖏᓚᓯ, ᐅᔭᕋᖕᒥᒡᓘᓐᓃ ᓴᓇᓐᖑᐊᕐᓯᒪᔪᒥ ᓄᓇᑦᓯᓐᓄᑦ ᐃᓕᓯᔪᒃᓴᐅᓐᖏᓚᓯ, ᐹᒻᒪᒃᑎᕐᕕᒋᔭᒃᓴᑦᓯᓐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 31:16

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ: “ᑕᑯᒋᑦ, ᐊᑯᓂᐅᖏᑦᑐᖅ ᑐᖁᓂᐊᓕᕋᕕᑦ ᓯᕗᓕᕕᓂᕐᑎᑦ ᐃᓚᒋᓕᕐᓗᒋᑦ; ᑭᖑᓂᕐᓂ ᐃᓄᐃᑦ ᐅᕙᓐᓂᒃ ᐊᓯᓐᓂᐊᓕᕈᒫᕐᐳᑦ ᐊᖏᖃᑎᒌᒍᑎᒋᓚᐅᕐᑕᕗᓪᓗ ᓯᖁᒥᑕᐅᔪᒫᕐᐳᑦ, ᐅᕙᓐᓂᒃ ᕿᒤᓗᑎᒃ ᐅᒃᐱᖏᑦᑐᑦ ᒎᑎᓐᖑᐊᖏᓐᓄᑦ ᑕᒫᓂ ᓄᓇᑖᕆᓂᐊᓕᕐᑕᖏᑕ ᐃᓄᖏᓐᓂᒃ ᒪᓕᒃᓴᕐᓗᑎᒃ ᑐᒃᓯᐊᖃᑦᑕᓕᕈᒫᕐᐳᑦ.

ᒨᓯᓯ ᑕᓪᓕᒪᖏᑦ 31:29

ᖃᐅᔨᒪᑦᓯᐊᕋᒪ ᑐᖁᓂᕐᒪ ᑭᖑᓂᖓᒍᑦ ᐱᐅᖏᑦᑐᐊᓗᖕᓂᒃ ᐱᐅᓯᕐᑖᕈᒫᕋᑦᓯ; ᒪᓕᒃᑕᐅᖁᓯᒪᔭᒃᑲᓗ ᑐᓄᓐᖓᓕᕈᒫᕋᑦᓯᐅᒃ; ᐅᓪᓗᓂ ᓯᕗᓂᑦᑎᓐᓂ ᐊᔪᕐᑐᓕᓂᐊᓗᖕᓄᑦ ᑎᑭᑕᐅᔪᒫᕐᐳᓯ, ᐱᐅᖏᑦᑐᓕᓂᕐᒥᒃ ᐊᑐᓕᕈᒫᕋᑦᓯ ᐊᑕᓂᐅᑉ ᓵᖓᓂ, ᓂᓐᖓᒃᑎᓪᓗᒍᓗ ᓇᖕᒥᓂᖅ ᐱᓇᓱᐊᕐᑕᑦᓯᓐᓄᑦ.”

ᐃᓗᐊᕐᓮᔩᑦ ᐊᒡᓚᖏᑦ 13:1

ᓱᓕ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᑕᒃᑯᐊᓂ, ᐊᑕᓂᐅᓪᓗ ᑐᓂᓚᐅᕐᐰᑦ ᐱᓕᔅᑍᓂᒥᐅᓄᑦ ᐊᕐᕌᒍᓄᑦ 40ᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 17:3

ᑮᓇᐅᔧᑦ 1,100 ᓯᐅᓪᕕᕇᑦ ᐅᑎᕐᑎᓚᐅᕐᐰᑦ ᐊᓈᓇᒥᓄᑦ, ᐊᓈᓇᖓᓗ ᐅᖃᕐᐳᖅ, “ᑐᓂᕐᕈᑎᒋᓂᐊᕐᐸᒃᑲ ᐊᑕᓂᕐᒧᑦ ᓯᐅᓪᕕᕇᑦ ᐃᕐᓂᕋ ᐱᑦᔪᑎᒋᓪᓗᒍ. ᐃᓄᓐᖑᐊᒥᒃ ᓴᕕᕋᔭᖕᒥᒃ ᒎᑎᓐᖑᐊᒥᒃ, ᐊᐅᒃᑎᓚᐅᕐᓗᒍ ᓴᓇᓯᒪᔪᒥᒃ ᓴᓇᔪᖃᖁᓪᓗᒍ; ᒫᓐᓇᓕ ᐅᑎᕐᑎᑉᐸᒃᑲ ᐃᓕᖕᓄᑦ.”

ᐃᓗᐊᕐᓮᔩᑦ ᐊᒡᓚᖏᑦ 17:5

ᑖᓐᓇ ᐊᖑᑦ ᒤᑲ ᓇᖕᒥᓂᖅ ᑐᒃᓯᐊᕐᕕᖃᓚᐅᕐᐳᖅ. ᑐᓂᕐᕈᓯᕐᑎᑦᓯᔨᓯᐅᑎᒥᒃ ᓴᒡᕕᖕᒥᐅᑕᓕᐅᓚᐅᕐᐳᖅ ᐃᒡᓗᒥᐅᑕᓂᒡᓗ ᒎᑎᓐᖑᐊᓂᒃ, ᐃᕐᓂᕐᒥᓗ ᐃᓚᖓᓐᓂᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᓪᓗᓂ.