ᐂᓮᐊᓯᐅᑉ ᐊᒡᓚᖏᑦ 55:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᐂᓮᐊᓯᐅᑉ ᐊᒡᓚᖏᑦ 55:7 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 6:5

ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ;

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᑯᕉᓂᑲ ᐂᑉᐸᖏᑦ 15:4

ᕿᒃᓵᖕᓇᕐᑐᒃᑰᓕᕋᖕᒥᒃ ᓵᒋᐊᓚᐅᕐᐳᖅ ᐊᑕᓂᕐᒧᑦ, ᐃᓴᕆᐊᓕᐅᑉ ᒎᑎᖓᓄᑦ, ᕿᓂᓕᕋᒥᑦᔪᒃ, ᓇᓂᓚᐅᕐᐹᑦ.

ᑯᕉᓂᑲ ᐂᑉᐸᖏᑦ 30:6

ᑕᕝᕙ ᑐᓴᕐᑎᑦᓯᔭᕐᑐᕐᑐᑦ ᐂᓚᐅᕐᐳᑦ ᐃᓴᕆᐊᓕᒥᐅᓕᒫᓄᑦ ᔫᑕᒥᐅᓕᒫᓄᓪᓗ ᑎᑎᖅᑲᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᑕᓗ ᑎᑎᕋᖏᓐᓂᒃ, ᐊᖓᔪᖅᑳᕐᔪᐊᑉ ᐱᖁᔨᓚᐅᕐᒪᑦ ᐅᖃᕐᓗᓂ: “ᐃᓴᕆᐊᓕᒥᐅᑦ ᐃᓄᖏᑦ, ᐊᑕᓂᕐᒧᑦ ᐅᑎᓚᐅᕆᑦᓯ, ᐂᑉᕋᕼᐋᒻ, ᐂᓴᑭᐅᓪᓗ ᐃᓴᕆᐊᓕᐅᓪᓗ ᒎᑎᖓᓄᑦ; ᑖᑦᓱᒪ ᐅᑎᕐᕕᒋᔪᓐᓇᕐᓂᐊᕐᒪᓯ ᐊᒥᐊᒃᑰᔪᓯ ᐊᓐᓇᓚᐅᕐᑐᓯᓗ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᑯᕉᓂᑲ ᐂᑉᐸᖏᑦ 33:13

ᑐᒃᓯᐊᕐᕕᒋᕚᓗ, ᒎᑎᐅᓪᓗ ᕿᓄᑦᔪᑎᖏᑦ ᐃᓚᓕᐅᕐᐰᑦ ᑐᒃᓯᐊᕐᓂᖓᓗ ᑐᓴᕐᓗᒍ ᐅᑎᕐᑎᑉᐹᓗ ᔨᕉᓴᓕᒧᑦ ᐊᖓᔪᖅᑲᐅᕕᖓᓄᑦ. ᒫᓇᓯᓗ ᖃᐅᔨᕗᖅ ᐊᑕᓂᖅ ᒎᑎᐅᖕᒪᑦ.

ᑯᕉᓂᑲ ᐂᑉᐸᖏᑦ 7:14

ᑕᕝᕙ ᐃᓄᖁᑎᒃᑲ ᐊᑎᓐᓂ ᑐᒃᓯᐊᕐᓗᑎᒃ ᐃᒻᒥᖕᓂᒃ ᒥᑭᒡᓕᑎᕐᐸᑕ, ᑐᒃᓯᐊᕐᓗᑎᒡᓗ ᑮᓇᓐᓂᒃ ᕿᓂᓕᕐᐸᑕ, ᐱᐅᖏᑦᑐᓕᓂᕐᒥᓂᒡᓗ ᕿᒤᒃᐸᑕ, ᑕᕝᕙ ᑐᓴᕐᓂᐊᕐᐸᒃᑲ ᕿᓚᖕᒥᑦ, ᐊᔪᕐᓂᖏᓪᓗ ᐃᓱᒪᒋᔪᓐᓁᕐᓗᒋᑦ ᓄᓇᖓᓗ ᐆᒻᒪᕐᑎᓐᓂᐊᕐᐸᕋ.

ᔫᐱᐅᑉ ᐊᒡᓚᖏᑦ 22:23

ᐊᔪᒐᖃᖏᑦᑐᒧᑦ ᐅᑎᕈᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ, ᐱᐅᖏᑦᑐᓕᓃᓪᓗ ᐲᕈᕕᒋᑦ ᐊᖏᕐᕋᕐᓂᑦ,

ᐃᓐᖏᕈᑎᑦ 130:4

ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ.

ᐃᓐᖏᕈᑎᑦ 130:7

ᐃᓴᕆᐊᓕᑎᒃᑯᑦ, ᐊᑕᓂᖅ ᓂᕆᐅᒡᕕᒋᓯᐅᒃ! ᐊᑕᓂᕐᒥ ᓇᒡᓕᖕᓂᕐᑕᖃᕐᒪᑦ ᓱᖁᓯᔪᐃᑦᑐᒥᒃ, ᐱᐅᓕᔭᐅᕕᒃᓴᕐᑕᖃᕐᓗᓂᓗ ᐊᖏᔪᒥᒃ ᑖᑦᓱᒪᓂ.

ᐃᓐᖏᕈᑎᑦ 51:1

ᒎᑏ, ᓂᑲᒋᓚᐅᓐᖓ, ᑍᒪᓐᖓᑦ ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᒪᓕᒡᓗᒍ; ᓂᑲᒍᓱᖕᓃᓪᓗ ᐊᒥᒐᖏᑦᑐᖅ ᒪᓕᒡᓗᒍ ᐊᔪᕐᓂᒃᑲ ᑕᕐᕆᑎᓚᐅᒃᑭᑦ.

ᐃᓐᖏᕈᑎᑦ 66:18

ᐆᒻᒪᑎᒃᑯᑦ ᐱᐅᖏᑦᑐᓕᓂᕐᒥᒃ ᐊᓐᓂᕆᔭᖃᕈᒪ, ᐊᑕᓂᐅᑉ ᑐᓴᕐᓂᐊᓐᖏᓛᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13

ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 1:19

ᐱᔪᒪᓂᖃᑦᓯᐊᕐᓗᓯ ᓈᓚᑦᓯᐊᕈᑦᓯ, ᓂᕿᒃᓴᖃᕈᒫᕐᐳᓯ ᐱᐅᔪᓂᒃ ᓄᓇᐅᑉ ᐱᕈᕐᑎᑕᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 21:12

ᑭᐅᓚᐅᕐᐸᕋ, “ᐅᓪᓛᖅ ᑎᑭᓕᕐᐳᖅ, ᑭᓯᐊᓂ ᐅᓐᓄᖕᓂᐊᕆᕗᖅ, ᐊᐱᕐᓱᕈᒪᒍᕕᖓ ᐅᑎᕐᓂᐊᕐᐳᑎᑦ ᐊᐱᕆᔭᕐᑐᕐᓗᖓ.”

ᐂᓮᐊᓯᐅᑉ ᐊᒡᓚᖏᑦ 31:6

ᐅᑎᕐᕕᒋᓕᕐᓯᐅᒃ ᑖᑦᓱᒥᖓ ᐊᖏᔪᒥᒃ ᐊᑭᕋᕐᑐᓚᐅᕐᑐᓯ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ.

ᐂᓮᐊᓯᐅᑉ ᐊᒡᓚᖏᑦ 32:7

ᐅᐃᕖᑦᑐᑦ ᐱᐅᓯᖃᕐᐳᑦ ᓈᒻᒪᖏᑦᑐᕐᔪᐊᓂᒃ; ᐱᐅᖏᑦᑐᓂᒡᓗ ᐱᓇᓱᐊᒐᒃᓴᕐᓯᐅᑐᐃᓐᓇᕐᓗᑎᒃ, ᐊᔪᕐᓴᕐᑐᓂᒃ ᐅᖃᐅᓯᕐᒥᖕᓄᑦ ᓱᓕᖏᑦᑐᓄᑦ ᐱᐅᔪᓐᓃᕐᑎᑦᓯᒋᐊᓪᓚᓲᖑᕗᑦ, ᐊᔪᕐᓴᕐᑐᑦ ᓇᓛᒎᑦᓯᐊᕐᑐᒥᒃ ᐃᑲᔪᕐᑕᐅᑦᔪᑎᒃᓴᒥᖕᓂᒃ ᐅᖃᐅᓯᖃᕋᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 40:2

“ᐅᖃᓪᓚᓕᕆᑦ ᒪᓂᒍᕐᑕᐅᓇᕐᑐᓂᒃ ᔨᕉᓴᓕᒧᑦ, ᐅᖃᓪᓚᒡᕕᒋᒃᑭᑦ ᐅᓇᑕᕐᓂᖓᑦ ᐃᓱᓕᒻᒪᑦ, ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕐᑕᐅᖕᒪᑕ, ᐊᑕᓂᕐᒧᑦ ᓱᒋᐊᕐᑕᐅᓯᒪᖕᒪᑕ ᐊᔪᕐᑐᓕᓂᖏᑕ ᒪᕐᕈᐃᕐᑑᑎᓪᓗᐊᖏᓐᓂᒃ.”

ᐂᓮᐊᓯᐅᑉ ᐊᒡᓚᖏᑦ 43:25

ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.

ᐂᓮᐊᓯᐅᑉ ᐊᒡᓚᖏᑦ 44:22

ᐱᐅᖏᑦᑐᓕᓂᓯ ᐊᖑᐊᓚᐅᕐᐸᒃᑲ ᓄᕗᔭᕐᓗᒃᑎᑐᑦ, ᐊᔪᕐᑐᓕᓂᓯᓗ ᓄᕗᔭᑎᑐᑦ ᐊᖑᐊᕐᓗᒋᑦ, ᐅᕙᓐᓄᑦ ᐅᑎᕆᑦᓯ, ᓴᑐᕐᑕᐅᕕᒃᓴᓕᐅᕐᓯᒪᓕᕋᑦᓯ.”

ᐂᓮᐊᓯᐅᑉ ᐊᒡᓚᖏᑦ 54:10

ᖃᖅᑳᓗᐃᑦ ᐱᑕᖃᕈᓐᓃᕈᒫᕐᐳᑦ ᐱᖑᐃᓪᓗ ᐲᔭᕐᑕᐅᔪᒫᕐᓗᑎᒃ, ᓇᒡᓕᒍᓱᖕᓂᕋᓕ ᓱᖁᓯᔪᐃᑦᑐᖅ ᐃᓕᑦᓯᓐᓂᒃ ᕿᒤᓂᐊᓐᖏᓚᖅ, ᓮᒻᒪᕐᑎᑦᓯᓂᕋᓗ ᐊᖏᖃᑎᒌᒍᑎᒐ ᐲᕐᑕᐅᓂᐊᖏᓐᓂᕗᖅ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᓇᒡᓕᒍᓱᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 54:8

ᓂᓐᖓᓗᐊᕐᓂᑯᒧᑦ ᐊᑯᓂᐅᖏᑦᑐᖅ ᑮᓇᕋ ᐃᓕᑦᓯᓐᓂᑦ ᐊᓚᓚᐅᕋᒃᑯ; ᓇᒡᓕᖕᓂᓐᓄᓪᓕ ᓱᖁᓯᔪᐃᑦᑐᒧᑦ ᐱᑦᓯᐊᕐᕕᒋᓂᐊᕐᐸᑦᓯ, ᑍᒫᒃ ᐊᑕᓂᖅ ᐅᖃᕐᐳᖅ, ᑖᓐᓇ ᐃᒻᒥᓄᑦ ᐅᑎᕐᑎᑦᓯᔨᓯ.

ᐂᓮᐊᓯᐅᑉ ᐊᒡᓚᖏᑦ 58:6

ᐃᒫᖓᕐᓕ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓚᐅᓐᖏᓚᖔ? ᐊᔪᕐᑐᓕᓂᕐᒧᑦ ᕿᓚᒃᓱᕐᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ, ᐅᖁᒤᑦᑐᑦ ᐊᒃᔭᕐᑕᖏᑦ ᐲᕐᑕᐅᖁᓪᓗᒋᑦ, ᓵᓚᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ, ᓇᖕᒪᐅᑎᒋᔭᐅᔪᓕᒫᓂᒡᓗ ᓯᖁᒥᓪᓗᒋᑦ ᐲᕐᑎᑦᓯᖁᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 59:7

ᐃᑎᒐᖏᑦ ᐱᐅᖏᑦᑐᓕᔪᒪᓂᕐᒧᑦ ᐅᓪᓚᖃᑦᑕᕐᐳᑦ, ᑐᐊᕕᖃᑦᑕᕐᐳᑦ ᐸᓯᔭᒃᓴᐅᖏᑦᑐᓂᒃ ᐃᓄᐊᕈᒪᓪᓗᑎᒃ, ᐃᓱᒪᒃᓴᕐᓯᐅᕐᐳᓪᓗ ᐊᔪᕐᑐᓕᔪᒪᓪᓗᑎᒃ; ᐊᖅᑯᑏᑦ ᐊᑐᕐᑕᕕᓂᖏᑦ ᐃᓄᐃᕈᑎᓯᒪᓪᓗᑎᒃ ᐊᓯᕈᕐᑕᐅᓯᒪᕗᑦ.

ᔨᕆᒤᐊᐅᑉ ᐊᒡᓚᖏᑦ 3:14

ᐊᑕᓂᖅ ᐅᖃᕐᐳᖅ, ᐊᓯᓐᓂᐊᕐᑎᐅᔪᓯ ᐅᕙᓐᓄᑦ ᐅᑎᕆᑦᓯ, ᐅᐃᒋᒐᑦᓯᓐᖓ. ᓂᕈᐊᕐᓂᐊᕐᐳᖓ ᐊᑕᐅᓯᕐᒥᒃ ᓄᓇᓕᖁᑎᑦᓯᓐᓂᑦ ᑕᒤᓐᓂᑦ, ᒪᕐᕉᓈᕐᑎᕆᓗᖓᓗ ᐃᓚᒌᖕᓂᑦ ᐊᑐᓂᑦ, ᓮᐅᓂᒧᓐᖓᐅᑎᓗᓯᓗ.

ᔨᕆᒤᐊᐅᑉ ᐊᒡᓚᖏᑦ 3:3

ᑍᒤᒻᒪᑦ ᓄᓇ ᖃᐅᓯᓕᕐᑎᑕᐅᔪᓐᓇᕈᓐᓃᕐᐳᖅ ᐅᐱᕐᖔᒃᑯᓪᓗ ᓯᓚᓗᒍᓐᓇᕈᓐᓃᕐᓗᓂ, ᐊᖑᓐᓂᐊᕐᑎᑎᑐᑦ ᑕᐅᑦᑐᖃᓕᕋᓗᐊᕋᕕᑦ ᑲᓐᖑᓲᑎᒋᔪᒪᓐᖏᓔᓪᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:40

ᐱᐅᓯᕆᔭᕗᑦ ᕿᒥᕐᕈᓗᒋᑦ ᖃᐅᔨᓴᓚᐅᕐᓚᕗᑦ, ᐊᑕᓂᕐᒧᓪᓗ ᐅᑎᕐᓗᑕ.

ᐃᓯᑭᐊᓕᐅᑉ ᐊᒡᓚᖏᑦ 14:6

“ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᖃᕿᐊᓕᕆᑦᓯ ᕿᒤᓗᓯᓗ ᒎᑎᓐᖑᐊᓯᓐᓂᒃ, ᒎᑎᒧᓪᓗ ᓇᕐᕈᓇᕐᑐᓕᕆᓂᓯ ᑕᒪᕐᒥᒃ ᕿᒪᒡᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᑖᓂᐊᓕᐅᑉ ᐊᒡᓚᖏᑦ 4:27

ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᔫᓇᐅᑉ ᐊᒡᓚᖏᑦ 3:10

ᒎᑎᓗ ᓂᓂᕕᒥᐅᑦ ᑍᒤᓕᐅᕐᓂᖏᓐᓂᒃ ᑕᑯᕗᖅ, ᓴᖑᓂᖏᓐᓂᒃ ᐊᖅᑯᑎᒋᔭᒥᖕᓂᑦ ᐃᓗᐊᖏᑦᑐᓂᑦ; ᒎᑎᐅᓪᓗ ᐃᓱᒪᒋᔭᓂ ᐊᓯᑦᔨᕐᐹ ᐊᓯᕈᕐᑕᐅᓂᖅ ᑍᓐᓇ ᐅᖃᐅᑎᒋᓚᐅᕐᑕᓂ ᐱᓂᐊᕈᑎᒋᓂᐊᕐᓂᕋᓚᐅᕐᑕᓂᓗ ᑖᒃᑯᓄᖓ.

ᓴᑲᕅᐊᐅᑉ ᐊᒡᓚᖏᑦ 8:17

ᐃᓅᖃᑎᑦᓯᓐᓄᑦ ᐱᐅᖏᑦᑐᒥᒃ ᐱᓂᐊᕐᕕᖃᕈᒪᓗᓯ ᐃᓱᒪᒃᓴᕐᓯᐅᕐᓂᐊᕐᓇᓯ, ᐊᖏᕐᑎᑕᐅᓯᒪᓗᓯᓗ ᓴᒡᓗᑎᖃᕐᓂᐊᕋᓯ. ᑕᒪᒃᑯᐊ ᑍᒤᓕᐅᕐᓃᑦ ᐆᒥᒋᕙᒃᑲ,” ᐊᑕᓂᖅ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 9:13

ᐊᑏ ᖃᐅᔨᓴᑦᓯᐊᓚᐅᕆᑦᓯ, ᒎᑎᐅᑉ ᐅᖃᐅᓯᖏᓐᓂ ᖃᓄᖅ ᑐᑭᖃᕐᒪᖔᑦ, ᐃᒫᒃ ᐅᖃᕐᓯᒪᔪᖅ: ‘ᓂᑲᒍᓱᖕᓂᖅ ᐱᔪᒪᕙᕋ, ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ.’ ᓇᓛᒎᑦᓯᐊᕐᑐᓂᒃ ᑎᑭᑦᔪᑎᖃᕐᓯᒪᓐᖏᓚᖓ, ᐊᔪᕐᑐᓕᔪᓂᒡᓕ ᕾᖁᔨᔭᕐᑐᕐᐳᖓ.”

ᒫᑯᓯᐅᑉ ᐊᒡᓚᖏᑦ 7:21

ᐃᓅᑉ ᐃᓗᐊᓂᓐᖔᕐᑐᑦ, ᐃᓅᑉ ᐆᒻᒪᑎᖓᓂᑦ, ᐱᐅᖏᑦᑐᑦ ᐊᓂᕙᒃᐳᑦ, ᓄᓕᐊᕈᒪᓃᑦ, ᑎᒡᓕᒍᒪᓃᑦ, ᑐᖁᑦᓯᔪᒪᓃᑦ, ᐊᓯᓐᓂᐊᕐᓃᑦ,

ᒫᑯᓯᐅᑉ ᐊᒡᓚᖏᑦ 7:23

ᑕᒪᒃᑯᐊ ᑕᒪᑦᔭ ᑕᒪᕐᒥᒃ ᐱᐅᖏᑦᑐᑦ ᐃᓅᑉ ᐃᓗᐊᓂᑦ ᐊᓂᔪᑦ ᐃᓄᖕᒥᒃ ᐱᐅᔪᓐᓃᕐᑎᑦᓯᕙᒃᑐᑑᕗᑦ.”

ᓘᑲᓯᐅᑉ ᐊᒡᓚᖏᑦ 15:10

ᑍᒫᒃᑕᐅᖅ ᐅᖃᐅᑎᕙᑦᓯ, ᒎᑎᐅᑉ ᐂᖏᓖᖁᑎᖏᑦ ᐊᖏᔪᒥᒃ ᖁᕕᐊᓱᒃᑎᑕᐅᕗᑦ ᐊᔪᕐᑐᓕᔪᖅ ᐊᑕᐅᓯᖅ ᓵᒋᐊᕐᐸᑦ.”

ᓘᑲᓯᐅᑉ ᐊᒡᓚᖏᑦ 15:24

ᐅᓇ ᐃᕐᓂᕋ ᑐᖁᖓᓚᐅᕐᑐᖅ ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᓇᓂᔭᐅᖕᒪᑦ.’ ᑕᕝᕙ ᖁᕕᐊᓱᖃᑎᒌᓕᕐᐳᑦ.

ᓘᑲᓯᐅᑉ ᐊᒡᓚᖏᑦ 7:47

ᑍᒤᒻᒪᑦ ᐅᖃᐅᑎᕙᒋᑦ, ᐊᕐᓇᐅᑉ ᐱᐅᖏᑦᑐᓕᓂᖏᑦ ᐊᒥᓱᑦ ᐃᓱᒪᒋᔪᓐᓃᕐᑕᐅᕗᑦ, ᑍᒤᒻᒪᑦ ᐊᖏᔪᒥᒃ ᓇᒡᓕᖕᓂᕐᒥᒃ ᓴᖅᑭᑎᑦᓯᕗᖅ; ᒥᑭᔪᒥᒡᓕ ᐱᐅᖏᑦᑐᓕᓯᒪᔪᖅ ᐃᓱᒪᒋᔪᓐᓃᕐᕕᐅᔪᖅ, ᒥᑭᔪᒥᒃ ᓇᒡᓕᖕᓂᖃᕐᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᔧᒥᓯᐅᑉ ᐊᒡᓚᖏᑦ 1:15

ᑭᖑᕐᖓᒍᑦ ᐱᔪᒪᓂᐊᓗᒃ ᓄᑕᕋᒃᓴᕆᔭᐅᓕᕋᒥ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐳᖅ; ᐊᔪᕐᓂᖅ ᐱᕈᕇᕋᒥ ᑐᖁᒥᒃ ᐃᕐᓂᐊᖃᕐᐳᖅ.