ᔧᒥᓯᐅᑉ ᐊᒡᓚᖏᑦ 1:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔧᒥᓯᐅᑉ ᐊᒡᓚᖏᑦ 1:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 41:16

ᔫᓯᐱᐅᑉ ᐰᕉ ᑭᐅᕚ ᐅᖃᕐᓗᓂ, “ᐅᕙᖓᐅᖏᑦᑐᖅ; ᒎᑎᐅᓪᓕ ᐰᕉ ᑐᑭᓯᑎᓐᓂᐊᕐᐹ ᑐᑭᓯᔪᒪᔭᖓᓂᒃ.”

ᑯᕉᓂᑲ ᓯᕗᓪᓖᑦ 22:12

ᐊᑕᓂᐅᓪᓕ ᑭᓯᒥ ᑐᓂᓯᕕᒋᓕᑎᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ, ᐊᖓᔪᖅᑳᓐᖑᕐᑎᑉᐸᑎᑦ ᐃᓴᕆᐊᓕᒥᐅᓄᑦ ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᒪᓕᒍᓐᓇᖁᓪᓗᑎᑦ.

ᑯᕉᓂᑲ ᓯᕗᓪᓖᑦ 29:19

ᐃᕐᓂᕋᓗ ᓲᓗᒨᓂ ᑐᓂᓚᐅᕈᒃ ᐆᒻᒪᑎᒥᒃ ᑲᑦᓱᖎᕐᓯᒪᑦᓯᐊᕐᑐᒥᒃ ᐱᖁᔭᕐᓂᒃ ᒪᓕᒍᓐᓇᖁᓪᓗᒍ, ᐅᖃᐅᓯᕐᓂᒡᓗ, ᐊᑐᕐᑕᐅᖁᔭᓕᒫᓐᓂᒡᓗ ᐊᑐᑦᓯᐊᕈᓐᓇᖁᓪᓗᒍ ᑕᒤᓐᓂᒃ, ᑐᒃᓯᐊᕐᕕᒡᔪᐊᒥᒡᓗ ᓴᓇᔪᓐᓇᖁᓪᓗᒍ ᐊᑐᐃᓐᓇᕈᕐᓯᒪᔭᒃᑲ ᐱᓇᓱᐊᕈᑎᒋᓗᒋᑦ.”

ᐃᓐᖏᕈᑎᑦ 102:27

ᐃᕝᕕᓪᓕ ᑖᓐᓇᐅᑦᓮᓐᓇᕐᐳᑎᑦ, ᐊᕐᕌᒍᑎᓪᓗ ᐃᓱᓕᓐᓂᐊᕋᑎᒃ.

ᐃᓐᖏᕈᑎᑦ 122:6

ᔨᕉᓴᓕᒻ ᓮᒻᒪᕐᑎᑕᐅᖁᓪᓗᒍ ᑐᒃᓯᐅᑎᓯᐅᒃ: “ᐃᓕᖕᓂᒃ ᐱᓐᓇᕈᓱᒃᑐᑦ ᒪᑭᑉᐸᓪᓕᐊᑦᓯᐊᖁᓪᓗᒋᑦ!

ᐃᓐᖏᕈᑎᑦ 136:7

ᖃᐅᒪᔪᓂᒃ ᐊᖏᔪᕐᔪᐊᓂᒃ ᓴᓇᓚᐅᕐᑐᖅ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᐃᓐᖏᕈᑎᑦ 85:12

ᐄᓛᒃ ᐊᑕᓂᖅ ᐱᐅᔪᒥᒃ ᑐᓂᓯᓂᐊᕐᐳᖅ, ᑕᕝᕙ ᓄᓇᕗᑦ ᐱᕈᕐᑎᑦᓯᓂᐊᕐᐳᖅ ᐱᕈᕐᑐᒥᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6

ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ, ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.

ᐂᓮᐊᓯᐅᑉ ᐊᒡᓚᖏᑦ 28:26

ᑕᕝᕙ ᑖᑦᓱᒪ ᐊᔪᕆᕐᑐᕐᓯᒪᕚ ᓱᓕᔪᒥᒃ ᐱᓇᓱᐊᖁᓪᓗᒍ; ᒎᑎᐅᑉ ᐊᔪᕆᕐᑐᕐᓯᒪᖕᒪᒍ.

ᐂᓮᐊᓯᐅᑉ ᐊᒡᓚᖏᑦ 45:7

ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 46:10

ᓇᓗᓁᕐᓯᔪᖅ ᐱᒋᐊᕐᓂᖓᓂᑦ ᑍᑦᓱᒪᓂᐊᓗᖕᓂᑦ ᓱᓕ ᐱᓚᐅᖏᑦᑐᓂᒃ, ᐅᖃᕐᓯᒪᒐᒪ, ‘ᐅᖃᐅᓯᕆᓚᐅᕐᑕᒃᑲ ᑍᒤᓕᖓᓂᐊᕐᐳᑦ, ᐱᓇᓱᐊᕈᒪᔭᓕᒫᒃᑲᓗ ᑲᔪᓯᑎᓪᓗᒋᑦ ᐱᔭᕇᕈᒫᕐᐸᒃᑲ.’

ᐂᓮᐊᓯᐅᑉ ᐊᒡᓚᖏᑦ 60:19

ᓯᕿᓂᖅ ᐅᓪᓘᒐᓗᐊᒃᑯᑦ ᖃᐅᒪᑦᔪᑎᒋᔭᕆᐊᖃᕈᒫᓐᖏᓚᓯ, ᑕᖅᑭᐅᓪᓗ ᖃᐅᒪᓂᖓ ᐅᓐᓄᐊᒥ ᖃᐅᒪᑦᔪᑎᒋᔭᕆᐊᖃᕈᒫᓐᖏᓐᓂᕙᓯ; ᐊᑕᓂᐅᑉ ᖃᐅᒪᓂᖓᓄᑦ ᖃᐅᒪᑎᑕᐅᓕᕈᒫᕋᑦᓯ ᑍᒫᓐᖓᓕᒫᖅ, ᒎᑎᓯᓗ ᐱᓐᓇᕐᓇᕐᓂᕆᔪᒫᕐᐸᓯ.

ᒪᓚᑬᑉ ᐊᒡᓚᖏᑦ 3:6

“ᐅᕙᖓ ᐊᑕᓂᖅ ᐊᓯᑦᔨᕐᓂᐊᓐᖏᓚᖓ; ᑍᒤᒻᒪᑦ, ᔧᑰᑉ ᑭᖑᕚᖏᑦ, ᓄᖑᑕᐅᓯᒪᓐᖏᓚᓯ.

ᒨᓯᓯ ᓯᑕᒪᖏᑦ 11:17

ᐅᕙᖓᓗ ᑕᕝᕙᓂ ᐊᖅᑲᕐᕕᒋᓂᐊᕐᐸᑦᓯ ᐅᖃᖃᑎᒋᓗᓯᓗ, ᐊᓂᕐᓂᕐᓗ ᐱᓯᒪᔧᑦ ᐃᓚᖓ ᐱᓂᐊᕐᐸᕋ ᐃᓕᓗᒍᓗ ᑖᒃᑯᓄᖓ; ᑖᒃᑯᐊ ᐊᒡᔭᕐᓯᖃᑎᒋᓂᐊᕐᐸᑎᑦ ᐃᓄᐃᑦ ᐅᖁᒤᑦᔪᑎᒋᔭᖏᓐᓂᒃ, ᐃᓄᑑᓗᑎᑦ ᐊᒡᔭᕐᓯᔪᓐᓃᕐᓂᐊᕋᕕᑦ.

ᒨᓯᓯ ᓯᑕᒪᖏᑦ 11:25

ᑕᕝᕙ ᐊᑕᓂᖅ ᓄᕗᔭᒃᑯᑦ ᐊᖅᑲᕐᐳᖅ ᐅᖃᕐᕕᒋᓪᓗᒍᓗ, ᐊᓂᕐᓂᕐᓗ ᐱᓯᒪᔭᖓᑕ ᐃᓚᖓ ᑎᒍᕚ ᐊᖓᔪᖅᑳᓄᓪᓗ 70ᓄᑦ ᑐᓂᓪᓗᒍ; ᐊᓂᕐᓂᐅᓪᓗ ᐊᖅᑲᕐᕕᒋᖕᒪᒋᑦ, ᒎᑎᐅᑉ ᐅᖃᐅᓯᐅᖁᔭᖓᓂᒃ ᐅᖃᓪᓚᓕᕐᐳᑦ, ᑭᖑᓂᖓᒍᓪᓕ ᑍᒤᓕᐅᒃᑲᓐᓂᕈᓐᓃᕐᓗᑎᒃ.

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᒫᑎᐅᓯᐅᑉ ᐊᒡᓚᖏᑦ 7:11

ᐱᐅᖏᑦᑑᒐᓗᐊᕐᑐᓯ, ᐱᐅᔪᓂᒃ ᑐᓂᓯᔭᕆᐊᒃᓴᖅ ᕿᑐᕐᖓᑦᓯᓐᓄᑦ ᖃᐅᔨᒪᒐᑦᓯ; ᐊᑖᑕᓯᓕ ᕿᓚᖕᒦᑦᑐᖅ ᐱᐅᔪᓂᒃ ᑐᓂᓯᔭᕆᐊᒃᓴᖅ ᖃᐅᔨᒪᑦᓯᐊᕐᓂᕐᓴᐅᕗᖅ ᑐᒃᓯᐊᕐᕕᒋᔨᒥᓄᑦ.

ᓘᑲᓯᐅᑉ ᐊᒡᓚᖏᑦ 11:13

ᐃᓕᑦᓯ ᐱᐅᖏᑦᑑᒐᓗᐊᕐᑐᓯ, ᐱᐅᔪᒥᒃ ᑐᓂᓯᔭᕆᐊᒃᓴᖅ ᕿᑐᕐᖓᑦᓯᓐᓄᑦ ᖃᐅᔨᒪᒐᑦᓯ, ᐊᖏᓂᕐᓴᒥᒡᓕ ᐊᑖᑕᓯ ᕿᓚᖕᒦᑦᑐᖅ ᑐᓂᓯᔪᓐᓇᕐᓂᕐᓴᐅᕗᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᒪᕕᒋᔨᒥᓄᑦ!”

ᔪᐊᓇᓯᐅᑉ ᐊᒡᓚᖏᑦ 1:9

ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᕐᔪᐊᕐᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ.

ᔪᐊᓇᓯᐅᑉ ᐊᒡᓚᖏᑦ 3:27

ᔪᐊᓇᓯᐅᑉ ᑭᐅᕔᑦ, “ᐃᓄᒃ ᓇᓪᓕᐊᑦ ᐃᒻᒥᓃᓐᓇᖅ ᐱᑖᕈᓐᓇᓐᖏᓚᖅ ᒎᑎᐅᑉ ᑐᓂᓯᕕᒋᒃᐸᒍ ᑭᓯᐊᓂ ᐱᓂᐊᕈᓐᓇᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 3:3

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑑᑉ, ᒎᑎᐅᑉ ᐊᑕᓂᐅᕕᖓ ᑕᑯᔪᓐᓇᓐᖏᓛ.”

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:7

ᑭᐊ ᐃᓅᖃᑎᖕᓂᑦ ᐊᔪᖏᓐᓂᕐᓴᐅᑎᑉᐹᑏᑦ? ᓱᓇᒥᒡᓕ ᐱᓯᒪᕕᑦ ᑐᓂᕐᕈᓯᐊᕆᓐᖏᑕᕐᓂᒃ? ᑐᓂᓯᕕᐅᓯᒪᒍᕕᑦ, ᓱᖕᒪᓪᓕ ᐃᓕᖕᓂᒃ ᓂᕐᑐᕐᐲᑦ? ᐱᓯᒪᔧᑦ ᑐᓂᕐᕈᓯᐊᕆᓯᒪᓐᖏᑕᕐᑐᑦ ᐱᓕᕐᓗᒎ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᐃᐱᓯᒥᐅᓄᑦ 1:18

ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

ᐃᐱᓯᒥᐅᓄᑦ 2:8

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐱᐅᓕᔭᐅᓯᒪᒐᑦᓯ ᐅᒃᐱᕐᓂᒃᑯᑦ; ᑕᒪᓐᓇᓗ ᐃᓕᑦᓯᓐᓂᒃ ᐱᓯᒪᓐᖏᓚᓯ, ᒎᑎᐅᓪᓕ ᑐᓂᕐᕈᑎᒋᕚ ᐊᑭᖃᖏᑦᑐᖅ.

ᒨᓯᓯ ᑕᓪᓕᒪᖏᑦ 4:19

ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.

ᐱᓕᐱᒥᐅᓄᑦ 1:29

᙭ᔅᑑᓯᒥᒃ ᐱᔨᑦᓯᕈᓐᓇᕐᑎᑕᐅᒐᑦᓯ ᐅᒃᐱᕐᕕᒋᑐᐃᓐᓇᕐᓗᒎᖏᑦᑐᖅ ᐊᒃᓱᕈᕐᑎᑕᐅᑦᔪᑎᒋᓗᒍᓕᑦᑕᐅᖅ.

ᑎᒧᑎᒧᑦ ᓯᕗᓪᓖᑦ 6:16

ᑖᓐᓇ ᑭᓯᒥ ᑐᖁᓱᐃᑦᑑᔪᖅ ᖃᐅᒪᔪᒦᑦᑐᖅ ᑭᓇᑐᐃᓐᓇᕐᒧᑦ ᑎᑭᑕᐅᔪᓐᓇᖏᑦᑐᒥᒃ, ᑭᓇᒧᓪᓘᓐᓃᑦ ᑕᑯᔭᐅᓚᐅᕐᓯᒪᖏᑦᑐᖅ ᑕᑯᔭᐅᔪᓐᓇᖏᑦᑐᕐᓗ. ᑖᓐᓇ ᐅᐱᒋᔭᐅᓕ ᐃᓂᖃᕐᓗᓂᓗ ᐃᓱᖃᖏᑦᑐᒥ. ᐋᒥᓐ.

ᐄᑉᕈᐃᓄᑦ 13:8

ᔩᓱᓯ ᙭ᔅᑑᓯ ᐊᓯᑦᔨᓚᐅᕐᓯᒪᓐᖏᓚᖅ ᐃᑉᐸᒃᓴᖅ ᐅᓪᓗᒥᓗ ᐃᓱᖃᖏᑦᑐᒧᓪᓗ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᔧᒥᓯᐅᑉ ᐊᒡᓚᖏᑦ 3:15

ᓯᓚᑐᓂᖅ ᑍᒤᑦᑐᖅ ᐹᓐᖓᑦ ᐱᓐᖏᓚᖅ, ᓯᓚᕐᔪᐊᕐᒥᓪᓕ ᐱᕗᖅ, ᐅᒃᐱᕐᓂᒥᐅᓐᖏᑦᑐᖅ, ᐊᓂᕐᓂᕐᓗᖕᓂᓪᓕ ᐱᕗᖅ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᔪᐊᓇᓯ ᓯᕗᓪᓖᑦ 1:5

ᑕᒪᑦᔭ ᐅᖃᐅᓯᖅ ᑖᑦᓱᒪᓐᖓᑦ ᑐᓴᕐᓯᒪᔭᕗᑦ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᒎᑎ ᖃᐅᒪᔫᖕᒪᑦ ᑖᑦᓱᒪᓂᓗ ᑖᕐᑐᖃᓐᖏᓚᖅ.

ᔪᐊᓇᓯ ᓯᕗᓪᓖᑦ 4:10

ᑕᒪᓐᓇ ᑕᕝᕙ ᓇᒡᓕᖕᓂᖅ, ᒎᑎ ᓇᒡᓕᒋᓯᒪᒐᑦᑎᒎᖏᑦᑐᖅ ᑖᑦᓱᒪᓕ ᓇᒡᓕᒋᖄᓚᐅᕐᒪᑎᒍᑦ ᐃᕐᓂᓂᓗ ᑎᓕᓚᐅᕐᒪᒍ ᐊᔪᕐᓂᕗᑦ ᑖᑦᓱᒨᓇ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:23

ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 15:29

ᐃᓴᕆᐊᓕᒥᐅᓪᓗ ᓲᖑᑦᔪᑎᖓ ᓴᒡᓗᓂᐊᓐᖏᓚᖅ ᖃᕿᐊᓕᕐᓂᐊᕋᓂᓗ; ᑖᓐᓇ ᐃᓄᒃᑎᑑᓐᖏᒻᒪᑦ ᖃᕿᐊᓕᖃᑦᑕᕆᐊᓕᒃᑎᑐᑦ.”