ᐃᓗᐊᕐᓮᔩᑦ ᐊᒡᓚᖏᑦ 14:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐅᓪᓗᐃᑦ 7ᖓᓐᓂ ᐅᖃᓚᐅᕐᐳᑦ ᓵᒻᓲᓂᐅᑉ ᓄᓕᐊᖓᓄᑦ, “ᐅᐃᑦ ᓯᓔᕐᕆᓗᒍ ᐅᖃᐅᑎᓚᐅᕈᒃ ᐅᖃᖑᐊᕈᓯᐅᑉ ᑐᑭᖓᓂ. ᑍᒤᓕᐅᖏᒃᑯᕕᑦ, ᐊᑖᑕᕕᑦ ᐃᓪᓗᖓ ᐃᑯᐊᓪᓚᖕᓂᐊᕐᐸᕗᑦ ᐃᑯᐊᓪᓚᖃᑕᐅᓗᑎᑦ, ᕾᖁᔨᓚᐅᕐᐱᓰᒃ ᑎᒡᓕᒍᒪᓪᓗᓯᒃ ᐅᕙᑦᑎᓐᓂᑦ?”

ᐃᓗᐊᕐᓮᔩᑦ ᐊᒡᓚᖏᑦ 14:15 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:11

ᐅᖃᕐᐸᑕ, “ᕾᓗᑎᑦ, ᑐᖁᑕᒃᓴᑦᑎᓐᓂᒃ ᐅᑕᖅᑭᓚᐅᕐᑕ, ᐃᓄᖕᒥᒃ ᐸᓯᔭᒃᓴᐅᖏᑦᑐᒥᒃ ᐱᕋᔭᒡᓗᑕ ᐅᐸᓗᐃᓯᓚᐅᕐᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:3

ᐊᕐᓇᐅᑉ ᐊᖑᓐᓂᐊᕐᑑᑉ ᐅᖃᐅᓯᖏᑦ ᐃᒍᑦᑕᐅᑉ ᓰᕐᓇᐅᑎᖓᑐᑦ ᒪᒪᕐᑎᒋᒐᓗᐊᕐᐸᑕ, ᐅᖃᐅᓯᖏᑦ ᐅᕐᓱᕐᑎᕐᓯᒪᔪᑎᑐᑦ ᐱᐊᒃᑎᒋᒐᓗᐊᕐᐸᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:26

ᐊᑭᓕᕐᑕᐅᓪᓗᓂ ᓄᓕᐊᒐᖅ ᓂᐊᖁᔮᕐᑖᕈᑎᒃᓴᒥᒃ ᐊᑭᓕᕐᑕᐅᔪᓐᓇᕐᐳᖅ, ᐊᖑᓐᓂᐊᕐᑎᓕ ᐊᕐᓇᖅ ᑎᒡᓕᒃᐳᖅ ᐊᖑᑎᐅᑉ ᐃᓅᓯᖓᓂᒃ.

ᒤᑲᐅᑉ ᐊᒡᓚᖏᑦ 7:5

ᑕᑎᖃᕐᑍᓕᒋᑦᓯ ᐱᖃᓐᓇᕆᔭᑦᓯᓐᓂᒃ, ᐅᒃᐱᕈᓱᒃᑍᓕᒋᑦᓯᓗ ᐃᓅᖃᑎᑦᓯᓐᓂᒃ. ᐊᒡᓛᑦ ᐅᖃᐅᓯᓯ ᐅᑦᔨᕐᑐᕐᓯᐅᒃ ᐃᓐᓇᖓᖃᑎᒋᕙᒃᑕᑦᓯᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 12:1

ᐃᕗᕅᒥᐅᑦ ᑭᖑᕚᖏᑕ ᐃᓄᖏᑦ ᐅᓇᑕᕆᐊᕐᓂᕐᒧᑦ ᐸᕐᓇᓚᐅᕐᐳᑦ, ᔪᐊᕐᑕᓂᐅᓪᓗ ᑰᖓᓂᒃ ᐃᑳᕐᓗᑎᒃ ᔭᐴᓂᐊᒧᐊᕐᐳᑦ ᐅᖃᕐᓗᑎᒡᓗ ᔨᑉᑕᒧᑦ, “ᓱᖕᒪᑦ ᐃᑳᕐᓗᑎᑦ ᐅᓇᑕᕆᐊᓚᐅᕐᐲᑦ ᐊᒧᓁᑎᒥᐅᓂᒃ ᐅᕙᑦᑎᓐᓂᒃᓗ ᐃᓚᖃᕈᒪᓗᑎᑦ ᕾᖁᔨᓇᑎᑦ? ᐃᒡᓗᐃᑦ ᐃᓂᒋᔧᑦ ᐃᑯᐊᓪᓚᖕᓂᐊᕐᐸᕗᑦ ᐃᑯᒪᒧᑦ.”

ᐃᓗᐊᕐᓮᔩᑦ ᐊᒡᓚᖏᑦ 14:14

ᑕᕝᕙ ᐅᖃᐅᑎᕔᑦ, “ᓂᕆᔨᒥᑦ ᓂᕆᔭᒃᓴᖅ ᓴᖅᑭᑉᐳᖅ; ᓴᓐᖏᔪᒥᑦ ᓰᕐᓇᕐᑐᖅ ᓴᖅᑭᑉᐳᖅ.” ᐅᓪᓗᐃᑦ ᐱᖓᓱᑦ ᓈᑎᓪᓗᒋᑦ ᓱᓕ ᐅᖃᓐᖑᐊᕈᓯᐅᑉ ᑐᑭᖓᓂᒃ ᖃᐅᔨᓚᐅᓐᖏᓚᑦ.

ᐃᓗᐊᕐᓮᔩᑦ ᐊᒡᓚᖏᑦ 15:6

ᐱᓕᔅᑍᓂᒥᐅᑦ ᐅᖃᓕᕐᐳᑦ, “ᑭᓇᐅᑉ ᒪᓐᓇ ᐱᓂᐊᕐᓂᖔ?” ᑭᐅᔭᐅᕗᑦ, “ᓵᒻᓲᓂᐅᑉ, ᑎᒻᓁᑎᐅᑉ ᓂᖓᐅᖓᑕ, ᓄᓕᐊᖓ ᑐᓂᓚᐅᕐᒪᒍ ᐱᖃᑎᖓᓄᑦ.” ᑍᒤᒻᒪᑦ ᐱᓕᔅᑍᓂᒥᐅᑦ ᑖᑦᓱᒧᖓ ᐂᕗᑦ ᐊᕐᓇᕐᓗ ᐊᑖᑕᖓᓗ ᐃᑯᐊᓪᓚᒡᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 16:5

ᐱᓕᔅᑍᓂᒥᐅᓪᓗ ᐊᖓᔪᖅᑳᖏᑦ ᑖᑦᓱᒧᖓ ᐅᐸᒍᑎᕗᑦ ᐅᖃᐅᑎᓪᓗᒍ, “ᓯᓔᕐᕆᓚᐅᕈᒃ ᖃᐅᔨᓇᓱᐊᕐᓗᑎᓪᓗ ᖃᓄᖅ ᓴᓐᖏᔪᐊᓘᓂᖓᓂᒃ, ᖃᓄᕐᓗ ᓵᓚᒋᔪᓐᓇᕐᒪᖔᑦᑎᒍᑦ, ᐊᑦᓱᖏᕐᓂᐊᕋᑦᑎᒍᑦ ᓵᓚᒋᓗᒍᓗ; ᑕᕝᕙ ᑐᓂᓂᐊᕐᐸᑦᑎᒋᑦ 1,100ᓂᒃ ᓯᐅᓪᕕᕆᓂᒃ.”