ᐃᓗᐊᕐᓮᔩᑦ ᐊᒡᓚᖏᑦ 14:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖃᕐᓗᓂ ᑎᑭᑉᐹ, ᓛᔭᓗ ᐊᓕᒃᑐᕐᓗᒍ ᓲᕐᓗ ᒎᑦᓯᐅᑉ ᓄᕐᕋᖏᑦ ᐊᓕᒃᑐᕐᑕᐅᕙᖕᒪᑕ; ᓱᓇᒥᒃ ᑎᒍᒥᐊᓚᐅᓐᖏᓚᖅ, ᐊᑖᑕᓂᓕ ᐊᓈᓇᓂᓗ ᐱᓂᐊᕐᓂᕐᒥᓂᒃ ᐅᖃᐅᑎᓚᐅᓐᖏᓛᒃ.

ᐃᓗᐊᕐᓮᔩᑦ ᐊᒡᓚᖏᑦ 14:6 ပူးပေါင်းရင်းမြစ်များ

ᐃᓐᖏᕈᑎᑦ 91:13

ᓛᔭᓂᒃ ᖁᒡᓗᒋᐊᓂᒡᓗ ᐱᓱᒡᕕᖃᕐᓂᐊᕐᐳᑎᑦ, ᓛᔭᓪᓗ ᐃᓅᓱᒃᑐᑦ ᖁᒡᓗᒋᐊᓪᓗ ᑐᖁᓐᓇᕐᑐᓖᑦ ᑐᓪᓕᕋᕐᓂᐊᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 42:2

ᕾᒐᓛᕈᒫᓐᖏᓚᖅ, ᓂᐱᖅᑯᕐᑐᔪᒫᕋᓂᓗ, ᐊᖅᑯᑎᓂ ᓂᓪᓕᐊᔪᒫᓐᖏᓚᖅ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 11:29

ᓇᖕᒪᐅᑕᕋ ᑎᒍᓯᐅᒃ ᐊᑎᓗᒍ, ᐃᓕᓐᓂᐊᕐᕕᒋᓕᕐᓯᓐᖓ; ᐱᖁᓐᓂᕐᑑᒐᒪ ᐱᐅᔪᕆᓇᖓᓗ ᐆᒻᒪᑎᒃᑯᑦ; ᑕᕾᕐᓯᕐᓂᕐᒥᒃ ᑕᕝᕙ ᓇᓂᓯᓂᐊᕐᐳᓯ ᑕᕐᓂᑦᓯᒍᑦ.

ᐄᑉᕈᐃᓄᑦ 11:33

ᐅᒃᐱᕐᓂᑯᑦ ᓵᓚᖃᓚᐅᕐᐳᑦ ᐊᖓᔪᖅᑲᐅᕕᖕᓂᒃ, ᐃᓗᐊᕐᑐᒥᒡᓗ ᐱᓂᐊᕐᓂᖃᓚᐅᕐᐳᑦ, ᐊᖏᕈᑕᐅᓯᒪᔪᓂᒡᓗ ᐱᓚᐅᕐᐳᑦ, ᓔᔧᓪᓗ ᐃᕐᓯᓇᕐᑐᑦ ᖃᓂᖏᑦ ᐃᑦᔭᕈᓯᓚᐅᕐᐰᑦ,

ᔪᐊᓇᓯ ᓯᕗᓪᓖᑦ 3:8

ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 11:29

ᐊᑕᓂᐅᓪᓕ ᐊᓂᕐᓂᖓᑕ ᑎᑭᑉᐹ ᔨᑉᑕ. ᐂᕗᕐᓗ ᒋᓕᐊᑎᒧᑦ ᒫᓇᓯᒧᓪᓗ ᑲᔪᓯᓪᓗᓂ ᒥᔅᐱᒧᑦ ᒋᓕᐊᑎᒦᑦᑐᒧᑦ ᑕᕝᕙᓐᖓᓪᓗ ᑲᔪᓯᓪᓗᓂᓗ ᐊᒧᓁᑎᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 13:25

ᐊᑕᓂᐅᓪᓗ ᐊᓂᕐᓂᖓᑕ ᐱᓇᓱᐊᕐᕕᒋᕙᓪᓕᐊᓚᐅᕐᐹ ᒪᕼᐊᓂ ᑖᓐᒥ ᔫᕋᐅᓪᓗ ᐃᔅᑕᐅᓪᓗ ᐊᑯᓐᓂᖓᓂ.

ᐃᓗᐊᕐᓮᔩᑦ ᐊᒡᓚᖏᑦ 14:19

ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᑐᕐᔪᐊᖑᓪᓗᓂ ᑎᑭᑉᐹ, ᑕᐅᓄᖓᓗ ᐂᕗᖅ ᐊᓯᑭᓗᓂᒧᑦ, ᑕᕝᕙᓂᓗ ᐊᖑᑎᓂᒃ 30ᓂᒃ ᐃᒡᓗᒐᓴᒡᔪᐊᕐᒥᐅᓂᒃ ᑐᖁᑦᓯᓪᓗᓂ, ᐊᓐᓄᕅᔭᕐᐰᑦ, ᐊᓐᓄᕌᓪᓗ ᑐᓂᓪᓗᒋᑦ ᐊᖑᑎᓄᑦ ᐅᖃᓐᖑᐊᕈᓯᐅᑉ ᑐᑭᖓᓂᒃ ᓇᓚᐅᑦᓯᓚᐅᕐᑐᓄᑦ. ᐊᒃᓱᐊᓗᒃ ᓂᓐᖓᐅᒪᓪᓗᓂ ᐊᑖᑕᒥ ᐃᒡᓗᖓᓄᑦ ᐅᑎᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 14:5

ᓵᒻᓲᓂ ᑕᐅᓄᓐᖓᓚᐅᕐᐳᖅ ᑎᒻᓇᒧᑦ ᐊᑖᑕᓂᓗ ᐊᓈᓇᓂᓗ ᐱᖃᑎᒋᓪᓗᒋᒃ ᑍᑯᓐᖓᐅᓪᓗᑎᒃ ᐱᕈᕐᓰᕕᒃᑰᓚᐅᕐᐳᑦ ᑎᒻᓇᒥ, ᑐᓵᓕᕐᐳᕐᓗ ᐱᕈᕋᑖᒥᒃ ᓛᔭᒥᒃ ᓂᓪᓕᐊᔪᒥᒃ.

ᐃᓗᐊᕐᓮᔩᑦ ᐊᒡᓚᖏᑦ 14:7

ᑕᐅᓄᖓᓗ ᐂᓚᐅᕐᐳᖅ ᐊᕐᓇᒧᑦ ᐅᖃᖃᑎᒋᓪᓗᒍᓗ, ᑖᑦᓱᒪᓗ ᓵᒻᓲᓂ ᖁᕕᐊᓱᒃᑎᑉᐹ.

ᐃᓗᐊᕐᓮᔩᑦ ᐊᒡᓚᖏᑦ 15:15

ᓇᓂᓯᕗᖅ ᓯᐅᑎᖅᑯᕐᑐᔫᑉ ᐊᒡᓕᕈᐊᓂᒃ ᓄᑖᕕᓂᕐᒥᒃ, ᑎᒍᕚᓗ ᑐᖁᑦᓯᓪᓗᓂ ᑖᑦᓱᒧᖓ ᐊᖑᑎᓂᒃ 1,000ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 15:8

ᑍᒤᒻᒪᑦ ᑐᖁᕋᕐᐰᑦ ᓂᑲᒍᓱᒐᓂ ᐅᓄᕐᑐᐊᓗᐃᑦ ᑐᖁᓪᓗᓂᒋᑦ, ᑭᖑᓂᐊᒍᑦ ᕾᕈᓱᖕᒧᐊᕐᐳᖅ ᐄᑖᒻᒦᑦᑐᒧᑦ ᕾᕐᑐᒧᑦ ᑕᕝᕙᓂᓗ ᐃᓂᖃᓕᕐᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 16:30

ᓵᒻᓲᓂᓗ ᐅᖃᕐᐳᖅ, “ᐱᓕᔅᑍᓂᒥᐅᑦ ᑐᖁᖃᑎᒋᓚᐅᕐᓚᒃᑲ!” ᐅᑯᓪᓗᓂᓗ ᐱᔪᓐᓇᕐᓂᓕᒫᒥᓄᑦ, ᐊᔭᒃᐹᒃ, ᐃᒡᓗᓗ ᑲᑕᒃᐳᖅ ᐱᓕᔅᑍᓂᒥᐅᑦ ᐊᖓᔪᖅᑳᖏᓐᓄᑦ ᐃᓄᓕᒫᓄᓪᓗ ᑕᕝᕙᓃᑦᑐᓄᑦ. ᑐᖁᒥᓂ ᑐᖁᑦᓯᓂᖓ ᐅᓄᕐᓂᕐᓴᐅᓚᐅᕐᐳᖅ ᐃᓅᓯᓕᒫᒥᓂ ᑐᖁᑦᓯᓂᕆᓚᐅᕐᑕᒥᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 3:10

ᐊᑕᓂᐅᑉ ᐊᓂᕐᓂᖓᑕ ᐃᓗᒻᒥᕐᐹ, ᐃᓴᕆᐊᓕᒥᐅᓪᓗ ᐃᓱᐊᕐᓴᕐᓗᒋᑦ; ᐅᓯᓂᐅᓪ ᐅᓇᑕᕆᐊᓚᐅᕐᐳᖅ, ᐊᖓᔪᖅᑳᕐᔪᐊᖅ ᑯᓵᓐ-ᕆᓴᑍᒻ ᐊᑕᓂᐅᑉ ᑐᓂᓚᐅᕐᐹ ᑖᑦᓱᒧᖓ; ᑖᑦᓱᒪ ᑯᓵᓐ-ᕆᓴᑍᒻ ᓵᓚᒋᕚ.

ᓴᒧᐃᓕ ᓯᕗᓪᓖᑦ 10:16

ᓴᐅᓕᓗ ᐊᒃᑲᖕᒥᓄᑦ ᐅᖃᕐᐳᖅ, “ᐅᖃᐅᑎᑦᓯᐊᓚᐅᕐᐹᑎᒍᑦ ᓯᐅᑎᖅᑯᕐᑐᔪᑦ ᓇᓂᔭᐅᓯᒪᓕᕐᓂᖏᓐᓂᒃ.” ᑭᓯᐊᓂᓕ ᐊᖓᔪᖅᑲᐅᕕᒃ ᐱᓪᓗᒍ, ᓴᒧᐃᓕᐅᑉ ᐅᖃᐅᓯᕆᓚᐅᕐᑕᖏᓐᓂᒃ, ᐅᖃᐅᑎᓚᐅᓐᖏᓛ.

ᓴᒧᐃᓕ ᓯᕗᓪᓖᑦ 10:6

ᑕᕝᕙ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖓᑕ ᑎᑭᑦᓱᒫᕐᐹᑎᑦ, ᓇᓚᐅᑦᑍᖃᑕᐅᓕᕐᓗᑎᓪᓗ ᑖᒃᑯᓄᖓ, ᐊᓯᑦᔨᕐᑕᐅᔪᒫᕐᐳᑎᓪᓗ.

ᓴᒧᐃᓕ ᓯᕗᓪᓖᑦ 11:6

ᓴᐅᓕᓕ ᑕᒪᑐᒥᖓ ᑐᓴᕋᒥ, ᒎᑎᐅᑉ ᐊᓂᕐᓂᖓᑕ ᓴᓐᖏᔪᕐᔪᐊᒥᒃ ᑎᑭᕝᕕᒋᕚ, ᓂᓐᖓᐅᒪᓂᕐᔪᐊᒧᓪᓗ ᑎᑭᑕᐅᕗᖅ.

ᓴᒧᐃᓕ ᓯᕗᓪᓖᑦ 14:1

ᐅᓪᓗᐃᑦ ᐃᓚᖓᓂ ᔫᓇᑕᓂ ᓴᐅᓕᐅᑉ ᐃᕐᓂᖓ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓄᐊᓚᐅᕐᓗᒃ.” ᐊᑖᑕᓂᓕ ᓴᐅᓕ ᐅᖃᐅᑎᓚᐅᓐᖏᓛ.

ᓴᒧᐃᓕ ᓯᕗᓪᓖᑦ 17:46

ᐅᓪᓗᒥ ᑕᕝᕙᓂ ᐊᑕᓂᐅᑉ ᑐᓂᓂᐊᕐᐹᑎᑦ ᐱᔪᓐᓇᕐᓂᓐᓄᑦ, ᐱᒋᐊᕐᓂᐊᕐᐸᒋᑦ, ᓂᐊᖁᐃᓪᓗ ᓇᑲᓐᓂᐊᕐᐸᕋ; ᐅᓪᓗᒥᓗ ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᑎᒥᕕᓃᑦ ᑐᓂᓂᐊᕐᐸᕋ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐅᒫᔪᓄᓪᓗ ᓄᓇᒦᑦᑐᓄᑦ; ᓄᓇᕐᔪᐊᕐᒥᐅᓕᒫᑦ ᖃᐅᔨᖁᓪᓗᒋᑦ ᐃᓴᕆᐊᓕᒥ ᒎᑎᑕᖃᕐᒪᑦ.