ᐃᓗᐊᕐᓮᔩᑦ ᐊᒡᓚᖏᑦ 15:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᓕᕼᐃᒧᐊᕋᒥᒃ ᐱᓕᔅᑍᓂᒥᐅᑦ ᐅᐸᒃᐹᑦ ᕾᒐᓛᕐᓗᑎᒃ; ᑕᕝᕙ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖃᕐᓗᓂ ᑎᑭᑉᐹ, ᐊᒃᓗᓈᓪᓗ ᑕᓕᖏᖕᓂ ᕿᓚᒃᓱᕐᓯᒪᔪᑦ ᐃᕕᒃᑎᑐᑦ ᐃᑯᐊᓪᓚᒃᑕᐅᔪᑐᑦ ᑍᒤᓕᕐᐳᑦ, ᕿᓚᕈᑎᖏᑦ ᐊᐅᒃᓗᑎᒃ ᑕᓕᖏᖕᓂ.

ᐃᓗᐊᕐᓮᔩᑦ ᐊᒡᓚᖏᑦ 15:14 ပူးပေါင်းရင်းမြစ်များ

ᐃᓗᐊᕐᓮᔩᑦ ᐊᒡᓚᖏᑦ 14:19

ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᑐᕐᔪᐊᖑᓪᓗᓂ ᑎᑭᑉᐹ, ᑕᐅᓄᖓᓗ ᐂᕗᖅ ᐊᓯᑭᓗᓂᒧᑦ, ᑕᕝᕙᓂᓗ ᐊᖑᑎᓂᒃ 30ᓂᒃ ᐃᒡᓗᒐᓴᒡᔪᐊᕐᒥᐅᓂᒃ ᑐᖁᑦᓯᓪᓗᓂ, ᐊᓐᓄᕅᔭᕐᐰᑦ, ᐊᓐᓄᕌᓪᓗ ᑐᓂᓪᓗᒋᑦ ᐊᖑᑎᓄᑦ ᐅᖃᓐᖑᐊᕈᓯᐅᑉ ᑐᑭᖓᓂᒃ ᓇᓚᐅᑦᓯᓚᐅᕐᑐᓄᑦ. ᐊᒃᓱᐊᓗᒃ ᓂᓐᖓᐅᒪᓪᓗᓂ ᐊᑖᑕᒥ ᐃᒡᓗᖓᓄᑦ ᐅᑎᕐᐳᖅ.

ᐃᓐᖏᕈᑎᑦ 118:11

ᑖᒃᑯᓄᖓ ᐊᕙᓗᔭᐅᓯᒪᕗᖓ, ᐄᓛᒃ ᐊᕙᑎᓕᒫᓐᓂᑦ ᐊᕙᓗᔭᐅᓯᒪᕗᖓ; ᐊᑕᓂᐅᓪᓕ ᐊᑎᖓᓂ ᓇᑲᑎᕐᓗᒋᑦ ᐲᔭᕐᓂᐊᕐᐸᒃᑲ!

ᓴᒧᐃᓕ ᓯᕗᓪᓖᑦ 17:35

ᒪᓕᒃᓴᖃᑦᑕᕐᐸᒃᑲ ᐊᓇᐅᓪᓗᒋᓪᓗ, ᓄᕐᕋᕐᓗ ᐱᐅᓕᓪᓗᒍ ᖃᓂᖓᓂᑦ; ᐅᕙᓐᓂᒡᓗ ᐱᒋᐊᑐᐊᕐᒪᑦ, ᒥᖅᑯᖓᒍᑦ ᑎᒍᓪᓗᒍ, ᐊᓇᐅᓪᓗᒍᓗ ᑐᖁᑉᐸᕋ.

ᓴᒧᐃᓕ ᓯᕗᓪᓖᑦ 11:6

ᓴᐅᓕᓕ ᑕᒪᑐᒥᖓ ᑐᓴᕋᒥ, ᒎᑎᐅᑉ ᐊᓂᕐᓂᖓᑕ ᓴᓐᖏᔪᕐᔪᐊᒥᒃ ᑎᑭᕝᕕᒋᕚ, ᓂᓐᖓᐅᒪᓂᕐᔪᐊᒧᓪᓗ ᑎᑭᑕᐅᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 14:6

ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖃᕐᓗᓂ ᑎᑭᑉᐹ, ᓛᔭᓗ ᐊᓕᒃᑐᕐᓗᒍ ᓲᕐᓗ ᒎᑦᓯᐅᑉ ᓄᕐᕋᖏᑦ ᐊᓕᒃᑐᕐᑕᐅᕙᖕᒪᑕ; ᓱᓇᒥᒃ ᑎᒍᒥᐊᓚᐅᓐᖏᓚᖅ, ᐊᑖᑕᓂᓕ ᐊᓈᓇᓂᓗ ᐱᓂᐊᕐᓂᕐᒥᓂᒃ ᐅᖃᐅᑎᓚᐅᓐᖏᓛᒃ.

ᐃᓗᐊᕐᓮᔩᑦ ᐊᒡᓚᖏᑦ 3:10

ᐊᑕᓂᐅᑉ ᐊᓂᕐᓂᖓᑕ ᐃᓗᒻᒥᕐᐹ, ᐃᓴᕆᐊᓕᒥᐅᓪᓗ ᐃᓱᐊᕐᓴᕐᓗᒋᑦ; ᐅᓯᓂᐅᓪ ᐅᓇᑕᕆᐊᓚᐅᕐᐳᖅ, ᐊᖓᔪᖅᑳᕐᔪᐊᖅ ᑯᓵᓐ-ᕆᓴᑍᒻ ᐊᑕᓂᐅᑉ ᑐᓂᓚᐅᕐᐹ ᑖᑦᓱᒧᖓ; ᑖᑦᓱᒪ ᑯᓵᓐ-ᕆᓴᑍᒻ ᓵᓚᒋᕚ.

ᐱᓕᐱᒥᐅᓄᑦ 4:3

ᐃᕝᕕᓪᓗᑦᑕᐅᖅ ᑲᔪᓯᑦᓯᐊᕐᑐᒥᒃ ᐱᓇᓱᐊᖃᑎᒐ, ᕿᓄᕕᒋᕙᒋᑦ ᑖᒃᑯᐊᒃ ᐊᕐᓈᒃ ᐃᑲᔪᕐᑕᐅᖁᓪᓗᒋᒃ, ᐊᒃᓱᕈᒻᒪᕆᒃᓗᑎᒃ ᐱᓇᓱᐊᖃᑎᒋᓯᒪᒐᒃᑭᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓯᐊᒻᒪᕐᑎᑦᓯᖃᑎᒋᓪᓗᒋᒃ, ᒃᓕᒥᓐᑎ ᐃᓚᒋᓪᓗᒍ ᐊᓯᖏᓪᓗ ᐱᓇᓱᐊᖃᑎᒃᑲ ᐃᓚᒋᓪᓗᒋᑦ, ᐊᑎᖏᑦ ᑎᑎᕋᕐᓯᒪᔪᑦ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖓᓐᓂ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᒤᑲᐅᑉ ᐊᒡᓚᖏᑦ 7:8

ᖁᕕᐊᓲᑎᒋᑦᑍᓕᓐᖓ ᐊᑭᕌᒃ! ᐹᓪᓚᒃᑲᓗᐊᕈᒪ ᒪᑭᑦᓱᒫᕐᐳᖓ, ᑖᕐᑐᒥ ᐃᒃᓯᕙᒐᓗᐊᕈᒪ, ᐊᑕᓂᖅ ᖃᐅᒪᓂᕆᔪᒫᕐᐸᕋ.

ᐃᓐᖏᕈᑎᑦ 18:34

ᐊᒡᒐᒃᑲ ᐃᓕᓐᓂᐊᕐᑎᑉᐰᑦ ᐅᓇᑕᕐᓂᕐᒥᒃ, ᑕᓖᒃᑲᒃ ᕿᓗᓯᔪᓐᓇᖁᓐᓗᒋᒃ ᐱᑎᒃᓯᒥᒃ ᑲᓐᓄᔭᒥᒃ.

ᔫᐱᐅᑉ ᐊᒡᓚᖏᑦ 20:5

ᐱᐅᖏᑦᑐᓕᔫᑉ ᖃᓄᐃᓐᖏᑬᓐᓇᕐᓂᖓ ᓁᑦᑑᕗᖅ, ᒎᑎᖃᖏᑦᑑᓪᓗ ᖁᕕᐊᓱᑬᓐᓇᕐᓂᖓ ᓯᕕᑭᑦᑑᓪᓗᓂ.

ᓴᒧᐃᓕ ᓯᕗᓪᓖᑦ 4:5

ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᑎᑭᐅᑦᔭᐅᖕᒪᑦ ᑕᖕᒫᕐᓯᒪᕕᖓᓐᓄᑦ, ᐃᓴᕆᐊᓕᒥᐅᓕᒫᑦ ᖁᕕᐊᓱᖕᓂᕐᒧᑦ ᕾᒐᓛᕐᒪᑕ, ᓄᓇ ᓴᔪᒃᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 16:24

ᐃᓄᐃᓪᓗ ᑕᑯᒐᒥᑦᔪᒃ ᒎᑎᒥᖕᓂᒃ ᓂᕐᑐᐃᓕᕐᐳᑦ ᐅᖃᕐᓗᑎᒃ, “ᒎᑎᑦᑕ ᐊᑭᕋᕗᑦ ᑐᓂᓚᐅᕐᐰᑦ ᐅᕙᑦᑎᓐᓄᑦ, ᓄᓇᑦᑎᓐᓂᒃ ᐊᓯᕈᐃᓚᐅᕐᑐᖅ ᑐᖁᕅᓚᐅᕐᑐᕐᓗ ᐃᓅᖃᑎᑦᑎᓐᓂᒃ ᐅᓄᕐᑐᓂᒃ.”

ᐃᓗᐊᕐᓮᔩᑦ ᐊᒡᓚᖏᑦ 16:12

ᑍᒤᒻᒪᑦ ᑎᓔᓚ ᐊᑦᓱᓈᓂᒃ ᓄᑖᓂᒃ ᐱᓚᐅᕐᐳᖅ ᐊᑦᓱᖏᕐᓗᒍᓗ ᐅᖃᐅᑎᕚ, “ᓵᒻᓲᓂ, ᐱᓕᔅᑍᓂᒥᐅᑦ ᐅᐸᒃᐹᑎᑦ!” ᐊᖑᑏᑦ ᐅᑕᖅᑭᓚᐅᕐᐳᑦ ᐊᕐᓇᐅᑉ ᐃᒡᓗᕈᓯᖓᓂ. ᐊᒃᓱᓈᓪᓕ ᑖᒃᑯᐊ ᑕᓕᕐᒥᓂᑦ ᕿᒃᑐᕋᕐᐰᑦ ᐃᕙᓗᑎᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 16:9

ᐊᖑᑏᑦ ᐅᑕᖅᑭᓚᐅᕐᐳᑦ ᐊᕐᓇᐅᑉ ᐃᒡᓗᕈᓯᖓᓂ. ᐊᕐᓇᐅᓪᓗ ᐅᖃᐅᑎᕚ, “ᓵᒻᓲᓂ ᐱᓕᔅᑍᓂᒥᐅᑦ ᐅᐸᒃᐹᑎᑦ!” ᐱᑎᒃᓯᐅᑉ ᓄᖃᕐᑎᖏᑦ ᕿᒃᑐᕋᕐᐰᑦ ᐃᕙᓗᑎᑐᑦ ᐃᑯᒪᒧᑦ ᐊᒃᑐᕐᑕᐅᔪᑎᑐᑦ. ᓴᓐᖏᓂᖓᑕ ᓇᓗᓇᕐᓂᖓ ᖃᐅᔨᔭᐅᓚᐅᓐᖏᓚᖅ.

ᐃᓗᐊᕐᓮᔩᑦ ᐊᒡᓚᖏᑦ 5:30

“ᕿᓂᑐᐃᓐᓇᓐᖏᓛᑦ ᑎᒍᔭᒃᓴᒥᖕᓂᒃ ᐊᕕᒃᑐᒐᒃᓴᒥᖕᓂᒃ ᓵᓚᖃᕐᓂᕐᒥᖕᓄᑦ? ᐊᕐᓇᒥᒃ ᒪᕐᕉᖕᓂᒡᓘᓐᓃᑉ ᐊᖑᒻᒧᑦ ᐊᑕᐅᓯᕐᒧᑦ ᑕᒤᓐᓄᑦ ᐊᓐᓄᕌᒃᓴᓂᒡᓗ ᐱᐅᔪᓂᒃ ᓯᓰᕋᒧᑦ, ᓄᕕᕐᓴᕐᓯᒪᔪᓂᒡᓘᓐᓃᑦ ᐊᖓᔪᖅᑳᕐᔪᐊᖅ ᓄᓕᐊᖓᑕ ᖁᖓᓯᖓᓅ.”

ᒨᓯᓯ ᐂᑉᐸᖏᑦ 14:5

ᐄᑦᔨᑉᑎᒥᐅᓪᓕ ᐊᖓᔪᖅᑳᕐᔪᐊᖓ ᐅᖃᐅᑎᔭᐅᒐᒥ ᐃᓴᕆᐊᓕᒥᐅᑦ ᕿᒫᓂᕋᕐᑕᐅᑎᓪᓗᒋᑦ, ᐊᖓᔪᖅᑳᖅᑯᑎᓂᓗ ᐃᓱᒪᒋᖅᑲᐅᔭᑎᒃ ᓴᖑᑎᒃᑭᕔᑦ ᐅᖃᓕᕐᓗᑎᒡᓗ, “ᖃᓄᖅ ᐱᓕᕐᐱᑖ, ᐃᓴᕆᐊᓕᒥᐅᑦ ᕿᒫᔪᓐᓇᕐᓯᑎᓐᓂᕐᐸᕗᑦ ᓯᐊᓛᕆᔪᓐᓃᕐᓗᑎᒍᓗ.”

ᒨᓯᓯ ᐂᑉᐸᖏᑦ 14:3

ᐊᖓᔪᖅᑳᕐᔪᐊᖅ ᐃᓱᒪᓕᕐᓂᐊᕐᒪᑦ ᐃᓴᕆᐊᓕᒥᐅᓂᒃ ᐊᕙᒻᒧᒃᑕᕋᓱᒋᒃᓕᓕᕐᓗᓂ ᓄᓇᒧᑦ ᓯᐅᕅᓐᓈᓗᖕᒧᑦ ᐊᖅᑯᑍᒍᑎᔭᐅᓯᒪᓂᕐᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 15:13

ᐅᖃᐅᑎᕚᑦ, “ᑐᖁᓐᓂᐊᓐᖏᓚᑦᑎᒋᑦ ᕿᓚᒃᓱᑐᐃᓐᓇᕐᓂᐊᕐᐸᑦᑎᒋᑦ ᑐᓂᓗᑎᓪᓗ ᑍᒃᑯᓄᖓ, ᐃᓕᖕᓂᒃ ᑐᖁᑦᓯᓂᐊᓐᖏᓚᒍᑦ.” ᑕᕝᕙ ᕿᓚᒃᓱᕐᐹᑦ ᐊᒃᓗᓈᓄᑦ ᓄᑖᓄᑦ ᐊᐅᓪᓚᕈᑎᓪᓗᒍᓗ ᑕᕝᕙᓐᖓᑦ.

ᐃᓗᐊᕐᓮᔩᑦ ᐊᒡᓚᖏᑦ 15:9

ᐱᓕᔅᑍᓂᒥᐅᓪᓗ ᐅᓇᑕᕆᐊᓚᐅᕐᐳᑦ ᑕᑉᐸᐅᖓ ᑕᖕᒫᕐᓗᑎᒡᓗ ᔫᑕᒥ, ᑲᑎᓪᓗᑎᒃ ᐅᓇᑕᕆᐊᕐᐳᑦ ᓕᕼᐃᒥᒃ.

ᓴᒧᐃᓕ ᓯᕗᓪᓖᑦ 10:6

ᑕᕝᕙ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖓᑕ ᑎᑭᑦᓱᒫᕐᐹᑎᑦ, ᓇᓚᐅᑦᑍᖃᑕᐅᓕᕐᓗᑎᓪᓗ ᑖᒃᑯᓄᖓ, ᐊᓯᑦᔨᕐᑕᐅᔪᒫᕐᐳᑎᓪᓗ.

ᓴᒧᐃᓕ ᓯᕗᓪᓖᑦ 10:10

ᖃᖅᑲᒧᓪᓗ ᑎᑭᓐᓇᒥᒃ ᒋᐱ-ᐊᒧᑦ, ᓇᓚᐅᑦᑍᔨᓂᑦ ᐅᐸᒃᑕᐅᕗᑦ; ᒎᑎᐅᓪᓗ ᐊᓂᕐᓂᖓᑕ ᐊᖏᔪᕐᔪᐊᒧᑦ ᑎᑭᑉᐹ, ᓇᓚᐅᑦᑍᖃᑕᐅᓕᕐᓗᓂᓗ ᑖᒃᑯᓇᓂ.