ᐃᓗᐊᕐᓮᔩᑦ ᐊᒡᓚᖏᑦ 11:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓄᓇᖁᑎᑖᕆᔪᒪᓐᖏᓚᓯᐅᒃ ᑭᒨᓯᐅᑉ ᒎᑎᓐᖑᐊᑦᓯ ᓄᓇ ᑐᓃᓚᐅᕐᑕᖓ ᐃᓕᑦᓯᓐᓄᑦ? ᐅᕙᒍᓪᓕ ᐱᓯᒤᓐᓇᕐᓂᐊᕆᕙᕗᑦ ᐊᑕᓂᐅᑉ, ᒎᑎᑦᑕ ᐊᕐᓵᕐᓯᑦᔪᑎᒋᓚᐅᕐᑕᖓ ᐅᕙᑦᑎᓐᓄᑦ ᑐᓂᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 11:24 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:7

ᓲᓗᒨᓂ ᓴᓇᓚᐅᕆᕗᖅ ᑐᒃᓯᐊᕐᕕᖕᒥᒃ ᑭᒨᓯᒧᑦ ᒧᐊᐱᒥᐅᑦ ᒎᑎᓐᖑᐊᖓᓐᓄᑦ ᒎᑎᐅᑉ ᓇᕐᕈᒋᔭᖓᓄᑦ, ᑐᒃᓯᐊᕐᕕᖕᒥᒡᓗ ᒧᓕᑭᒧᑦ ᐊᒧᓁᑎᒥᐅᑦ ᒎᑎᓐᖑᐊᖓᓂᒃ ᒎᑎᐅᑉ ᓇᕐᕈᒋᔭᖓᓂᒃ ᔨᕉᓴᓕᐅᑉ ᑕᓕᕐᐱᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ.

ᐃᓐᖏᕈᑎᑦ 44:2

ᐃᓅᖃᑎᒌᒡᔪᐊᑦ ᐊᒡᒐᖕᓄᑦ ᐊᐅᓪᓚᕐᑎᓚᐅᕋᕕᒋᑦ, ᐊᑖᑕᕗᓪᓗ ᓄᓇᒃᓴᖏᓐᓄᐊᕐᑎᓪᓗᒋᑦ; ᐃᓄᐃᑦ ᓵᓚᒋᓚᐅᕐᐸᑎᑦ ᐊᐅᓪᓚᕐᑎᓪᓗᒋᓪᓗ.

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᔨᕆᒤᐊᐅᑉ ᐊᒡᓚᖏᑦ 48:13

ᒧᐊᐱ ᑲᓐᖑᓲᑎᖃᓕᕈᒫᕐᐳᖅ ᒎᑎᒥᓂᒃ ᑭᒨᓯᒥᒃ, ᓲᕐᓗᑦᑕᐅᖅ ᐃᓴᕆᐊᓕᒥᐅᑦ ᑲᓐᖑᓲᑎᖃᓕᓚᐅᕐᒪᑕ ᒎᑎᓐᖑᐊᒥᒃ ᐱᑎᓕᒥᒃ ᑕᑎᖃᓗᐊᓚᐅᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 48:46

ᑲᑉᐱᐊᓐᓇᒦᒃ ᒧᐊᐱᒥᐅᑕᐅᔪᓯ, ᑭᒨᓯᒥᐅᑦ ᐃᓄᖏᑦ ᓄᖑᑕᐅᖕᒪᑕ, ᐃᕐᓂᓯᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᖕᒪᑕ ᐸᓂᓯᓗ ᑎᒍᔭᐅᓪᓗᑎᒃ ᓯᐊᓛᕐᑖᖑᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 48:7

ᑕᑎᖃᓚᐅᕋᑦᓯ ᐱᔪᓐᓇᕐᓂᑦᓯᓐᓂᒃ ᐊᔪᕐᓴᖏᓐᓂᑦᓯᓐᓂᒡᓗ, ᑎᒍᔭᐅᓗᓯ ᐊᐅᓪᓚᕈᑦᔭᐅᔪᒫᕆᕗᓯ; ᒎᑎᒋᔭᓯ ᑭᒨᓯ ᓄᓇᒋᓐᖏᑕᒥᓄᑦ ᐊᐅᓪᓚᕈᑦᔭᐅᔪᒫᕆᕗᖅ, ᑐᓂᕐᕈᓯᕐᑎᑦᓯᔨᖏᑦ ᐊᖓᔪᖅᑳᖁᑎᖏᓪᓗ ᐱᖃᓯᐅᑦᔭᐅᓗᑎᒃ.

ᒤᑲᐅᑉ ᐊᒡᓚᖏᑦ 4:5

ᐃᓅᖃᑎᒌᒡᔪᐊᑦ ᒎᑎᒥᖕᓄᑦ ᐃᓅᒐᓗᐊᕐᐸᑕ, ᐅᕙᒍᓪᓕ ᐃᓅᓂᐊᕐᐳᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᒨᓯᓯ ᓯᑕᒪᖏᑦ 21:29

ᑲᑉᐱᐊᓐᓇᒦᒃ, ᒧᐊᐱᒥᐅᑕᐅᔪᓯ! ᑭᒨᓯᒥᐅᑕᐅᔪᓯᓗ ᐊᓯᕈᕐᑕᐅᓯᒪᕗᓯ! ᐃᓕᑦᓯᓗ ᑖᒃᑯᓄᖓ ᕿᑐᕐᖓᕆᔭᐅᔪᓯ ᕿᒫᓯᒪᔭᕆᐊᖃᓕᕐᐳᓯ, ᐃᓕᑦᓯᓗ ᑖᒃᑯᓄᖓ ᐸᓂᒋᔭᐅᔪᓯ ᑎᒍᔭᐅᓗᓯ ᐊᐅᓪᓚᕈᔭᐅᓂᐊᕐᐳᓯ, ᐊᒧᕅᑎᑦ ᐊᖓᔪᖅᑳᕐᔪᐊᖓᓄᑦ ᓮᕼᐆᓂᒥᒃ ᐊᑎᓕᖕᒧᑦ.

ᒨᓯᓯ ᑕᓪᓕᒪᖏᑦ 18:12

ᐊᑕᓂᖅ ᒎᑎᓯ ᐃᓄᖕᓂᒃ ᑍᒤᓕᐅᕐᑐᓂᒃ ᓈᒻᒪᖏᑦᑐᓕᔪᓂᒃ ᐆᒥᒋᔭᖃᕐᒪᑦ, ᑍᒤᒻᒪᑦ ᑕᕝᕙ ᐃᓄᐃᑦ ᑕᒫᓂ ᓄᓇᖃᕐᑐᑦ ᓄᓇᒥᖕᓂᑦ ᐊᐅᓪᓚᕐᑎᓚᐅᕐᐰᑦ ᓯᕗᓂᑦᓯᓐᓂ.

ᔮᓱᐊᑉ ᐊᒡᓚᖏᑦ 21:43

ᑍᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᓄᑦ ᓄᓇᒥᒃ ᑐᓂᓯᓚᐅᕐᐳᖅ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ ᑐᓂᓂᐊᕐᓂᕋᓚᐅᕐᑕᒥᓂᒃ; ᓄᓇᑖᕆᒐᒥᑦᔪᒃ, ᑖᒃᑯᓇᓂ ᓇᔪᒐᖃᓕᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 3:10

ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ,

ᐃᓗᐊᕐᓮᔩᑦ ᐊᒡᓚᖏᑦ 10:6

ᐃᓴᕆᐊᓕᒥᐅᑦ ᓱᓕ ᐊᔪᕐᑐᓕᓚᐅᕆᕗᑦ ᐊᑕᓂᕐᒧᑦ ᑐᓯᐊᕐᓂᕐᒥᖕᓄᑦ ᐰᓕᒧᑦ ᐋᔅᑕᕉᑎᒧᓪᓗ, ᒎᑎᖃᕐᓂᕐᒥᖕᓄᑦ, ᓯᕆᐊᒥᐅᓪᓗ ᒎᑎᓐᖑᐊᖏᓐᓂᒃ, ᓮᑐᓂᒥᐅᓪᓗ ᒎᑎᓐᖑᐊᖏᓐᓂᒃ, ᒧᐊᐱᒥᐅᓪᓗ ᒎᑎᓐᖑᐊᖏᓐᓂᒃ, ᐊᒧᓁᑎᒥᐅᓪᓗ ᒎᑎᓐᖑᐊᖏᓐᓂᒃ, ᐱᓕᔅᑍᓂᒥᐅᓪᓗ ᒎᑎᓐᖑᐊᖏᓐᓂᒃ. ᐊᑕᓂᕐᒥᒃ ᕿᒤᓚᐅᕐᐳᑦ ᑐᒃᓯᐊᕐᕕᒋᔪᓐᓁᕐᓗᒍᓗ.

ᐃᓗᐊᕐᓮᔩᑦ ᐊᒡᓚᖏᑦ 11:23

ᑍᒤᒻᒪᑦ ᐊᑕᓂᐅᑉ, ᐃᓴᕆᐊᓕᒥᐅᑦ ᒎᑎᖓᑦᑕ, ᓯᖏᓚᐅᕐᐰᑦ ᐊᒧᕅᑎᒥᐅᑦ ᐃᓄᖁᑎᓂ ᐃᓴᕆᐊᓕᒥᐅᑦ ᓵᖓᓐᓂ; ᑖᒃᑯᓂᖓ ᓵᓚᖃᕈᒪᓕᕐᐱᓰ?

ᐃᓗᐊᕐᓮᔩᑦ ᐊᒡᓚᖏᑦ 2:1

ᐊᑕᓂᐅᑉ ᐂᖏᓕᖓ ᒋᐅᓪᒐᐅᓪᒥ ᐱᓪᓗᓂ ᐴᑭᒻᒨᓚᐅᕐᐳᖅ ᐃᓴᕆᐊᓕᒥᐅᓪᓗ ᐅᖃᐅᑎᓪᓗᒋᑦ, “ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ, ᐂᑎᓪᓗᓯᓗ ᓄᓇᒧᑦ ᓯᕗᓕᑦᓯᓐᓄᑦ ᐊᖏᕈᑎᒋᓚᐅᕐᑕᓐᓄᑦ, ᐅᖃᓚᐅᕋᒪ, ‘ᐊᖏᕈᑎᒋᓚᐅᕐᑕᕋ ᐃᓕᑦᓯᓐᓄᑦ ᓯᖁᒥᓐᓂᐊᓐᖏᓚᕋ.

ᕉᑎᐅᑉ ᐅᓂᒃᑲᐅᓯᓂᖓ 1:15

ᑕᕝᕙ ᓁᐅᒥᐅᑉ ᐅᖃᐅᑎᕚ, “ᑕᑯᒋᑦ ᐆᐸ ᐃᓅᖃᑎᒥᓄᑦ ᒎᑎᒋᔭᒥᓄᓪᓗ ᐅᑎᓯᕗᖅ; ᐅᑎᖃᑎᒋᓕᕈᒃ.”