ᐃᓗᐊᕐᓮᔩᑦ ᐊᒡᓚᖏᑦ 13:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᑕᓂᐅᑉ ᐂᖏᓕᖓ ᐊᕐᓇᒧᑦ ᓴᖅᑭᑉᐳᖅ ᐅᖃᐅᑎᓪᓗᒍᓗ, “ᒫᓐᓇ ᕿᑐᕐᖏᓱᐃᑦᑑᒐᓗᐊᕐᑐᑎᑦ ᕿᑐᕐᖓᖃᕋᑎᓪᓗ, ᓯᖎᓕᕐᓂᐊᕐᐳᑎᓪᓕ ᐃᕐᓂᕐᑖᕐᓗᑎᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 13:3 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 17:16

ᓮᒻᒪᕐᑎᓐᓂᐊᕐᐸᕋ, ᓱᓕᓗ ᑖᑦᓱᒨᓇ ᐃᕐᓂᕐᑖᕐᑎᑦᓱᒫᕐᐸᒋᑦ; ᓮᒻᒪᕐᑎᓐᓂᐊᕋᒃᑯ, ᐃᓅᖃᑎᒌᒡᔪᐊᓄᓪᓗ ᐊᓈᓇᒋᔭᐅᔪᒫᕐᐳᖅ; ᐃᓄᐃᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒪᓐᖓᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 18:10

ᑖᒃᑯᐊᓗ ᐃᓚᖓᑦᑕ ᐅᖃᐅᑎᕚ, “ᐱᕕᒃᓴᖅ ᓇᓪᓕᐅᑎᒃᐸᑦ ᐅᑎᓛᕆᕗᖓ, ᓄᓕᐊᓪᓗ ᓵᕋ ᐃᕐᓂᕐᑖᓛᕐᐳᖅ.” ᓵᕋᓗ ᐂᑉᕋᕼᐋᒻ ᑐᓄᐊᓂ ᑐᐱᐅᑉ ᐹᖓᑕ ᐃᓗᐊᓃᑉᐳᖅ ᑐᓵᓪᓗᓂ.

ᒨᓯᓯ ᓯᕗᓪᓖᑦ 18:14

ᐊᑕᓂᕐᒧᑦ ᐊᔪᕐᓇᓗᐊᕐᑐᖃᕐᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᓂᖃᓕᓛᕐᐳᖅ.”

ᐊᑕᓃᑦ ᐂᑉᐸᖏᑦ 4:16

ᐃᓔᓴᐅᑉ ᐅᖃᐅᑎᓕᕐᐹ, “ᑍᒤᓪᓗᐊᓕᕐᐸᑦ ᐊᕐᕌᒍ ᐃᕐᓂᑯᓗᖕᒥᒃ ᑎᒍᒥᐊᕈᒫᕐᐳᑎᑦ.” ᐊᕐᓇᖅ ᐃᓔᓴᒧᑦ ᐅᖃᕐᐳᖅ, “ᒎᑎᒧᑦ ᐃᓄᖁᑎᒋᔭᐅᒐᕕᑦ ᓴᒡᓗᕿᓐᓇᓱᓐᖏᓚᐅᓐᖓ!”

ᓘᑲᓯᐅᑉ ᐊᒡᓚᖏᑦ 1:11

ᐊᑕᓂᐅᑉ ᐂᖏᓕᖓᑕ ᓴᑲᕅᐊ ᓴᖅᑭᕝᕕᒋᕚ ᑐᓂᕐᕈᓯᕐᕕᐅᑉ ᑎᐱᑦᓯᐊᕆᒃᑐᒥᒃ ᐳᔫᕐᑎᑦᓯᕕᐅᑉ ᑕᓕᕐᐱᐊᓂ ᓇᖏᕐᓗᓂ.

ᓘᑲᓯᐅᑉ ᐊᒡᓚᖏᑦ 1:13

ᐂᖏᓕᐅᑉ ᐅᖃᐅᑎᕚ, “ᓴᑲᕅᐊ ᑲᑉᐱᐊᓱᖏᓪᓗᑎᑦ, ᒎᑎᐅᑉ ᑐᒃᓯᐊᕐᓃᑦ ᑐᓴᕐᐹ, ᓄᓕᐊᑦ ᐃᓕᓴᐱ ᐃᕐᓂᕐᑖᓛᕐᐳᖅ, ᑖᓐᓇ ᔪᐊᓇᓯᒥᒃ ᐊᑎᕐᑕᑎᑕᒃᓴᕆᕙᑦ.

ᐃᓗᐊᕐᓮᔩᑦ ᐊᒡᓚᖏᑦ 13:10

ᐊᕐᓇᕐᓕ ᑐᐊᕕᕐᓗᓂ ᐅᓪᓚᒃᓯᓚᐅᕐᐳᖅ ᐅᐃᒥᓄᑦ ᐅᖃᕆᐊᕐᑐᕐᓗᓂ, ᐅᖃᐅᑎᓪᓗᒍᓗ, “ᑕᑯᒋᑦ ᐊᖑᑦ ᑍᓐᓇ ᕾᓚᐅᕐᑐᖅ ᑍᑦᓱᒪᓂ ᒫᓐᓇ ᓴᖅᑭᒃᑭᕗᖅ ᐅᕙᓐᓄᑦ!”

ᐃᓗᐊᕐᓮᔩᑦ ᐊᒡᓚᖏᑦ 13:15

ᒪᓄᐊ ᐅᖃᕐᐳᖅ ᐊᑕᓂᐅᑉ ᐂᖏᓕᖓᓄᑦ, “ᐅᕙᑦᑎᓐᓂᒃ ᐅᑕᖅᑭᑬᓐᓇᕆᑦ, ᓂᕿᓕᐅᕐᓂᐊᕋᑦᑕ ᒎᑦᓯᐅᑉ ᓄᕐᕋᖓᓂᒃ ᐃᓕᖕᓄᑦ.”

ᐃᓗᐊᕐᓮᔩᑦ ᐊᒡᓚᖏᑦ 13:6

ᑍᒤᒻᒪᑦ ᐊᕐᓇᐅᑉ ᐅᐃᓂ ᐅᖃᐅᑎᔭᕐᑐᕐᐹ, ᐅᖃᕐᓗᓂᓗ, “ᐊᖑᑎᒥᒃ ᒎᑎᒥᑦ ᐱᔪᒥᒃ ᕾᔪᖃᓚᐅᕐᐳᖅ ᐅᕙᓐᓄᑦ, ᑕᐅᑦᑐᐊᓗ ᐂᖏᓕᑐᑦ ᒎᑎᒥᑦ ᐱᔪᑐᑦ ᑍᒤᓪᓗᓂ, ᑲᒪᓇᕐᑑᓪᓗᓂ; ᐊᐱᕆᓚᐅᓐᖏᓚᕋᓕ ᓇᑭᑦ ᐱᖕᒪᖔᑦ, ᐊᑎᕐᒥᓂᒡᓗ ᐅᖃᐅᑎᓚᐅᓐᖏᓛᖓ.

ᐃᓗᐊᕐᓮᔩᑦ ᐊᒡᓚᖏᑦ 13:8

ᑭᖑᓂᖓᒍᑦ ᒪᓄᐊ ᑐᒃᓯᐊᓚᐅᕐᐳᖅ ᐊᑕᓂᕐᒧᑦ, ᐅᖃᕐᓗᓂ, “ᐊᑕᓃᖅ, ᐊᖑᑦ ᑍᓐᓇ ᒎᑎᒥᓐᖔᕐᑐᖅ ᑎᓕᓚᐅᕐᑍᑦ ᕾᑎᒃᑲᓐᓂᓚᐅᕈᒃ, ᐃᓕᓐᓂᐊᕐᑎᑦᓯᖁᓪᓗᒍ ᖃᓄᐃᓕᐅᕐᑐᒃᓴᐅᓂᑦᑎᓐᓂᒃ ᓱᕈᓯᕐᒧᑦ ᐃᓅᓂᐊᕐᑐᒧᑦ.”

ᐃᓗᐊᕐᓮᔩᑦ ᐊᒡᓚᖏᑦ 2:1

ᐊᑕᓂᐅᑉ ᐂᖏᓕᖓ ᒋᐅᓪᒐᐅᓪᒥ ᐱᓪᓗᓂ ᐴᑭᒻᒨᓚᐅᕐᐳᖅ ᐃᓴᕆᐊᓕᒥᐅᓪᓗ ᐅᖃᐅᑎᓪᓗᒋᑦ, “ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ, ᐂᑎᓪᓗᓯᓗ ᓄᓇᒧᑦ ᓯᕗᓕᑦᓯᓐᓄᑦ ᐊᖏᕈᑎᒋᓚᐅᕐᑕᓐᓄᑦ, ᐅᖃᓚᐅᕋᒪ, ‘ᐊᖏᕈᑎᒋᓚᐅᕐᑕᕋ ᐃᓕᑦᓯᓐᓄᑦ ᓯᖁᒥᓐᓂᐊᓐᖏᓚᕋ.

ᐃᓗᐊᕐᓮᔩᑦ ᐊᒡᓚᖏᑦ 6:14

ᐊᑕᓂᐅᓪᓕ ᓵᕝᕕᒋᓪᓗᒍ ᐅᖃᐅᑎᕚ, “ᐂᓕᕆᑦ ᐊᔪᖏᓐᓂᖅ ᒫᓐᓇ ᐱᔧᑦ ᐊᑐᕐᓗᒍ ᐃᓴᕆᐊᓕᒥᐅᑦ ᓴᐳᑎᔭᕐᑐᓕᒃᑭᑦ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓂᑦ; ᐅᕙᖓ ᒫᓐᓇ ᑎᓕᕙᒋᑦ.”

ᓴᒧᐃᓕ ᓯᕗᓪᓖᑦ 1:20

ᑕᒪᑐᒪ ᑭᖑᓂᖓᒍᑦ ᕼᐋᓇ ᓄᑕᕋᒃᓴᕐᑖᕐᐳᖅ, ᕿᑐᕐᖓᕐᑖᕐᕕᒃᓴᖓᓗ ᓇᓪᓕᐅᑎᖕᒪᑦ ᐃᕐᓂᕐᑖᕐᐳᖅ, ᐊᑦᓯᕐᐹᓗ ᓴᒧᐃᓕᒥ, ᐅᖃᕐᓗᓂ, “ᐊᑕᓂᖅ ᕿᓄᕕᒋᓚᐅᕋᒃᑯ ᑖᑦᓱᒥᖓ.”