ᔧᒥᓯᐅᑉ ᐊᒡᓚᖏᑦ 2:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓚᑦᓯᓐᓂᑦ ᐅᖃᐅᑦᔭᐅᒃᐸᑦ, “ᐃᓱᒪᔮᖏᓪᓗᑎᑦ ᐊᐅᓪᓚᓕᕆᑦ, ᐅᖅᑰᓯᐊᕆᑦ ᓂᕆᓗᑎᓪᓗ ᐊᕿᐊᑦᑐᕆᑦ,” ᑐᓂᓯᕕᒋᓇᒍᓗ ᑎᒥᐅᑉ ᐊᑐᒐᒃᓴᖏᓐᓂᒃ, ᖃᓄᖅ ᑕᒪᓐᓇ ᐱᕙᓪᓕᕐᓇᕋᔭᕐᐹ?

ᔧᒥᓯᐅᑉ ᐊᒡᓚᖏᑦ 2:16 ပူးပေါင်းရင်းမြစ်များ

ᕉᒪᒥᐅᓄᑦ 12:9

ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:8

ᑕᒪᑐᒥᖓ ᐃᓕᑦᓯᓐᓄᑦ ᐱᖁᔭᓕᐅᕋᓱᐊᓐᖏᓚᖓ, ᐊᓯᓯᓕ ᑲᔪᖏᑦᓯᐊᕐᓗᑎᒃ ᐱᓇᓱᐊᑦᓯᐊᕐᒪᑕ ᓇᒡᓕᖕᓂᓯ ᓱᓕᑦᓯᐊᕐᒪᖔᑦ ᐆᒃᑐᑐᐃᓐᓇᕐᐸᕋ.

ᒫᑎᐅᓯᐅᑉ ᐊᒡᓚᖏᑦ 15:32

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐃᒻᒥᓄᑦ ᕾᖁᓪᓗᒋᑦ ᐅᖃᐅᑎᕔᑦ, “ᐅᑯᐊ ᐃᓄᒐᓴᒡᔪᐊᑦ ᐃᓚᑦᓱᒋᕙᒃᑲ, ᐅᓪᓗᓂᒃ ᐱᖓᓱᓂᒃ ᐅᕙᓐᓃᒻᒪᑕ ᓂᕆᓚᐅᕋᑎᒃ; ᑳᒃᑎᓪᓗᒋᑦ ᐊᐅᓪᓚᕐᑎᑐᐃᓐᓇᕈᒪᓐᖏᓚᒃᑲ, ᐊᖏᕐᕋᕋᓱᐊᓕᕐᓗᑎᒃ ᐊᖅᑯᑎᒥᖕᓂ ᓄᑮᕈᑎᑐᐃᓐᓇᕆᐊᖃᕐᒪᑕ.”

ᒫᑎᐅᓯᐅᑉ ᐊᒡᓚᖏᑦ 25:35

ᑳᒃᑎᓪᓗᖓ ᓂᕆᑎᓚᐅᕋᑦᓯᓐᖓ, ᐃᒥᕈᒃᑎᓪᓗᖓ ᐃᒥᕐᑎᓚᐅᕋᑦᓯᓐᖓ, ᓂᐅᕐᕈᐊᖑᑎᓪᓗᖓ ᑐᓐᖓᓱᒃᑎᓚᐅᕋᑦᓯᓐᖓ.

ᒫᑎᐅᓯᐅᑉ ᐊᒡᓚᖏᑦ 25:36

ᐊᓐᓄᕌᖃᓐᖏᑎᓪᓗᖓ ᐊᓐᓄᕌᕐᑎᓚᐅᕋᑦᓯᓐᖓ, ᖃᓂᒪᑎᓪᓗᖓ ᐳᓛᕆᐊᓚᐅᕋᑦᓯᓐᖓ, ᑎᒍᔭᐅᓯᒪᕕᖕᒦᑎᓪᓗᖓ ᐅᐸᓚᐅᕋᑦᓯᓐᖓ.’

ᒫᑯᓯᐅᑉ ᐊᒡᓚᖏᑦ 5:34

ᔩᓱᓯᐅᑉ ᐅᖃᐅᑎᕚ, “ᐸᓃᒃ ᐅᒃᐱᕐᓂᕕᑦ ᐋᖅᑭᒃᐹᑎᑦ; ᐃᓱᒪᔮᖏᓪᓗᑎᑦ ᕿᒪᕉᑎᓕᕆᑦ, ᐋᖅᑭᒃᑕᐅᒐᕕᑦ ᖃᓄᐃᑦᔪᑎᒋᔭᕐᓂᑦ.”