ᐃᓗᐊᕐᓮᔩᑦ ᐊᒡᓚᖏᑦ 11:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐊᕐᕌᒍᓂᒃ 300ᓂᒃ ᐃᓴᕆᐊᓕᒥᐅᑦ ᓄᓇᖃᓕᕐᒪᑕ ᕼᐃᓴᐸᓂᒥᒃ ᐊᕈᐃᕆᒥᓗ ᓄᓇᓕᖁᑎᖏᓐᓂᓗ, ᐃᒡᓗᒐᓴᓕᒫᓂᓗ ᐋᕐᓄᓂᐅᑉ ᑰᖓᑕ ᑭᒡᓕᖓᓃᑦᑐᓂᒃ, ᓱᖕᒪᓪᓕ ᐅᑎᕐᑎᑦᓯᓚᐅᕐᓯᒪᓐᖏᓚᓯ ᑍᒪᓐᖓᓂᑦ?

ᐃᓗᐊᕐᓮᔩᑦ ᐊᒡᓚᖏᑦ 11:26 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 48:19

ᐊᕈᐃᕆᒥ ᓄᓇᖃᕐᑐᓯ ᐊᖅᑯᑎᐅᑉ ᓯᓚᑖᓂ ᖃᐅᔨᓴᕆᑦᓯ, ᐊᖑᑎᑦ ᕿᒫᔪᑦ ᐊᕐᓇᓪᓗ ᐊᓐᓇᒋᐊᕋᓱᒃᑐᑦ, ᖃᓄᐃᑦᑐᖃᓕᕐᒪᖔᑦ ᐊᐱᕐᓱᕐᓯᒋᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:19

ᐃᓅᖃᑎᒋᒡᔪᐊᑦ 7 ᓵᓚᒋᒐᒥᒋᑦ ᑬᓇᓂᒥ ᓄᓇᖃᕐᑐᑦ, ᑕᒪᓐᓇ ᓄᓇ ᓇᖕᒥᓂᕐᑖᕆᔭᐅᑎᓚᐅᕐᐹ ᐃᓴᕆᐊᓕᒥᐅᓄᑦ, ᐊᕐᕌᒍᓂᒃ 450ᓂᒃ.

ᒨᓯᓯ ᑕᓪᓕᒪᖏᑦ 2:24

“ᓄᓇᓖᓪᓕ ᒧᐊᐱᒥᐅᑦ ᖄᖏᕋᑦᑎᒋᒃ, ᐊᑕᓂᐅᑉ ᐅᖃᐅᑎᕚᑎᒍᑦ, ‘ᒫᓐᓇ ᐋᕐᓄᓂᐅᑉ ᑰᖓ ᐃᑳᓕᕐᓯᐅᒃ. ᐊᒧᕅᑎᒃᑯᑦ ᐊᖓᔪᖅᑳᕐᔪᐊᖓᑦ ᓮᕼᐆᓂ ᕼᐃᓴᐸᓂᒥ ᓄᓇᓕᒃ ᐃᓕᑦᓯᓐᓄᑦ ᑐᓂᕙᕋ, ᓄᓇᖓᓗ ᐱᖃᓯᐅᑎᓪᓗᒍ. ᐅᓇᑕᕆᐊᓕᕐᓯᐅᒃ, ᓄᓇᖓᓗ ᓄᓇᑖᕆᓗᒍ.

ᒨᓯᓯ ᑕᓪᓕᒪᖏᑦ 2:36

ᐊᑕᓂᐅᑉ ᒎᑎᑦᑕ ᓵᓚᖃᕐᑎᓚᐅᕐᒪᑎᒍᑦ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᓂᑦ ᐱᒋᐊᕐᓗᒍ, ᑕᕝᕙᓂᓗ ᓇᕐᓴᒥ ᐃᒡᓗᒐᓮᑦ ᐊᑯᓐᓂᖓᓃᑦᑐᑦ, ᓄᓇᒧᑦ ᒋᓕᐊᑎᒧᑦ ᑎᑭᓪᓗᒋᑦ. ᐃᒡᓗᒐᓮᓪᓕ ᐊᕙᓗᕐᔪᐊᖏᑦ ᐊᔪᕐᓇᓗᐊᕐᑐᖃᓚᐅᓐᖏᓚᑦ ᐅᕙᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 3:2

ᐊᑕᓂᐅᓪᓕ ᐅᖃᐅᑎᓚᐅᕐᐹᖓ, ‘ᑖᓐᓇ ᓯᕘᕋᒋᓂᐊᕐᓇᒍ, ᐃᓕᖕᓄᑦ ᑐᓂᓂᐊᕋᒃᑯ, ᐊᖑᑎᖁᑎᖏᑦ, ᓄᓇᖁᑎᓕᒫᖓᓗ ᐊᑕᖏᕐᓗᒍ. ᑍᒫᑦᓮᓐᓇᖅ ᐱᓇᓱᐊᕐᕕᒋᓂᐊᕐᐸᓯ ᓮᕼᐆᓂ ᐊᒧᕅᑎᒃᑯᑦ ᐊᖓᔪᖅᑳᕐᔪᐊᖓᑦ ᓄᓇᒥ ᕼᐃᓴᐸᓂᒥ ᓄᓇᖃᕐᑐᖅ ᑍᒤᓕᐅᕐᕕᒋᓚᐅᕋᑦᓯᐅᒃ.’

ᒨᓯᓯ ᑕᓪᓕᒪᖏᑦ 3:6

ᐃᒡᓗᒐᓴᓕᒫᑦ ᓄᖑᑦᓯᐊᓚᐅᕐᐸᕗᑦ ᐃᓄᓕᒫᖏᓪᓗ ᑐᖁᕋᕐᓗᒋᑦ ᐊᖑᑎᑦ, ᐊᕐᓁᑦ, ᓄᑕᖅᑲᑦ, ᑍᒫᑦᓮᓐᓇᖅ ᑍᒤᓕᐅᓚᐅᕐᒥᒐᑦᑕ ᐊᖓᔪᖅᑳᕐᔪᐊᕐᒧᑦ ᓮᕼᐆᓂᒧᑦ ᕼᐃᓴᐸᓂᒥᐅᒧᑦ.

ᔮᓱᐊᑉ ᐊᒡᓚᖏᑦ 11:18

ᔮᓱᐊᑉ ᐊᑯᓂᐊᓗᒃ ᐅᓇᑕᖃᑎᒋᓚᐅᕐᐰᑦ ᑖᒃᑯᐊ ᐊᖓᔪᖅᑳᕐᔪᐊᓕᒫᑦ.

ᔮᓱᐊᑉ ᐊᒡᓚᖏᑦ 12:2

ᐊᖓᔪᖅᑳᕐᔪᐊᖅ ᓮᕼᐆᓂᒥᒃ ᐊᒧᕅᑎᑦ ᐊᖓᔪᖅᑳᕐᔪᐊᖓᑦ ᐊᐅᓚᑦᓯᔪᖅ ᕼᐃᓴᐸᓂᒥᒃ, ᐊᖓᔪᖅᑲᐅᓂᖓ ᐊᐅᓚᑦᓯᕕᖃᓚᐅᕐᐳᖅ ᐊᕈᐃᕆᒥ, ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓂᑦ ᐃᒡᓗᒐᓴᖕᓂᑦ ᓇᕐᓴᐅᑉ ᕿᑎᐊᓃᑦᑐᒥᑦ, ᔭᐴᑉ ᑰᖓ ᑎᑭᓪᓗᒍ, ᑕᒪᓐᓇ ᐊᒧᓁᑎᒃᑯᑦ ᓄᓇᖁᑎᒋᓚᐅᕐᒪᒍ, ᒋᓕᐊᑎᐅᑉ ᕿᑎᖅᑲᓕᒫᖓ,

ᔮᓱᐊᑉ ᐊᒡᓚᖏᑦ 12:5

ᐊᐅᓚᑦᓯᓚᐅᕆᕗᖅ ᐅᑯᓂᖓ ᖃᖅᑲᒥᒃ ᕼᐊᕐᒪᓐᒥᒃ ᓴᓕᑲᒥᒡᓗ ᐹᓴᓂᒥᐅᓕᒫᓪᓗ ᒋᓱᕅᒥᐅᓪᓗ ᒫᑲᑍᑎᒥᐅᓪᓗ ᓄᓇᖓᑕ ᑭᒡᓕᖓ ᑎᑭᓪᓗᒍ, ᒋᓕᐊᑎᐅᓪᓗ ᕿᑎᖅᑲᖓ ᐊᖓᔪᖅᑳᕐᔪᐊᓪᓗ ᓮᕼᐆᓂ ᕼᐃᓴᐸᓂᒥᐅᑕᐅᑉ ᓄᓇᖁᑎᖓ ᑭᒡᓕᖓ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 13:10

ᑎᑭᐅᒪᓪᓗᓂ ᐊᒧᕅᑎᑦ ᓄᓇᖓᑕ ᑭᒡᓕᖓᓄᑦ ᐃᒡᓗᒐᓮᓪᓗ ᐊᐅᓚᑕᐅᓯᒪᔪᑦ ᐊᖓᔪᖅᑳᕐᔪᐊᒧᑦ ᓮᕼᐆᓂᒧᑦ ᐊᒧᓁᑎᒥᐅᑕᕐᒧᑦ, ᐊᐅᓚᑦᓯᕕᖃᕐᑐᒧᑦ ᕼᐊᓴᐸᓂᒥ.

ᔮᓱᐊᑉ ᐊᒡᓚᖏᑦ 13:16

ᓄᓇᑖᕆᔭᖓ ᑎᑭᐅᒪᓚᐅᕐᐳᖅ ᐊᕈᐃᕆᒥᑦ, ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓃᑦᑐᒥᑦ, ᐃᒡᓗᒐᓮᓪᓗ ᓇᕐᓴᐅᑉ ᕿᑎᐊᓃᑦᑐᑦ, ᐃᓚᑲᕐᓗᑎᒃ ᒪᓂᕅᓐᓇᕐᒦᑦᑐᓂᒃ ᒥᑎᐸᒦᑦᑐᓂᒃ.

ᔮᓱᐊᑉ ᐊᒡᓚᖏᑦ 13:17

ᐊᒻᒪ ᕼᐃᓴᐸᓂᒥᒃ, ᐃᒡᓗᒐᓴᓕᒫᓪᓗ ᒪᓂᕅᓐᓇᕐᒦᑦᑐᑦ ᐅᑯᐊ; ᑎᐴᓂ, ᐸᒨᑦ-ᐰᓕᓗ, ᐸᔅ-ᐰᓪ-ᒥᐅᓐᓗ,

ᔮᓱᐊᑉ ᐊᒡᓚᖏᑦ 23:1

ᑭᖑᕐᖓᒍᑦ ᐊᑯᓂᑲᓪᓚᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᓴᐳᑎᓯᒪᓚᐅᕐᐰᑦ ᐊᑭᕋᖏᓐᓂᑦ ᖃᓂᒋᔮᓃᑦᑐᓂᑦ, ᑍᑦᓱᒪᓂᓗ ᔮᓱᐊ ᐃᓄᑐᖃᐅᓕᓚᐅᕐᐳᖅ,

ᐃᓗᐊᕐᓮᔩᑦ ᐊᒡᓚᖏᑦ 10:8

ᐊᕐᕌᒍᓂᒃ 18ᓂᒃ ᐊᒃᓱᕈᕐᑎᑉᐰᑦ ᐊᑭᕋᕐᑐᕐᓗᒋᓪᓗ ᐃᓴᕆᐊᓕᒥᐅᑦ ᓄᓇᖃᕐᑐᓕᒫᑦ ᐊᒧᕅᑎᑦ ᓄᓇᖏᓐᓂ ᔪᐊᕐᑕᓂᐅᑉ ᑰᖓᓂᑦ ᓯᕿᓂᐅᑉ ᓂᐱᕕᐊᑕ ᓇᓛᓂ ᓄᓇᖃᕐᑐᑦ ᒋᓕᐊᑎᒥ.

ᐃᓗᐊᕐᓮᔩᑦ ᐊᒡᓚᖏᑦ 3:11

ᓄᓇᒥᓗ ᐅᓇᑕᕐᓂᖃᕈᓃᓚᐅᕐᐳᑦ ᐊᕐᕌᒍᓂᒃ 40ᓂᒃ, ᑭᖑᓂᐊᒍᓪᓗ ᐅᑎᓂ-ᐅᓪ ᑮᓇᑦᔨᐅᑉ ᐃᕐᓂᖓ ᑐᖁᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 3:30

ᐅᓪᓗᒥᒃ ᑍᑦᓱᒪᓂ ᐃᓴᕆᐊᓕᒥᐅᑦ ᓵᓚᖃᓚᐅᕐᐳᑦ ᒧᐊᐱᒥᐅᓂᒃ, ᓄᓇᖓᓗ ᐅᓇᑕᕐᓂᖃᕈᓐᓃᓚᐅᕐᐳᑦ ᐊᕐᕌᒍᓂᒃ 80ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 5:31

ᑍᒤᒻᒪᑦ ᐊᑭᕋᓕᒫᑎᑦ ᑍᒫᒃ ᑐᖁᓕᑦ, ᐆ ᐊᑕᓃᖅ. ᐃᓚᓐᓇᕆᔭᑎᓪᓕ ᖃᐅᒪᓕᕐᓕᑦ ᓯᕿᓂᐅᑉ ᖁᕝᕙᕐᐸᓪᓕᐊᓂᖓᑐᑦ ᐱᔪᓐᓇᕐᓂᖃᕐᓗᑎᒃ! ᓄᓇ ᐃᓂᓪᓚᖓᑦᓯᐊᓚᐅᕐᐳᖅ ᐊᕐᕌᒍᓂᒃ 40ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 8:28

ᒥᑎᐊᓂᒥᐅᑦ ᓵᓚᐅᕗᑦ ᐃᓴᕆᐊᓕᒥᐅᓄᑦ, ᓯᕘᕋᓇᕈᓃᓚᐅᕐᐳᑦ ᒪᑭᒃᑲᓐᓂᕈᓐᓃᕐᓗᑎᒡᓗ. ᓄᓇᒥᓗ ᐅᓇᑕᕐᓂᖃᕈᓐᓃᓚᐅᕐᐳᑦ ᐊᕐᕌᒍᓂᒃ 40ᓂᒃ ᒋᑎᐅᓂᐅᑉ ᑐᖁᓂᖓ ᑎᑭᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 9:22

ᐊᐱᒥᓕᒃ ᐊᐅᓚᑦᓯᓚᐅᕐᐳᖅ ᐃᓴᕆᐊᓕᒥᐅᓂᒃ ᐊᕐᕌᒍᓂᒃ ᐱᖓᓱᓂᒃ.