ᐂᓮᐊᓯᐅᑉ ᐊᒡᓚᖏᑦ 9:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᐂᓮᐊᓯᐅᑉ ᐊᒡᓚᖏᑦ 9:6 ပူးပေါင်းရင်းမြစ်များ

ᓘᑲᓯᐅᑉ ᐊᒡᓚᖏᑦ 2:11

ᐅᓪᓗᒥ ᑕᕝᕙ ᐱᐅᓕᔨ ᐊᑕᓂᖅ ᙭ᔅᑑᓯ ᐃᕐᓂᐊᖑᖕᒪᑦ ᑍᕕᑎᐅᑉ ᐃᒡᓗᒐᓴᖏᓐᓂ.

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᐂᓮᐊᓯᐅᑉ ᐊᒡᓚᖏᑦ 7:14

ᑍᒤᒻᒪᑦ, ᐊᑕᓂᐅᑉ ᓇᖕᒥᓂᖅ ᓇᓗᓁᒃᑯᑕᒃᓴᒥᒃ ᑐᓂᓯᕕᒋᔪᒫᕐᐹᓯ: ᑕᑯᒋᑦ, ᐊᕐᓇᖅ ᐃᓅᓱᒃᑐᖅ ᓄᑕᕋᒃᓴᕐᑖᕈᒫᕐᐳᖅ ᐃᕐᓂᕐᑖᕆᔭᓂᓗ ᐊᑦᓯᕈᒫᕐᐹ ᐃᒪᓐᔪᐃᓕᒥᒃ.

ᒫᑎᐅᓯᐅᑉ ᐊᒡᓚᖏᑦ 1:23

“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 53:5

ᐃᑭᓕᕐᓱᕐᑕᐅᓚᐅᕐᐳᖅ ᓈᓚᒍᒪᖏᓐᓂᑦᑎᓐᓄᑦ, ᑭᓪᓕᐊᔭᐅᓚᐅᕐᐳᖅ ᐊᔪᕐᑐᓕᓂᑦᑎᓐᓄᑦ; ᓱᒋᐊᕐᑕᐅᓚᐅᕐᓂᖓᓄᑦ ᐃᓗᐃᑦᑐᕈᕐᑎᑕᐅᕗᒍᑦ, ᑏᒐᕐᑐᕐᑕᐅᓂᖏᓐᓄᓪᓗ ᐋᖅᑭᒃᑕᐅᓪᓗᑕ.

ᐂᓮᐊᓯᐅᑉ ᐊᒡᓚᖏᑦ 28:29

ᑍᒫᒃᑕᐅᖅ ᑕᒪᓐᓇ ᕿᓚᒥᐅᒐᓴᒡᔪᐃᑦ ᐊᑕᓂᖓᓐᓂᑦ ᐱᕗᖅ; ᑖᑦᓱᒪ ᐅᖃᐅᑦᔪᐃᓂᖓ ᐱᐅᔪᐊᓘᖕᒪᑦ, ᓯᓚᑐᓂᖓᓗ ᐱᐅᓂᕐᐹᖑᓪᓗᓂ.

ᕉᒪᒥᐅᓄᑦ 8:32

ᑖᑦᓱᒪ ᓇᖕᒥᓂᖅ ᐃᕐᓂᓂ ᐊᓐᓂᕆᓇᒍ ᐅᕙᑦᑎᓐᓄᓕᒫᖅ ᑐᓂᓚᐅᕐᒪᒍ, ᑕᕝᕙᓖ ᑐᓂᓯᓂᐊᓐᖏᓛᑎᒍᑦ ᓱᓇᓕᒫᓂᒃ ᑖᑦᓱᒨᓇ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:25

ᐊᐅᓚᑦᓯᔭᕆᐊᖃᕐᐳᕐᓕ ᐊᑭᕋᕐᑐᕐᑎᖏᑦ ᑕᒪᕐᒥᒃ ᐃᑎᒐᖏᑕ ᐊᑖᓄᑦ ᐱᑎᑕᐅᓚᐅᖏᓐᓂᖏᓐᓂ.

ᐃᓐᖏᕈᑎᑦ 45:6

ᒎᑏ, ᐃᒃᓯᕙᐅᑕᕐᔪᐊᑦ ᑍᒤᓕᖓᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᐊᖓᔪᖅᑳᕐᔪᐊᕐᓯᐅᑎᓗ ᐊᔭᐅᑉᐱᐊᑦ ᐃᖅᑲᕐᑐᐃᑦᓯᐊᕐᓂᕐᒧᑦ ᐊᔭᐅᑉᐱᐊᕆᓂᐊᕐᐸᑦ ᐊᑕᓂᐅᕕᖕᓂ.

ᐂᓮᐊᓯᐅᑉ ᐊᒡᓚᖏᑦ 10:21

ᐊᒥᐊᒃᑰᔪᑦ ᐅᑎᕈᒫᕐᐳᑦ, ᔧᑰᑉ ᑭᖑᕚᖏᓐᓂ ᐊᒥᐊᒃᑰᓯᒪᔪᑦ, ᒎᑎᒧᑦ ᐊᔪᒐᖃᖏᑦᑐᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 13:18

ᐊᑕᓂᐅᓪᓗ ᐂᖏᓕᖓᑕ ᐅᖃᐅᑎᕚ, “ᖃᓄᐃᒻᒪᑦ ᐊᑎᓐᓂᒃ ᐊᐱᕐᓱᕐᐲᑦ, ᑕᑯᔧᑦ ᐱᐅᔪᐊᓘᑎᓪᓗᒎ?”

ᔪᐊᓇᓯᐅᑉ ᐊᒡᓚᖏᑦ 14:27

“ᐃᓱᒪᔮᕐᓇᖏᑦᑐᒥᒃ ᕿᒤᕕᒋᕙᑦᓯ; ᐅᕙᖓ ᓇᖕᒥᓂᖅ ᐃᓱᒪᔮᖏᓐᓂᕆᔭᓐᓂᒃ ᑐᓂᓯᕕᒋᕙᑦᓯ; ᑐᓂᓯᓐᖏᓚᖓ ᓯᓚᕐᔪᐊᕐᒥᐅᑦ ᑐᓂᓯᑦᔪᓯᖏᑎᑐᑦ. ᐆᒻᒪᑎᒃᑯᑦ ᕿᒃᓵᖕᓂᐊᕋᓯ, ᓯᕘᕋᓂᐊᕋᓯᓗ.

ᐄᑉᕈᐃᓄᑦ 1:8

ᐃᕐᓂᕐᓕ ᐱᓪᓗᒍ ᐅᖃᓚᐅᕐᐳᖅ, “ᒎᑏ ᐃᒃᓯᕙᐅᑕᕐᔪᐊᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ, ᐊᑕᓂᐅᕖᓪᓗ ᐊᐅᓚᓐᓂᐊᕐᐸᑦ ᐊᔭᐅᑉᐱᐊᕐᓄᑦ ᓇᓛᒎᑦᓯᐊᕐᑐᒥᒃ.

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᒫᑎᐅᓯᐅᑉ ᐊᒡᓚᖏᑦ 11:27

“ᐊᑖᑕᒪ ᑕᒤᓐᓂᒃ ᑐᓂᓯᕕᒋᓚᐅᕐᒪᖓ; ᐃᕐᓂᖅ ᖃᐅᔨᒪᔭᐅᓐᖏᓚᖅ ᐊᑖᑕᐅᑉ ᑭᓯᒥ ᖃᐅᔨᒪᕚ, ᐊᑖᑕᑦᑕᐅᖅ ᖃᐅᔨᒪᔭᐅᖏᓐᓂᕗᖅ ᐃᕐᓂᐅᑉ ᑭᓯᒥ ᖃᐅᔨᒪᕚ, ᑖᒃᑯᓄᖓᓗ ᐃᕐᓂᐅᑉ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.

ᐂᓮᐊᓯᐅᑉ ᐊᒡᓚᖏᑦ 63:16

ᐊᑖᑕᒋᕙᑦᑎᒋᓪᓕ, ᐂᑉᕋᕼᐋᒻᒧᑦ ᖃᐅᔨᒪᔭᐅᖏᒃᑲᓗᐊᕐᑎᓪᓗᑕ, ᐃᓴᕆᐊᓕᒥᐅᓄᓪᓗ ᐃᓕᑕᕆᔭᐅᓯᒪᓇᑕ; ᐊᑕᓃᕐᓕ ᐃᓕᖕᓂᒃ ᐊᑖᑕᖃᕐᐳᒍᑦ ᐃᓕᖕᓄᑦ ᐅᑎᕐᑎᑦᓯᔨᒋᕙᑦᑎᒋᑦ ᑍᑦᓱᒪᓂᐊᓗᖕᓂᑦ ᑍᒫᒃ ᐊᑎᖃᕋᕕᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:36

ᖃᐅᔨᒪᒐᑦᓯ ᐅᖃᐅᓯᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᐊᔪᕆᕐᑑᓰᑦ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᖅ ᔩᓱᓯ ᙭ᔅᑑᓯᒃᑯᑦ, ᑕᒤᓐᓄᑦ ᐊᑕᓂᐅᔪᒧᑦ.

ᒨᓯᓯ ᑕᓪᓕᒪᖏᑦ 10:17

ᐊᑕᓂᖅ ᒎᑎᒋᔭᓯ ᒎᑎᒋᔭᐅᔪᓕᒫᓂᑦ ᐊᖏᓂᕐᓴᐅᖕᒪᑦ ᐱᔪᓐᓇᕐᓂᕐᐹᖑᓪᓗᓂᓗ. ᐱᔪᓐᓇᕐᑐᕐᔪᐊᖑᕗᖅ ᐊᔪᒐᖃᖏᑦᑐᕐᔪᐊᖑᓪᓗᓂᓗ, ᓯᕘᕋᒋᔭᐅᔪᒃᓴᐅᕗᕐᓗ. ᐃᓄᖕᓂᒡᓗ ᐃᓔᓐᓇᕐᓯᐅᓐᖏᓚᖅ, ᓯᓔᕐᕆᔭᐅᔪᓐᓇᕋᓂᓗ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᔪᐊᓇᓯᐅᑉ ᐊᒡᓚᖏᑦ 1:16

ᑖᑦᓱᒪ ᐱᑦᑎᐊᕐᓂᖓᑕ ᐱᔪᒃᓇᕐᓯᑎᑎᓂᖓ ᐊᖏᔫᓂᑯᖓᓄᑦ ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᑎᑉᐹᑎᒍᑦ ᐱᑦᑎᐊᕐᕕᐅᓂᕐᒧᑦ ᓮᒻᒪᕐᑎᑕᐅᕙᓪᓕᐊᖏᓐᓇᕐᓗᑕᓗ.

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᐃᓐᖏᕈᑎᑦ 72:7

ᑖᑦᓱᒪ ᐅᓪᓗᖏᓐᓂ ᐃᓱᐊᕐᑐᑦ ᐱᕈᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ, ᓮᓕᓂᖃᕐᓗᑎᒡᓗ ᐊᒥᒐᖏᑦᑐᒥᒃ, ᑕᖅᑭᐅᑉ ᐱᑕᖃᕈᓐᓃᕐᓂᖓ ᑎᑭᓪᓗᒍ.

ᑯᓘᓯᐊᒥᐅᓄᑦ 2:3

ᑖᓐᓇᑐᐊᖅ ᒪᑐᐃᕐᓯᔪᓐᓇᕐᒪᑦ ᑕᒤᓐᓂᒃ ᐃᔨᕐᓯᒪᔪᓂᒃ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:23

ᐱᒋᐊᕐᑎᑕᐅᓚᐅᕐᓯᒪᕗᖓ ᐱᒋᐊᕐᓂᖓᓂᑦ, ᓯᕗᓪᓕᕐᐸᐅᓪᓗᖓ ᓄᓇᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ.

ᐄᑉᕈᐃᓄᑦ 13:20

ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ,

ᓘᑲᓯᐅᑉ ᐊᒡᓚᖏᑦ 2:14

“ᒎᑎ ᓂᕐᑐᕐᑕᐅᓕ ᖁᑦᓯᖕᓂᕐᐹᖑᔪᖅ, ᓮᒪᓇᕐᓂᖃᕐᓗᓂᓗ ᓄᓇᕐᔪᐊᕐᒥ ᐃᓄᖕᓄᑦ, ᒎᑎᒧᑦ ᖁᕕᐊᒋᔭᐅᔪᓄᑦ!”

ᐂᓮᐊᓯᐅᑉ ᐊᒡᓚᖏᑦ 53:10

ᐊᑕᓂᐅᓪᓕ ᐱᔪᒪᔭᕆᓚᐅᕐᒪᒍ ᑎᒡᓘᔭᓕᕐᑎᑕᐅᓚᐅᕐᐳᖅ; ᕿᒃᓵᖕᓇᕐᑐᒦᑎᑕᐅᓪᓗᓂ; ᐃᒻᒥᓂᒃ ᑐᓂᕐᕈᓯᐅᑎᓪᓗᓂ ᐊᔪᕐᑐᓕᓂᕐᓄᑦ, ᑭᖑᕚᒥᓂᒡᓕ ᑕᑯᔪᒫᕆᕗᖅ, ᐃᓅᓯᖓᓗ ᐅᐃᒍᔭᐅᔪᒫᕐᐳᖅ; ᐊᑕᓂᐅᓪᓗ ᐱᔪᒪᔭᖓ ᐊᔪᖏᑦᓯᐊᕐᓗᓂ ᐱᓇᓱᐊᕈᑎᒋᔪᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 53:2

ᐱᕈᕐᓴᓚᐅᕐᐳᖅ ᑖᑦᓱᒪ ᓵᖓᓂ ᐱᕈᕐᓯᐊᑎᑐᑦ ᐱᕈᕐᐸᓪᓕᐊᓕᓵᕐᑐᑎᑐᑦ, ᐊᒫᑐᓪᓗ ᓴᖅᑭᑉᐸᓪᓕᐊᓪᓗᓂ ᓄᓇᒥ ᐸᓂᕐᑐᒥ; ᑕᐅᑦᑐᖓ ᐃᒃᐱᖕᓇᖏᒻᒪᑦ ᐱᔪᒥᓇᕐᑐᑎᑐᓪᓗ ᑕᐅᑦᑐᖃᖏᒻᒪᑦ ᑕᑯᔪᒪᓚᐅᓐᖏᓚᕗᑦ; ᑕᑯᒥᓇᕐᓂᖃᖏᒻᒪᑦ ᐱᔪᒪᓚᐅᓐᖏᓚᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:19

ᑕᕝᕙ, ᒎᑎ ᙭ᔅᑑᓯᒃᑯᑦ ᓯᓚᕐᔪᐊᕐᒥᐅᓂᒃ ᐃᓚᓐᓇᕆᔭᕐᑖᕐᓯᒪᖕᒪᑦ, ᐊᔪᕐᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᒋᓪᓗᒋᑦ, ᐃᓄᖕᓄᓪᓗ ᐅᖃᓪᓚᖁᕚᑎᒍᑦ ᐃᓚᓐᓇᕆᔭᐅᓕᕈᓐᓇᕐᓂᖏᓐᓂᒃ.

ᕉᒪᒥᐅᓄᑦ 9:5

ᑭᖑᕚᕆᔭᐅᕗᑦ ᐱᒋᐊᕐᕕᐅᓚᐅᕐᑐᓄᑦ ᓯᕗᓕᕕᓂᑦᑎᓐᓄᑦ, ᔫᑎᐅᓪᓗᑎᒡᓗ, ᙭ᔅᑑᓯᐅᑉ ᑎᒥᑖᕐᓂᖓᓄᑦ ᐃᓅᖃᑎᒋᔭᐅᕗᑦ. ᑖᓐᓇ ᒎᑎᐅᔪᖅ ᑕᒤᓐᓄᑦ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᓘᑲᓯᐅᑉ ᐊᒡᓚᖏᑦ 21:15

ᐅᕙᖓ ᐅᖃᐅᓯᒃᓴᖃᕐᑎᑦᓱᒫᕐᐸᑦᓯ ᓯᓚᑐᓂᖃᕐᑎᓪᓗᓯᓗ, ᐊᑭᕋᕐᑐᕐᑎᑦᓯᓐᓂᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᕈᒫᓐᖏᓚᓯ ᑭᒡᒍᓯᒃᓮᕈᑦᔨᔪᒫᕐᐳᓯᓕ ᑖᒃᑯᓂᖓ.

ᐃᓐᖏᕈᑎᑦ 72:3

ᖃᖅᑬᑦ ᐱᕙᓪᓕᕐᓇᕐᑎᑦᓯᖁᓪᓗᒋᑦ ᐃᓄᖕᓄᑦ, ᐱᖑᐊᕐᔪᐃᓪᓗ, ᐃᓱᐊᕐᓯᑎᑦᓯᔪᓐᓇᖁᓪᓗᒋᑦ.

ᐃᓐᖏᕈᑎᑦ 45:3

ᓴᕕᒡᔪᐊᑦ ᐴᖓᓄᑦ ᐃᓕᓕᕈᒃ ᕿᑎᕐᓄᑦ, ᐊᔪᖏᑦᑐᕐᔪᐊᖑᔪᑎᑦ, ᑕᑯᒥᓇᕐᑐᐊᓘᓕᕆᑦ ᐅᐱᓐᓇᕐᑐᕐᔪᐊᖑᓗᑎᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 9:32

ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ! ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ! ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ: ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ. ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ, ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ, ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!

ᔨᕆᒤᐊᐅᑉ ᐊᒡᓚᖏᑦ 31:22

ᖃᓄᖅ ᐊᑯᓂᐅᑎᒋᔪᖅ ᐱᔭᕐᓂᖏᑦᑑᒐᓱᐊᕐᓂᐊᕐᐱᓰ? ᐅᒃᐱᕈᓱᒍᓐᓇᖏᑦᑐᓯ, ᐊᑕᓂᖅ ᓄᑖᒥᒃ ᓴᖅᑭᑎᑦᓯᓂᐊᕐᐳᖅ ᐊᖑᒻᒥᒃ ᐊᕐᓇᒧᑦ ᓴᐳᑦᔭᐅᓯᒪᖔᕐᑐᑎᑐᑦ ᑍᒤᑦᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 26:12

ᐊᑕᓃᖅ, ᓮᓕᓂᕐᒥᒃ ᐅᕙᑦᑎᓐᓂ ᐱᒋᐊᕐᑎᑦᓯᓚᐅᕐᒥᒋᑦ, ᐱᓂᐊᕐᓂᕗᑦ ᑕᒪᕐᒥᒃ ᐊᔪᕐᓇᕈᓐᓃᕐᑎᓯᒪᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 26:3

ᐊᑕᓃᖅ ᓮᒪᓇᕐᑐᒦᑦᓮᓐᓇᕐᑎᑦᓯᕗᑎᑦ, ᓱᖁᓯᔪᐃᑦᑑᓪᓗᑎᒃ ᐃᓱᒪᖏᑦ ᐃᓕᖕᓃᑦᓮᓐᓇᕐᑐᓂᒃ, ᐃᓕᖕᓂᒃ ᑕᑎᖃᕐᓂᕐᒥᖕᓄᑦ.

ᐃᓐᖏᕈᑎᑦ 85:10

ᓇᒡᓕᖕᓂᖅ ᓱᖁᓯᔪᐃᑦᑐᖅ ᓱᕐᕋᔪᐃᑦᑑᓂᕐᓗ ᐃᒻᒥᖕᓄᑦ ᑲᑎᓂᐊᕐᐴᒃ; ᐃᓱᐊᕐᑐᓕᓂᕐᓗ ᖃᓄᐃᖏᑦᓯᐊᕐᓂᕐᓗ ᐃᒻᒥᖕᓄᑦ ᑯᓂᖃᑦᑕᐅᑎᓂᐊᕐᐴᒃ.

ᐃᓐᖏᕈᑎᑦ 72:17

ᑖᑦᓱᒪ ᐊᑎᖓ ᐳᐃᒍᕐᑕᐅᓂᐊᓐᖏᓚᖅ ᐃᓱᖃᖏᑦᑐᒧᑦ; ᐅᐱᒋᔭᐅᔪᒫᕐᐳᕐᓗ ᓯᕿᓂᕐᑐᑦ ᐊᑯᓂᐅᑎᒋᔪᒥᒃ! ᐃᓄᐃᓪᓗ ᓮᒻᒪᕐᑎᑕᐅᔪᒫᕐᐳᑦ ᑖᑦᓱᒧᖓ; ᐃᓅᖃᑎᒌᒡᔪᐊᓕᒫᓪᓗ ᓮᒻᒪᕐᑎᑕᐅᓯᒪᔪᒥᒃ ᑍᔪᒫᕐᐹᑦ.

ᐃᓐᖏᕈᑎᑦ 50:1

ᐊᔪᒐᖃᖏᑦᑐᖅ, ᒎᑎ ᐊᑕᓂᖅ, ᐅᖃᓚᐅᕐᐳᖅ, ᓄᓇᓗ ᕾᖁᓪᓗᒍ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 8:18

ᑕᑯᒋᑦ, ᐅᕙᖓ ᓱᕈᓯᕐᓂᒃ ᐃᓚᖃᕐᐳᖓ ᐊᑕᓂᐅᑉ ᑐᓂᓚᐅᕐᑕᖏᓐᓂᒃ ᐅᕙᓐᓄᑦ! ᓇᓗᓁᒃᑯᑕᐅᕗᒍᑦ ᑲᒪᓇᕐᑐᓕᓂᐅᓪᓗᑕᓗ ᐃᓴᕆᐊᓕᒥ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ, ᓮᐅᓂᒥ ᖃᖅᑲᒥ ᐃᓂᖃᕐᑐᒥᑦ.

ᐂᓮᐊᓯᐅᑉ ᐊᒡᓚᖏᑦ 66:12

ᐊᑕᓂᖅ ᐃᒫᒃ ᐅᖃᕐᐳᖅ: “ᑕᑯᒋᑦ, ᐊᔪᕐᓴᖏᓐᓂᖅ ᐊᖏᔪᕈᕐᑎᑦᓱᒫᕐᐸᕋ ᑰᒃᑎᑐᑦ ᑯᕕᓕᕈᒫᕐᒪᑦ, ᐃᓅᖃᑎᒌᒡᔪᐊᓪᓗ ᐊᒡᓗᐃᓂᖏᑦ ᑰᒐᓛᑎᑐᑦ ᑕᑕᓯᒪᔪᑎᑐᑦ ᑰᓕᕈᒫᕐᐳᑦ, ᐊᒫᒪᒍᒫᕐᐳᓯ ᓴᕐᓕᐊᕐᑕᐅᓗᓯ, ᐊᐅᓚᑲᑦᑖᕐᑎᑕᐅᔪᒫᕐᐳᓯᓗ ᖁᒃᑐᕋᖏᒃᑕ ᖄᖓᓂ.

ᒫᑎᐅᓯᐅᑉ ᐊᒡᓚᖏᑦ 1:1

ᐅᑯᐊ ᓇᓗᓁᕐᓯᕗᑦ ᔩᓱᓯ ᙭ᔅᑑᓯᐅᑉ ᓯᕗᓕᕕᓂᖏᓐᓂᒃ, ᑖᓐᓇ ᑍᕕᑎᐅᑉ ᑭᖑᕚᕆᓚᐅᑕᖓ, ᐂᑉᕋᕼᐋᒻᓗ ᑭᖑᕚᕆᓪᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 16:5

ᑕᕝᕙ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ ᐊᖓᔪᖅᑳᕐᔪᐊᕐᑖᕈᒪᕐᐳᑦ, ᐃᓄᖁᑎᓂᓗ ᐊᐅᓚᑦᓱᒫᕐᐰᑦ ᓱᕐᕋᔪᐃᑦᑐᒥᒃ ᓇᒡᓕᖕᓂᕐᒧᑦ, ᐃᓱᐊᕐᑐᒥᒃ ᐱᓇᓱᐊᕈᒫᕐᐳᖅ ᑕᒪᕐᒥᒡᓗ ᐊᑦᔨᒌᑦᓯᐊᕐᑐᒥᒃ ᐱᓇᓱᐊᕐᕕᐅᑎᑦᓱᒫᕐᐰᑦ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᕼᐊᒊᑉ ᐊᒡᓚᖏᑦ 2:9

‘ᑐᒃᓯᐊᕐᕕᒡᔪᐊᖅ ᑭᖑᓪᓕᖅ ᐱᓐᓇᕐᓇᕐᓂᕐᓴᐅᔪᒫᕐᐳᖅ ᓯᕗᓪᓕᐅᓚᐅᕐᑐᒥᑦ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ‘ᑖᓐᓇᓗ ᐃᒡᓗ ᐊᔪᕐᓴᕈᓐᓁᕐᑎᑦᓯᑦᔪᑎᒋᔪᕐᐸᕋ ᓮᒻᒪᓇᕐᑎᑦᓯᓗᓂᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.’”

ᓴᒧᐃᓕ ᐂᑉᐸᖏᑦ 7:13

ᑖᓐᓇ ᓴᓇᔪᒫᕐᐳᖅ ᐃᒡᓗᒃᓴᓐᓂᒃ, ᑖᑦᓱᒪᓗ ᐊᖓᔪᖅᑲᐅᕕᖓ ᑲᔪᓯᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᓴᒧᐃᓕ ᐂᑉᐸᖏᑦ 7:16

ᑭᖑᕚᑎᓪᓕ ᐊᑕᓂᐅᕖᓪᓗ ᓱᖁᓯᔪᐃᑦᑑᑎᑦᓱᒪᕙᒃᑲ ᐃᓱᖃᖏᑦᑐᒧᑦ; ᐊᖓᔪᖅᑲᐅᓃᓪᓗ ᑲᔪᓯᓂᐊᕐᐳᖅ ᐃᓱᖃᖏᑦᑐᒧᑦ.’”

ᐊᑕᓃᑦ ᓯᕗᓪᓖᑦ 2:33

ᑖᒃᑯᐊᒃ ᑐᖁᑕᐅᓂᖏᒃ ᔪᐊᐱᒧᐊᕐᓂᐊᕐᒪᑎᒃ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ; ᑍᕕᑎᒧᓪᓕ ᑭᖑᕚᖏᓐᓄᓪᓗ, ᓇᖕᒥᓂᖏᓐᓄᓪᓗ, ᐃᒃᓯᕙᐅᑕᕐᔪᐊᖓᓃᑦᑐᓄᓪᓗ, ᓮᒪᓇᕐᑐᖃᕐᓂᐊᕐᐳᖅ ᐊᑕᓂᕐᒥᑦ ᐱᔪᒥᒃ ᐃᓱᖃᖏᑦᑐᒧᑦ.”

ᐊᑕᓃᑦ ᓯᕗᓪᓖᑦ 2:45

ᐊᖓᔪᖅᑳᕐᔪᐊᕐᓕ ᓲᓗᒨᓂ ᓮᒻᒪᕐᑎᑕᐅᓂᐊᕐᐳᖅ, ᑍᕕᑎᐅᓪᓗ ᐃᒃᓯᕙᐅᑕᕐᔪᐊᖓ ᐃᓂᖃᕐᓗᓂ ᐊᑕᓂᐅᑉ ᓵᖓᓂ ᐃᓱᖃᖏᑦᑐᒧᑦ.”

ᐊᑕᓃᑦ ᓯᕗᓪᓖᑦ 10:9

ᐊᑕᓂᖅ ᓂᕐᑐᕐᑕᐅᓕ ᒎᑎᒋᔧᑦ! ᐃᓕᖕᓂᒃ ᖁᕕᐊᓲᑎᖃᕐᓂᖓ ᐊᖓᔪᖅᑳᕐᔪᐊᓐᖑᕐᑎᓪᓗᓂᑎᒃ ᐃᓴᕆᐊᓕᒥᐅᓄᑦ. ᓇᒡᓕᖕᓂᖓ ᐃᓴᕆᐊᓕᒥᐅᓄᑦ ᐃᓱᖃᖏᑦᑑᖕᒪᑦ, ᐊᖓᔪᖅᑳᕐᔪᐊᓐᖑᕐᑎᒻᒪᑎᑦ ᑖᒃᑯᓄᖓ ᐊᐅᓚᑦᓯᑦᓯᐊᕈᓐᓇᕋᕕᑦ ᐱᖁᔭᓂᒃ ᐃᖅᑲᕐᑐᐃᑦᓯᐊᕐᓂᕐᓂᒡᓗ.”

ᐃᓐᖏᕈᑎᑦ 45:7

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓚᒋᔭᕐᓂᑦ ᐱᑎᑕᐅᓂᕐᓴᐅᓪᓗᑎᑦ.

ᐃᓐᖏᕈᑎᑦ 89:5

ᐊᑕᓃᖅ, ᕿᓔᑦ ᓂᕐᑐᐃᓚᐅᕐᓕᑦ ᑲᒪᓇᕐᑐᓕᓂᑎᑦ ᐱᓪᓗᒋᑦ, ᓱᖁᓯᔪᐃᑦᑑᓃᓪᓗ ᐃᑦᔪᕐᓁᑦᑐᖁᑎᕕᑦ ᑲᑎᓐᖓᓂᖓᓃᑉᐳᖅ.

ᐂᓮᐊᓯᐅᑉ ᐊᒡᓚᖏᑦ 11:5

ᐃᓱᐊᕐᑐᓕᓂᖅ ᕿᑎᕐᒥᓂ ᑕᑦᓯᕈᑎᒋᔪᒫᕐᐹ ᓱᖁᓯᔪᐃᑦᑑᓂᕐᓗ ᕿᑎᕐᒥᒍᑦ ᑕᑦᓯᒋᓗᒍ.

ᐂᓮᐊᓯᐅᑉ ᐊᒡᓚᖏᑦ 32:1

ᑕᑯᒋᑦ, ᐊᖓᔪᖅᑳᕐᔪᐊᕐᑕᖃᓕᕈᒫᕐᐳᖅ ᐊᑦᔨᒌᒃᑎᑦᓯᔪᒥᒃ ᐊᐅᓚᑦᓯᓂᖃᕐᑐᒥᒃ, ᐊᖓᔪᖅᑳᖁᑎᖏᓪᓗ ᓇᓛᒎᕐᑐᒥᒃ ᐊᖓᔪᖅᑳᖑᓂᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 37:32

ᔨᕉᓴᓕᒥᑦ ᐊᓂᔪᒫᕐᐳᑦ ᐊᒥᐊᒃᑯᑦ, ᓮᐅᓂᐅᑉ ᖃᖅᑲᖓᓂ ᐊᓐᓇᒃᑐᑦ ᐊᓂᔪᒫᕐᐳᑦ, ᑕᒪᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑲᔪᓯᑎᑦᓱᒪᒐᒥᐅᒃ ᐱᓇᓱᐊᕈᒫᕐᒪᒍ.

ᑖᓂᐊᓕᐅᑉ ᐊᒡᓚᖏᑦ 7:14

ᑖᓐᓇ ᐊᖓᔪᖅᑲᐅᓂᕐᒥᒃ ᑐᓂᓯᕝᕕᐅᕗᖅ, ᐃᓅᖃᓐᓂᕐᓂᕐᒥᒡᓗ ᐊᖓᔪᖅᑲᐅᓂᕐᒥᒡᓗ; ᐃᓄᓕᒫᓪᓗ, ᐃᓅᖃᑎᒌᒡᔪᐃᓪᓗ ᓇᑭᑐᐃᓐᓇᖅ ᐱᓯᒪᔪᑦ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑐᒃᓯᐊᕐᕕᒋᕚᑦ: ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᕗᖅ ᐃᓱᓕᓐᓂᐊᕋᓂᓗ, ᐊᖓᔪᖅᑳᔪᐊᖑᕕᖓ ᑍᒪᓐᖓᑦ ᓵᓚᐅᓂᐊᓐᖏᓚᖅ.”