ᐂᓮᐊᓯᐅᑉ ᐊᒡᓚᖏᑦ 7:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᕗᕅᒥᐅᓪᓗ ᓂᐊᖁᕆᕚ ᓴᒥᐊᕆᐊ, ᓴᒥᐊᕆᐊᓪᓗ ᓂᐊᖁᕆᕚ ᕆᒪᓔᐊᐅᑉ ᐃᕐᓂᖓ. “‘“ᐅᒃᐱᕆᖏᒃᑯᑦᓯᐅᒃ ᑕᒪᓐᓇ, ᑕᕝᕙ ᑲᔪᓯᔪᓐᓇᕐᓂᐊᓐᖏᓚᓯ.”’”

ᐂᓮᐊᓯᐅᑉ ᐊᒡᓚᖏᑦ 7:9 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 15:27

ᐊᖓᔪᖅᑳᕐᔪᐊᑉ ᐊᔭᕅᐊᐅᑉ ᐊᐅᓚᑦᓯᓂᖏᑕ ᐊᕐᕌᒍᐃᑦ 52ᖓᓐᓂ ᔫᑕᒧᑦ, ᐲᑲ ᕆᒪᓔᐊᐅᑉ ᐃᕐᓂᖓ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᓴᒥᐊᕆᐊᒦᓪᓗᓂ, ᐊᕐᕌᒍᓂᒡᓗ 20ᓂᒃ ᐊᖓᔪᖅᑳᕐᔪᐊᖑᓚᐅᕐᐳᖅ.

ᑯᕉᓂᑲ ᐂᑉᐸᖏᑦ 20:20

ᐅᓪᓛᒻᒪᕆᒃᑯᓪᓗ ᒪᑭᑉᐳᑦ ᐂᓗᑎᒡᓗ ᐃᓄᖃᔪᐃᑦᑐᒧᑦ ᑎᑯᐊᒧᑦ; ᐊᐅᓪᓚᕐᑎᓪᓗᒋᑦ, ᔨᕼᐆᓴᐸᑦ ᓂᑯᕕᓪᓗᓂ ᐅᖃᕐᐳᖅ, “ᑐᓴᕐᓯᓐᖓ ᔫᑕᒥᐅᑦ ᔨᕉᓴᓕᒥᓗ ᓄᓇᖃᕐᑐᓯ! ᐅᒃᐱᕆᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ, ᑕᕝᕙ ᐃᓂᓪᓚᒃᑎᑕᐅᓂᐊᕐᐳᓯ; ᐅᖃᕐᑎᖏᑦ ᐅᒃᐱᕆᓯᒋᒃ, ᑕᕝᕙ ᒪᑭᑎᑕᐅᓂᐊᕐᐳᓯ.”

ᐂᓮᐊᓯᐅᑉ ᐊᒡᓚᖏᑦ 28:1

ᑲᑉᐱᐊᓐᓇᒦᒃ ᐃᕗᕅᑎᒥᐅᑦ ᐋᖓᔮᕐᑐᑦ, ᐊᖓᔪᖅᑳᕐᔪᐊᕐᓯᐅᑦ ᓂᐊᖂᑎᖓ ᐅᐱᓐᓇᓚᐅᕐᑐᖅ ᑕᑯᒥᓇᕐᓂᖓ ᓄᖑᓕᕐᐳᖅ ᓄᓇᕋᕐᑎᑐᑦ ᑐᖁᓕᓕᕐᑐᑐᑦ, ᐊᖓᔪᖅᑳᕆᔭᖏᑕ ᐃᒥᕐᓯᒪᓗᐊᖃᑦᑕᕐᓂᖏᓐᓄᑦ, ᐱᔪᓐᓇᕋᓱᒋᓂᕐᒧᑦ ᓂᐊᖁᖏᑦ ᑎᐱᑎᑦᓯᐊᕐᓯᒪᒐᓗᐊᕐᐳᑦ ᓇᓚᑐᐃᓐᓇᓕᕐᐳᓪᓕ ᐋᖓᔮᓗᐊᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 5:24

ᑍᒤᒻᒪᑦ, ᓲᕐᓗ ᐃᑯᒪᐅᑉ ᐃᑯᐊᓚᔫᑉ ᐃᕕᖕᓂᒃ ᑭᓪᓗᐃᕕᐅᔪᕕᓃᑦ ᓄᖑᒻᒪᒋᑦ, ᓲᕐᓗᓗ ᐃᕕᒃᓱᒐᖅ ᐸᓂᕐᑐᖅ ᐃᑯᒪᒧᑦ ᓄᖑᑕᐅᖕᒪᑦ, ᑍᒫᒃᑕᐅᖅ ᐊᒫᖏᑦ ᐊᐅᓂᐅᓕᕈᒫᕐᐳᑦ, ᐱᕈᕐᑐᖏᑕᓗ ᓂᐊᖁᖏᑦ ᐳᔪᕋᕐᑎᑐᑦ ᑎᒃᑕᐅᔪᒫᕐᐳᑦ; ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᖁᔭᖏᑦ ᒪᓕᒍᒪᓚᐅᖏᒻᒪᒋᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᖁᑎᖓᑕ ᐅᖃᐅᓯᖓ ᓇᕐᕈᒋᓚᐅᕐᒪᑦᔪᒃ.

ᐂᓮᐊᓯᐅᑉ ᐊᒡᓚᖏᑦ 7:10

ᐊᑕᓂᕐᓗ ᐅᖃᒃᑲᓐᓂᕆᕗᖅ ᐂᕼᐊᔅᒧᑦ,

ᐂᓮᐊᓯᐅᑉ ᐊᒡᓚᖏᑦ 7:4

ᐅᖃᐅᑎᓪᓗᒍᓗ, ‘ᐅᐸᓗᖎᕐᓯᒪᑦᓯᐊᕆᑦ, ᓂᐱᖃᖏᓪᓗᑎᑦ ᑲᑉᐱᐊᓱᖏᓪᓗᑎᒡᓗ, ᓴᐱᓕᕐᑍᓕᓗᑎᓪᓗ ᒪᕐᕈᐃᑦ ᑲᑉᐱᐊᓱᒃᑎᑦᓯᔪᑦ ᐱᑦᔪᑎᒋᓪᓗᒋᑦ ᐊᖓᔪᖅᑳᕐᔪᐊᑉ ᕆᔨᓂᐅᑉ ᓯᕆᐊᒥᐅᖑᖃᑎᖏᑕᓗ, ᐊᖓᔪᖅᑳᕐᔪᐊᕐᓗ ᕆᒪᓔᐊᐅᑉ ᐃᕐᓂᖓᑕ.

ᐂᓮᐊᓯᐅᑉ ᐊᒡᓚᖏᑦ 8:4

ᑖᓐᓇ ᓄᑲᑉᐱᐊᖅ ᐊᓈᓈᕈᓐᓇᕐᓯᓚᐅᕐᑎᓐᓇᒍ ᐊᑖᑖᕈᓐᓇᕐᓯᓚᐅᕐᑎᓐᓇᒍᓗ ᓱᓕ, ᑕᒫᓯᑰᓯᒥᐅᑦ ᐊᔪᕐᓴᖏᑦᔪᑎᖏᑦ ᓴᒥᐊᕆᐊᕐᒥᐅᓪᓗ ᓵᓚᒃᓴᕈᑎᒋᓯᒪᔭᖏᑦ ᐊᐅᓪᓚᕈᑦᔭᐅᔪᒫᕐᐳᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 9:9

ᐃᓄᓕᒫᑦ ᑐᑭᓯᔪᒫᕐᐳᑦ, ᐃᕗᕅᒥᐅᑉ ᑭᖑᕚᖏᑦ ᓴᒥᐊᕆᐊᓪᓗ ᐃᓄᖏᑦ ᐱᐅᔪᕆᓪᓗᑎᒃ ᐆᒻᒪᑎᒥᖕᓂᓗ ᐊᔪᖏᓐᓇᓱᒋᓪᓗᑎᒃ ᐅᖃᕐᐸᒃᑐᑦ:

ᔨᕆᒤᐊᐅᑉ ᐊᒡᓚᖏᑦ 43:2

ᐊᔭᕅᐊᐅᑉ ᕼᐅᓮᐊᐅᑉ ᐃᕐᓂᖓᑕ, ᔪᕼᐋᓇᓂᐅᓪᓗ ᑲᕆᐊᑉ ᐃᕐᓂᖓᑕ ᐊᓯᖏᑕᓗ ᐊᔪᖏᑦᑑᓐᓇᓱᒋᔪᑦ ᔨᕆᒤᐊ ᐅᖃᐅᑎᕚᑦ, “ᓱᓕᖏᑦᑐᓂᒃ ᐅᖃᕐᐳᑎᑦ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑎᓕᓐᖏᓛᑎᑦ ᐅᖃᕐᑎᑦᓴᕐᑐᕐᓗᑎᑦ ᐄᑦᔨᑉᑎᒥ ᓄᓇᖃᖁᖏᓪᓗᑕ.

ᒤᑲᐅᑉ ᐊᒡᓚᖏᑦ 1:5

ᑕᒪᓐᓇ ᑍᒤᓐᓂᐊᕐᐳᖅ ᐃᓴᕆᐊᓕᐅᑉ ᐊᔪᕐᑐᓕᓂᖓ ᐱᓪᓗᒍ, ᔧᑰᑉ ᑭᖑᕚᖏᓐᓄᑦ. ᑭᓈ ᐸᓯᔭᒃᓴᐅᕚ ᐃᓴᕆᐊᓕᐅᑉ ᐊᔪᕐᑐᓕᓂᖏᑦ ᐱᓪᓗᒌᑦ? ᓴᒥᐊᕆᐊᒥᐅᑦ ᐸᓯᔭᒃᓴᐅᕗᑦ! ᓴᒥᐊᕆᐊ ᑭᓈ ᐸᓯᔭᒃᓴᐅᕚ ᔫᑕᐅᑉ ᒎᑎᓐᖑᐊᖃᕐᓂᖏᓐᓅᑦ? ᔨᕉᓴᓕᒻ ᐸᓯᔭᒃᓴᐅᕗᖅ!

ᐋᐴᓯᑕᓖᑦ ᐱᓂᐊᕐᓂᖏᑦ 27:11

ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᐸᐅᓗᓯᐅᑉ ᐅᖃᐅᓯᖓᓂᒃ ᓈᓚᓐᖏᓚᖅ, ᐅᒥᐊᕐᔪᐊᑉ ᐊᖁᑎᖓ, ᐅᒥᐊᕐᔪᐊᒥᒃ ᓇᖕᒥᓂᓕᒃ ᓈᓚᖔᕈᒪᓪᓗᒋᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 27:25

ᑕᒪᓐᓇ ᐱᓪᓗᒍ ᓇᖏᐊᕐᑍᓕᒋᑦᓯ, ᒎᑎ ᐅᒃᐱᕆᒐᒃᑯ, ᐅᖃᐅᓯᕆᔭᖓ ᓱᓕᓂᐊᕐᒪᑦ.

ᕉᒪᒥᐅᓄᑦ 11:20

ᑕᒪᓐᓇ ᓱᓕᕗᖅ. ᑍᒃᑯᐊᓕ ᓇᑲᑕᐅᓚᐅᕐᐳᑦ ᐅᒃᐱᖏᓐᓂᖏᓐᓄᑦ, ᐃᕝᕕᓪᓕ ᓇᖏᕐᐳᑎᑦ ᐅᒃᐱᕐᓂᒃᑯᑦ ᑭᓯᐊᓂ. ᑍᒤᒻᒪᑦ ᐱᐅᔪᕆᓕᕐᓂᐊᕐᓇᒃ, ᓯᕘᕋᓗᑎᓪᓕ ᓂᑯᕕᖓᒋᑦ.

ᐄᑉᕈᐃᓄᑦ 11:6

ᐅᒃᐱᕐᓂᖃᖏᓪᓗᓂ ᒎᑎᒧᑦ ᖁᕕᐊᒋᔭᐅᓂᖅ ᐊᔪᕐᓇᕕᒃᐳᖅ. ᒎᑎᒧᐊᕈᒪᔪᖅ ᒎᑎᖃᕐᑐᒥᒃ ᐅᒃᐱᕐᑐᒃᓴᐅᕗᖅ ᑖᓐᓇ ᕿᓂᕐᑎᒥᓄᑦ ᐊᑭᓖᔪᓐᓇᕐᒪᑦ.

ᔪᐊᓇᓯ ᓯᕗᓪᓖᑦ 5:10

ᑖᓐᓇ ᒎᑎᐅᑉ ᐃᕐᓂᖓᓂᒃ ᐅᒃᐱᕐᑐᖅ ᓇᓗᓁᕐᓯᓂᖅ ᑕᒪᓐᓇ ᐃᓗᒥᐅᑕᕆᕚ. ᓇᓪᓕᐊᓪᓕ ᒎᑎᒥᒃ ᐅᒃᐱᖏᑦᑐᖅ ᑖᓐᓇ ᓴᒡᓗᑐᔫᑎᑦᓯᕗᖅ ᒎᑎᒥᒃ, ᒎᑎᐅᑉ ᐃᕐᓂᕐᒥᓂᒃ ᓇᓗᓁᕐᓯᓂᖓ ᐅᒃᐱᕆᖏᓐᓇᒥᐅᒃ.