ᐃᓗᐊᕐᓮᔩᑦ ᐊᒡᓚᖏᑦ 11:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐊᑕᓂᐅᓪᓕ ᐊᓂᕐᓂᖓᑕ ᑎᑭᑉᐹ ᔨᑉᑕ. ᐂᕗᕐᓗ ᒋᓕᐊᑎᒧᑦ ᒫᓇᓯᒧᓪᓗ ᑲᔪᓯᓪᓗᓂ ᒥᔅᐱᒧᑦ ᒋᓕᐊᑎᒦᑦᑐᒧᑦ ᑕᕝᕙᓐᖓᓪᓗ ᑲᔪᓯᓪᓗᓂᓗ ᐊᒧᓁᑎᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 11:29 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:49

ᐅᔭᕋᒡᓗ ᓇᐸᔪᖅ ᐊᑎᖃᕆᕗᖅ ᒥᑦᔨᐸᒥᒃ, ᓔᐸᓂᓗ ᐅᖃᒃᑲᓐᓂᕐᐳᖅ, “ᐊᑕᓂᐅᑉ ᑲᒪᒋᓕᑎᒍᒃ ᐊᑐᓂᑦ ᐊᕕᓯᒪᓕᕐᑎᓪᓗᓄᒃ.

ᑯᕉᓂᑲ ᓯᕗᓪᓖᑦ 12:18

ᑕᕝᕙ ᐊᓂᕐᓂᐅᑉ ᐊᒪᓮ ᑎᑭᕝᕕᒋᕚ, ᐊᖓᔪᖅᑳᖑᔪᖅ 30ᓄᑦ, ᐅᖃᕐᓗᓂᓗ, “ᐃᓕᖕᓄᑦ ᐱᒋᔭᐅᕗᒍᑦ, ᑍᕕᑏ; ᐃᓕᖕᓂᒡᓗ ᐃᓕᖃᕐᐳᒍᑦ, ᔨᓯᐅᑉ ᐃᕐᓂᖓ! ᓮᒻᒪᕐᑎᑕᐅᒋᑦ, ᓮᒪᓂᐅᓪᓗ ᓇᔪᕐᓕᑎᑦ, ᐃᑲᔪᕐᑎᑎᓪᓗ ᓮᒻᒪᕐᑎᑕᐅᓕᑦ! ᒎᑎᕕᑦ ᐃᑲᔪᕐᒫᑎᑦ.” ᑕᕝᕙ ᑍᕕᑎᐅᑉ ᐃᓚᓕᐅᕐᐰᑦ, ᐊᖓᔪᖅᑳᓐᖑᕐᑎᓪᓗᒋᓪᓗ ᐅᓇᑕᕐᑐᒃᓴᖁᑎᒥᓄᑦ.

ᒨᓯᓯ ᓯᑕᒪᖏᑦ 11:25

ᑕᕝᕙ ᐊᑕᓂᖅ ᓄᕗᔭᒃᑯᑦ ᐊᖅᑲᕐᐳᖅ ᐅᖃᕐᕕᒋᓪᓗᒍᓗ, ᐊᓂᕐᓂᕐᓗ ᐱᓯᒪᔭᖓᑕ ᐃᓚᖓ ᑎᒍᕚ ᐊᖓᔪᖅᑳᓄᓪᓗ 70ᓄᑦ ᑐᓂᓪᓗᒍ; ᐊᓂᕐᓂᐅᓪᓗ ᐊᖅᑲᕐᕕᒋᖕᒪᒋᑦ, ᒎᑎᐅᑉ ᐅᖃᐅᓯᐅᖁᔭᖓᓂᒃ ᐅᖃᓪᓚᓕᕐᐳᑦ, ᑭᖑᓂᖓᒍᓪᓕ ᑍᒤᓕᐅᒃᑲᓐᓂᕈᓐᓃᕐᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 10:17

ᐊᒧᓁᑎᒥᐅᑦ ᐅᓇᑕᕐᓂᕐᒧᑦ ᐸᕐᓇᓕᓚᐅᕐᐳᑦ, ᑕᖕᒫᕐᓗᑎᒡᓗ ᒋᓕᐊᑎᒥ; ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᓚᐅᕆᕗᑦ, ᑕᖕᒫᕐᓗᑎᒡᓗ ᒥᔅᐸᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 11:11

ᑕᕝᕙ ᔨᑉᑕᐅᑉ ᐃᓚᒋᓕᕐᐰᑦ ᒋᓕᐊᑎᒥᐅᑦ ᐊᖓᔪᖅᑳᖏᑦ, ᐃᓄᖏᑦᑕᓗ ᐊᐅᓚᑦᓯᔨᓐᖑᕐᑎᑉᐹᑦ ᓯᕗᓕᕐᑎᒋᓕᕐᓗᒍᓗ; ᔨᑉᑕᐅᓪᓗ ᐊᖏᕈᑎᒋᔭᓂ ᓇᓗᓁᕐᐰᑦ ᐊᑕᓂᐅᑉ ᓵᖓᓂ ᒥᔅᐸᒥ.

ᐃᓗᐊᕐᓮᔩᑦ ᐊᒡᓚᖏᑦ 11:28

ᐊᒧᓁᑎᒥᐅᓪᓕ ᐊᖓᔪᖅᑳᕐᔪᐊᖓᑦ ᓈᓚᓚᐅᓐᖏᓚᖅ ᔨᑉᑕᐅᑉ ᑎᓕᓯᓪᓗᓂ ᐅᖃᐅᓯᖏᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 11:30

ᔨᑉᑕᓗ ᐊᖏᒻᒪᕆᒃᐳᖅ ᐊᑕᓂᕐᒧᑦ: “ᓵᓚᖃᕐᑎᓐᓂᐊᕈᕕᖓ ᐊᒧᓁᑎᒥᐅᓂᒃ,

ᐃᓗᐊᕐᓮᔩᑦ ᐊᒡᓚᖏᑦ 13:25

ᐊᑕᓂᐅᓪᓗ ᐊᓂᕐᓂᖓᑕ ᐱᓇᓱᐊᕐᕕᒋᕙᓪᓕᐊᓚᐅᕐᐹ ᒪᕼᐊᓂ ᑖᓐᒥ ᔫᕋᐅᓪᓗ ᐃᔅᑕᐅᓪᓗ ᐊᑯᓐᓂᖓᓂ.

ᐃᓗᐊᕐᓮᔩᑦ ᐊᒡᓚᖏᑦ 3:10

ᐊᑕᓂᐅᑉ ᐊᓂᕐᓂᖓᑕ ᐃᓗᒻᒥᕐᐹ, ᐃᓴᕆᐊᓕᒥᐅᓪᓗ ᐃᓱᐊᕐᓴᕐᓗᒋᑦ; ᐅᓯᓂᐅᓪ ᐅᓇᑕᕆᐊᓚᐅᕐᐳᖅ, ᐊᖓᔪᖅᑳᕐᔪᐊᖅ ᑯᓵᓐ-ᕆᓴᑍᒻ ᐊᑕᓂᐅᑉ ᑐᓂᓚᐅᕐᐹ ᑖᑦᓱᒧᖓ; ᑖᑦᓱᒪ ᑯᓵᓐ-ᕆᓴᑍᒻ ᓵᓚᒋᕚ.

ᐃᓗᐊᕐᓮᔩᑦ ᐊᒡᓚᖏᑦ 6:34

ᐊᑕᓂᐅᓪᓗ ᐊᓂᕐᓂᖓᑕ ᒋᑎᐅᓂ ᐊᐅᓚᓕᕐᐹ, ᑎᑦᑐᓚᐅᑎᒥᒡᓗ ᓂᓪᓕᕐᑎᑦᓯᓪᓗᓂ, ᐊᐰᔨᕅᑏᑦ ᑭᖑᕚᖑᖃᑎᓂ ᕾᖁᕔᑦ ᒪᓕᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 10:10

ᖃᖅᑲᒧᓪᓗ ᑎᑭᓐᓇᒥᒃ ᒋᐱ-ᐊᒧᑦ, ᓇᓚᐅᑦᑍᔨᓂᑦ ᐅᐸᒃᑕᐅᕗᑦ; ᒎᑎᐅᓪᓗ ᐊᓂᕐᓂᖓᑕ ᐊᖏᔪᕐᔪᐊᒧᑦ ᑎᑭᑉᐹ, ᓇᓚᐅᑦᑍᖃᑕᐅᓕᕐᓗᓂᓗ ᑖᒃᑯᓇᓂ.

ᓴᒧᐃᓕ ᓯᕗᓪᓖᑦ 11:6

ᓴᐅᓕᓕ ᑕᒪᑐᒥᖓ ᑐᓴᕋᒥ, ᒎᑎᐅᑉ ᐊᓂᕐᓂᖓᑕ ᓴᓐᖏᔪᕐᔪᐊᒥᒃ ᑎᑭᕝᕕᒋᕚ, ᓂᓐᖓᐅᒪᓂᕐᔪᐊᒧᓪᓗ ᑎᑭᑕᐅᕗᖅ.

ᓴᒧᐃᓕ ᓯᕗᓪᓖᑦ 12:11

ᐊᑕᓂᐅᓪᓗ ᑎᓕᓯᕕᒋᓚᐅᕐᐰᑦ ᔨᕈᐸᐅᓕᒥᒃ, ᐹᕋᒃᒥᒡᓗ, ᔨᑉᑕᒥᒡᓗ, ᓴᒧᐃᓕᒥᒡᓗ, ᑖᒃᑯᑎᒎᓇᖅ ᓴᐳᑎᓚᐅᕐᐹᓯ ᐊᑭᕋᓕᒫᑦᓯᓐᓂᑦ; ᐃᓅᓕᕐᓗᓯᓗ ᑲᑉᐱᐊᓇᖏᑦᑐᒥ.