ᐂᓮᐊᓯᐅᑉ ᐊᒡᓚᖏᑦ 61:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 61:3 ပူးပေါင်းရင်းမြစ်များ

ᐃᓐᖏᕈᑎᑦ 30:11

ᕿᒃᓵᖕᓂᕋ ᒧᒥᒃᐸᑦ ᑖᓂᓯᕐᓂᕐᒧᑦ; ᐊᓐᓄᕌᒃᑲ ᖃᕿᐊᓕᕐᑐᕐᓯᐅᑎᑦ ᐲᕐᐸᑎᑦ, ᐊᓐᓄᕌᕐᑎᓪᓗᖓᓗ ᖁᕕᐊᓱᖕᓂᕐᒥᒃ,

ᔪᐊᓇᓯᐅᑉ ᐊᒡᓚᖏᑦ 16:20

ᓱᓕᔪᒥᒃ ᐅᖃᐅᑎᕙᑦᓯ, ᕿᐊᓗᓯᓗ ᐅᒡᒍᐊᓛᕐᐳᓯ, ᓯᓚᕐᔪᐊᕐᒥᐅᓪᓕ ᖁᕕᐊᓱᓛᕐᐳᑦ; ᐃᓕᑦᓯᓕ ᕿᒃᓵᒍᒫᕐᐳᓯ, ᕿᒃᓵᖕᓂᓯᓕ ᖁᕕᐊᓱᓂᖑᕐᑎᑕᐅᓛᕆᕗᖅ.

ᐂᓮᐊᓯᐅᑉ ᐊᒡᓚᖏᑦ 61:10

ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:8

ᐊᓐᓄᕌᑎᑦ ᑍᒪᓐᖓᓕᒫᖅ ᖃᑯᕐᑕᐅᓕᑦ, ᓂᐊᖁᐃᓪᓗ ᐅᕐᓱᕐᑎᕐᓯᒪᔪᓐᓃᕐᑍᓕᓕ.

ᐃᓐᖏᕈᑎᑦ 45:7

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓚᒋᔭᕐᓂᑦ ᐱᑎᑕᐅᓂᕐᓴᐅᓪᓗᑎᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᐃᓐᖏᕈᑎᑦ 23:5

ᓂᕐᕆᕕᖕᒥᒃ ᓂᕆᓂᐊᕐᑕᓐᓂᒃ ᐋᖅᑭᒃᓱᐃᕗᑎᑦ ᐊᑭᕋᕐᑐᕐᑎᒪ ᑕᒃᑯᐊᓐᓂ. ᓂᐊᖁᕋ ᓇᐹᕐᑑᑉ ᐅᕐᓱᖓᓄᑦ ᑯᕝᕕᕆᕙᑦ; ᐃᒥᐅᑎᒐ ᐊᒡᓛᑦ ᑕᑕᓗᐊᓕᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:20

ᐊᑭᑐᔪᒥᒃ ᓂᐅᕕᐊᕆᔭᐅᓯᒪᒐᑦᓯ. ᑍᒤᒻᒪᑦ ᑎᒥᑦᓯᒍᑦ ᒎᑎ ᓂᕐᑐᕐᓇᕐᓯᑎᓯᐅᒃ.

ᓴᑲᕅᐊᐅᑉ ᐊᒡᓚᖏᑦ 3:5

ᐂᖏᓕᐅᓪᓗ ᕿᓚᖕᒥᐅᖑᖃᑎᓂ ᑕᕝᕙᓃᑦᑐᑦ ᐱᖁᕔᑦ ᔮᓱᐊ ᓇᓴᕐᑕᐅᖁᓪᓗᒍ ᖃᓪᓗᓈᕐᑕᒥᒃ ᓴᓗᒪᔪᒥᒃ ᓂᐊᖁᕐᒧᑦ ᓂᒻᒪᐅᑎᓯᒪᔪᒥᒃ. ᑍᒫᒡᓗ ᐱᕗᑦ, ᓄᑖᓂᒡᓗ ᐊᓐᓄᕌᕐᑎᑉᐹᑦ, ᐂᖏᓕ ᑕᕝᕙᓂ ᓇᖏᕐᑎᓪᓗᒍ.

ᐱᓕᐱᒥᐅᓄᑦ 1:11

ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᐃᔅᑕᐅᑉ ᐊᒡᓚᖏᑦ 8:15

ᑕᕝᕙ ᒧᐊᑎᑬ ᐊᖓᔪᖅᑳᕐᔪᐊᑉ ᓇᔪᕐᑕᖓᓂᑦ ᐊᓂᕗᖅ ᐊᖓᔪᖅᑳᕐᔪᐊᕐᓯᐅᑎᓂᒃ ᐊᓐᓄᕌᓂᒃ ᐊᑐᕐᓗᓂ ᑐᖑᔪᕐᑕᓂᒃ ᖃᖁᕐᑕᓂᒡᓗ ᑕᕐᓴᓕᖕᒥᒃ, ᓂᐊᖂᓯᕐᓯᒪᓪᓗᓂᓗ ᒎᓗᒥᒃ ᐊᖏᔪᒥᒃ ᐅᓕᒡᔪᐊᕐᓯᒪᕗᕐᓗ ᖃᓪᓗᓈᕐᑕᒥᒃ ᓵᑦᑐᒥᒃ ᐊᐅᐸᓪᓗᕆᒃᑐᒥᒃ, ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᕾᒐᓛᓚᐅᕐᐳᑦ ᖁᕕᐊᓱᖕᓂᕐᒧᑦ.

ᐲᑦᑐᕉᓯ ᓯᕗᓪᓖᑦ 4:14

ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.

ᓘᑲᓯᐅᑉ ᐊᒡᓚᖏᑦ 15:22

ᐊᑖᑕᖓᑕ ᐱᔨᓂ ᐅᖃᐅᑎᕔᑦ, ‘ᑐᐊᕕᕐᓗᓯ ᐊᓐᓄᕌᓂᒃ ᐱᐅᓂᕐᐹᓂᒃ ᕾᑦᓯᓕᕆᑦᓯ, ᐊᓐᓄᕌᕐᓗᒍ; ᓇᒡᒍᐊᕐᒥᒃᑕᐅᓗᓂ, ᐃᑎᒐᒍᓯᕐᑕᐅᓗᓂᓗ;

ᐃᔅᑕᐅᑉ ᐊᒡᓚᖏᑦ 9:22

ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:10

ᑎᑭᒃᑯᓂ ᐱᓐᓇᕐᓇᕐᑎᑕᐅᓗᓂ ᐅᐱᓐᓇᕐᑎᑕᐅᓗᓂ, ᐅᒃᐱᕈᓱᒃᑐᓕᒫᓂᓪᓗ ᑲᒪᓂᐊᕆᔭᐅᔪᒫᕐᐳᖅ, ᐃᓕᑦᓯᑦᑕᐅᖅ ᐃᓚᒋᔭᐅᔪᒫᕐᐳᓯ ᐅᖃᐅᓰᑦ ᓇᓗᓁᕐᓯᓂᕆᔭᕗᑦ ᐅᒃᐱᕆᓚᐅᕋᑦᓯᐅᒃ.

ᔪᐊᓇᓯᐅᑉ ᐊᒡᓚᖏᑦ 15:8

ᑕᒪᒃᑯᑎᒎᓇᖅ ᐊᑖᑕᒐ ᓂᕐᑐᕐᓇᕐᑎᑕᐅᓂᐊᕐᐳᖅ, ᐸᐅᕐᖓᖃᓕᕈᑦᓯ ᐊᒥᓱᓂᒃ; ᐃᓕᓐᓂᐊᕐᑎᐅᓂᓯᓗ ᐅᕙᓐᓄᑦ ᓇᓗᓁᕐᓗᓂ.

ᐃᓐᖏᕈᑎᑦ 104:15

ᕔᓂ ᐃᓅᑉ ᐆᒻᒪᑎᖓᓂᒃ ᖁᕕᐊᓱᒃᑎᑦᓯᖁᓪᓗᒍ, ᓇᐹᕐᑑᓪᓗ ᐅᕐᓱᖓ ᑮᓇᖓᓂᒃ ᓴᓗᒪᑎᑦᓯᖁᓪᓗᒍ, ᓂᐊᖂᔭᕐᓗ ᐃᓅᑉ ᐆᒻᒪᑎᖓᓂᒃ ᓲᖑᓂᖅᑳᕐᑎᑦᓯᖁᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᒫᑎᐅᓯᐅᑉ ᐊᒡᓚᖏᑦ 15:13

ᔩᓱᓯᐅᑉ ᑭᐅᕔᑦ, “ᐱᕈᕐᑐᑦ ᐊᑖᑕᒪ ᕿᓚᖕᒦᑦᑑᑉ ᑲᓐᖓᕐᓲᑎᒋᓚᐅᓐᖏᑕᖏᑦ ᐊᒫᖏᑎᒍᑦ ᓄᓱᒃᑕᐅᔪᒫᕐᐳᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:9

ᒎᑎᐅᑉ ᐱᓇᓱᐊᖃᑎᒌᒃᑎᒻᒪᑎᒍᑦ; ᒎᑎᐅᑉ ᐱᕈᕐᓰᕕᖁᑎᒋᕚᓯ, ᒎᑎᐅᑉ ᐃᒡᓗᖁᑎᒋᕚᓯ.

ᐄᑉᕈᐃᓄᑦ 1:9

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓅᖃᑎᒌᓄᑦ ᑐᓂᓯᒪᔭᖓᓂᑦ ᐱᐅᓂᕐᓴᒥᒃ.”

ᐃᓐᖏᕈᑎᑦ 149:4

ᐊᑕᓂᐅᑉ ᐃᓄᖁᑎᓂ ᖁᕕᐊᒋᖕᒪᒋᑦ; ᐱᐅᔪᕆᖏᑦᑐᑦ ᐅᐱᓐᓇᕐᑎᑉᐰᑦ ᓵᓚᖃᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 26:2

ᐃᑎᕐᑕᕐᕕᒡᔪᐊᖏᑦ ᐅᒃᑯᐃᕐᑕᐅᓕᕐᓕᑦ ᐃᓅᖃᑎᒌᒡᔪᐊᑦ ᓱᖁᓯᔪᐃᓪᓗᑎᒃ ᐃᓱᐊᕐᑐᑦ ᐃᑎᕐᑎᑕᐅᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 44:23

ᕿᓚᖕᒥᐅᑕᐅᔪᓯ, ᐃᓐᖏᕆᑦᓯ, ᐊᑕᓂᐅᑉ ᐱᔭᕇᑦᓯᐊᕐᒪᒍ; ᕾᒐᓛᓚᐅᕆᑦᓯ ᓄᓇᐅᑉ ᐃᑎᓂᖓᓃᑦᑐᓯ; ᓂᓪᓕᐊᓂᓯ ᐃᓐᖏᕐᓂᓐᖑᕐᑎᓕᓯᐅᒃ, ᐃᓕᑦᓯ ᖃᖅᑲᐅᔪᓯ, ᓇᐹᕐᑐᒐᓴᒡᔪᐊᓪᓗ ᓇᐹᕐᑐᐃᓪᓗ ᐊᑐᓂᑦ! ᐊᑕᓂᐅᑉ ᔧᑯᒃᑯᑦ ᓂᐅᕕᐊᕆᓪᓗᒋᑦ ᐅᑎᕐᑎᒻᒪᒋᑦ, ᓂᕐᑐᕐᓇᕐᓂᕐᔪᐊᓂᓗ ᓴᖅᑭᑎᒻᒪᒍ ᐃᓴᕆᐊᓕᒥᐅᓄᑦ.

ᐂᓮᐊᓯᐅᑉ ᐊᒡᓚᖏᑦ 46:13

ᐱᐅᓕᒃᓯᓂᕋ ᖃᒡᓕᑎᑉᐸᕋ, ᐅᖓᓯᒃᑐᐊᓘᔪᓐᓃᕐᐳᖅ, ᐱᐅᓕᒃᓯᓂᒃᓴᕋ ᐊᑯᓂᐅᓂᐊᓐᖏᓚᖅ ᐱᐅᓕᔭᐅᓂᖅ ᓮᐅᓂᒥ ᐃᓂᖃᕐᑎᓐᓂᐊᕋᒃᑯ; ᐃᓴᕆᐊᓕ ᓂᕐᑐᕐᓇᐅᑎᒋᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 31:13

ᐊᕐᓁᑦ ᐃᓅᓱᒃᑐᑦ ᑖᓂᓯᕈᒫᕐᐳᑦ ᖁᕕᐊᓱᖕᓂᕐᒧᑦ, ᐊᖑᑎᓪᓗ ᐃᓅᓱᒃᑐᑦ ᐃᑦᑐᐃᓪᓗ ᖁᕕᐊᓱᖃᑕᐅᔪᒫᕆᕗᑦ, ᕿᒃᓵᖕᓂᖏᑦ ᒧᒥᒃᑎᑦᓱᒫᕐᐸᒃᑲ ᖁᕕᐊᓱᖕᓂᕐᒧᑦ, ᓮᒻᒪᕐᑎᑦᓱᒫᕐᐸᒃᑲ, ᕿᒃᓵᖕᓂᕆᓚᐅᕐᑕᖏᑦ ᖁᕕᐊᓱᖕᓂᓐᖑᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 34:29

ᐱᕈᕐᓰᕕᖁᑎᑖᕐᑎᑦᓱᒫᕐᐸᒃᑲ ᐱᕈᕐᕕᐅᑦᓯᐊᕐᓇᕐᑐᓂᒃ ᓄᓇᖓᓐᓂ ᑳᒃᑐᖃᖃᑦᑕᕈᓐᓃᖁᓪᓗᒍ, ᐃᓅᖃᑎᒌᒡᔪᐊᓄᓪᓗ ᐊᒃᓱᕈᕐᑎᑕᐅᕙᒍᓐᓃᕈᒪᕐᐳᑦ ᒥᑕᐅᑎᒋᔭᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 47:7

ᑰᑉ ᓯᓈᓄᑦ ᐅᑎᕋᒪ, ᑕᑯᓕᕐᐳᖓ ᑰᑉ ᓯᓈᓂ ᓇᐹᕐᑐᒐᓴᒡᔪᐊᓂᒃ ᐃᒡᓗᒃᑐᑦ ᐊᑭᓕᕇᓂᒃ.

ᐃᓐᖏᕈᑎᑦ 30:12

ᓂᕐᑐᕈᒪᓪᓗᖓ ᐃᓕᖕᓂᒃ ᓂᐰᑦᑑᖏᓪᓗᖓ. ᐊᑕᓃᖅ ᒎᑎᒐ, ᐃᓱᖃᖏᑦᑐᒧᑦ ᖁᔭᒋᓂᐊᕐᐸᒋᑦ.