ᐂᓮᐊᓯᐅᑉ ᐊᒡᓚᖏᑦ 6:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓯᕌᕖᓪᓗ ᖁᓛᓃᑉᐳᑦ ᐊᑐᓂᑦ ᐱᖓᓲᔪᕐᑐᓂᒃ ᐃᓴᕈᖃᕐᓗᑎᒃ; ᐃᓴᕈᖏᑦ ᒪᕐᕉᒃ ᑮᓇᕐᒥᖕᓂᒃ ᒪᑐᓯᓯᒪᑦᔪᑎᒋᕚᒃ, ᒪᕐᕉᒃᑕᐅᖅ ᐃᓴᕈᖏᒃ ᐃᑎᒐᖏᓐᓂᒃ ᐅᓕᒃᓯᓯᒪᓪᓗᑎᒃ, ᒪᕐᕉᒃᑕᐅᖅ ᖃᖓᑕᑦᔪᑎᒋᓪᓗᒋᒃ.

ᐂᓮᐊᓯᐅᑉ ᐊᒡᓚᖏᑦ 6:2 ပူးပေါင်းရင်းမြစ်များ

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:8

ᐆᒪᔪᑦ ᓯᑕᒪᑦ, ᐃᓴᕈᖃᕐᐳᑦ ᐊᑐᓂᑦ ᐱᖓᓲᔪᕐᑐᓂᒃ, ᐃᔨᖃᕐᓗᑎᒡᓗ ᐃᓗᒥᒃᑎᒍᑦ ᓯᓚᑎᓕᒫᒥᒃᑎᒍᓪᓗ, ᐅᓪᓘᑎᓪᓗᒍᓗ ᐅᓐᓄᐊᒥᓗ ᓄᖅᑲᔪᐃᑦᑑᓪᓗᑎᒃ ᐃᓐᖏᕐᐳᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ, ᑍᒤᓚᐅᕋᒥ ᒫᓐᓇᓗ ᑍᒤᑦᑐᖅ ᑍᒤᖏᓐᓇᕐᓂᐊᕐᑐᕐᓗ ᓯᕗᓂᕐᒥ!”

ᐃᓯᑭᐊᓕᐅᑉ ᐊᒡᓚᖏᑦ 1:11

ᑍᒫᒃ ᑕᕝᕙ ᑮᓇᖃᕐᐳᑦ. ᐊᑐᓂᓪᓗ ᐃᓴᕈᖏᑕ ᐂᑉᐸᖏᑦ ᐃᓵᖓᕗᑦ ᐊᒃᑐᐊᖃᑦᑕᐅᑎᓪᓗᑎᒃ, ᐃᓴᕈᖏᑕᓗ ᐂᑉᐸᖏᓐᓄᑦ ᑎᒥᖏᓐᓂᒃ ᑕᓕᐅᒪᑎᑦᓯᓪᓗᑎᒃ.

ᐃᓐᖏᕈᑎᑦ 104:4

ᐂᖏᓕᖁᑎᓂ ᐊᓂᕐᓂᓐᖑᕐᑎᓚᐅᕐᐰᑦ, ᐱᓇᓱᐊᕐᑎᖁᑎᓂᓗ ᐃᑯᒪᐅᓪᓗᑎᒃ ᐃᑯᐊᓚᔪᓐᖑᕐᑎᓪᓗᒋᑦ.

ᐃᓐᖏᕈᑎᑦ 103:20

ᐊᑕᓂᖅ ᓂᕐᑐᕐᓯᐅᒃ, ᐃᓕᑦᓯ ᐂᖏᓕᖁᑕᐅᔪᓯ ᑖᑦᓱᒧᖓ, ᐃᓕᑦᓯ ᐊᔪᖏᑦᑐᕐᔪᐊᖑᔪᓯ ᐅᖃᐅᓯᖓᓂᒃ ᓈᓚᒃᑐᓯ, ᒪᓕᑦᓯᐊᕐᑐᓯ ᐅᖃᐅᓯᖓᑕ ᓂᐱᖓᓂᒃ!

ᐂᓮᐊᓯᐅᑉ ᐊᒡᓚᖏᑦ 6:6

ᓯᕌᕖᓪᓗ ᐃᓚᖓᑦᑕ ᖃᖓᑕᓪᓗᓂ ᐅᐸᒃᐹᖓ, ᑎᒍᒥᐊᕈᑏᖕᓄᑦ ᕿᔪᒃᓴᒥᒃ ᐊᐅᒪᒥᒃ ᑎᒍᒥᐊᕐᓗᓂ ᑎᒍᒥᐊᕈᑏᖕᓄᑦ ᑐᓂᕐᕈᓯᕐᕕᖕᒥᑦ ᑎᒍᔭᒥᓂᒃ.

ᐃᓐᖏᕈᑎᑦ 18:10

ᐱᓐᖑᕐᑎᓯᒪᔪᒥᓗ ᐃᓴᕈᓕᖕᒥ ᐃᑭᒪᕗᖅ, ᑎᖏᓪᓗᓂᓗ; ᐊᓄᕆᐅᑉ ᐃᓴᕈᖏᖕᓂᒃ ᖃᖓᑕᒍᑎᖃᕐᐳᖅ.

ᐊᑕᓃᑦ ᓯᕗᓪᓖᑦ 6:24

ᓯᕈᐱᐅᑉ ᐃᓴᕈᐊ ᑕᑭᓂᖃᕐᐳᖅ ᐃᑎᒐᖕᓂᒃ 7ᓂ ᕿᑎᖅᑲᒥᒡᓗ, ᐂᑉᐸᖓᑕᓗ ᐃᓴᕈᐊ ᓯᕈᐱᐅᑉ ᐃᑎᒐᖕᓂᒃ 7ᓂ ᕿᑎᖅᑲᒥᒡᓗ ᑕᑭᓂᖃᕐᐳᖅ, ᐃᓴᕈᐊᑕ ᓄᕗᐊᓂᑦ ᐂᑉᐸᖓᑕ ᐃᓴᕈᐊᑕ ᓄᕗᐊᓄᑦ ᑎᑭᓪᓗᒍ 15ᓂᒃ ᐃᑎᒐᖕᓂᒃ ᑕᑭᓂᖃᕐᐴᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:6

ᑭᖑᓂᖓᒍᑦ ᑕᑯᒋᕗᖓ ᐂᖏᓕᒥᒃ ᓯᓚᒃᑯᑦ ᖁᕝᕙᓯᓈᕐᓗᓂ ᖃᖓᑕᔪᒥᒃ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓄᖑᓱᐃᑦᑐᓂᒃ ᐅᖃᐅᓯᒃᓴᓕᒃ ᓄᓇᕐᔪᐊᕐᒥᐅᓄᑦ, ᐃᓅᖃᑎᒌᒡᔪᐊᓕᒫᓄᑦ ᑭᖑᕚᕇᓄᑦ ᐅᖃᐅᓯᖃᑎᒌᖏᑦᑐᓄᑦ ᐃᓄᓕᒫᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:13

ᑕᑯᓴᕋᒪᓗ, ᓇᒃᑐᕋᓕᖕᒥᒃ ᑐᓴᕐᐳᖓ ᖁᑦᓯᒃᑑᓪᓗᓂ ᖃᖓᑕᔪᒥᒃ ᓂᐱᖅᑯᕐᑐᓪᓗᓂ ᐅᖃᕐᑐᒥᒃ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ ᓄᓇᕐᔪᐊᕐᒥᐅᑕᓄᑦ, ᐂᖏᓖᑦ ᐱᖓᓱᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᓕᕐᐸᑕ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:11

ᐂᖏᓕᓕᒫᓪᓗ ᐃᒃᓯᕙᐅᑕᕐᔪᐊᑉ ᐊᕙᑖᓂ ᓇᖏᕐᐳᑦ ᐊᖓᔪᖅᑳᓪᓗ ᐆᒪᔪᓪᓗ ᓯᑕᒪᑦ ᐊᕙᑖᓃᖃᑕᐅᕗᑦ, ᑖᒃᑯᐊᓗ ᐹᒻᒪᒡᓗᑎᒃ ᐃᒃᓯᕙᐅᑕᕐᔪᐊᑉ ᓵᖓᓄᑦ ᒎᑎ ᓂᕐᑐᕐᐹᑦ,

ᑖᓂᐊᓕᐅᑉ ᐊᒡᓚᖏᑦ 7:10

ᐃᑯᒪᔪᖅ ᑰᒃᐳᖅ ᑖᑦᓱᒪ ᓵᖓᓂᑦ: ᑕᐅᓴᑎᑦ ᑕᐅᓴᑎᓪᓗ ᐅᖓᑖᓃᑦᑐᑦ ᐱᔨᑦᓯᕐᐳᑦ ᑖᑦᓱᒥᖓ; 10,000 10,000ᐃᕐᑐᕐᓗᒍ ᐅᓄᕐᑎᒋᔪᑦ ᓵᖓᓂ ᓇᖏᕐᐳᑦ, ᐃᖅᑲᕐᑐᐃᓂᖅ ᐱᒋᐊᕐᒪᑦ, ᒪᒃᐱᕐᑐᖅᑲᓪᓗ ᒪᒃᐱᕐᑕᐅᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 10:21

ᐊᑐᓂᑦ ᑮᓇᖃᕐᒪᑕ ᓯᑕᒤᓂᒃ, ᐃᓴᕈᖃᕐᓗᑎᒡᓗ ᐊᑐᓂᑦ ᓯᑕᒤᓂᒃ, ᐊᒡᒐᖃᕐᓗᑎᒡᓗ ᐃᓅᑉ ᐊᒡᒐᒋᔮᕐᑕᖏᓐᓂᒃ ᐃᓴᕈᖏᑕ ᐊᑎᖔᖓᑦᑎᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 1:24

ᐃᓴᕈᕐᓱᓕᕌᖓᑕᓗ ᐃᓴᕈᕐᓱᕐᕙᓗᖏᑦ ᐃᒪᕐᕕᐅᑉ ᒥᕿᑦᑕᕐᓂᖓᑕ ᐃᒃᑑᓕᔮᕐᓂᖏᑎᑐᑦ ᑐᓴᕐᓴᐅᖃᑦᑕᕐᐳᑦ, ᐊᔪᒐᖃᖏᑦᑑᑉ ᓂᐱᕐᔪᐊᖓᑐᑦ, ᐅᓇᑕᕐᑎᒐᓴᒡᔪᐊᓪᓗ ᓂᐱᕐᔪᐊᖏᑎᑐᑦ; ᓄᖅᑲᖓᓕᕌᖓᒥᒃ ᐃᓴᕈᑎᒃ ᓂᓚᒥᑉᐸᒃᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 1:9

ᐃᓴᕈᖏᑦ ᐃᒻᒥᖕᓄᑦ ᐊᒃᑐᐊᖃᑦᑕᐅᑎᕗᑦ; ᐊᐅᓚᑦᔭᒑᖓᒥᒃ ᐊᑕᐅᑦᓯᒃᑯᑦ ᐃᖏᕐᕋᓯᖃᑦᑕᕐᐳᑦ, ᑎᒥᖏᑦ ᓴᖑᔭᕆᐊᖃᕋᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 1:6

ᐊᑐᓂᓪᓗ ᑖᒃᑯᐊ ᓯᑕᒪᓂᒃ ᑮᓇᖃᕐᐳᑦ, ᓯᑕᒪᓂᒡᓗ ᐊᑐᓂᑦ ᐃᓴᕈᖃᕐᓗᑎᒃ.

ᔫᐱᐅᑉ ᐊᒡᓚᖏᑦ 15:15

ᑕᑯᒋᑦ ᒎᑎᐅᑉ ᐂᖏᓕᖁᑎᓂ ᐊᒡᓛᑦ ᑕᑎᒋᔪᓐᓇᓚᐅᓐᖏᓔᑦ, ᐊᒡᓛᑦ ᑖᑦᓱᒪ ᓵᖓᓂ ᕿᓔᑦ ᐃᑦᔪᕐᓁᑦᑑᓚᐅᖏᒻᒪᑕ.

ᔫᐱᐅᑉ ᐊᒡᓚᖏᑦ 1:6

ᐅᓪᓗᕐᓕ ᓇᓪᓕᐅᑎᖕᒪᑦ ᕿᓚᖕᒥᐅᑍᑦ ᐊᑕᓂᐅᑉ ᓵᖓᓅᕐᕕᒃᓴᖓᑦ, ᓵᑖᓇᓯᑦᑕᐅᖅ ᐊᑭᕋᕐᑐᕐᑎ ᑖᒃᑯᓄᖓ ᐃᓚᒋᔭᐅᓚᐅᕆᕗᖅ.

ᐊᑕᓃᑦ ᓯᕗᓪᓖᑦ 22:19

ᒤᑬᐊ ᐅᖃᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᓐᓂᑦ ᑐᓴᕆᑦᓯ: ᐊᑕᓂᖅ ᑕᑯᕙᕋ ᐃᒃᓯᕙᐅᑕᕐᔪᐊᕐᒥᓂ ᐃᒃᓯᕙᔪᖅ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᐳᑦ ᑖᑦᓱᒪ ᐊᕙᑖᓂ, ᑕᓕᕐᐱᐊᓂ, ᓴᐅᒥᐊᓂᓗ;

ᐊᑕᓃᑦ ᓯᕗᓪᓖᑦ 8:7

ᑖᒃᑯᐊᒃ ᐃᓴᕈᖏᒃᑕ ᐃᓵᖓᓂᖏᒃᑕ ᐃᒃᓯᕕᒃ ᑕᓕᑎᑉᐹᒃ ᐊᑭᕋᐅᑎᖏᒡᓗ ᑕᑭᔪᑯᑖᒃ.

ᐊᑕᓃᑦ ᓯᕗᓪᓖᑦ 6:27

ᐃᓕᔭᐅᕗᒃ ᓴᓂᓕᕇᒃᑎᓪᓗᒋᒃ, ᐃᑦᔪᕐᓁᓐᓂᕐᐹᒥ; ᑖᒃᑯᐊ ᐃᓵᖓᒐᒥᒃ ᐊᒃᑐᐊᖃᑦᑕᐅᑎᕘᒃ ᐃᓴᕈᖏᒃᑕ ᓄᕗᖏᒃ, ᐃᓪᓗᐊᕈᓯᐅᑉ ᕿᑎᖓᓃᑉᐴᒃ ᐃᒡᓗᒌᖕᓄᑦ ᐃᓴᕈᒥ ᐊᑭᓐᓇᖅ ᐊᒃᑐᐊᓪᓗᒍ.

ᒨᓯᓯ ᐂᑉᐸᖏᑦ 37:9

ᑖᒃᑯᐊᒡᓗ ᓯᕈᐲᒻ ᐃᓴᕈᒥᖕᓂᒃ ᐃᓯᕕᖓᑎᑦᓯᕘᒃ, ᑖᓐᓇ ᒪᑐ ᐃᓴᕈᒥᖕᓄᑦ ᖁᓚᖏᐊᕐᓗᒍ, ᑖᒃᑯᐊᒡᓗ ᓯᕈᐲᒻ ᐃᒻᒥᖕᓄᑦ ᓵᓐᖓᐅᑎᓪᓗᑎᒃ ᒪᑑᑉ ᖄᖓᓂ.

ᒨᓯᓯ ᐂᑉᐸᖏᑦ 25:20

ᑖᒃᑯᐊᒡᓗ ᓯᕈᐲᒻ ᐃᓴᕈᖏᒃ ᐃᓯᕕᖓᔪᒃᓴᐅᕘᒃ, ᑖᓐᓇ ᒪᑐ ᐃᓴᕈᒥᖕᓄᑦ ᖁᓚᖏᐊᕐᓗᒍ, ᑖᒃᑯᐊᒡᓗ ᓯᕈᐲᒻ ᐃᒻᒥᖕᓄᑦ ᓵᓐᖓᖃᑦᑕᐅᑎᔪᒃᓴᐅᕘᒃ ᒪᑑᑉ ᖄᖓᓂ.

ᐃᓐᖏᕈᑎᑦ 89:7

ᒎᑎ ᓯᕘᕋᒋᔭᐅᕗᖅ ᐃᑦᔪᕐᓁᑎᑕᐅᓯᒪᔪᑦ ᑲᑎᒪᓂᖏᓐᓂ, ᐃᒃᐱᒋᔭᐅᑦᓯᐊᒻᒪᕆᒃᓱᓂᓗ ᐊᕙᑖᓃᑦᑐᓕᒫᓄᑦ.

ᔫᐱᐅᑉ ᐊᒡᓚᖏᑦ 4:18

ᒎᑎ ᐱᔨᒥᓂᒃ ᐊᒡᓛᑦ ᕿᓚᖕᒦᑦᑐᓂᒃ ᑕᑎᖃᕈᓐᓇᓐᖏᓚᖅ, ᐂᖏᓕᖁᑎᓂ ᐊᒡᓛᑦ ᓈᒻᒪᓈᖏᓐᓂᖏᑦ ᖃᐅᔨᔪᓐᓇᕐᐰᑦ.

ᐊᑕᓃᑦ ᓯᕗᓪᓖᑦ 19:13

ᐃᓔᑦᔭᐅᓪᓗ ᑐᓴᕋᒥᐅᒃ, ᑮᓇᓂ ᐃᒻᒧᓯᕐᐹ ᐅᓕᒡᔪᐊᒥᓄ ᐊᓂᓪᓗᓂᓗ ᕾᕈᓲᑉ ᐃᑎᕆᐊᕐᕕᖓᓄᑦ. ᑕᑯᒋᓪᓗ, ᓂᐱᒧᑦ ᑎᑭᑕᐅᕗᖅ, ᐅᖃᕐᑐᒧᑦ, “ᐃᓔᑦᔮ ᑕᒫᓂ ᖃᓄᐃᑉᐱᑦ?”

ᒨᓯᓯ ᐂᑉᐸᖏᑦ 3:6

ᓯᕗᓕᑦᓯ ᒎᑎᒋᕚᖓ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᒋᕚᖓ.” ᒨᓯᓯᐅᑉ ᑮᓇᓂ ᒪᑐᕚ ᒎᑎᒥᒃ ᑕᐅᑐᒋᐊᒃᓴᖅ ᓯᕘᕋᒐᒥ.

ᒨᓯᓯ ᓯᕗᓪᓖᑦ 17:3

ᐂᑉᕋᒻᓗ ᐹᒻᒪᒃᐳᖅ ᑮᓇᓂ ᓄᓇᒧᑦ ᐳᓪᓗᓂᐅᒃ; ᒎᑎᐅᓪᓗ ᐅᖃᐅᑎᕚ,

ᐄᑉᕈᐃᓄᑦ 1:7

ᒎᑎᓕ ᐂᖏᓕᓂᒃ ᐅᖃᐅᓯᖃᓚᐅᕐᐳᖅ, “ᐂᖏᓕᖁᑎᓂ ᐊᓄᕆᓐᖑᕐᑎᑉᐰᑦ, ᐱᔨᓂᓗ ᐃᑯᐊᓚᔪᓐᖑᕐᑎᓪᓗᒋᑦ.”

ᓘᑲᓯᐅᑉ ᐊᒡᓚᖏᑦ 1:10

ᐃᓄᒋᐊᒃᑐᕐᔪᐊᑦ ᓯᓚᑖᓂ ᑐᒃᓯᐊᕐᑎᓪᓗᒋᑦ ᑎᐱᑦᓯᐊᕆᒃᑐᖅ ᐳᔫᕐᑎᑕᐅᑎᓪᓗᒍ,

ᓴᑲᕅᐊᐅᑉ ᐊᒡᓚᖏᑦ 3:4

ᐂᖏᓕᓗ ᕿᓚᖕᒥᐅᖑᖃᑎᒥᓄᑦ ᑕᕝᕙᓃᑦᑐᓄᑦ ᐅᖃᕐᐳᖅ, “ᐆᒪ ᐊᓐᓄᕌᑦ ᓴᓗᒤᑦᑐᑦ ᐊᑐᕐᑕᖏᑦ ᐲᕐᓯᐅᒃ.” ᔮᓱᐊᒧᓪᓗ ᐅᖃᕆᕗᖅ, “ᑕᑯᒋᑦ ᐊᔪᕐᓂᑎᑦ ᐲᕐᐸᒃᑲ ᓄᑖᓂᒡᓗ ᐊᓐᓄᕌᓂᒃ ᐊᑎᓯᑎᑦᓱᒪᕙᒋᑦ.”

ᑖᓂᐊᓕᐅᑉ ᐊᒡᓚᖏᑦ 9:21

ᑐᒃᓯᐊᕐᑎᓪᓗᖓ ᓱᓕ, ᒊᐳᕆᐅᓕ, ᐊᖑᑦ ᑕᑯᓚᐅᕐᑕᕋ ᑕᑯᑎᑕᐅᓂᕐᒥ ᓯᕗᓪᓕᕐᒥᒃ, ᕾᕗᖅ ᓱᒃᑲᓕᔪᒥᒃ ᖃᖓᑕᓪᓗᓂ, ᐅᓐᓄᒃᓯᐅᑎᒥᒃ ᑐᓂᕐᕈᓯᕐᓂᖅ ᓇᓪᓕᐅᑎᓪᓗᐊᕐᑎᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 10:16

ᓯᕈᐱᒻ ᐊᐅᓪᓚᑦᔭᒑᖓᑕ, ᐊᒃᓴᓗᐊᑦ ᑍᒫᓪᓗᐊᖅ ᐊᐅᓚᑦᔭᒃᐸᒃᑭᕗᑦ ᓴᓂᐊᓂ; ᓯᕈᐲᓪᓗ ᑎᖏᔭᕌᖓᑕ ᓄᓇᒥᑦ, ᐊᒃᓴᓗᐊᑦᑕᐅᖅ ᓴᓂᐊᓃᑦᑐᑦ ᓴᖑᓇᑎᒃ ᕿᒪᒃᑕᐅᕙᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 1:4

ᑕᑯᓴᕋᒪᓗ ᑕᑯᕗᖓ, ᐊᓄᕆᕐᔪᐊᒥᒃ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒥᒃ, ᓄᕗᔭᒥᒡᓗ ᐊᖏᔪᒥᒃ, ᐊᕙᑖᓗ ᓯᓚ ᖃᐅᒪᔪᐊᓘᓪᓗᓂ, ᐃᑯᒪᓗ ᖃᐅᒻᒪᓪᓛᖏᓐᓇᕐᐳᖅ, ᐃᑯᒪᐅᓪᓗ ᕿᑎᖓᓂ, ᖃᐅᒻᒪᕆᒃᑐᒥᒃ ᓴᖅᑭᔮᕐᑐᖃᕐᐳᖅ ᓴᕕᕋᔭᒃᑐᑦ ᕿᓪᓕᕐᑐᒥᒃ.

ᓂᕼᐃᒤᐊᐅᑉ ᐊᒡᓚᖏᑦ 9:6

“ᐃᕝᕕᑦ ᑭᓯᕕᑦ ᐊᑕᓂᑑᕗᑎᑦ; ᕿᓚᖕᒥᒃ ᓴᓇᓚᐅᕐᐳᑎᑦ, ᕿᓔᓪᓗ ᕿᓚᖏᓐᓂᒃ, ᕿᓚᖕᒦᑦᑐᓕᒫᓂᓪᓗ, ᓄᓇᒥᒃ ᓄᓇᒥᐅᑕᓕᒫᓂᒡᓗ, ᐃᒪᕕᒡᓗ ᐃᓘᓐᓇᑎᒡᓗ ᐃᒪᐅᑉ ᐃᓗᐊᓃᑦᑐᑦ ᓴᓇᓚᐅᕐᐸᑎᑦ; ᐃᓅᓯᕐᒥᒃ ᐃᓘᓁᓐᓄᑦ ᑐᓂᓯᕗᑎᑦ, ᕿᓚᖕᒥᐅᑕᓕᒫᑦᓯᐊᑦ ᐃᓕᖕᓄᑦ ᐅᑯᕗᑦ ᑐᒃᓯᐊᕐᓗᑎᒡᓗ.