ᐂᓮᐊᓯᐅᑉ ᐊᒡᓚᖏᑦ 53:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓄᖕᓄᑦ ᓇᕐᕈᒋᔭᐅᓚᐅᕐᐳᖅ ᖁᔭᓈᕐᑕᐅᓯᒪᓪᓗᓂᓗ; ᕿᒃᓵᖕᓇᕐᑐᒥᒃ ᐃᓅᓯᓕᒃ, ᐋᓐᓂᐊᓇᕐᑐᒥᒡᓗ ᓱᖏᐅᑎᓯᒪᓪᓗᓂ; ᐃᓄᖕᓄᓪᓗ ᑮᓈᓐᖑᒋᔭᐅᔪᑐᑦ ᑕᑯᔭᐅᔪᒪᓚᐅᓐᖏᓚᖅ ᓇᕐᕈᒋᔭᐅᒐᔪᖕᒪᑦ ᐅᐱᒋᓚᐅᓐᖏᓚᕗᑦ.

ᐂᓮᐊᓯᐅᑉ ᐊᒡᓚᖏᑦ 53:3 ပူးပေါင်းရင်းမြစ်များ

ᐃᓐᖏᕈᑎᑦ 69:29

ᐋᓐᓂᐊᖃᕐᐳᖓᓕ ᐅᖁᒤᒃᓴᕐᓗᖓᓗ, ᒎᑏ, ᐱᐅᓕᒃᓯᓂᕐᐱᑦ ᖁᑦᓯᒃᑐᒧᑦ ᐂᑎᓪᓛᖓ.

ᐃᓐᖏᕈᑎᑦ 88:4

ᐃᑎᕐᓴᒧᑦ ᑲᑕᒃᓯᒪᔪᑎᑐᑦ ᑍᒤᓐᓇᓱᒋᔭᐅᓕᕐᐳᖓ; ᐊᖑᑎᑐᑦ ᓄᑭᖃᕈᓐᓃᕐᓯᒪᔪᑎᑐᑦ ᑍᒤᓕᕐᐳᖓ.

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᐂᓮᐊᓯᐅᑉ ᐊᒡᓚᖏᑦ 50:6

ᐋᓐᓂᕐᓯᕆᔪᓄᑦ ᑐᓄᒐ ᒪᓂᕙᕋ, ᐅᓗᐊᒃᑲᒡᓗ ᒪᓂᓪᓗᒋᒃ ᐅᒥᓐᓂᒃ ᓄᓲᕅᔪᓄᑦ; ᑮᓇᕋᓗ ᑕᓕᑎᓚᐅᓐᖏᓚᕋ ᒥᑕᐅᑎᖃᕐᑐᓄᑦ ᑎᕝᕗᓗᒃᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 52:14

ᑍᒫᒃᑕᐅᖅ ᐅᓄᕐᑐᓄᑦ ᑕᑕᒥᓂᐊᕈᑕᐅᓚᐅᕐᐳᖅ, ᑮᓇᖓᑕ ᑕᐅᑦᑐᐊ ᐊᓯᑦᔨᕐᑕᐅᓚᐅᕐᒪᑦ ᐃᓅᑉ ᑕᐅᑦᑐᕆᕙᒃᑕᖓᑐᑦ ᑍᒤᑦᓱᓐᓃᕐᓗᓂ, ᐃᓅᓂᖓᑕᓗ ᑕᐅᑦᑐᐊ ᐃᓅᑉ ᐃᕐᓂᖏᑎᑐᑦ ᑍᒤᑦᓱᓐᓃᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 53:10

ᐊᑕᓂᐅᓪᓕ ᐱᔪᒪᔭᕆᓚᐅᕐᒪᒍ ᑎᒡᓘᔭᓕᕐᑎᑕᐅᓚᐅᕐᐳᖅ; ᕿᒃᓵᖕᓇᕐᑐᒦᑎᑕᐅᓪᓗᓂ; ᐃᒻᒥᓂᒃ ᑐᓂᕐᕈᓯᐅᑎᓪᓗᓂ ᐊᔪᕐᑐᓕᓂᕐᓄᑦ, ᑭᖑᕚᒥᓂᒡᓕ ᑕᑯᔪᒫᕆᕗᖅ, ᐃᓅᓯᖓᓗ ᐅᐃᒍᔭᐅᔪᒫᕐᐳᖅ; ᐊᑕᓂᐅᓪᓗ ᐱᔪᒪᔭᖓ ᐊᔪᖏᑦᓯᐊᕐᓗᓂ ᐱᓇᓱᐊᕈᑎᒋᔪᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 53:4

ᓱᓇᐅᕝᕙᓕ ᐋᓐᓂᐊᕈᑎᑦᑎᓐᓂᒃ ᐊᑐᓚᐅᕐᐳᖅ, ᖃᓂᒻᒪᓯᑦᑎᓐᓂᒡᓗ ᐱᓯᒪᓪᓗᓂ, ᐱᔮᕆᔭᐅᓇᓱᒋᓚᐅᕐᐸᕗᓪᓕ, ᒎᑎᒧᓪᓗ ᓱᒋᐊᕐᑕᐅᓇᓱᒋᓪᓗᒍ ᐋᓐᓂᐊᑎᑕᐅᓇᓱᒋᓚᐅᕐᐸᕗᑦ.

ᒤᑲᐅᑉ ᐊᒡᓚᖏᑦ 5:1

ᔨᕉᓴᓕᒥᐅᑕᐅᔪᓯ, ᐅᓇᑕᕐᑐᒃᓴᖁᑎᓯ ᑲᑎᑎᓚᐅᕐᓯᒋᒃ. ᓵᓚᖃᕈᒪᔪᓂᒃ ᓄᓇᕗᑦ ᐊᕙᓗᔭᐅᓯᒪᖕᒪᑦ; ᐃᓴᕆᐊᓕᒥᐅᑦ ᓯᕗᓕᕐᑎᖏᑦ ᐅᓇᑕᕆᐊᕐᑕᐅᓕᕐᒪᑕ.

ᓴᑲᕅᐊᐅᑉ ᐊᒡᓚᖏᑦ 11:8

ᑕᖅᑭᒥ ᐊᑕᐅᓯᕐᒥ ᓰᐱᓕᕆᔩᑦ ᐱᖓᓱᑦ ᓄᖅᑲᕐᑎᓚᐅᕐᐸᒃᑲ; ᑖᒃᑯᓇᓐᖓᑦ ᐊᑲᐅᒋᔭᐅᓚᐅᖏᓐᓇᒪ ᐅᕙᖓᓗ ᑕᖃᑦᔪᑎᓚᐅᕋᒃᑭᑦ.

ᒫᑎᐅᓯᐅᑉ ᐊᒡᓚᖏᑦ 26:67

ᑕᕝᕙ ᔩᓱᓯ ᑮᓇᖓᒍᑦ ᑎᕝᕗᓗᒃᐹᑦ, ᑎᒡᓗᒡᓗᒍᓗ; ᐃᓚᖏᑕᓕ ᑮᓇᖓᒍᑦ ᐸᑎᒃᐹᑦ,

ᒫᑎᐅᓯᐅᑉ ᐊᒡᓚᖏᑦ 27:63

ᐅᖃᕐᓗᑎᒃ, “ᐊᖓᔪᖅᑳᖅ, ᐃᖅᑬᒐᑦᑕ ᑍᓐᓇ ᓴᒡᓗᑐᔪᐊᓗᒃ ᓱᓕ ᐃᓅᓪᓗᓂ ᐅᖃᓚᐅᕐᒪᑦ, ‘ᐅᓪᓗᑦ ᐱᖓᔪᐊᓐᓂ ᒪᑭᑦᓱᒫᕐᐳᖓ ᐃᓅᓕᕐᒥᓗᖓ.’

ᒫᑯᓯᐅᑉ ᐊᒡᓚᖏᑦ 10:33

ᐅᖃᐅᑎᓪᓗᒋᑦ, “ᑕᑯᒋᑦ, ᑕᑉᐸᐅᖓ ᔨᕉᓴᓕᒻᒧᑦ ᐂᓕᕐᐳᒍᑦ; ᐃᓅᑉ ᐃᕐᓂᖓ ᑐᓂᔭᐅᔪᒫᕐᐳᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑖᒃᑯᐊ ᑐᖁᑕᒃᓴᓐᖑᕐᑎᑦᓱᒫᕐᐹᑦ, ᔫᑎᐅᖏᑦᑐᓄᑦ ᑐᓂᓗᒍ;

ᒫᑯᓯᐅᑉ ᐊᒡᓚᖏᑦ 10:34

ᑖᒃᑯᐊ ᒥᑕᐅᑎᒋᔪᒫᕐᐹᑦ, ᑎᕝᕗᓗᒡᓗᒍ, ᑏᒐᕐᑐᕐᓗᒍ, ᑐᖁᓪᓗᒍᓗ; ᐅᓪᓗᐃᓪᓕ ᐱᖓᔪᐊᓐᓂ ᒪᑭᓛᕐᐳᖅ.”

ᒫᑯᓯᐅᑉ ᐊᒡᓚᖏᑦ 14:34

ᑖᒃᑯᓄᖓ ᐅᖃᕐᖢᓂ, “ᐊᒃᓱᐊᓗᒃ ᕿᒃᓵᕕᒡᔪᐊᕐᓂᕐᒦᓕᕋᒪ, ᐊᒡᓛᑦ ᑐᖁᑐᐃᓐᓇᕆᐊᖃᕐᑑᔮᓕᕋᒪ; ᑕᕝᕙᓃᑐᐃᓐᓇᕆᑦᓯ, ᐃᖅᑯᒪᓗᓯ.”

ᒫᑯᓯᐅᑉ ᐊᒡᓚᖏᑦ 15:19

ᓂᐊᖁᐊᒍᑦ ᕿᔪᖕᒧᑦ ᓱᓪᓗᓕᖕᒧᑦ ᐊᓇᐅᖃᑦᑕᐹᑦ, ᑎᕝᕗᓗᒃᓗᒍ, ᓵᖓᓄᑦ ᓰᖅᑯᕐᐳᑦ, ᐅᑯᕕᒋᓪᓗᒍ.

ᒫᑯᓯᐅᑉ ᐊᒡᓚᖏᑦ 9:12

ᔩᓱᓯᐅᑉ ᐅᖃᐅᑎᕔᑦ, “ᐄᓛᒃ ᐃᓔᑦᔭ ᓯᕗᓪᓕᐅᓪᓗᓂ ᑎᑭᑦᓴᕇᓚᐅᕐᐳᖅ ᐃᓘᓐᓇᖏᓐᓂᒃ ᐊᑐᐃᓐᓇᕈᐃᓪᓗᓂ; ᖃᓄᕐᓕ ᐊᒡᓔᑦ ᐅᖃᕐᐸᑦ ᐃᓅᑉ ᐃᕐᓂᖓᓂᒃ, ᐅᓄᕐᑐᓄᑦ ᐋᓐᓂᐊᑎᑕᐅᔪᒫᕐᓂᖓᓂᒃ ᓇᕐᕈᒋᔭᐅᔪᒫᕐᓂᖓᓂᒡᓗ?

ᓘᑲᓯᐅᑉ ᐊᒡᓚᖏᑦ 16:14

ᐹᕆᓯᑦ ᑮᓇᐅᔭᓂᒃ ᐱᓪᓚᕆᖁᑎᖃᕋᒥ, ᑕᒪᑐᒥᖓ ᑐᓴᕋᒥᒃ, ᔩᓱᓯ ᒥᑕᐅᑎᒋᕚᑦ.

ᓘᑲᓯᐅᑉ ᐊᒡᓚᖏᑦ 19:41

ᔨᕉᓴᓕᒻ ᖃᒡᓕᓪᓗᒍ ᑕᑯᓐᓇᓕᕋᒥᐅᒃ ᖁᕝᕕᐅᕈᑎᒋᕚ,

ᓘᑲᓯᐅᑉ ᐊᒡᓚᖏᑦ 8:53

ᑖᒃᑯᐊ ᐃᔪᕆᕚᑦ, ᖃᐅᔨᒪᒐᒥᒃ ᑐᖁᖓᓐᖕᒪᑦ.

ᓘᑲᓯᐅᑉ ᐊᒡᓚᖏᑦ 9:22

ᐅᖃᐅᑎᓪᓗᒋᑦ, “ᐃᓅᑉ ᐃᕐᓂᖓ ᐊᖏᔪᒥᒃ ᐋᓐᓂᐊᑎᑕᐅᔭᕆᐊᖃᕐᐳᖅ, ᓇᕐᕈᒋᔭᐅᓗᓂ ᔫᑎᑦ ᐊᖓᔪᖅᑳᖏᓐᓂᑦ, ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓂᑦ, ᐱᖁᔭᓂᒡᓗ ᐃᓕᓮᔨᓂᑦ, ᑐᖁᑕᐅᓛᕐᐳᖅ, ᐅᓪᓗᐃᑦ ᐱᖓᔪᐊᓐᓂᒃ ᒪᑭᓛᕆᕗᖅ.”

ᔪᐊᓇᓯᐅᑉ ᐊᒡᓚᖏᑦ 11:35

ᔩᓱᓯᓗ ᕿᐊᕗᖅ.

ᔪᐊᓇᓯᐅᑉ ᐊᒡᓚᖏᑦ 8:48

ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ ᐅᖃᕐᑎᓪᓗᑕ ᓴᒥᐊᕆᐊᕐᒥᐅᑕᐅᕗᑎᑦ ᐊᓂᕐᓂᕐᓗᖕᒥᒡᓗ ᐃᓗᒻᒥᕐᑕᐅᓯᒪᓪᓗᑎᑦ?”

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᐄᑉᕈᐃᓄᑦ 4:15

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᖏᓐᓇᑦᑕ ᐃᓚᑦᓱᒍᓱᒍᓐᓇᖏᑦᑐᒥᒃ ᓴᓐᖐᓐᓂᑦᑎᓐᓂᒃ, ᐃᓘᓐᓈᒍᓪᓕ ᖃᓄᑐᐃᓐᓇᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓯᒪᕗᖅ ᐅᕙᑦᑎᑐᑦ, ᐊᔪᕐᑐᓕᓚᐅᕋᓂᓕ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.