ᐂᓮᐊᓯᐅᑉ ᐊᒡᓚᖏᑦ 65:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᔪᕐᑐᓕᓂᖏᑦ ᓯᕗᓕᕕᓂᖏᑕᓗ ᐊᔪᕐᑐᓕᓂᖏᑦ ᑲᑎᓪᓗᒋᑦ, ᐊᑕᓂᖅ ᐅᖃᕐᐳᖅ; ᑐᓂᕐᕈᓯᖃᑦᑕᓚᐅᕐᓂᖏᓐᓄᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᖃᖅᑬᑦ ᖄᖏᓐᓂ, ᐱᖑᕐᓂᓗ ᓇᕐᕈᓇᕐᓯᑎᑦᓯᓪᓗᑎᒃ ᐅᕙᓐᓂᒃ, ᑍᒤᒻᒪᑦ ᓵᖓᓐᓄᐊᕐᓯᔪᒫᕐᐳᖓ ᐊᑭᓂᐊᕐᕕᐅᔪᒃᓴᐅᓂᖏᓐᓂᒃ ᐊᔪᕐᑐᓕᓂᕆᓯᒪᔭᖏᑦ ᒪᓕᒡᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 65:7 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 22:43

ᐊᑖᑕᒥᓂᒃ ᐂᓴᐅᑉ ᐱᓂᐊᕐᓂᖏᓐᓂᒃ ᒪᓕᓚᐅᕐᐳᖅ; ᓴᖑᓚᐅᕋᓂ ᓇᓪᓕᐊᓐᓄᓪᓘᓐᓃᑦ, ᐱᓂᐊᕐᓂᖃᓚᐅᕐᐳᖅ ᓈᒻᒪᒃᑐᒥᒃ ᐊᑕᓂᐅᑉ ᑕᑯᓐᓇᕐᑕᖓᒍᑦ; ᑭᓯᐊᓂᓕ ᖁᑦᓯᒃᑐᒥ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ, ᐃᓄᐃᑦ ᓱᓕ ᑐᓂᕐᕈᓯᖃᑦᑕᓚᐅᕐᐳᑦ ᑎᐱᑦᓯᐊᕆᒃᑐᓂᒡᓗ ᐃᑯᐊᓪᓔᕙᒃᓗᑎᒃ ᖁᑦᓯᒃᑐᒥ ᑐᒃᓯᐊᕐᕕᐅᕙᒃᑐᓂ.

ᐊᑕᓃᑦ ᓯᕗᓪᓖᑦ 22:44

ᔨᕼᐆᓴᐸᑦᓗ ᐃᓚᓕᐅᕆᓚᐅᕐᐳᖅ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓂᒃ.

ᐊᑕᓃᑦ ᐂᑉᐸᖏᑦ 12:3

ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᑦ ᐲᔭᕐᑕᐅᓚᐅᓐᖏᓚᑦ ᓱᓕ. ᐃᓄᐃᓪᓗ ᒪᓕᒃᑐ ᑕᒪᒃᑯᓂᖓ ᑐᓂᕐᕈᓯᕆᐊᕐᑐᖃᑦᑍᓐᓇᓚᐅᕐᐳᑦ ᐳᔫᕐᑎᑦᓯᔭᕐᑐᕐᐸᒡᓗᑎᒡᓗ.

ᐊᑕᓃᑦ ᐂᑉᐸᖏᑦ 14:4

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᖏᒻᒪᒋᑦ, ᐃᓄᐃᑦ ᒎᑎᓐᖑᐊᓄᑦ ᑐᒃᓯᐊᕐᕕᖃᕐᐸᒃᑐᑦ ᑲᔪᓯᑐᐃᓐᓇᓚᐅᕐᒪᑕ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖓᑦ ᐳᔫᕐᑎᑦᓯᖃᑦᑕᕐᓂᖏᓪᓗ.

ᐊᑕᓃᑦ ᐂᑉᐸᖏᑦ 15:35

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᒎᑎᓐᖑᐊᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᐴᔫᕐᑎᑦᓯᕙᒡᓗᑎᒡᓗ. ᔫᑕᒥᐅᓪᓕ ᐊᑕᓂᐅᑉ ᐃᒡᓗᖓᑕ ᐅᓐᓄᐊᓪᓗᐊᖓᑕ ᓇᓛᓃᑦᑐᖅ ᐃᑎᕐᑕᕐᕕᒃ ᓴᓇᔭᐅᑎᓚᐅᕐᐹ.

ᐊᑕᓃᑦ ᐂᑉᐸᖏᑦ 16:4

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐳᕐᑐᔪᓃᑦᑐᑦ ᓇᐹᕐᑐᐃᓪᓗ ᑐᖑᔪᕐᑐᓕᒫᑦ ᐊᑖᓂ ᐂᕼᐊᓯ ᑐᒃᓯᐊᖃᑕᐅᓚᐅᕐᐳᖅ ᑐᓂᕐᕈᓯᖃᑕᐅᖃᑦᑕᕐᓗᓂᓗ.

ᑯᕉᓂᑲ ᐂᑉᐸᖏᑦ 21:11

ᓱᓕᓗ ᓴᓇᓚᐅᕆᕗᖅ ᒎᑎᓐᖑᐊᒧᑦ ᑐᒃᓯᐊᕐᕕᖕᓂᒃ ᔫᑕᐅᑉ ᖃᖅᑲᖏᓐᓂ, ᔨᕉᓴᓕᒥᓗ ᓄᓇᖃᕐᑐᑦ ᐊᔪᕐᑐᓕᑎᓚᐅᕐᐰᑦ, ᔫᑕᒥᐅᓪᓗ ᑕᒻᒪᕐᑎᓪᓗᒋᑦ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 13:11

“ᓄᓇᕐᔪᐊᖅ ᓱᒋᐊᕈᒫᕐᐸᕋ ᐊᔪᕐᑐᓕᓃᑦ ᐱᓪᓗᒋᑦ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᖏᑦ ᐱᓪᓗᒋᑦ; ᐱᐅᔪᕆᔪᑦ ᑲᑉᐱᐊᒋᔭᐅᔪᒪᓂᖏᑦ ᐃᓱᓕᑎᑦᓱᒫᕐᐸᒃᑲ, ᒥᑭᒡᓕᑎᓪᓗᒋᓪᓗ ᐊᔪᖏᓐᓇᓱᒋᔪᑦ ᓂᑲᒍᓱᖃᖏᓐᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 22:14

ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐅᖃᐅᑎᓚᐅᕐᐹᖓ, “ᑕᒪᓐᓇ ᐊᔪᕐᑐᓕᓂᖅ ᐃᓱᒪᒋᔪᓐᓁᕐᑕᐅᑦᔪᑎᒋᓂᐊᓐᖏᓛᑦ ᐃᓅᓂᓕᒫᖏᓐᓂ,” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 26:21

ᑕᑯᒋᑦ, ᐊᑕᓂᖅ ᐃᓂᒋᔭᒥᓂᑦ ᑎᑭᓐᓂᐊᕐᒪᑦ ᓄᓇᕐᔪᐊᕐᒥᐅᓂᒃ ᓱᒋᐊᕐᓯᔭᕐᑐᕐᓗᓂ ᐊᔪᕐᑐᓕᓂᖏᑦ ᐱᑦᔪᑎᒋᓗᒋᑦ, ᐃᔨᕋᕐᑐᕐᓗᑎᒃ ᐃᓄᐊᕐᓯᖃᑦᑕᕐᓃᑦ ᓄᓇᕐᔪᐊᕐᒥ ᓴᖅᑭᑎᑕᐅᔪᒫᕐᒪᑕ, ᐃᓄᐊᕐᑕᐅᖃᑦᑕᕐᑐᕕᓃᓪᓗ ᓄᓇᐅᑉ ᐃᔨᕐᓯᒪᓂᐊᕈᓐᓃᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 28:21

ᐊᑕᓂᖅ ᒪᑭᑦᓱᒫᕐᒪᑦ ᖃᖅᑲᒥ ᐱᕋᔨᒻᒥ ᐱᓇᓱᐊᓚᐅᕐᓯᒪᓂᕐᒥᑐᑦ, ᓂᓐᖓᐅᒪᕕᒡᔪᐊᕈᒫᕐᐳᖅ ᒋᐱᐅᓂᐅᑉ ᓇᕐᓴᖓᓂ ᓂᓐᖓᐅᒪᓚᐅᕐᓯᒪᓂᕐᒥᑐᑦ; ᐃᓕᑕᕐᓇᖏᑦᑐᒥᒃ ᐱᓂᐊᕐᓂᓕᒃ, ᐱᓇᓱᐊᕐᑕᒥᓂᒡᓗ ᐱᓇᓱᐊᕐᓗᓂ ᑖᑦᓱᒪ ᐱᓇᓱᐊᕐᓂᖓ ᐊᑦᔨᐅᓐᖏᓚᖅ!

ᐂᓮᐊᓯᐅᑉ ᐊᒡᓚᖏᑦ 29:14

ᑍᒤᒻᒪᑦ ᓱᓕ ᑲᒪᓇᕐᑐᓂᒃ ᐅᑯᐊ ᐃᓄᐃᑦ ᐱᓂᐊᕐᕕᒋᔪᒪᕙᒃᑲ, ᑕᑕᒥᓇᕐᑐᓂᒃ ᖁᐊᕐᓵᖓᓇᕐᑐᓂᒡᓗ; ᓯᓚᑐᔪᖁᑎᖏᓪᓗ ᐊᑐᕈᓐᓃᕈᒫᕐᐳᑦ, ᐃᓄᖏᑕᓗ ᓇᓗᓇᕐᑐᓂᒃ ᖃᐅᔨᔪᓐᓇᕐᓂᖏᑦ ᒪᑐᓯᒪᓕᕈᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 3:11

ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 30:13

ᑍᒤᒻᒪᑦ ᐊᔪᕐᑐᓕᓂᖅ ᑕᒪᓐᓇ ᐃᓕᑦᓯᓐᓄᑦ ᐱᔪᒫᕐᐳᖅ ᐊᕙᓗᕐᔪᐊᑐᑦ ᐃᓚᓐᖓᕐᓯᒪᔪᑐᑦ, ᐊᓂᖓᔪᑐᑦ ᓯᖁᒥᑉᐸᓪᓕᐊᓕᕐᑐᑐᑦ, ᑍᒤᑦᑐᖅ ᐅᕐᕈᓂᐊᕐᐳᖅ ᓂᕆᐅᓇᖏᑦᑐᒥᒃ ᑕᕝᕔᓐᓇᖅ.

ᐂᓮᐊᓯᐅᑉ ᐊᒡᓚᖏᑦ 30:14

ᓯᖁᒥᑉᐳᖅ ᒪᕐᕋᓕᐅᕐᑎᐅᑉ ᐃᓗᓕᖁᑎᓕᐊᖓᑐᑦ, ᓯᖁᒥᑕᐅᔪᑐᑦ ᓂᑲᒋᔭᐅᓇᓂ ᓯᖁᒥᓐᓂᑯᖏᑦ ᐊᒡᓛᑦ ᓇᓂᔭᒃᓴᐅᓐᖏᓚᑦ ᐃᑯᒪᒥᓘᓐᓃᑦ ᐊᒥᐊᒃᑯᕕᓂᕐᒥᒃ ᑎᒍᔭᐅᔪᒃᓴᖃᓐᖏᓚᖅ, ᐃᒥᕐᑕᕐᕕᖕᒥᓪᓘᓐᓃᑦ ᐃᑎᔪᒥᑦ ᖃᓗᓯᑦᔪᑎᒃᓴᖃᓐᖏᓚᖅ.”

ᐂᓮᐊᓯᐅᑉ ᐊᒡᓚᖏᑦ 57:12

ᐃᓱᐊᕐᑑᓂᕋᕐᓗᓯ ᐱᓂᐊᕐᓂᑦᓯᐊᕆᖕᓂᕋᕐᓗᓯᓗ ᐅᖃᐅᓯᕆᓂᐊᕐᐸᑦᓯ, ᑕᒪᓐᓇᓕ ᐃᓕᑦᓯᓐᓄᑦ ᐃᑲᔪᕈᑎᒃᓴᖃᕐᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 57:7

ᓄᓇᓂ ᐳᕐᑐᔪᓂ ᐱᖑᕐᓂᓗ ᐃᓇᖓᖃᑎᒌᒋᐊᕐᑐᕐᐸᒃᐳᓯ, ᑐᓂᔭᒃᓴᑦᓯᓐᓂᒡᓗ ᑐᓂᕐᕈᓯᕆᐊᕐᑐᕐᐸᒃᓗᓯ.

ᐂᓮᐊᓯᐅᑉ ᐊᒡᓚᖏᑦ 59:18

ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ ᐊᑭᓕᕈᒫᕐᐰᑦ, ᐊᑭᕋᕐᑐᕐᑎᓂ ᓂᓐᖓᐅᒪᓂᕐᒥᓄᑦ ᐱᓇᓱᐊᕐᕕᒋᔪᒫᕐᐰᑦ; ᐊᑭᕋᕐᑐᕐᑎᓂ ᑍᒫᓪᓗᐊᖅ ᐱᓂᐊᕐᕕᒋᓗᒋᑦ; ᐃᒪᐅᓪᓗ ᓯᓈᓂᒥᐅᑦ ᐱᓂᐊᕐᓂᖏᑦ ᒪᓕᒡᓗᒋᑦ ᐱᓇᓱᐊᕐᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 65:6

“ᑕᑯᒋᑦ, ᐊᒡᓚᒃᓯᒪᕗᑦ ᓵᓐᓂ; ᓂᐰᑐᐃᓐᓇᕐᓂᐊᓐᖏᓚᖓ ᐊᑭᓂᐊᕈᒫᕐᐳᖓ, ᐃᓛᒃ ᐊᑭᓂᐊᕐᓂᕋ ᓵᖏᓐᓄᑦ ᐱᑎᑦᓱᒫᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 66:4

ᓂᕈᐊᓛᕆᕗᖓ ᐋᓐᓂᐊᑎᑕᐅᑦᔪᑎᒃᓴᖏᓐᓂᒃ, ᑲᑉᐱᐊᒋᔭᖏᓐᓂᒃ ᑎᑭᕝᕕᐅᑎᑦᓱᒫᕐᐸᒃᑲ; ᕾᖁᔨᑎᓪᓗᖓ ᓇᓪᓕᐊᓐᓂᒡᓘᓐᓃᑦ ᑭᐅᔪᖃᓚᐅᖏᒻᒪᑦ, ᐅᖃᓪᓚᒃᑎᓪᓗᖓ ᓈᓚᓚᐅᖏᒻᒪᑕ; ᐱᐅᖏᑦᑐᒥᒡᓕ ᑕᑯᓐᓇᕐᑕᒃᑯᑦ ᐱᓇᓱᐊᖔᑐᐃᓐᓇᓚᐅᕐᐳᑦ, ᐊᑐᕋᓱᖔᕐᓗᑎᒡᓗ ᖁᕕᐊᒋᓐᖏᑕᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 13:25

ᑖᒃᑯᐊ ᑕᕝᕙ ᓄᓇᖁᑎᓯ ᓇᓚᐅᑦᑖᕈᑎᒃᑯᑦ ᑭᒡᓕᓕᐅᕐᓯᒪᔪᑦ, ᐃᓕᑦᓯᓐᓄᑦ ᐱᔭᐅᖁᓪᓗᒋᑦ ᓇᓗᓁᕐᓯᒪᔭᒃᑲ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᐳᐃᒍᓚᐅᕋᑦᓯ ᑕᑎᖃᓕᕐᓗᓯᓗ ᓱᓕᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 13:27

ᓇᕐᕈᓇᕐᑐᓕᓂᓯ ᑕᑯᓯᒪᒐᒃᑭᑦ, ᐊᓯᓐᓂᐊᕐᓯᒪᓂᓯ ᐱᔪᒪᓗᐊᕐᓂᓯᓗ, ᑲᓐᖑᓱᒐᓯ ᓄᓕᐊᕐᓃᑦ ᐱᓇᓱᐊᓚᐅᕐᑕᓯ ᑕᑯᓯᒪᕙᒃᑲ, ᖃᖅᑬᑦ ᖄᖏᓐᓂ ᓇᑎᕐᓇᓂᓗ. ᑲᑉᐱᐊᓐᓇᒦᖑᔪᓯ ᔨᕉᓴᓕᒥᐅᑦ! ᖃᓄᖅ ᐊᑯᓂᐅᑎᒋᔪᖅ ᓴᓗᒤᑦᑑᓂᐊᕐᐱᓰ?”

ᔨᕆᒤᐊᐅᑉ ᐊᒡᓚᖏᑦ 16:18

ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᔪᒫᕐᐸᒃᑲ ᐱᐅᖏᑦᑐᓕᓂᖏᓐᓄᑦ ᐊᔪᕐᑐᓕᓂᖏᓐᓄᓪᓗ, ᓄᓇᖁᑎᒐ ᓇᕐᕈᓇᕐᓯᑎᑕᐅᓯᒪᖕᒪᑦ ᐆᒪᖏᑦᑐᓂᒃ ᒎᑎᓐᖑᐊᓕᐅᕐᕕᐅᓪᓗᑎᒃ, ᑭᖑᕐᖑᑎᔭᒃᓴᕋᓗ ᓇᕐᕈᓇᕐᑐᓂᒃ ᒎᑎᓐᖑᐊᓂᒃ ᑕᑕᑎᕐᓯᒪᕚᑦ.”

ᔨᕆᒤᐊᐅᑉ ᐊᒡᓚᖏᑦ 5:29

ᑕᒪᒃᑯᓄᖓ ᓱᒋᐊᕆᐊᖃᓐᖏᓚᒃᑳ? ᐊᑕᓂᖅ ᐅᖃᕐᐳᖅ, ᐊᑭᓂᐊᕐᑐᒃᓴᐅᓐᖏᓚᖔ ᐃᓅᖃᑎᒋᒡᔪᐊᓂᒃ ᑍᒤᓕᐅᕐᑐᓃᒃ?

ᔨᕆᒤᐊᐅᑉ ᐊᒡᓚᖏᑦ 5:9

ᓱᒋᐊᕐᓯᔪᒃᓴᐅᓐᖏᓚᖔ ᐃᓕᖅᑯᓯᕆᔭᖓᑦ ᐱᓪᓗᒍ? ᐊᑭᓂᐊᕐᑐᒃᓴᐅᓐᖏᓚᖔ? ᐃᓅᖃᑎᒌᒡᔪᐊᓄᑦ ᑍᒤᓕᐅᕐᑐᓄᑦ?

ᐃᓯᑭᐊᓕᐅᑉ ᐊᒡᓚᖏᑦ 18:6

ᐃᓴᕆᐊᓕᐅᑉ ᑭᖑᕚᖏᑕ ᒎᑎᓐᖑᐊᖏᓐᓄᑦ ᑐᒃᓯᐊᖃᑕᐅᓚᐅᖏᓪᓗᓂ ᓂᕆᓚᐅᖏᓪᓗᓂᓗ ᐆᒪᔪᓂᒃ ᑐᓂᕐᕈᑎᕕᓂᕐᓂᒃ ᒎᑎᓐᖑᐊᓄᑦ, ᐃᓅᖃᑎᒥᓗ ᓄᓕᐊᖓᓂᒃ ᑲᒪᓇᓱᐊᓚᐅᕐᓯᒪᖏᓪᓗᓂ ᐱᖃᑎᖃᓚᐅᕐᓯᒪᖏᓪᓗᓂᓗ ᐊᕐᓇᒥᒃ ᐊᐅᓈᕐᕕᖓ ᓇᓪᓕᐅᑎᓯᒪᑎᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 9:8

ᐊᑕᓃᖅ, ᐅᕙᒍᑦ ᐊᖓᔪᖅᑳᕐᔪᐊᕗᑦ, ᐊᖓᔪᖅᑳᕗᓪᓗ, ᓯᕗᓕᕕᓂᕗᓪᓗ ᐅᓕᒃᓯᒪᕗᒍᑦ ᑲᓐᖑᓱᖕᓂᕐᒥᒃ, ᐊᔪᕐᑐᓕᓯᒪᒐᑦᑕ ᐃᓕᖕᓄᑦ.

ᕼᐆᓯᐊᑉ ᐊᒡᓚᖏᑦ 11:2

ᕾᖁᒃᑲᓐᓂᓕᕌᖓᒃᑭᑦ ᕿᒫᒃᑲᓐᓂᖃᑦᑕᓚᐅᕐᐳᑦ ᐅᕙᓐᓂᒃ, ᐰᓕᒧᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ, ᐃᑯᐊᓪᓔᕙᒃᓗᑎᒡᓗ ᑎᐱᑦᓯᐊᕆᒃᑐᓂᒃ ᒎᑎᓐᖑᐊᓄᑦ.

ᕼᐆᓯᐊᑉ ᐊᒡᓚᖏᑦ 2:13

ᓱᒋᐊᕐᓂᐊᕐᐸᕋᓗ ᓇᓪᓕᐅᓐᓂᕐᓯᐅᖃᑦᑕᕐᓂᕆᓚᐅᕐᑕᖓᓄᑦ ᐰᓕᒧᑦ ᐃᑭᑦᓯᓂᕆᖃᑦᑕᓚᐅᑕᖓᓄᓪᓗ ᐃᓯᕐᓗᐊᕐᓂᑎᑦᓯᓂᕐᒥᒃ ᑖᒃᑯᓄᖓ ᐱᐅᓴᐅᑎᓂᒡᓗ ᐊᑐᖃᑦᑕᕐᓂᕆᔭᖓ ᓇᒡᒍᐊᕐᒥᖕᓂᒡᓗ, ᐱᖃᑎᒋᕙᒃᑕᒥᓄᓪᓗ ᐅᐸᒍᑎᖃᑦᑕᓚᐅᕐᓂᖓᓄᑦ, ᐅᕙᓐᓂᒡᓗ ᐳᐃᒍᐃᓂᕆᓚᐅᕐᑕᖓᓄᑦ, ᐅᖃᕐᐳᖅ ᐊᑕᓂᖅ.”

ᒨᓯᓯ ᐱᖓᔪᖏᑦ 26:39

ᐃᓕᑦᓯᓗ ᐊᒥᐊᒃᑰᔪᓯ ᓄᖑᑉᐸᓪᓕᐊᔪᒫᕐᐳᓯ ᐊᑭᕋᑦᓯ ᓄᓇᖏᓐᓂ ᐊᔪᕐᓂᓯ ᐱᑦᔪᑎᒋᓪᓗᒋᑦ; ᓯᕗᓕᑦᓯᓗ ᐊᔪᕐᓂᖏᑦ ᐱᑦᔪᑎᒋᓪᓗᒋᑦ.

ᒨᓯᓯ ᓯᑕᒪᖏᑦ 32:14

ᑕᑯᒋᑦ, ᓯᕗᓕᕕᓂᑦᓯᓐᓂᒃ ᒪᓕᓕᕐᑐᓯ, ᐃᓄᐃᑦ ᐊᔪᕐᑐᓕᔪᑦ, ᐊᖏᒡᓕᑎᑦᓯᒃᑲᓐᓂᕐᓗᓯ ᐊᑕᓂᐅᑉ ᓂᓐᖓᐅᒪᓂᖓᓂᒃ ᐃᓴᕆᐊᓕᒥᐅᓄᑦ.

ᓘᑲᓯᐅᑉ ᐊᒡᓚᖏᑦ 6:38

ᑐᓂᓯᒋᑦᓯ, ᑕᕝᕙ ᑐᓂᓯᕕᐅᓛᕆᕗᓯ; ᐆᒃᑑᒻᒧᑦ ᑕᑕᑦᑐᒥᒃ, ᓯᑎᓴᕐᓯᒪᔪᒥᒃ, ᐊᐅᓚᑎᓪᓗᒍ ᑕᑕᑎᕐᓯᒪᔪᒥᒃ, ᐊᒥᒐᓐᖏᓗᐊᕐᑐᒥᒃ ᑕᕝᕙ ᑐᓂᓯᕕᐅᒐᔭᕐᐳᓯ. ᐊᓯᑦᓯᓐᓄᑦ ᐱᓂᐊᓂᕆᖃᑦᑕᕐᑕᓯ ᒪᓕᒃᓗᒋᑦ ᐱᓂᐊᕐᕕᐅᔪᒫᕆᕗᓯ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:16

ᐊᒡᓛᑦ ᔫᑎᐅᖏᑦᑐᓄᑦ ᐅᖃᓪᓚᖃᑦᑕᖁᔨᓇᑎᒃ ᓄᖅᑲᕐᑎᑦᓯᓇᓱᐊᓚᐅᕐᐳᑦ ᐅᕙᑦᑎᓐᓂᒃ, ᐅᖃᐅᓯᕐᓂᒃ ᐱᐅᓕᔭᐅᑦᔪᑎᒃᓴᖏᓐᓂᒃ; ᑍᒤᓕᐅᕐᓗᑎᒃ ᐊᔪᕐᑐᓕᒃᑲᓐᓂᓚᐅᕐᐳᑦ ᐊᖏᓂᕐᓴᒋᐊᓪᓚᖕᒥᒃ. ᒫᓐᓇᓗ ᒎᑎᐅᑉ ᓂᓐᖓᐅᓯᖓᑕ ᑎᑭᕝᕕᒋᓯᒪᓕᕐᐰᑦ!