ᐂᓮᐊᓯᐅᑉ ᐊᒡᓚᖏᑦ 54:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᒪᓐᓇ ᐊᑦᔨᖃᕐᑎᑉᐸᕋ ᓄᐊ ᐃᓅᑎᓪᓗᒍ ᐱᓚᐅᕐᑐᒥᒃ; ᐅᖃᕕᒃᓗᖓ ᐅᖃᓚᐅᕋᒪ ᓄᐊ ᐃᓅᑎᓪᓗᒍ ᓄᓇᕐᔪᐊᓕᒫᖅ ᐅᓕᕕᒡᔪᐊᒧᑦ ᑎᑭᑕᐅᒃᑲᓐᓂᖁᓇᒍ, ᒫᓐᓇᑦᑕᐅᖅ ᐅᖃᕕᒃᓗᖓ ᐅᖃᕐᐳᖓ ᓂᓐᖓᒡᕕᒋᓂᐊᕈᓐᓃᕐᐸᑦᓯ ᓱᐊᖕᓂᐊᕈᓐᓃᕐᓗᓯᓗ.

ᐂᓮᐊᓯᐅᑉ ᐊᒡᓚᖏᑦ 54:9 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᔫᐱᐅᑉ ᐊᒡᓚᖏᑦ 11:16

ᑕᕝᕙ ᖁᕕᐊᓇᖏᑦᑐᒃᑰᕐᓂᕆᓯᒪᔭᑎᑦ ᐃᖅᑲᐅᒪᔪᓐᓁᕐᓂᐊᕐᐸᑎᑦ, ᐅᓕᕕᒃᔪᐊᖅ ᐊᓂᒍᕐᓯᒪᓕᕐᒪᑦ ᐃᖅᑲᐅᒪᔭᐅᔪᓐᓁᕐᓯᒪᓂᖓᑐᑦ.

ᐃᓐᖏᕈᑎᑦ 104:9

ᑭᒡᓕᓕᐅᕆᓯᒪᕗᑎᑦ ᐃᒥᕐᒧᑦ ᖄᖏᕐᑕᐅᖁᓐᖏᑕᕐᓂᒃ, ᐃᒪᕐᔪᐊᑦ ᐅᓕᒃᓯᒋᐊᓪᓚᖁᓇᒋᑦ ᓄᓇᕐᔪᐊᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᐂᓮᐊᓯᐅᑉ ᐊᒡᓚᖏᑦ 49:18

ᑕᑯᓴᓕᕆᑦ ᐊᕙᒻᒧᓪᓗ ᕿᓂᕐᓗᑎᑦ; ᑕᒪᕐᒥᒃ ᐃᒻᒥᖕᓄᑦ ᑲᑎᕐᓱᓕᕐᐳᑦ ᐃᓕᖕᓄᓪᓗ ᕾᓕᕐᓗᑎᒃ, ᐆᒪᒐᒪ, ᐊᑕᓂᖅ ᐅᖃᕐᐳᖅ, ᐊᓐᓄᕌᑎᑐᑦ ᑕᑯᒥᓇᕐᓯᑦᔪᑎᒋᔪᒫᕐᐸᑎᑦ, ᑲᑎᑎᑕᐅᔪᓪᓗ ᐱᐅᓴᐅᑎᖏᑎᑐᑦ ᐊᑎᔪᒫᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 51:22

ᐊᑕᓂᓯ ᐃᒫᒃ ᐅᖃᕐᐳᖅ, ᑖᓐᓇ ᐊᑕᓂᖅ ᒎᑎᓯ, ᓯᕐᓈᕐᑐᖅ ᐃᓄᖁᑎᒥᓂᒃ: “ᑕᑯᒋᑦᓯ ᐃᒥᐅᑦ ᐅᕐᕈᔮᕈᑎᒋᓚᐅᕐᑕᓯ ᐲᕐᐸᕋ ᐊᒡᒐᑦᓯᓐᓂᑦ, ᐃᒥᐅᑦ ᐃᒪᖃᓚᐅᕐᑐᖅ ᓂᓐᖓᐅᒪᓂᓐᓂᒃ, ᑕᕝᕙᓐᖓᑦ ᐃᒥᒃᑲᓐᓂᕐᓂᐊᕈᓐᓃᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 51:6

ᕿᓚᖕᒧᑦ ᑕᑯᓴᓕᕆᑦᓯ, ᐊᒻᒧᓪᓗ ᕿᕕᐊᕐᓗᓯ ᓄᓇᒧᑦ; ᕿᓔᑦ ᐳᔪᕐᑐᑦ ᐊᓯᐅᔪᒫᕐᐳᑦ, ᓄᓇᕐᔪᐊᕐᓗ ᐱᑐᖃᓐᖑᕈᒫᕐᐳᖅ ᐊᓐᓄᕌᑐᑦ, ᐃᓄᖏᓪᓗ ᐊᓇᓐᖏᕐᑎᑐᑦ ᑐᖁᕋᕈᒫᕐᐳᑦ; ᐱᐅᓕᒃᓯᓂᕋᓕ ᐃᓱᖃᖏᑦᑐᒧᑦ ᐃᓕᖓᕗᖅ, ᓇᓛᒎᕐᓂᕋᓗ ᓄᖑᑎᑕᐅᔪᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 51:8

ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ ᓂᕆᔭᐅᔪᒫᕐᒪᑕ, ᖁᐱᕐᕈᓄᓪᓗ ᓄᕕᕐᓵᒃᓴᓂᒃ ᓂᕆᓲᓄᑦ ᓂᖃᐅᓗᑎᒃ; ᓴᐳᑦᔨᓂᕋᓕ ᐃᓱᖃᖏᑦᑐᒧᑦ ᓱᕐᕋᖕᓂᐊᓐᖏᓚᖅ, ᐱᐅᓕᒃᓯᓂᕋᓗ ᑭᖑᕚᖑᖃᑎᒌᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 55:11

ᑍᒫᒃᑕᐅᖅ ᐅᖃᐅᓯᒃᑲ ᖃᓂᓐᓂᑦ ᐊᓂᔪᑦ: ᐅᕙᓐᓄᑦ ᐊᑐᖏᓪᓗᑎᒃ ᐅᑎᑐᐃᓐᓇᕐᓂᐊᓐᖏᓚᑦ, ᐱᔪᒪᔭᓐᓂᒡᓕ ᐱᔭᕇᕐᓯᓂᐊᕐᐳᑦ, ᐊᔪᕈᓐᓃᕐᑎᑦᓯᓪᓗᑎᒡᓗ ᐅᖃᕐᕕᒋᔭᓐᓂᒃ ᑎᓕᓯᕕᒋᔭᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 62:8

ᐊᑕᓂᖅ ᐅᖃᕕᒃᓯᒪᖕᒪᑦ ᓯᖁᒥᑦᔮᓐᖏᑕᒥᓂᒃ ᑕᓕᕐᐱᖕᒥᓄᑦ ᓇᓗᓁᒃᑯᑦᓯᕐᓗᒍ, ᑕᓕᕐᒥᓗ ᐱᔪᓐᓇᕐᓂᖓᒍ ᐅᖃᕐᓗᓂ: “ᓂᐊᖂᔭᒃᓴᑦ ᐱᕈᕐᑎᑕᕕᓂᓯ ᐊᑭᕋᑦᓯᓐᓄᑦ ᓂᕿᒃᓴᐅᑎᒃᑲᓐᓂᕐᓂᐊᕈᓐᓃᕐᐸᒃᑲ, ᐸᐅᕐᖎᓪᓗ ᐃᑦᑎᖓ ᓄᑖᖅ ᓄᓇᖃᑎᒃᓴᔭᕆᓐᖏᑕᑦᓯᓐᓄᑦ ᐃᒥᒃᓴᐅᑎᓐᓂᐊᕈᓐᓃᕐᐸᕋ ᐊᒃᓱᕉᑎᒋᓪᓗᒍ ᓴᖅᑭᑎᓚᐅᕐᑕᓯ.

ᔨᕆᒤᐊᐅᑉ ᐊᒡᓚᖏᑦ 31:37

ᐊᑕᓂᖅ ᐃᒫᒃ ᐅᖃᕐᐳᖅ, “ᕿᓚᐅᑉ ᐊᖏᓂᖓ ᐆᒃᑐᕋᕐᑕᐅᔪᓐᓇᕋᔭᕐᐸᑦ, ᓄᓇᕐᔪᐊᓪᓗ ᑐᓐᖓᕕᖓ ᖃᐅᔨᔭᐅᔪᓐᓇᕐᓯᓗᓂ, ᑕᕝᕙ ᐃᓴᕆᐊᓕᒥᐅᑦ ᑭᖑᕚᖏᑦ ᐃᒋᑦᓱᒫᕐᐸᒃᑲ ᐱᓂᐊᕐᓂᕆᓚᐅᕐᑕᖏᑦ ᐱᑦᔪᑎᒋᓪᓗᒋᑦ, ᐊᑕᓂᖅ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 16:42

ᑕᕝᕙ ᓂᓐᖓᐅᒪᓂᕋ ᐃᓕᑦᓯᓐᓄᑦ ᓈᒻᒪᒃᓯᔪᒫᕐᐳᖅ, ᓯᖕᓇᕕᒋᔪᓐᓁᕐᓗᓯᓗ ᓮᓪᓕᔪᒫᕐᐳᖓ, ᓂᓐᖓᐅᒪᔪᓐᓃᕐᓗᖓᓗ.

ᐃᓯᑭᐊᓕᐅᑉ ᐊᒡᓚᖏᑦ 39:20

ᓂᕆᕕᖁᑎᓐᓂ ᓂᕆᔪᒃᓴᐅᕗᓯ ᕿᒻᒥᕐᔪᐊᕕᓂᕐᓂᒃ ᐃᑭᒪᔨᐊᕕᓂᖏᓐᓂᒡᓗ, ᐅᓇᑕᕐᑎᓂᒡᓗ ᐊᔪᖏᑦᑐᕐᔪᐊᕕᓂᕐᓂᒃ ᖃᓄᐃᑦᑐᑐᐃᓐᓇᓂᒡᓗ ᐅᓇᑕᕐᑎᕕᓂᕐᓂᒃ,’ ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 39:29

ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”