ᐂᓮᐊᓯᐅᑉ ᐊᒡᓚᖏᑦ 62:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᑯᒋᑦ, ᐊᑕᓂᖅ ᐅᖃᐅᑦᔨᓯᒪᓕᕐᐳᖅ ᓄᓇᕐᔪᐊᑉ ᐃᓱᖏᓐᓄᑦ; ᐃᒫᒃ, “ᓮᐅᓂᐅᑉ ᐸᓂᖓ ᐅᖃᐅᑎᓯᐅᒃ, ᑕᑯᒋᑦ, ᐱᐅᓕᔭᐅᕕᒃᓴᓯ ᕾᓕᕐᐳᖅ, ᐊᑭᓕᐅᑎᒃᓴᓂ ᓇᒃᓴᕐᓗᒍ, ᐱᓇᓱᐊᕆᐊᕐᑐᕐᑕᓂᓗ ᐊᑐᐃᓐᓇᕆᕚ.”

ᐂᓮᐊᓯᐅᑉ ᐊᒡᓚᖏᑦ 62:11 ပူးပေါင်းရင်းမြစ်များ

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒫᑎᐅᓯᐅᑉ ᐊᒡᓚᖏᑦ 21:5

“ᓮᐅᓂᐅᑉ ᐃᒡᓗᒐᓴᖏᑦ ᐅᖃᐅᑎᓯᐅᒃ, ᑕᑯᒋᑦ, ᐊᖓᔪᖅᑳᕐᔪᐊᓯ ᕾᓕᕐᐳᖅ! ᐃᒻᒥᓂᒃ ᒥᑭᓕᑎᕐᓗᓂ ᓯᐅᑎᖅᑯᕐᑐᔫᑉ ᖄᖓᓂ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.”

ᔪᐊᓇᓯᐅᑉ ᐊᒡᓚᖏᑦ 12:15

“ᓯᕘᕋᓂᐊᕋᓯ, ᓮᐅᓂᐅᑉ ᐸᓂᖏᑦ; ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᐳᖅ, ᓯᐅᑎᖅᑯᕐᑐᔫᑉ ᓄᕐᕋᖓᑕ ᖄᖓᓂ ᐃᑭᒪᓪᓗᓂ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:12

ᔩᓱᓯᓗ ᐅᖃᕐᐳᖅ, “ᑕᑯᒋᑦ, ᐊᑯᓂᐅᖏᑦᑐᖅ ᕾᓂᐊᕐᐳᖓ, ᐊᑭᓕᐅᑎᒃᓴᕋ ᓇᒃᓴᕐᓗᒍ, ᐱᓂᐊᕐᓂᖏᑦ ᒪᓕᒡᓗᒋᑦ ᐊᑭᓕᕐᑕᐅᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 49:4

ᐅᖃᐅᑎᕙᕋᓕ, ‘ᐱᓇᓱᐊᕐᓂᒃᑲ ᐊᑐᕐᓇᕐᑐᖃᓐᖏᓚᑦ, ᐱᔪᓐᓇᕐᓂᓐᓄᑦ ᐱᓇᓱᐊᕐᓯᒪᔭᒃᑲ ᓱᓇᐅᓐᖏᓚᑦ ᐊᑐᕐᓇᕐᑐᖃᕋᑎᒡᓗ; ᓈᒻᒪᓈᕐᑐᑦ ᐱᔭᕆᐊᖃᕐᑕᒃᑲ ᐊᑕᓂᕐᒦᑉᐳᑦ, ᐊᑭᓕᕐᑕᐅᓂᒃᓴᕋᓗ ᒎᑎᓐᓃᓪᓗᓂ.’

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᒫᑯᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐂᓕᕆᑦᓯ ᐱᓐᖑᕐᑎᑕᐅᓯᒪᔪᓄᑦ ᑕᒤᓐᓄᑦ ᐊᔪᕆᕐᑐᐃᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᒨᓯᓯ ᑕᓪᓕᒪᖏᑦ 30:4

ᐊᒡᓛᒃ ᓄᓇᐅᑉ ᐅᖓᓯᖕᓂᕐᐹᖓᓄᑦ ᓯᐊᒻᒪᕐᑎᑕᐅᓯᒪᒐᓗᐊᕈᑦᓯ, ᐊᑕᓂᐅᑉ ᒎᑎᑦᓯ ᑲᑎᕐᓱᕈᒫᕐᐹᓯ ᐅᑎᕐᑎᓪᓗᓯᓗ,

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 17:10

ᐳᐃᒍᓚᐅᕋᑦᓯ ᒎᑎᒥᒃ ᐱᐅᓕᔨᑦᓯᓐᓂᒃ, ᐃᖅᑲᐅᒪᓇᓯᓗ ᕾᕐᑐᒥᒃ ᕿᒫᕕᒃᓴᑦᓯᓐᓂᒃ; ᑍᒤᒻᒪᑦ, ᐱᕈᕐᓰᒐᓗᐊᕈᑦᓯ ᐱᕈᕐᑐᓂᒃ ᑕᑯᒥᓇᕐᑐᓂᒃ ᑕᕝᕙᓐᖓᓪᓗ ᐃᓕᐅᖅᑬᓗᓯ ᐊᓯᑦᓯ ᒎᑎᓐᖑᐊᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 42:10

“ᐊᑕᓂᕐᒧᑦ ᐃᓐᖏᕆᑦᓯ ᐃᓐᖏᕈᒻᒥᒃ ᓄᑖᒥᒃ, ᓂᕐᑐᕐᓯᐅᒃ ᓄᓇᕐᔪᐊᑉ ᑭᒡᓕᖏᓐᓂᑦ! ᐃᒪᕕᒃ ᐃᒃᑑᓕᔮᕐᓕ ᑕᕝᕙᓂᒥᐅᑕᓕᒫᓪᓗ, ᐃᒪᐅᑉ ᑭᒡᓕᖓᓂᒥᐅᑦ ᑕᒫᓂᓗ ᓄᓇᖃᕐᑐᓯ ᓂᕐᑐᐃᖃᑕᐅᒋᑦᓯ.

ᐂᓮᐊᓯᐅᑉ ᐊᒡᓚᖏᑦ 46:13

ᐱᐅᓕᒃᓯᓂᕋ ᖃᒡᓕᑎᑉᐸᕋ, ᐅᖓᓯᒃᑐᐊᓘᔪᓐᓃᕐᐳᖅ, ᐱᐅᓕᒃᓯᓂᒃᓴᕋ ᐊᑯᓂᐅᓂᐊᓐᖏᓚᖅ ᐱᐅᓕᔭᐅᓂᖅ ᓮᐅᓂᒥ ᐃᓂᖃᕐᑎᓐᓂᐊᕋᒃᑯ; ᐃᓴᕆᐊᓕ ᓂᕐᑐᕐᓇᐅᑎᒋᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 48:20

ᐹᐱᓘᓂᒥᑦ ᐊᐅᓪᓚᓕᕆᑦᓯ! ᑲᐅᓪᑎᐊᒥᐅᓂᒃ ᕿᒫᓕᕆᑦᓯ! ᑕᒪᓐᓇ ᐃᓐᖏᕈᑎᒋᓯᐅᒃ ᓂᐱᖅᑯᕐᑐᓗᓯ ᖁᕕᐊᓱᖕᓂᕐᒧᑦ, ᓇᓗᓁᕐᓯᐅᒃ ᑐᓴᕐᑕᐅᑎᓪᓗᒍ ᓄᓇᕐᔪᐊᑉ ᑭᒡᓕᖏᓐᓄᑦ; ᐅᖃᕐᓗᓯ, “ᐊᑕᓂᐅᑉ ᐱᔨᓂ ᔧᑯ ᐃᒻᒥᓄᑦ ᐅᑎᕐᑎᑉᐹ!”

ᐂᓮᐊᓯᐅᑉ ᐊᒡᓚᖏᑦ 51:5

ᓇᓛᒎᕐᓂᕋ ᖃᓂᑉᐳᖅ, ᐱᐅᓕᒃᓯᓂᕋᓗ ᑎᑭᓕᕐᐳᖅ, ᐱᔪᓐᓇᕐᓂᓐᓄᑦ ᐃᓄᐃᑦ ᐊᐅᓚᑦᓱᒫᕐᐸᒃᑲ; ᐃᒪᐅᑉ ᑭᒡᓕᖓᓃᑦᑐᑦ ᐅᕙᓐᓂᒃ ᐅᑕᖅᑭᔪᒫᕐᐳᑦ, ᐊᖓᔪᖅᑲᐅᓂᓐᓂᒃ ᑕᑎᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 59:20

“ᐱᐅᓕᔨᒃᓴᖅ ᓮᐅᓂᒧᑦ ᑎᑭᑦᓱᒫᕐᒪᑦ ᐱᐅᓕᓯᔭᕐᑐᕐᓗᓂ, ᔧᑰᑉ ᑭᖑᕚᖏᓐᓄᑦ ᐊᔪᕐᓂᕐᒥᑦ ᕿᒤᓯᒪᔪᓄᑦ,” ᐊᑕᓂᖅ ᐅᖃᕐᐳᖅ.