ᐂᓮᐊᓯᐅᑉ ᐊᒡᓚᖏᑦ 58:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᑕᓂᐅᑉ ᑕᕝᕙ ᑕᓯᐅᖏᓐᓇᕐᓂᐊᕐᐹᓯ, ᑕᕐᓂᑦᓯᓗ ᑭᓐᖒᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ, ᓴᐅᓂᓯ ᓴᓐᖏᔫᓕᕐᑎᓪᓗᒋᑦ; ᐃᒪᖃᕐᑎᑕᐅᔪᑎᑐᑦ ᐱᕈᕐᓰᕕᒃᑐᑦ ᑍᒤᓐᓂᐊᕐᐳᓯ, ᓄᓇᐅᓪᓗ ᐃᓗᐊᓂᑦ ᑰᒃᕕᐅᔪᑎᑐᑦ, ᐃᒤᕈᓚᐅᕐᓯᒪᖏᑦᑐᑎᑐᑦ ᑍᒤᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 58:11 ပူးပေါင်းရင်းမြစ်များ

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᐃᓐᖏᕈᑎᑦ 32:8

ᐊᔪᕆᕐᑐᕐᓂᐊᕐᐸᒋᑦ ᐃᓕᓐᓂᐊᕐᑎᓪᓗᑎᓪᓗ ᐊᖅᑯᑎᒃᑯᑦ ᓇᐅᒃᑰᕆᐊᖃᕐᒪᖔᕐᐱᑦ; ᐃᓱᒻᒥᕐᑐᕐᓂᐊᕐᐸᒋᑦ ᐃᔨᓐᓄᑦ ᑕᑯᓐᓇᕐᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 49:10

ᑳᒍᓐᓃᕈᒫᕐᐳᑦ ᐃᒥᕈᒍᓐᓃᕐᓗᑎᒡᓗ, ᐊᓄᕆᒧᑦ ᐆᓇᕐᑐᒧᑦ ᓯᕿᓂᕐᒧᓪᓗ ᐆᑎᑕᐅᔪᒫᓐᖏᓚᑦ; ᑖᒃᑯᓂᖓ ᓂᑲᒍᓱᒃᑑᑉ ᑕᓯᐅᕈᒫᕐᐰᑦ, ᓄᓇᐅᑉ ᐃᓗᐊᓂᑦ ᑰᖃᕐᑐᒃᑯᑦ ᑕᓯᐅᕈᒫᕐᒪᒋᑦ.

ᔪᐊᓇᓯᐅᑉ ᐊᒡᓚᖏᑦ 16:13

ᓱᓕᔫᓪᓕ ᐊᓂᕐᓂᖓ ᑎᑭᒃᑯᓂ, ᓱᓕᓂᕐᓄᑦ ᑕᒤᓐᓄᑦ ᑕᓯᐅᓛᕐᐹᓯ; ᓇᖕᒥᓂᖅ ᐱᔪᓐᓇᕐᓂᓂ ᒪᓕᒡᓗᒍ ᐅᖃᓪᓚᓛᖏᒻᒪᑦ, ᑐᓴᕐᑕᒥᓂᒡᓕ ᐅᖃᐅᑦᔨᔪᒫᕐᐳᖅ, ᓇᓪᓕᐅᑎᔪᒫᕐᑐᓂᒡᓗ ᐅᖃᐅᑎᔪᒫᕐᐹᓯ.

ᐃᓐᖏᕈᑎᑦ 25:9

ᐱᐅᔪᕆᖏᑦᑐᑦ ᑕᓯᐅᕐᐰᑦ ᐊᑲᐅᔪᒧᑦ, ᐱᐅᔪᕆᖏᑦᑐᑦ ᐃᓕᓐᓂᐊᕐᑎᑉᐰᑦ ᐊᖅᑯᑎᒥᓂᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 4:15

ᐱᕈᕐᓰᕕᖕᒥ ᐳᐂᓚᕗᑎᑦ, ᐃᒥᕐᑕᕐᕕᒃ ᐆᒪᔪᒥᒃ ᐃᒪᓕᒃ, ᑰᒃᑐᖅ ᓕᐸᓇᓂᐅᑉ ᑰᖏᓐᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:25

ᐊᓐᓂᕈᓱᖏᑦᑐᖅ ᐊᒃᓗᐃᓕᓂᐊᕐᐳᖅ, ᐃᒥᕐᑎᑦᓯᔪᕐᓗ ᐃᒥᕐᑎᑕᐅᓂᐊᕆᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:8

ᑕᕝᕙ ᑎᒥᖕᓄᑦ ᐃᓅᓕᓴᐅᑕᐅᓂᐊᕐᐳᖅ, ᑎᒥᖕᓄᓪᓗ ᐃᓗᐊᕐᓯᑦᔪᑎᒃᓴᐅᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 36:35

ᐃᓄᐃᓪᓗ ᐅᖃᕈᒫᕐᐳᑦ, ‘ᒪᓐᓇ ᓄᓇ ᓱᓇᖃᓚᐅᖏᑦᑐᖅ ᐄᑕᓂᐅᑉ ᐱᕈᕐᓰᕕᖓᑐᑦ ᑍᒤᓕᕐᐳᖅ; ᐃᒡᓗᒐᓴᒡᔪᐊᕕᓃᓪᓗ ᐃᓄᖃᓚᐅᖏᑦᑐᑦ ᓱᓇᑕᖃᓚᐅᕈᓐᓃᕐᑐᓪᓗ ᒫᓐᓇ ᐃᓄᖃᓕᕆᕗᖅ ᐊᕙᓗᕐᔪᐊᖃᓕᕐᓗᓂᓗ.’

ᐃᓐᖏᕈᑎᑦ 92:14

ᐃᓄᑐᖃᐅᓕᕋᓗᐊᕈᑎᒃ ᓱᓕ ᐱᕈᕐᑐᖃᕈᒫᕐᐳᑦ, ᓄᑖᖑᐃᓐᓇᕐᓂᐊᕐᐳᑦ ᐱᕈᕐᕕᐅᑦᓯᐊᕐᓗᑎᒡᓗ,

ᕼᐆᓯᐊᑉ ᐊᒡᓚᖏᑦ 13:5

ᑲᑎᒪᓚᐅᕐᐸᒋᑦ ᐃᓄᖃᔪᐃᑦᑐᒥ, ᓄᓇᒥᓗ ᐃᒪᖃᖏᑦᑐᒥ.

ᔨᕆᒤᐊᐅᑉ ᐊᒡᓚᖏᑦ 17:8

ᓇᐹᕐᑐᑎᑐᑦ ᑍᒤᑉᐳᖅ ᐃᒪᖃᑦᓯᐊᕐᑐᒥ ᐱᕈᕐᓯᒪᔪᑎᑐᑦ, ᐊᒫᖏᓪᓗ ᐃᒫᓄᑦ ᑎᑭᐅᒪᑦᓯᐊᕐᑐᑎᑐᑦ, ᓯᓚ ᐅᖅᑰᔪᐊᓘᓕᕋᓗᐊᕐᐸᑦ ᓯᕘᕋᖏᑦᑐᑎᑐᑦ, ᐅᖃᐅᔭᖃᕐᑐᑎᑐᑦ ᑐᖑᔪᐃᓐᓇᕐᑐᓂᒃ, ᐸᓂᕐᓇᕐᑐᖃᕋᓗᐊᕐᐸᑦ ᐃᓱᒫᓗᖏᑦᑐᑎᑐᑦ, ᐱᕈᕐᑐᒃᓴᖁᑎᖏᑦ ᐱᕈᐃᓐᓇᐅᔭᕐᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:25

ᐱᔪᒪᑐᓛᕐᑐᖅ ᐊᑭᕋᕐᑐᓕᕐᑎᑦᓯᕗᖅ, ᐊᑕᓂᕐᒥᒡᓕ ᑕᑎᖃᕐᑐᖅ ᐱᕙᓪᓕᐊᑦᓯᐊᕈᒫᕐᐳᖅ.

ᐃᓐᖏᕈᑎᑦ 73:24

ᑕᓯᐅᕋᕕᖓ ᐅᖃᐅᑦᔪᐃᖃᑦᑕᕐᓂᒃᑯᑦ, ᐱᓐᓇᕐᓇᕐᑐᕐᔪᐊᒧᓪᓗ ᐃᓚᓕᐅᕈᒫᕋᕕᖓ.

ᐃᓐᖏᕈᑎᑦ 48:14

ᑖᓐᓇ ᒎᑎ, ᒎᑎᒋᒐᑦᑎᒍ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᑖᓐᓇᓗ ᑕᓯᐅᕐᑎᒋᓂᐊᕐᐸᕗᑦ ᑐᖁ ᑎᑭᓪᓗᒍ.

ᐃᓐᖏᕈᑎᑦ 37:19

ᐅᓪᓗᐃᑦ ᖁᕕᐊᓇᖏᑦᑐᑦ ᓇᓪᓕᐅᑎᒃᐸᑕ ᑲᓐᖑᓱᒃᑎᑕᐅᓂᐊᓐᖏᓚᑦ, ᑳᖕᓇᕐᑐᕐᔪᐊᖃᕐᐸᓪᓗ ᑳᓕᕐᓂᐊᓐᖏᓚᑦ.

ᐃᓐᖏᕈᑎᑦ 33:19

ᑕᕐᓂᕐᒥᖕᓂᒃ ᓴᐳᑎᔭᐅᖁᔨᔪᑦ ᑐᖁᒥᑦ, ᑖᑦᓱᒧᖓᓗ ᐃᓅᑎᑕᐅᔪᒪᓪᓗᑎᒃ ᑳᖕᓇᕐᑐᕐᔪᐊᒥ.

ᐃᓐᖏᕈᑎᑦ 107:9

ᑖᑦᓱᒪ ᑕᕐᓂᖅ ᐃᒥᕈᒃᑐᖅ ᐃᒥᕈᐃᕐᑎᒻᒪᒍ, ᑕᕐᓂᕐᓗ ᑳᒃᑐᖅ ᐊᕿᐊᑦᑐᕐᑎᓪᓗᓂᐅᒃ ᐱᐅᔪᓂᒃ.

ᔫᐱᐅᑉ ᐊᒡᓚᖏᑦ 5:20

ᑳᖕᓇᕐᑐᖃᕐᐸᑦ ᑖᑦᓱᒪ ᑐᖁᒥᑦ ᓴᐳᑎᓂᐊᕐᐹᑎᑦ, ᐅᓇᑕᕐᓂᕐᒥᓗ ᓴᕕᒡᔪᐊᑉ ᐱᔪᓐᓇᕐᓂᖓᓂᑦ ᓴᐳᑎᓗᑎᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:11

ᒫᓐᓇᓕ ᒎᑎᑦᑕ ᐊᑖᑖᑦᑕ ᓇᖕᒥᓂᖅ, ᐊᑕᓂᑦᑕᓗ ᔩᓱᓯᐅᑉ, ᐋᖅᑭᒃᓲᑎᓕᑎᒍᑦ ᑕᑯᖃᑎᒌᒃᑲᓐᓂᕈᓐᓇᕐᓯᖁᓪᓗᑕ;

ᐂᓮᐊᓯᐅᑉ ᐊᒡᓚᖏᑦ 61:11

ᓄᓇᑐᑦ ᐱᕈᕐᑐᒃᓴᒥᒃ ᓴᖅᑭᕝᕕᐅᔪᑎᑐᑦ, ᐱᕈᕐᓰᕕᒡᓗ ᐱᕈᕐᑐᒃᓴᓂᒃ ᐱᕈᕐᕕᐅᓕᕐᐸᖕᒪᑦ ᑲᓐᖓᕐᓲᑕᐅᓯᒪᔪᓂᒃ, ᑍᒫᒃᑕᐅᖅ ᐊᑕᓂᐅᑉ ᒎᑎᐅᑉ ᓇᓛᒎᕐᓂᖅ ᓂᕐᑐᓕᕐᓂᕐᓗ ᐱᕈᕐᑎᑦᓱᒫᕆᕔᑦ ᐃᓅᖃᑎᒌᒡᔪᐊᓕᒫᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:4

ᐃᕿᐊᑦᑕᐅᑉ ᑕᕐᓂᖓ ᑳᒃᐳᖅ, ᓂᕿᒃᓴᕐᑖᕋᓂᓗ, ᐃᕿᐊᑦᑍᑦᑑᓪᓕ ᐊᒃᓱᕈᕐᓗᓂ ᐱᓇᓱᐊᕐᓂᕐᒥᓄᑦ ᓂᕿᒃᓴᖃᑦᓯᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 33:16

ᑍᒤᑦᑐᖅ ᐃᓂᖃᕐᓂᐊᕐᐳᖅ ᖁᕝᕙᓯᒃᑐᒥ; ᕿᒫᕕᒃᓴᖃᕐᓂᐊᕐᐳᖅ ᐅᔭᖅᑲᓂᒃ ᐊᕙᓗᓕᐅᕐᓯᒪᔪᓂ; ᓂᕿᒃᓴᖃᕐᑎᑕᐅᓂᐊᕐᐳᖅ, ᐃᒥᒃᓴᖃᕐᑎᑕᐅᓗᓂᓗ ᑲᔪᓯᑦᓯᐊᕐᑐᒥᒃ.

ᔪᐊᓇᓯᐅᑉ ᐊᒡᓚᖏᑦ 7:38

ᐅᕙᓐᓄᑦ ᐅᒃᐱᕐᑐᖅ, ᓲᕐᓗ ᐊᒡᓚᖕᓂ ᐅᖃᐅᓯᐅᓯᒪᖕᒪᑦ, ‘ᐃᒦᑦ ᐃᓅᓯᑖᕐᓇᕐᑐᒥᒃ ᑰᒃᑐᑦ ᐆᒻᒪᑎᖓᓂᑦ ᑰᓕᕈᒪᕐᐳᑦ.’”

ᐂᓮᐊᓯᐅᑉ ᐊᒡᓚᖏᑦ 27:3

“ᐅᕙᖓ ᐊᑕᓂᖅ, ᑖᑦᓱᒧᖓ ᑲᒪᔨᐅᕗᖓ; ᑍᒪᓐᖓᑦ ᐃᒻᒥᕐᐸᒡᓗᒍ, ᖃᐅᔨᓴᖃᑦᑕᕐᐸᕋ ᐅᓐᓄᐊᒃᑯᑦ ᐅᓪᓗᒃᑯᓪᓗ ᓇᓪᓕᐊᓐᓄᓪᓘᓐᓃᑦ ᐊᓯᕈᕐᑕᐅᖁᓇᒍ.

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 57:18

ᐱᓂᐊᕐᓂᖏᑦ ᑕᑯᓯᒪᕙᒃᑲ, ᐋᖅᑭᒍᒫᕐᐸᒃᑲᓕ; ᑕᓯᐅᕈᒫᕋᒃᑭᑦ ᐅᑎᕐᑎᑦᓯᕕᒋᓗᒋᓪᓗ ᓮᒻᒪᕐᑎᑕᐅᓂᕐᒥᒃ, ᕿᒃᓵᖕᓂᕆᔭᖏᓐᓂᓪᓗ ᒪᓂᒍᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 66:14

ᑕᒪᓐᓇ ᑕᑯᓕᕈᑦᓯᐅᒃ, ᐆᒻᒪᑎᓯ ᖁᕕᐊᓱᒃᑐᐊᓘᔪᒫᕐᐳᑦ; ᑎᒥᓯᓗ ᐱᕈᑦᓯᐊᕈᒫᕐᐳᑦ ᐃᕕᒃᓱᒐᕐᑎᑐᑦ; ᖃᐅᔨᒪᔭᐅᓕᕈᒫᕐᒪᑦ ᐊᑕᓂᐅᑉ ᐊᒡᒐᖕᒥᓄᑦ ᐱᔨᓂ ᓇᔪᕐᒪᒋᑦ, ᓂᓐᖓᕕᒡᔪᐊᕐᓂᐊᓗᐊᓗ ᓴᖅᑭᔮᕈᒫᕆᕗᖅ ᐊᑭᕋᕐᑐᕐᑎᖏᓐᓄᑦ.

ᒨᓯᓯ ᑕᓪᓕᒪᖏᑦ 15:4

“ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᑕᒫᓂ ᓄᓇᒥ ᐃᓕᑦᓯᓐᓄᑦ ᑐᓂᓯᒪᔭᖓᓂ ᓄᓇᖃᕐᑎᓪᓗᓯ. ᓇᖕᒥᓂᕐᓕ ᐃᓅᖃᑎᓯ ᐊᔪᕐᓴᓗᐊᕐᑐᖃᕐᓂᐊᓐᖏᓚᑦ

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᐃᓐᖏᕈᑎᑦ 84:7

ᐃᖏᕐᕋᕗᑦ ᐱᔪᓐᓇᕐᓂᕐᒥᑦ ᐱᔪᓐᓇᕐᓂᕐᒧᑦ; ᐊᑐᓂᓪᓗ ᑕᒤᓐᓄᑦ ᒎᑎᐅᔪᒧᑦ ᐅᐸᒍᑎᕗᑦ ᓮᐅᓂᒧᑦ.

ᐂᓮᐊᓯᐅᑉ ᐊᒡᓚᖏᑦ 44:4

ᐱᕈᕐᐸᓪᓕᐊᔪᒫᕐᐳᑦ ᐃᕕᒡᓱᒐᕐᑎᑐᑦ ᐃᒪᕐᓱᖕᒦᑦᑐᑎᑐᑦ, ᐅᕐᐱᒃᑎᑐᓪᓗ ᑰᑉ ᓯᓈᓃᑦᑐᑎᑐᑦ.