ᐃᓗᐊᕐᓮᔩᑦ ᐊᒡᓚᖏᑦ 18:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑍᑯᓐᖓᕈᑦᓯᓗ, ᖃᐅᔨᓂᐊᕐᐳᓯ ᐃᓄᐃᑦ ᓂᕆᐅᖏᒻᒪᑕ ᓱᔭᐅᓂᐊᕐᓂᕐᒥᓂᒃ. ᓄᓇᖓ ᐊᖏᔪᒻᒪᕆᐊᓘᖕᒪᑦ; ᓱᓇᑐᐃᓐᓇᓕᒫᖃᕐᑐᖅ ᐃᓅᑉ ᐱᔪᒪᔭᓕᒫᖏᓐᓂᒃ, ᒎᑎᐅᑉ ᑐᓂᕚᓯ ᑖᑦᓱᒥᖓ.”

ᐃᓗᐊᕐᓮᔩᑦ ᐊᒡᓚᖏᑦ 18:10 ပူးပေါင်းရင်းမြစ်များ

ᐃᓗᐊᕐᓮᔩᑦ ᐊᒡᓚᖏᑦ 18:27

ᒤᑲᐅᑉ ᓴᓇᓚᐅᕐᑕᖏᑦ ᓇᒃᓴᕐᓗᒋᑦ, ᑖᑦᓱᒪᓗ ᑐᓂᕐᕈᓯᕐᑎᑦᓯᔨᖁᑎᖓ, ᑖᓐ ᑭᖑᕚᖏᑦ ᑎᑭᑉᐳᑦ ᓔᓯᒧᑦ, ᐃᓄᖕᓄᑦ ᓮᓕᔪᓄᑦ ᓱᓇᒥᒡᓗ ᓂᕆᐅᖏᑦᑐᓄᑦ, ᓴᕕᒡᔪᐊᒧᓪᓗ ᑐᖁᓪᓗᒋᑦ, ᐃᒡᓗᒐᓮᓪᓗ ᐃᑯᐊᓪᓚᒡᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 18:7

ᑖᒃᑯᐊ ᐊᖑᑎᑦ ᑕᓪᓕᒪᑦ ᐊᐅᓪᓚᕐᐳᑦ ᐂᓪᓗᑎᒡᓗ ᓄᓇᓕᖕᒧᑦ ᓔᓯᒧᑦ. ᐃᓄᖏᓪᓗ ᑍᑲᓃᑦᑐᑦ ᑕᑯᓪᓗᒋᑦ, ᓄᓇᖃᕐᑐᑦ ᐊᑭᕋᕐᑐᕐᑎᖃᕋᑎᒃ, ᓮᑐᓂᒥᐅᑎᑐᑦ ᐃᓂᓪᓚᖓᑦᓯᐊᕐᓗᑎᒃ, ᐅᐃᒪᖏᑦᑑᓚᐅᕐᐳᑦ, ᐊᑭᕋᕐᑐᕐᓂᖃᕋᑎᒃ ᑭᓇᒧᓪᓘᓐᓃᑦ; ᓈᒻᒪᑦᓯᐊᓚᐅᕐᐳᑦ. ᓄᓇᖃᓚᐅᕐᐳᑦ ᓮᑐᓂᒥᐅᑦ ᐅᖓᓯᒋᔭᖓᓂ, ᐃᓅᖃᑎᖃᓚᐅᕐᓇᑎᒡᓗ ᖃᓂᒋᔭᒥᖕᓂ.

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.

ᐃᓯᑭᐊᓕᐅᑉ ᐊᒡᓚᖏᑦ 20:6

ᑍᑦᓱᒪᓂ ᐅᓪᓗᒥ ᐅᖃᕕᒃᓗᖓ ᐊᖏᕐᕕᒋᓚᐅᕐᐸᒃᑲ ᐄᑦᔨᑉᑎᒥᑦ ᐊᐅᓪᓚᕐᑎᓛᕐᓂᕋᕐᓗᒋᑦ ᑕᓯᐅᕐᓗᒋᓪᓗ ᓄᓇᒧᑦ ᓄᓇᑖᕆᔭᐅᖁᓪᓗᒍ ᓂᕈᐊᕆᓯᒪᔭᓐᓄᑦ, ᓄᓇᑦᓯᐊᕙᐅᓂᕐᐹᒧᑦ ᓄᓇᒥ ᓂᕿᒃᓴᖃᑦᓯᐊᕐᓇᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ.

ᔮᓱᐊᑉ ᐊᒡᓚᖏᑦ 6:16

7ᖓᓐᓂ ᑬᕙᓪᓔᔭᕇᕐᒪᑕ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᕗᑦ, ᑕᕝᕙ ᔮᓱᐊᑉ ᐊᖑᑏᑦ ᐅᖃᐅᑎᕔᑦ, “ᕾᒐᓛᓕᕆᑦᓯ; ᐊᑕᓂᐅᑉ ᐃᒡᓗᒐᓴᖕᓂᒃ ᑐᓂᕚᓯ!

ᒨᓯᓯ ᑕᓪᓕᒪᖏᑦ 4:1

ᑕᕝᕙ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐃᓴᕆᐊᓕᒥᐅᖑᔪᓯ ᐱᖁᔭᓕᒫᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᐃᓕᓮᑦᔪᑎᒋᓚᐅᕐᑕᒃᑲ, ᑕᕝᕙ ᐃᓅᓂᐊᕐᐳᓯ ᓄᓇᖃᓕᕐᓗᓯᓗ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᓯᒪᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 2:29

ᑰᒃ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᓄᓇᒧᑦ ᐊᑕᓂᐅᑉ ᒎᑎᑦᑕ ᑐᓂᓯᒪᔭᖓᓄᑦ ᑎᑭᓚᐅᖏᓐᓂᑦᑎᓐᓂ. ᐄᓴᐅᑉ ᑭᖑᕚᖏᑦ, ᓰᐊᕆᒥ ᓄᓇᓖᑦ, ᒧᐊᐱᒥᐅᓪᓗ, ᐋᕆᒥ ᓄᓇᓖᑦ, ᐅᕙᑦᑎᓐᓂᒃ ᓄᓇᒥᒃᑎᒍᑦ ᐊᖅᑯᓵᕈᓐᓇᕐᑎᑦᓯᖃᑦᑕᓚᐅᕐᓂᖏᑎᑐᑦ ᐱᔪᓐᓇᕐᑎᑕᐅᔪᒪᕗᒍᑦ.’

ᒨᓯᓯ ᐂᑉᐸᖏᑦ 3:8

ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ.

ᐃᓗᐊᕐᓮᔩᑦ ᐊᒡᓚᖏᑦ 18:9

ᑖᒃᑯᐊ ᑭᐅᕗᑦ, “ᐸᕐᓇᒡᓗᑕ, ᐅᓇᑕᕆᐊᓚᐅᕐᓚᕗᑦ, ᓄᓇᖓᑦ ᕿᒥᕐᕈᓚᐅᕐᐸᕗᑦ, ᐱᕈᕐᓰᑦᓯᐊᕐᓇᕐᑐᖅ, ᓱᓕᕆᖏᓪᓗᓯ ᑕᒪᓃᑦᓱᓐᓇᕐᐱᓰ? ᐅᐃᒪᓕᕆᑦᓯ! ᑲᔪᓯᓕᕆᑦᓯ ᐃᑎᕐᕕᒋᓗᒍ ᐱᑖᕆᔭᕐᑐᓕᕐᓚᕗᑦ!

ᐃᓗᐊᕐᓮᔩᑦ ᐊᒡᓚᖏᑦ 18:11

600 ᐊᖑᑏᑦ ᑖᓐ ᑭᖑᕚᖏᓐᓂᑦ ᐅᓇᑕᐅᑎᒥᖕᓂᒃ ᓇᒃᓴᕐᓗᑎᒃ ᐊᐅᓪᓚᓚᐅᕐᐳᑦ, ᔫᕋᒥᑦ ᐃᔅᑕᐅᓪᒥᓪᓗ ᐅᓇᑕᕆᐊᓕᕐᓗᑎᒃ.

ᔮᓱᐊᑉ ᐊᒡᓚᖏᑦ 2:23

ᑕᕝᕙ ᑖᒃᑯᐊᒃ ᖃᐅᔨᓴᕆᐊᓚᐅᕐᑑᒃ ᐊᖅᑲᓚᐅᕐᐴᒃ ᖃᖅᑲᒥᑦ, ᐃᑳᕐᓗᑎᒃ ᑰᒃᑯᑦ ᐅᑎᓚᐅᕐᐴᒃ ᔮᓱᐊᒧᑦ ᓈᓂᐅᑉ ᐃᕐᓂᖓᓄᑦ.

ᔮᓱᐊᑉ ᐊᒡᓚᖏᑦ 2:24

ᔮᓱᐊᓗ ᐅᖃᐅᑎᓪᓗᒍ, “ᓱᓕᓪᓚᕆᒃᑐᒥᒃ ᐊᑕᓂᐅᑉ ᑐᓂᓚᐅᕐᐹᑎᒍᑦ ᓄᓇᓕᒫᒥᒃ; ᐃᓄᓕᒫᓪᓗ ᓄᓇᖃᕐᑐᑦ ᑍᑲᓂ ᓴᐱᓕᕐᓗᑎᒃ ᐅᕙᑦᑎᓐᓂᒃ.”