ᐂᓮᐊᓯᐅᑉ ᐊᒡᓚᖏᑦ 58:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑕᑯᓕᕆᑦᓯ ᓂᕆᑦᑍᓕᕙᒃᐳᓯ ᐂᕙᖃᑎᒌᒃᐸᒃᓗᓯ ᐹᖃᑎᒌᒃᓗᓯ ᐱᒋᐊᖃᑦᑕᐅᑎᓪᓗᓯᓗ. ᑍᒫᒃ ᓂᕆᑦᑍᓕᑦᔪᓯᖃᕈᑦᓯ ᑐᒃᓯᐊᕐᓂᓯ ᑐᓴᕐᑕᐅᓂᐊᓐᖏᓚᑦ ᕿᓚᖕᒥ.

ᐂᓮᐊᓯᐅᑉ ᐊᒡᓚᖏᑦ 58:4 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:27

ᐱᐅᖏᑦᑐᑦ ᑐᓂᕐᕈᑎᖏᑦ ᓇᕐᕈᓇᕐᐳᑦ, ᐱᐅᓐᖏᓗᐊᕆᕗᑦ ᐱᐅᖏᑦᑐᒥᒃ ᐱᓂᐊᕈᑎᒋᔪᒪᓗᓂᒋᑦ ᑐᓂᕐᕈᑎᒋᒃᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 3:14

ᐊᑕᓂᖅ ᐃᖅᑲᕐᑐᐃᕕᖕᒥᓄᑦ ᐃᑎᕐᐳᖅ ᐃᓄᖁᑎᖏᑕ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕆᔭᖏᓪᓗ ᐃᓚᒋᓪᓗᒋᑦ: “ᐃᓕᑦᓯ ᐱᕈᕐᓰᕕᒃ ᕔᓂᓕᒃᓴᖅ ᓂᕆᓚᐅᕐᐸᓯ, ᐊᔪᕐᓴᕐᑐᓂᓪᓗ ᐊᕐᓵᕐᓂᒐᕕᓂᓯ ᐃᒡᓗᓯᓐᓃᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 3:15

ᖃᓄᖅ ᐃᓱᒪᓪᓗᓯ ᐃᓄᖁᑎᒃᑲ ᓯᖁᒥᑎᑉᐱᓯᐅᒃ, ᐊᔪᕐᓴᕐᑐᑦ ᓄᖑᕈᑎᓪᓗᒌᑦ?” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 59:2

ᐱᐅᖏᑦᑐᓂᒃ ᐱᓇᓱᐊᖃᑦᑕᕐᓂᑦᓯᓐᓄᑦ ᒎᑎᑦᓯᓐᓂᒃ ᐊᕕᑦᑎᓯᒪᒐᑦᓯ, ᐊᔪᕐᓂᑦᓯᓐᓄᑦ ᑮᓇᖓ ᐃᓕᑦᓯᓐᓄᑦ ᑕᕐᕆᓯᒪᓕᕐᒪᑦ ᑍᒫᒃ ᑐᓴᕈᓐᓁᓪᓕᕚᓯ.

ᐂᓮᐊᓯᐅᑉ ᐊᒡᓚᖏᑦ 59:6

ᓄᕕᕐᓴᕐᑕᖏᑦ ᐊᓐᓄᕌᒃᓴᓐᖑᕈᓐᓇᓐᖏᓚᑦ; ᐱᓇᓱᐊᕐᑕᖏᓪᓗ ᐅᓕᒃᓴᓐᖑᕈᓐᓇᕋᑎᒃ, ᐱᓂᐊᕐᓂᖏᑦ ᐊᔪᕐᑐᓕᓂᕐᓂᒃ ᐱᓇᓱᐊᕐᓂᐅᖕᒪᑕ, ᐊᒡᒐᖏᓪᓗ ᑲᑉᐱᐊᓱᐊᑎᑦᓯᓂᕐᒥᒃ ᐱᓇᓱᐊᕐᓂᖃᕐᐳᑦ.

ᔪᐃᓕᐅᑉ ᐊᒡᓚᖏᑦ 2:12

ᐊᑕᓂᖅ ᐅᖃᕐᐳᖅ, “ᒫᓐᓇ ᑍᒤᒻᒪᑦ, ᐃᓗᖏᕐᑐᕐᓗᓯ ᐅᕙᓐᓄᑦ ᐅᑎᓕᕆᑦᓯ, ᓂᕆᑦᑍᓕᓗᓯ, ᕿᐊᓗᓯ, ᕿᒃᓵᒡᓗᓯᓗ.”

ᔫᓇᐅᑉ ᐊᒡᓚᖏᑦ 3:7

ᐱᖁᔨᑦᔪᑎᓕᐅᕐᐳᕐᓗ ᒪᓕᒃᑕᐅᔭᕆᐊᖃᕐᑐᓂᒃ ᓂᓂᕕᒥᐅᑦ ᐃᓄᖏᓪᓄᑦ ᐃᒤᓕᔪᓂᒃ: “ᐃᓄᐃᓪᓘᓐᓃᑦ ᓂᕐᔪᑎᓪᓘᓐᓃᑦ ᐃᒻᒧᒃᓯᐅᒊᓪᓘᓐᓃᑦ ᓰᐱᓪᓘᓐᓃᑦ ᓂᕆᔪᒃᓴᐅᓐᖏᓚᑦ ᓱᓇᒥᒡᓘᓐᓃᑦ, ᐃᒥᕐᑐᒃᓴᐅᓇᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᓘᑲᓯᐅᑉ ᐊᒡᓚᖏᑦ 20:47

ᓯᓔᕐᕆᒃᓯᕙᒃᓗᑎᒃ ᐅᐃᒡᒐᕐᓂᕐᓂᒃ ᑎᒡᓕᒐᕐᕕᒋᔪᒪᓪᓗᒋᑦ ᐊᖏᕐᕋᖏᓐᓂᑦ, ᑕᑯᓐᓇᕐᑕᐅᓇᓱᐊᕐᓗᑎᒡᓗ ᑐᒃᓯᐅᑦᔨᓕᕐᐸᒃᓗᑎᒃ ᑕᑭᔪᐊᓗᖕᓂᒃ. ᑖᒃᑯᐊ ᓱᒋᐊᕐᑕᐅᓂᖏᑦ ᐱᐅᖏᓐᓂᕐᓴᓪᓚᕆᐊᓘᔪᒫᕐᐳᑦ.”

ᔪᐊᓇᓯᐅᑉ ᐊᒡᓚᖏᑦ 18:28

ᑕᕝᕙ ᔩᓱᓯ ᑬᐊᐹᓯᐅᑉ ᐃᒡᓗᖓᓂᑦ ᐋᑕᐅᓕᕆᕗᖅ ᕉᒪᒥᐅᑦ ᐊᐅᓚᑦᓯᔨᖓᑦᑕ ᐃᒡᓗᕐᔪᐊᖓᓄᑦ. ᐅᓪᓛᒻᒪᕆᐅᓕᕐᑎᓪᓗᒍ. ᔫᑎᓪᓕ ᐊᖓᔪᖅᑳᖏᑦ ᑕᕝᕗᖓ ᐃᑎᖃᑕᐅᓐᖏᓚᑦ, ᐅᒃᐱᕐᕈᓯᕆᔭᑎᒃ ᒪᓕᓗᒋᑦ ᓴᓗᒤᓕᑎᕈᒪᖏᓐᓇᒥᒃ, ᖄᖏᕐᑕᐅᕕᒃᓯᐅᕈᑎᐅᑉ ᓇᓪᓕᐅᓐᓂᓯᐅᕐᑕᐅᓂᖓᓂᒃ ᓂᕆᔪᓐᓇᖃᑕᐅᔪᒪᒐᒥᒃ.