ᐂᓮᐊᓯᐅᑉ ᐊᒡᓚᖏᑦ 52:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐅᐊᑦᓯᔨᓯᓗ ᖁᕕᐊᓱᒡᓗᑎᒃ ᕾᒐᓛᓕᕈᒫᕐᐳᑦ, ᐃᓐᖏᕐᓯᓗᑎᒃ ᐊᑕᐅᑦᓯᒃᑯᑦ; ᓇᖕᒥᓂᖅ ᑕᑯᓕᕈᓂᑦᔪᒃ ᐊᑕᓂᖅ ᐅᑎᕐᑎᓪᓗᒍ ᓮᐅᓂᒧᑦ.

ᐂᓮᐊᓯᐅᑉ ᐊᒡᓚᖏᑦ 52:8 ပူးပေါင်းရင်းမြစ်များ

ᐃᓐᖏᕈᑎᑦ 102:22

ᐃᓄᐃᑦ ᑲᑎᖃᑎᒌᒃᐸᑕ, ᐊᖓᔪᖅᑲᐅᕖᓪᓗ, ᑐᒃᓯᐊᕆᐊᕐᑐᕐᓗᑎᒃ ᐊᑕᓂᕐᒧᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 3:3

ᐅᓐᓄᐊᒃᑯᑦ ᖃᐅᔨᓴᕐᑎᑦ ᑲᑎᒐᒃᑭᑦ, ᐃᒡᓗᒐᓴᖕᓂ ᐱᓱᑲᑕᒃᑎᓪᓗᒋᑦ. ᐊᐱᕆᕙᒃᑲ, “ᐅᖓᔭᕋ ᑕᑯᓚᐅᕐᐱᓯᐅᒃ?”

ᓲᓗᒨᓂᐅᑉ ᐃᓐᖏᕈᓯᖏᑦ 5:7

ᑕᕝᕙ ᐃᒡᓗᒐᓴᖕᓂ ᖃᐅᔨᓴᕐᑎᓄᑦ ᐅᐸᒃᑕᐅᕗᖓ, ᑖᒃᑯᓇᓐᖓᑦ ᐋᓐᓂᕐᓯᕐᑕᐅᓪᓗᖓ ᐃᑭᓕᕐᑕᐅᕗᖓ; ᖃᐅᔨᓴᕐᑏᑦ ᐊᕙᓗᕐᔪᐊᒥ ᐅᓕᓐᓂᒃ ᐊᕐᓵᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 24:14

ᐊᒥᐊᒃᑯᑐᐊᖑᔪᑦ ᖁᕕᐊᓱᒡᓗᑎᒃ ᐃᓐᖏᕈᒫᕐᐳᑦ, ᓯᕿᓂᐅᓪᓗ ᓂᐱᕕᐊᑕ ᓇᓛᓃᑦᑐᑦ ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓂᒃ ᐅᖃᐅᓯᖃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 26:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᒥᐅᑦ ᐃᓐᖏᕈᒫᕐᐳᑦ ᐱᓯᕐᒥᒃ ᐆᒥᖓ: “ᐱᔪᓐᓇᑦᓯᐊᕐᑐᒥᒃ ᐃᒡᓗᒐᓴᒡᔪᐊᖃᕐᐳᒍᑦ; ᒎᑎᐅᑉ ᓇᖕᒥᓂᖅ ᐱᐅᓕᔭᐅᕕᒃᓴᐅᑎᒻᒪᒋᑦ ᐊᕙᓗᕐᔪᐊᖏᑦ ᓴᐴᓗᑕᖏᓪᓗ.

ᐂᓮᐊᓯᐅᑉ ᐊᒡᓚᖏᑦ 27:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᐅᖃᕈᒫᕐᐳᖅ, “ᐱᕈᕐᓰᕕᖁᑎᒐ ᐊᐅᐸᕐᑐᒥᒃ ᕔᓂᓕᒃᓴᖅ!

ᐂᓮᐊᓯᐅᑉ ᐊᒡᓚᖏᑦ 30:26

ᑕᒪᓐᓇ ᓇᓪᓕᐅᑎᒃᐸᑦ ᑕᖅᑭᖅ ᓯᕿᓂᕐᑎᑐᑦ ᖃᐅᒪᑎᒋᔪᒫᕐᐳᖅ, ᓯᕿᓂᕐᓗ ᖃᐅᒻᒪᓯᕆᕙᒃᑕᒥᓂᑦ 7ᐃᕐᑐᕈᑎᓪᓗᐊᒥᓂᒃ ᖃᐅᒪᓂᕐᓴᐅᓕᕈᒫᕐᐳᖅ, ᐅᓪᓗᐃᑦ 7 ᐊᑕᐅᓯᕐᒧᑦ ᑲᑎᑕᐅᓯᒪᔪᑎᑐᑦ ᑕᒪᓐᓇ ᑍᒤᑦᓱᒫᕐᐳᖅ, ᐊᑕᓂᐅᑉ ᐃᓄᖁᑎᓂ ᐋᓐᓂᐊᓂᖏᑦ ᒪᑦᑐᓯᕐᑐᓕᕐᐸᒋᑦ ᐃᑭᖏᓪᓗ ᒪᒥᓴᓕᕐᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 40:9

ᓮᐅᓂ, ᖃᖅᑲᐅᑉ ᐳᕐᑐᔫᑉ ᖄᖓᓄᐊᓕᕆᑦᓯ ᐅᖃᐅᓯᖃᓕᕆᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᔨᕉᓴᓕᒻ, ᓂᐱᖅᑯᕐᑐᓗᓯ ᐅᖃᐅᓰᑦ ᑐᓴᕈᒥᓇᕐᑐᑦ ᑐᓴᕐᑕᐅᑎᓕᕐᓯᐅᒃ, ᓂᐱᖅᑯᕐᑐᓗᓯ ᓯᕘᕋᖏᓪᓗᓯ; ᔫᑕᐅᑉ ᓄᓇᓕᖁᑎᖏᑦ ᐅᖃᐅᑎᓯᒋᒃ, ‘ᑕᑯᒋᑦ, ᑕᕝᕙ ᒎᑎᓯ.’

ᐂᓮᐊᓯᐅᑉ ᐊᒡᓚᖏᑦ 48:20

ᐹᐱᓘᓂᒥᑦ ᐊᐅᓪᓚᓕᕆᑦᓯ! ᑲᐅᓪᑎᐊᒥᐅᓂᒃ ᕿᒫᓕᕆᑦᓯ! ᑕᒪᓐᓇ ᐃᓐᖏᕈᑎᒋᓯᐅᒃ ᓂᐱᖅᑯᕐᑐᓗᓯ ᖁᕕᐊᓱᖕᓂᕐᒧᑦ, ᓇᓗᓁᕐᓯᐅᒃ ᑐᓴᕐᑕᐅᑎᓪᓗᒍ ᓄᓇᕐᔪᐊᑉ ᑭᒡᓕᖏᓐᓄᑦ; ᐅᖃᕐᓗᓯ, “ᐊᑕᓂᐅᑉ ᐱᔨᓂ ᔧᑯ ᐃᒻᒥᓄᑦ ᐅᑎᕐᑎᑉᐹ!”

ᐂᓮᐊᓯᐅᑉ ᐊᒡᓚᖏᑦ 56:10

ᐃᓴᕆᐊᓕᒥᐅᑦ ᖃᐅᔨᓴᕐᑎᖏᑦ ᑕᐅᑐᖏᒻᒪᑕ, ᐃᓕᓯᒪᓂᖃᕋᑎᒡᓗ; ᕿᒻᒥᑎᑐᑦ ᐅᖃᕈᓐᓇᖏᑦᑐᑎᑐᑦ ᑍᒤᑉᐳᑦ, ᕿᓗᒍᓐᓇᖏᒻᒪᑕᓘᓐᓃᑦ, ᓇᓚᕋᑐᐃᓐᓇᕐᐳᑦ ᓯᓐᓇᒃᑑᒪᑐᐃᓐᓇᕐᓗᑎᒃ ᓯᓂᒍᒪᑐᐃᓐᓇᕋᒥᒃ.

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 62:6

ᐊᕙᓗᕐᔪᐊᕐᓂ ᔨᕉᓴᓕᒻ ᖃᐅᔨᓴᕐᑎᑖᕐᑎᓚᐅᕐᐸᒋᑦ; ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ ᓂᐰᓚᐅᕐᓯᒪᓂᐊᖏᑦᑐᓂᒃ, ᐊᑕᓂᕐᒥᒃ ᐅᖃᐅᓯᖃᕐᐸᒃᑐᓯ ᓄᖅᑲᕐᑍᓕᒋᑦᓯ,

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 32:39

ᐊᑕᐅᓯᕐᒥᒃ ᐆᒻᒪᑎᖃᕐᑎᑦᓱᒫᕐᐸᒃᑲ ᐊᑕᐅᓯᕐᒥᒡᓗ ᐊᖅᑯᑎᖃᕐᑎᓪᓗᒋᑦ, ᐅᕙᓐᓂᒃ ᓯᕘᕋᒋᔭᖃᖁᓪᓗᒋᑦ ᐃᓱᖃᖏᑦᑐᒧᑦ, ᐱᐅᓂᕐᓴᒦᖁᓪᓗᒋᑦ ᑭᖑᕚᒃᓴᖏᓪᓗ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 33:7

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐊᔪᕐᓴᕈᓐᓃᕐᑎᑦᓱᒫᕐᐸᒃᑲ, ᓄᓇᒋᓚᐅᕐᑕᖏᓐᓄᓪᓗ ᐅᑎᕐᑎᒻᒥᓗᒋᑦ ᓯᕗᓪᓕᕐᒥ ᐱᐅᓯᕆᓚᐅᕐᑕᖏᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 6:17

ᖃᐅᔨᓴᕐᑎᓂᒃ ᑎᓕᓯᓚᐅᕐᐳᖓ ᐃᓕᑦᓯᓐᓄᑦ ᐅᖃᐅᔨᖁᓪᓗᒋᑦ ᑎᑦᑐᓚᐅᑦ ᓂᐱᖓᓂᒃ ᑐᓴᖁᓪᓗᓯ, ᑭᓯᐊᓂᓕ ᐅᖃᓚᐅᕐᐳᓯ ᓈᓚᒍᒪᖏᓐᓂᕋᕐᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 3:17

“ᐃᓅᑉ ᐃᕐᓂᖓ, ᖃᐅᔨᓴᕐᑎᓐᖑᕐᑎᑉᐸᒋᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ; ᑍᒤᒻᒪᑦ ᐅᖃᐅᓯᒃᑲ ᑐᓴᕈᕕᒋᑦ ᖃᓂᓐᓂᑦ ᐊᓂᔪᑦ, ᐃᓂᕐᑎᒃᑭᑦ ᐅᕙᓐᓂᑦ ᐱᔪᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 33:7

ᑍᒤᒻᒪᑦ, ᐃᓅᑉ ᐃᕐᓂᖓ, ᖃᐅᔨᓴᕐᑎᓐᖑᕐᑎᑉᐸᒋᑦ ᐃᓴᕆᐊᓕᐅᑦ ᑭᖑᕚᖏᓐᓄᑦ; ᐅᖃᐅᓯᕐᓂᒃ ᖃᓂᓐᓂᑦ ᐱᔪᓂᒃ ᑐᓴᑐᐊᕈᕕᑦ, ᐅᖃᐅᓯᕆᖃᑦᑕᕐᓂᐊᕐᐸᑎᑦ ᖃᐅᔨᑎᑦᓯᒋᐊᕈᑎᒋᔭᓐᓂᒃ ᑖᒃᑯᓄᖓ.

ᔨᐸᓁᐊᐅᑉ ᐊᒡᓚᖏᑦ 3:9

“ᑭᖑᓂᐊᒍᑦ ᐃᓄᖁᑎᒃᑲ ᓴᓗᒻᒪᕐᓴᕐᓂᐊᕐᐸᒃᑲ ᐅᖃᐅᓯᕐᑖᕐᑎᓪᓗᒋᓪᓗ. ᐊᑕᓂᐅᑉ ᐊᑎᖓᓄᑦ ᑐᒃᓯᐊᖁᓪᓗᒋᑦ ᑭᒡᒐᕐᑐᕐᓗᑎᒡᓗ ᐊᑕᐅᓯᐅᖃᑎᒌᒡᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 12:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:1

ᐱᓐᑎᑰᔅᑎᐅᑉ ᐅᓪᓗᖓ ᓇᓪᓕᐅᑎᑎᓪᓗᒍ, ᐅᒃᐱᕐᑐᑦ ᐊᑕᖏᕐᓗᑎᒃ ᑲᑎᒪᓚᐅᕐᐳᑦ ᐊᑕᐅᓯᕐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 4:32

ᐅᒃᐱᕐᑑᖃᑎᒌᓕᒫᑦ ᐆᒻᒪᑎᒥᒃᑎᒍᑦ ᑕᕐᓂᕐᒥᒃᑎᒍᓪᓗ ᐊᑕᐅᓯᐅᓕᖅᑲᖓᑦᓯᐊᓚᐅᕐᐳᑦ ᐃᓚᒌᑦᓯᐊᕐᓗᑎᒃ, ᐱᖁᑎᒥᖕᓂᒃ ᓇᖕᒥᓂᖃᕐᓂᕋᕐᓗᑎᒃ ᑍᓯᔪᖃᓚᐅᓐᖏᓚᑦ, ᑕᒪᕐᒥᒃ ᐱᒋᔭᒥᖕᓂᒃ ᑲᑐᑦᔨᓚᐅᕐᐳᑦ ᐊᑦᔨᒌᒃᑐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:10

ᐱᖁᒻᒪᕆᒃᐸᑦᓯ ᐃᓅᖃᑎᒃᑲ, ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᐊᖏᖃᑎᒌᑦᓯᐊᖁᓪᓗᓯ ᐅᖃᐅᓯᑦᓯᒍᑦ ᐃᓕᑦᓯᓐᓄᓪᓗ ᐊᕕᓯᒪᖁᓇᓯ, ᑲᑎᓐᖓᑦᓯᐊᕐᓗᓯᓕ ᐊᑕᐅᓯᐅᖁᓪᓗᓯ ᐃᓱᒪᑦᓯᒍᑦ ᐱᓂᐊᕐᓂᑦᓯᒍᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:12

ᒫᓐᓇ ᑕᕐᕋᕐᑑᑎᒃᑯᑦ ᑕᑯᑦᓯᐊᕈᓐᓇᕐᓇᑕ ᑕᑯᓐᓇᕐᐳᒍᑦ; ᐱᔪᒫᕐᑐᒥᓕ ᑕᑯᓐᓇᓕᕈᒫᕐᐳᒍᑦ ᑮᓇᕐᒥᑦ ᑮᓇᕐᒧᑦ. ᒫᓐᓇ ᐃᓔᓐᓇᖓᓂᒃ ᖃᐅᔨᒪᕗᖓ; ᐱᔪᒫᕐᑐᒥᓕ ᑕᒤᓐᓂᑦᓯᐊᖅ ᑐᑭᓯᔪᒫᕐᐳᖓ, ᓲᕐᓗ ᒎᑎᒧᑦ ᖃᐅᔨᒪᔭᐅᒐᒪ ᐃᓘᓐᓇᒃᑯᑦ.

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:4

ᐊᖓᔪᖅᑳᓪᓗ 24 ᐆᒪᔪᐃᓪᓗ ᓯᑕᒪᑦ ᐹᒻᒪᒡᓗᑎᒃ ᒎᑎ ᐅᐱᒋᕚᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ, ᐅᖃᕐᓗᑎᒃ, “ᐋᒥᓐ ᐋᓕᓘᔭ!”