ᐂᓮᐊᓯᐅᑉ ᐊᒡᓚᖏᑦ 59:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᒡᒐᓯ ᐊᐅᖕᒧᑦ ᓴᓗᒤᓕᓯᒪᖕᒪᑕ, ᐊᒡᒐᑦᓯᓗ ᐃᓄᒐᓐᖑᐊᖏᑦ ᐊᔪᕐᑐᓕᓂᕐᒧᑦ ᓴᓗᒤᓕᓯᒪᕗᑦ; ᖃᓂᓯ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕐᐳᑦ, ᐅᖃᓯᓗ ᐊᔪᕐᑐᓕᔪᒪᓂᕐᒥᒃ ᐅᖃᐅᓯᖃᕐᐸᒃᓗᓂ.

ᐂᓮᐊᓯᐅᑉ ᐊᒡᓚᖏᑦ 59:3 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:17

ᐱᐅᔪᕆᓂᒃᑯᑦ ᑕᑯᓐᓇᕐᑐᖅ, ᓴᒡᓗᑐᔪᖅ, ᐊᒡᒊᓪᓗ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 1:21

ᐃᒡᓗᒐᓮᑦ ᑲᔪᓯᑦᓯᐊᕐᑐᒥᒃ ᐱᓇᓱᐊᕐᑐᑦ ᐊᖑᓐᓂᐊᕐᑎᐅᓕᕐᐳᑦ! ᐸᓯᔭᒃᓴᐅᖏᑦᑐᒥᒃ ᐱᓇᓱᐊᓚᐅᕐᑐᑦ ᓇᓛᒎᕐᓂᕐᒥᓪᓗ ᐃᓂᒋᔭᐅᓚᐅᕐᑐᑦ, ᒫᓐᓇᓕ ᐃᓄᐊᕐᑎᐅᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 28:15

ᐅᖃᓚᐅᕋᑦᓯ, “ᑐᖁ ᐊᖏᖃᑎᒌᒍᑎᓕᐅᕐᕕᒋᓯᒪᕙᕗᑦ, ᑐᖁᖓᔪᓪᓗ ᐃᓂᖓᑦ ᐊᖏᖃᑎᒋᓯᒪᕙᕗᑦ; ᑏᒐᕈᑎᒧᑦ ᑏᒐᕆᐊᕐᑕᐅᒐᓗᐊᕈᑦᑕ ᐅᕙᑦᑎᓐᓄᑦ ᑎᑭᐅᑎᓂᐊᓐᖏᓚᑦ; ᓴᒡᓗᕿᑦᓯᓂᕐᒥᒃ ᕿᒫᕕᒃᓴᓕᐅᕐᓯᒪᒐᑦᑕ, ᓯᓔᕐᕆᒃᓯᓂᒃᑯᓪᓗ ᓱᓕᖏᑦᑐᒃᑯᑦ ᐅᕙᑦᑎᓐᓂᒃ ᐃᔨᕐᓯᒪᕕᒃᓴᖃᕐᓗᑕ.”

ᐂᓮᐊᓯᐅᑉ ᐊᒡᓚᖏᑦ 3:8

ᔨᕉᓴᓕᒻ ᐹᓪᓚᒃᓯᒪᕗᖅ, ᔫᑕᓗ ᑲᑕᒃᓯᒪᓪᓗᓂ; ᐅᖃᐅᓯᖏᑦ ᐱᓂᐊᕐᓂᖏᓪᓗ ᐊᑭᕋᕐᑐᕐᒪᑕ ᐊᑕᓂᕐᒥᒃ ᑲᒪᒋᓇᒍ ᓇᔫᑎᓂᖓᑕ ᐱᓐᓇᕐᓇᕐᓂᕐᔪᐊᖓ.

ᐂᓮᐊᓯᐅᑉ ᐊᒡᓚᖏᑦ 30:9

ᓈᓚᖏᑦᑑᖕᒪᑕ, ᓴᒡᓗᑐᓪᓗᑎᒡᓗ, ᕿᑐᕐᖎᑦ ᓈᓚᒍᒪᖏᑦᑐᑦ ᐊᑕᓂᐅᑉ ᐊᔪᕆᕐᑑᓯᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 44:20

ᐊᕐᔭᓕᓂᕐᓂᒃ ᓂᕆᕗᖅ; ᐆᒻᒪᑎᒥᒍᑦ ᐃᓱᒪᑦᓯᐊᖏᓐᓂᕐᒥᓄᑦ ᐅᐃᕕᕆᔭᐅᕗᖅ; ᓇᖕᒥᓂᖅ ᑕᕐᓂᕐᒥᓂᒃ ᐱᐅᓕᔪᓐᓇᓐᖏᓚᖅ, ᐅᖃᕈᓐᓇᓐᖏᓚᕐᓗ, “ᑕᓕᕐᐱᓐᓄᑦ ᑎᒍᒥᐊᕐᑕᕋ ᓱᓕᒐᓗᐊᕐᐹ?”

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᐂᓮᐊᓯᐅᑉ ᐊᒡᓚᖏᑦ 9:15

ᐃᓄᑐᖃᐅᔪᑦ ᐅᐱᒋᔭᐅᔪᓪᓗ ᑕᕝᕙ ᓂᐊᖂᕗᑦ, ᓱᓕᖏᑦᑐᒥᒃ ᓇᓚᐅᑦᑍᕙᒃᑐᑦ ᐃᓕᓮᕙᒃᑐᓪᓗ ᑕᕝᕙ ᐸᒥᐅᖑᕗᑦ;

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 2:34

ᐊᓐᓄᕌᓯ ᐊᐅᒥᓯᒪᕗᑦ ᐸᓯᔭᒃᓴᐅᖏᑦᑐᑦ ᐊᔪᕐᓴᕐᑐᓪᓗ ᐊᐅᖏᓐᓂᒃ, ᖃᐅᔨᒪᒐᓗᐊᕐᓗᓯᐅᒃ ᑎᒡᓕᒐᕐᑎᐅᖏᒻᒪᑕ. “ᑍᒤᒐᓗᐊᕐᑎᓪᓗᒍ,

ᔨᕆᒤᐊᐅᑉ ᐊᒡᓚᖏᑦ 22:17

ᑕᐅᑐᒃᑕᓯ ᐃᓱᒪᓯᓗ ᖃᑭᔪᒪᓃᓐᓇᕐᒥᒃ ᐱᔪᒪᔭᑐᐊᖃᒧᑦ ᓯᓔᕐᕆᒃᓯᕐᓗᓯ ᖃᑭᕙᒃᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᑎᑦᓯᕙᒃᓗᓯ, ᐅᖁᒤᑦᑐᒦᑎᑦᓯᕙᒡᓗᓯᓗ ᐃᓄᖁᑎᑦᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 7:8

ᑕᑯᒋᑦ! ᓱᓕᖏᑦᑐᓂᒃ ᐅᖃᐅᓯᕐᓂᒃ ᐅᒃᐱᕆᔭᖃᓗᐊᓕᕋᑦᓯ ᐃᑲᔫᑎᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 9:2

ᓄᓇᒥᓗ ᓯᐅᕅᓐᓇᕐᒥ ᓯᓂᒃᑕᕐᕕᒃᑕᖃᕐᐸᑦ ᐃᖏᕐᕋᕙᒃᑐᓄᑦ, ᐃᓅᖃᑎᒃᑲ ᕿᒪᒡᓗᒋᑦ ᐊᐅᓪᓚᕋᔭᕋᓗᐊᕐᐳᖓ, ᐊᓯᓐᓂᐊᕐᑏᓐᓇᐅᖕᒪᑕ ᐅᒃᐱᕐᓇᖏᑦᑐᐃᓐᓇᐅᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 9:7

ᑍᒤᒻᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, ᑕᑯᓕᕆᑦ ᐱᐅᓂᕐᓯᐅᕐᓂᐊᕐᐸᒃᑲ ᖃᐅᔨᓴᕐᓗᒋᑦ, ᖃᓄᒃᑲᓐᓂᖅ ᐱᓇᓱᐊᕆᐊᓪᓚᒍᓐᓇᕐᐳᖔ, ᐃᓄᖁᑎᒃᑲ ᐱᓪᓗᒋᑦ?

ᐃᓯᑭᐊᓕᐅᑉ ᐊᒡᓚᖏᑦ 13:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᓱᓕᖏᑦᑐᓂᒃ ᐅᖃᓪᓚᖃᑦᑕᕋᑦᓯ ᑕᑯᑎᑕᐅᓂᕋᕐᓂᓯᓗ ᓴᒡᓗᕿᑦᓯᓂᐅᓪᓗᑎᒃ, ᑍᒤᒻᒪᑦ ᑕᑯᒋᑦ, ᐃᓕᑦᓯᓐᓂᒃ ᓵᓐᖓᓯᓂᐊᓕᕐᐳᖓ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:2

“ᐃᓅᑉ ᐃᕐᓂᖓ, ᐃᖅᑲᕐᑐᐃᔪᒪᓕᕐᐲᑦ ᐃᒡᓗᒐᓴᒡᔪᐊᕐᒥᐅᓂᒃ ᐃᓄᐊᕐᑎᓂᒃ? ᐊᑏ ᑐᑭᓯᑎᑦᓯᐊᓕᒃᑭᑦ ᒎᑎᒧᑦ ᓇᕐᕈᒋᔭᐅᔪᓂᒃ ᐱᓇᓱᐊᕐᓯᒪᔭᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 35:6

ᑍᒤᒻᒪᑦ ᐃᓅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᑐᖁᒧᑦ ᐊᑐᐃᓐᓇᕈᕐᑎᓕᕐᐸᑦᓯ, ᑐᖁᒧᓪᓗ ᒪᓕᒃᑕᐅᔪᒫᕐᐳᓯ; ᐃᓄᐊᕐᓯᒪᓂᕐᒧᑦ ᐸᓯᔭᒃᓴᐅᒐᑦᓯ, ᑍᒤᒻᒪᑦ ᑐᖁᒧᑦ ᒪᓕᒃᑕᐅᔪᒫᕐᐳᓯ.

ᐃᓯᑭᐊᓕᐅᑉ ᐊᒡᓚᖏᑦ 7:23

“ᓄᖑᕅᑦᔪᑎᒃᓴᓕᐅᕆᑦ; ᓇᓂᓕᒫᖅ ᓄᓇ ᐃᓄᐊᕐᑎᓂᒃ ᓈᓯᒪᖕᒪᑦ ᐃᒡᓗᒐᓴᒡᔪᐊᓪᓗ ᐱᕋᔭᒃᑎᓂᒃ ᑕᑕᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 9:9

ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᕼᐆᓯᐊᑉ ᐊᒡᓚᖏᑦ 7:13

“ᑲᑉᐱᐊᓐᓇᒦᒃ ᑖᒃᑯᐊ, ᐅᕙᓐᓂᒃ ᕿᒤᓚᐅᕐᒪᑕ! ᐅᕙᓐᓂᒃ ᐊᑭᕋᕐᑐᓕᓚᐅᕐᒪᑕ, ᐊᓯᕈᕐᑕᐅᔪᒫᓕᕐᐳᑦ! ᐱᐅᓕᔪᒪᓚᐅᕋᓗᐊᕐᐸᒃᑲ, ᐅᕙᓐᓂᒡᓕ ᓴᒡᓗᑦᔪᑎᖃᓚᐅᕐᐳᑦ.

ᕼᐆᓯᐊᑉ ᐊᒡᓚᖏᑦ 7:3

“ᐊᖓᔪᖅᑳᕐᔪᐊᖅ ᖁᕕᐊᓱᒃᑎᑉᐹᑦ ᐱᐅᖏᑦᑐᓕᓂᕐᒥᖕᓄᑦ, ᐊᖓᔪᖅᑳᖁᑎᖏᓪᓗ ᓴᒡᓗᓂᒃᑯᑦ ᓯᓔᕐᕆᕔᑦ.

ᒤᑲᐅᑉ ᐊᒡᓚᖏᑦ 3:4

ᒪᑐᒪ ᑭᖑᕐᖓᒍᑦ ᓯᕗᓕᕐᑏᑦ, ᑐᒃᓯᐊᕈᒫᕐᐳᑦ ᐊᑕᓂᕐᒧᑦ, ᑭᓯᐊᓂᓕ ᑐᓴᕐᓂᐊᓐᖏᓔᑦ; ᑍᑲᓂ ᑮᓇᓂ ᐃᔨᕈᒫᕐᐹ ᑖᒃᑯᓇᓐᖓᑦ, ᐱᐅᖏᑦᑐᐊᓗᖕᓂᒃ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᒤᑲᐅᑉ ᐊᒡᓚᖏᑦ 6:12

ᐃᓄᐃᑦ ᐊᒃᓱᐃᑦᑐᖁᑎᓯ ᑲᑉᐱᐊᓱᒃᑎᑦᓯᓂᕐᒥᒃ ᑕᑕᒻᒪᑕ; ᓄᓇᖅᑲᑎᓯᓗ ᓴᒡᓗᑐᓪᓗᑎᒃ, ᐅᖃᖏᑦ ᐅᐃᕕᕆᒃᓯᓂᕐᓂᒃ ᑕᑕᑉᐳᑦ.

ᒤᑲᐅᑉ ᐊᒡᓚᖏᑦ 7:2

ᐅᒃᐱᕐᓇᑦᓯᐊᕐᑐᑦ ᐊᓯᐅᓯᒪᖕᒪᑕ ᓄᓇᕐᔪᐊᕐᒥᑦ, ᐃᓄᖕᓂᓗ ᐃᓱᐊᕐᑐᖃᕈᓐᓁᕐᐳᖅ; ᐃᓄᓕᒫᑦ ᐅᑕᖅᑭᐅᕐᐳᑦ ᑐᖁᑦᓯᔪᒪᓪᓗᑎᒃ; ᐃᓘᓐᓇᑎᒡᓗ ᖃᑕᓐᖑᑎᒥᖕᓂᒃ ᕿᓂᕐᐳᑦ ᓄᓗᐊᕐᑎᑦᓯᔪᒪᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 27:4

ᐅᖃᕐᓗᓂ, “ᐊᔪᕐᑐᓕᓯᒪᕗᖓ ᐸᓯᔭᒃᓴᐅᖏᑦᑐᒥᒃ ᐊᖑᒻᒥᒃ ᐱᔭᐅᑎᑦᓯᒐᒪ ᑐᖁᑕᐅᖁᓪᓗᒍ.” ᑖᒃᑯᐊ ᑭᐅᕚᑦ, “ᑕᒪᓐᓇ ᑍᒤᑎᓐᖏᓚᕗᑦ, ᐃᕝᕕᑦ ᑍᒤᑎᑕᑐᐊᕆᕙᑦ!”

ᑎᒧᑎᒧᑦ ᓯᕗᓪᓖᑦ 4:2

ᑍᒤᑦᑐᑦ ᐊᔪᕆᕐᑐᐃᓃᑦ ᓯᐊᒻᒪᒃᑎᑕᐅᓯᒪᕗᑦ ᓱᓕᓐᖏᑦᑐᑎᒍᑦ ᐅᐃᕕᕆᒃᓯᓪᓗᑎᒃ ᐃᓱᒪᖏᑦ ᐃᒃᐱᖕᓂᐊᓂᖃᕈᓐᓃᕐᐳᑦ ᓴᕕᕋᔭᖕᒧᑦ ᐆᓇᕐᓯᑎᑕᐅᓯᒪᔪᒧᑦ ᐆᑕᕐᑕᐅᓯᒪᔪᑎᑐᑦ.