ᐂᓮᐊᓯᐅᑉ ᐊᒡᓚᖏᑦ 65:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐅᖃᓚᐅᕐᑎᓐᓇᒋᑦ ᓱᓕ ᑭᐅᖃᑦᑕᕈᒫᕐᐸᒃᑲ, ᐅᖃᕇᕐᑎᓐᓇᒋᑦ ᓱᓕ ᑐᓴᖃᑦᑕᕈᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 65:24 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 24:15

ᓱᓕᓕ ᐅᖃᕇᕐᑎᓐᓇᒍ, ᑕᑯᒋᑦ, ᕇᐱᑲ ᕾᕗᖅ ᐃᒪᖃᐅᑎᓂ ᐃᕐᓱᒡᓗᒍ, ᑖᓐᓇ ᐂᑉᕋᕼᐋᒻ ᓄᑲᖓᑕ ᓇᕼᐅᕆᐅᑉ ᓄᓕᐊᖓᑕᓗ ᒥᐅᓪᑲᐅᑉ ᐃᕐᓂᖓᑕ ᐱᑐᐃᓕᐅᑉ ᐸᓂᖓ.

ᐊᑕᓃᑦ ᐂᑉᐸᖏᑦ 19:20

ᑕᕝᕙ ᐂᓮᐊᓯ ᐂᒨᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᑐᓴᕆᐊᖃᕐᑕᖏᓐᓂᒃ ᐅᖃᕆᐊᕐᑐᕐᑎᑦᓯᕗᖅ, “ᐃᒫᒃ ᑕᕝᕙ ᐊᑕᓂᖅ, ᐃᓴᕆᐊᓕᐅᑉ ᒎᑎᖓᑦ ᐅᖃᕐᐳᖅ: ᑐᒃᓯᐊᕐᓂᕆᔭᑎᑦ ᑐᓴᕐᐸᒃᑲ ᓯᓇᑯᕆᑉᒥᒃ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐱᑦᔪᑎᖃᕐᑎᓪᓗᑎᑦ.

ᐃᓐᖏᕈᑎᑦ 32:5

ᐊᔪᕐᑐᓕᓂᓐᓂᒃ ᓇᓗᓁᕐᓯᕝᕕᒋᓚᐅᕐᐸᒋᑦ, ᐱᐅᖏᑦᑐᓕᓂᒃᑲᓗ ᐃᓕᖕᓄᑦ ᐃᔨᕐᓯᒪᓚᐅᓐᖏᓚᒃᑲ. ᐅᖃᓚᐅᕐᐳᖓ, “ᑕᒻᒪᕐᓂᒃᑲ ᖃᕿᐊᓕᕈᑎᒋᔪᒪᕙᒃᑲ ᐊᑕᓂᕐᒧᑦ,” ᐊᔪᕐᓂᓐᓄᓪᓗ ᐸᓯᔭᒃᓴᐅᓂᒃᑲ ᐃᓱᒪᒋᔪᓐᓁᓚᐅᕐᐸᑎᑦ. ᓰᓚ

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 30:19

ᓮᐅᓂᒥᐅᑕᐅᔪᓯ ᓄᓇᖃᕐᑐᓯᓗ ᔨᕉᓴᓕᒥ; ᕿᐊᓂᐊᕈᓐᓃᕐᐳᓯ. ᑖᑦᓱᒪ ᐊᖏᔪᒥᒃ ᐱᑦᓯᐊᕐᕕᒋᖕᒪᓯ ᕿᓄᓂᑦᓯᓐᓂᒃ ᑐᓴᕈᓂ; ᑐᓴᕈᓂᓯ ᑭᐅᓂᐊᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 55:6

ᐊᑕᓂᖅ ᕿᓂᓕᕐᓯᐅᒃ ᓇᓂᔭᐅᔪᓐᓇᕐᓂᖓᓂ, ᓂᓪᓕᐊᕕᒋᓗᒍᓗ ᖃᓂᓐᓂᖓᓂ.

ᐂᓮᐊᓯᐅᑉ ᐊᒡᓚᖏᑦ 58:9

ᑕᕝᕙ ᓂᓪᓕᐊᓕᕈᑦᓯ, ᐊᑕᓂᐅᑉ ᑭᐅᖃᑦᑕᕐᓂᐊᕐᐹᓯ; ᓂᓪᓕᐊᑐᐊᕌᖓᑦᓯᓗ ᐃᑲᔪᕐᑕᐅᔪᒪᓗᓯ ᐅᖃᖃᑦᑕᕐᓗᓂ “ᐅᕝᕙᐅᕗᖓ.” “ᐅᖁᒤᒃᓴᕐᑎᑦᓯᓂᕐᒥᒃ ᐊᓯᑦᓯᓐᓂᒃ ᕿᒤᓂᐊᕈᑦᓯ, ᐃᖅᑲᕐᑐᖃᑦᑕᐅᑎᓂᕐᒥᒃ, ᐱᐅᖏᑦᑐᓂᒡᓗ ᐅᖃᐅᓯᖃᕐᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 59:1

ᑕᑯᒋᑦ ᐊᑕᓂᐅᑉ ᑕᓕᖓ ᓁᓗᐊᓐᖏᓚᖅ ᐱᐅᓕᒃᓯᔭᕆᐊᒃᓴᖅ, ᓯᐅᑎᖏᒡᓗ ᑐᓵᑦᓯᐊᖏᑦᑑᓇᑎᒃ, ᑐᓴᕈᓐᓁᓪᓕᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 10:12

ᐅᖃᒃᑲᓐᓂᕆᕗᖅ, “ᑲᑉᐱᐊᓱᖏᓪᓗᑎᑦ ᑖᓂᐊᓖ: ᐅᓪᓗᐃᑦ ᓯᕗᓪᓕᕐᐹᖓᓂ, ᑐᑭᓯᔪᒪᓪᓗᑎᑦ ᐃᓱᒪᓕᓚᐅᕋᕕᑦ ᒥᑭᒡᓕᑎᕐᓗᑎᓪᓗ ᒎᑎᒧᑦ, ᐅᖃᐅᓯᕐᑎᑦ ᑐᓵᔭᐅᓚᐅᕐᐳᑦ, ᕾᕗᖓᓗ ᑭᐅᔭᐅᑦᔪᑎᖕᓂᒃ ᐅᖃᐅᑎᔭᕐᑐᕐᓗᑎᑦ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒫᑯᓯᐅᑉ ᐊᒡᓚᖏᑦ 11:24

ᑍᒤᒻᒪᑦ ᐅᖃᐅᑎᕙᑦᓯ, ᑐᒃᓯᐊᕈᑦᓯ ᓱᓇᑐᐃᓐᓇᕐᒥᒃ ᐱᔪᒪᔭᖃᕐᓗᓯ, ᐅᒃᐱᕆᑦᓯ ᐱᔪᒪᔭᓯ ᐱᒐᑦᓯᐅᒃ, ᑕᕝᕙ ᑐᓂᓯᕕᐅᓂᐊᕐᐳᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 4:31

ᑐᒃᓯᐊᕐᒪᑕ, ᑖᓐᓇ ᑲᑎᒪᕝᕕᒋᔭᖓᑦ ᐊᐅᓚᕗᖅ; ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ ᑕᒪᕐᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᓕᓚᐅᕐᐳᑦ ᓯᕘᕋᓇᑎᒃ.