ᐂᓮᐊᓯᐅᑉ ᐊᒡᓚᖏᑦ 7:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ “ᐊᑕᓂᖅ ᒎᑏᑦ ᐅᖃᐅᑎᒍᒃ ᓇᓗᓁᒃᑯᑕᕐᒥᒃ ᑕᑯᑎᑕᐅᔪᒪᓗᑎᑦ ᑐᖁᖓᔪᑦ ᐃᓂᖓᓃᑦᑐᒥᒃ ᐅᕝᕙᓘᓐᓃᑦ ᕿᓚᖕᒥᓐᖔᕐᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 7:11 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:3

ᓇᓗᓁᒃᑯᑕᕐᒥᒃ ᐊᑐᓛᕐᑐᒥᒃ ᐅᓪᓗᖅ ᓇᓪᓕᐊᑎᒃᐸᑦ ᐅᖃᕐᓗᓂ, “ᐅᓇ ᑕᕝᕙ ᓇᓗᓁᒃᑯᑕᐅᓛᕐᑐᖅ ᐊᑕᓂᐅᑉ ᐅᖃᕐᓂᖓᓄᑦ: ‘ᑕᑯᒋᑦ, ᑐᓂᕐᕈᓯᕐᕕᒃ ᓯᖁᒥᑕᐅᔪᒫᕐᐳᖅ, ᐊᕐᔭᓕᓃᓪᓗ ᐃᓗᐊᓃᑦᑐᑦ ᓈᕕᓪᓗᑎᒃ ᒪᓂᖅᑲᒧᑦ.’”

ᐊᑕᓃᑦ ᐂᑉᐸᖏᑦ 19:29

“ᐃᒫᒃ ᓇᓗᓁᒃᑯᑕᒃᓴᐅᕗᖅ ᐃᓕᖕᓄᑦ: ᐊᕐᕌᒍᒥ ᑕᕝᕙᓂ, ᐊᕐᕌᒎᔪᒫᕐᑐᒥᓗ ᐱᕈᕐᓰᕕᖕᒥᐅᖏᑦᑐᖅ ᑕᒫᓂᑐᐃᓐᓇᖅ ᐱᕈᕐᑐᕕᓂᕐᓂᒃ ᑭᓯᐊᓂ ᓂᕿᒃᓴᖃᕐᓂᐊᕐᐳᓯ, ᑭᓯᐊᓂ ᑕᒪᒃᑯᐊ ᑭᖑᓂᖓᓂ ᓇᖕᒥᓂᖅ ᑲᓐᖓᕐᓱᕐᑕᕕᓂᑦᓯᓐᓂᒃ ᑲᑎᕐᓱᐃᔪᓐᓇᕐᓯᔪᒫᕐᐳᓯ, ᐸᐅᕐᖓᓄᓪᓗ ᐱᕈᕐᓰᕕᓕᐊᕕᓂᑦᓯᓐᓄᑦ ᐸᐅᕐᖓᕐᑐᒐᒃᓴᖃᓕᕈᒫᕐᐳᓯ.

ᒨᓯᓯ ᐂᑉᐸᖏᑦ 7:9

“ᐰᕉᒧᑦ ᐅᖃᐅᑦᔭᐅᒍᑦᓯᒃ, ‘ᓱᓕᓂᑦᓯᖕᓂᒃ ᓇᓗᓁᕐᓯᓚᐅᕆᑦᓯᒃ ᑲᒪᓇᕐᑐᓕᓂᒃᑯᑦ.’ ᑕᕝᕙ ᐂᕉᓂᒧᑦ ᐅᖃᕐᑐᒃᓴᐅᕗᑎᑦ, ‘ᐊᔭᐅᑉᐱᐊᑦ ᐃᓕᓚᐅᕈᒃ ᐰᕉᑉ ᓵᖓᓄᑦ, ᖁᒡᓗᒋᐊᓐᖑᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 37:30

ᑕᕝᕙ ᕼᐃᓯᑬᐊ ᐅᖃᐅᑎᕚ, “ᐅᑯᐊ ᑕᕝᕙ ᓇᓗᓁᒃᑯᑕᐅᓂᐊᕐᑐᑦ ᐃᓕᖕᓄᑦ: ᐊᕐᕌᒍᒥ ᑕᕝᕙᓂ ᓂᕿᖃᕐᓂᐊᕐᐳᓯ ᐃᒻᒥᓂᒃ ᐱᕈᕐᑐᕕᓂᕐᓂᒃ, ᐊᕐᕌᒎᓪᓗ ᐂᑉᐸᖓᓂ ᓂᐊᖂᔭᒃᓴᓂᒃ ᐃᒻᒥᖕᓂᒃ ᐱᕈᕐᑐᕕᓂᕐᓂᒃ; ᐊᕐᕌᒍᐃᓪᓗ ᐱᖓᔪᐊᓐᓂ ᑲᓐᖓᕐᓱᐃᓛᕐᐳᓯ ᑲᑎᕐᓱᐃᓗᓯᓗ, ᐱᕈᕐᓰᕕᖕᓂᒃ ᕔᓂᒃᓴᓂᒃ ᐋᖅᑭᒃᓱᐃᓗᓯ ᐱᕈᕐᑐᖏᓐᓂᒡᓗ ᓂᕿᖃᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 38:22

ᕼᐃᓯᑬᐊᓗ ᐊᐱᕆᓚᐅᕐᐳᖅ, “ᓱᓇᒥᒃ ᓇᓗᓁᒃᑯᑕᖃᕐᓂᐊᕐᐹ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓄᑦ ᐃᑎᒃᑲᓐᓂᕈᓐᓇᕐᓯᓛᕐᓂᓐᓂᒃ?”

ᐂᓮᐊᓯᐅᑉ ᐊᒡᓚᖏᑦ 55:13

ᐅᕐᐲᑦ ᑲᑭᓐᓇᕐᑐᓖᑦ ᐃᓇᖏᕐᑕᐅᔪᕐᒫᕐᐳᑦ ᓇᐹᕐᑐᓪᓚᕆᖕᓂᒃ ᐱᕈᕐᑐᓕᖕᓂᒃ; ᐊᕚᓚᕿᐊᑦ ᐃᓇᖏᕐᑕᐅᔪᒫᕐᐳᑦ ᐱᕈᕐᑐᓕᖕᓂᒃ ᓇᐹᕐᑐᑦᓯᐊᓂᒃ ᒨᕐᑐᓂᒃ ᐅᖃᐅᔭᕆᒃᑐᓂᒃ; ᑕᒪᒃᑯᐊ ᐊᑕᓂᐅᑉ ᐃᓕᑕᕆᔭᐅᑦᔪᑎᒃᓴᕆᓪᓗᒋᑦ, ᓇᓗᓁᒃᑯᑕᐅᑎᑦᓱᒫᕐᐰᑦ ᐃᓱᖃᖏᑦᑐᒧᑦ ᓱᕋᒃᑕᐅᔪᓐᓇᖏᓪᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 7:10

ᐊᑕᓂᕐᓗ ᐅᖃᒃᑲᓐᓂᕆᕗᖅ ᐂᕼᐊᔅᒧᑦ,

ᐂᓮᐊᓯᐅᑉ ᐊᒡᓚᖏᑦ 7:12

ᐂᕼᐊᔅᓕ ᑭᐅᕗᖅ, “ᓇᓗᓁᒃᑯᑕᕐᒥᒃ ᑕᑯᔪᒪᖏᑦᑐᖓ ᐊᑕᓂᖅ ᐆᒃᑐᕈᒪᖏᓐᓇᒃᑯ.”

ᔨᕆᒤᐊᐅᑉ ᐊᒡᓚᖏᑦ 19:1

ᐃᒫᒃ ᐊᑕᓂᖅ ᐅᖃᕐᐳᖅ, “ᓂᐅᕕᕆᐊᕆᑦ ᒪᕐᕋᐅᔭᓕᐅᕐᑎᒥᑦ ᒪᕐᕋᐅᔭᕐᒥᒃ, ᐱᖃᑎᖃᕐᓗᑎᑦ ᐊᖓᔪᖅᑳᓂᒃ ᑐᓂᕐᕈᓯᕐᑎᑦᓯᔨᓂᒡᓗ ᐊᖓᔪᒃᓕᓂᒃ.

ᔨᕆᒤᐊᐅᑉ ᐊᒡᓚᖏᑦ 19:10

“ᑕᕝᕙ ᒪᕐᕋᐅᔭᖅ ᓯᖁᒥᑕᒃᓴᕆᕙᑦ ᐃᓕᖕᓂᒃ ᒪᓕᒃᓯᒪᔪᑦ ᑕᑯᓐᓇᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 44:29

ᐃᓕᑦᓯᓐᓄᑦ ᓇᓗᓁᒃᑯᑕᐅᓕᕐᓕ ᑕᕝᕙᓂ ᓄᓇᒋᔭᑦᓯᓐᓂ ᓱᒋᐊᕈᒫᕋᑦᓯ, ᐊᑕᓂᖅ ᐅᖃᕐᐳᖅ, ᓯᕘᕋᓮᓂᕆᔭᒃᑲ ᐃᓕᑦᓯᓐᓂᒃ ᑍᒤᓕᖕᒊᓐᓇᕐᓂᐊᕐᒪᑕ ᐊᑐᓕᖏᓐᓂᓕᒫᒥᖕᓂ.

ᓘᑲᓯᐅᑉ ᐊᒡᓚᖏᑦ 2:12

ᐃᒫᒃ ᖃᐅᔨᒪᑦᔪᑎᖃᕐᓂᐊᕐᐳᓯ; ᓄᑕᕋᑯᓗᒃ ᑕᑯᓂᐊᕐᐸᓯ ᐊᓐᓄᕌᕕᓂᕐᓂᒃ ᐃᒻᒧᓯᕐᓯᒪᔪᖅ ᐆᒪᔪᐃᓪᓗ ᓂᕐᕆᕕᐊᓂ ᐃᓕᓯᒪᔪᖅ.”