ᐂᓮᐊᓯᐅᑉ ᐊᒡᓚᖏᑦ 52:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑐᐊᕕᕐᑎᑕᐅᓗᓯ ᐊᐅᓪᓚᕐᓂᐊᓐᖏᓐᓇᑦᓯ, ᕿᒫᓂᕐᒧᓪᓗ ᐊᐅᓪᓚᕐᓂᐊᖏᓐᓇᑦᓯ; ᐊᑕᓂᐅᑉ ᓯᕗᓪᓕᕐᓂᐊᕐᒪᓯ, ᐃᓴᕆᐊᓕᐅᓪᓗ ᒎᑎᖓᑦᑕ ᒪᓕᖕᓂᐊᕐᐹᓯ ᑭᖑᓂᑦᓯᓐᓂ ᐃᓕᑦᓯᓐᓂᒃ ᓴᐳᓐᓂᐊᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 52:12 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 14:15

ᑐᓴᑐᐊᕈᑦᓯ ᐱᓱᒡᕙᓗᒃᑐᓂᒃ ᓇᐹᕐᑐᑎᒍᑦ ᐸᐅᕐᖓᓕᒃᑎᒍᑦ, ᐅᓇᑕᕆᐊᕐᓂᐊᕐᐳᓯ; ᒎᑎᐅᑉ ᓯᕗᓪᓕᐅᓗᓂ ᐱᓕᔅᑍᓂᒥᐅᑉ ᐅᓇᑕᕐᑐᒃᓴᖏᑦ ᓱᒋᐊᕐᓂᐊᕐᒪᒋᑦ.”

ᒨᓯᓯ ᐂᑉᐸᖏᑦ 12:11

ᐃᒫᒃ ᑕᕝᕙ ᓂᕆᔭᒃᓴᕆᕙᓯ, ᕿᑎᑦᓯᒍᑦ ᑕᑦᓯᕈᓯᕐᓯᒪᔪᒃᓴᐅᕗᓯ ᐃᑎᒐᒍᓯᕐᓯᒪᓗᓯᓗ, ᐊᔭᐅᑉᐱᐊᓯᓗ ᑎᒍᒥᐊᕐᓗᒋᑦ; ᑐᐊᕕᕐᓗᓯ ᓂᕆᔪᒃᓴᐅᕗᓯ. ᑕᒪᓐᓇ ᐊᑕᓂᐅᑉ ᖄᖏᕐᑕᐅᕕᒃᓯᐅᑎᒋᖕᒪᒍ.

ᒨᓯᓯ ᐂᑉᐸᖏᑦ 12:33

ᐄᑦᔨᑉᑎᒥᐅᓪᓗ ᑎᓕᐅᕆᓕᕐᐳᑦ ᑐᐊᕕᕐᓗᑎᒃ ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᖁᓪᓗᒋᑦ ᐅᖃᕐᓗᑎᒃ, “ᐊᐅᓪᓚᖏᒃᑲᓗᐊᕈᑦᓯ ᑐᖁᔪᐃᓐᓇᐅᓂᐊᓕᕐᐳᒍᑦ.”

ᒨᓯᓯ ᐂᑉᐸᖏᑦ 12:39

ᐳᕙᓪᓚᕐᓴᐅᑎᖃᖏᑦᑐᓂᒡᓗ ᓂᐊᖂᔭᓕᐅᖃᑦᑕᕐᐳᑦ ᐄᑦᔨᑉᑎᒦᓪᓗᑎᒃ ᓴᓇᔭᕕᓂᕐᒥᖕᓂᒃ. ᐄᑦᔨᑉᑎᒥᑦ ᑐᐊᕕᕐᓗᑎᒃ ᐊᐅᓪᓚᕐᑎᑕᐅᓚᐅᕋᒥᒃ ᑕᖁᐊᒃᓴᒥᖕᓂᒡᓘᓐᓃᑦ ᐱᔪᓐᓇᕐᓯᓇᑎᒃ ᐳᕙᓪᓚᕐᓴᐅᑎᓕᖕᒥᒡᓗ ᓂᐊᖂᔭᓕᐅᕈᓐᓇᕐᓯᓇᑎᒃ.

ᒨᓯᓯ ᐂᑉᐸᖏᑦ 14:8

ᐊᑕᓂᐅᓪᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐱᔭᕐᓂᕈᓐᓃᕐᑎᓚᐅᕐᒪᒍ, ᐃᓴᕆᐊᓕᒥᐅᑦ ᒪᓕᒃᓴᕐᐰᑦ, ᑖᒃᑯᐊ ᖁᕕᐊᓱᒡᓗᑎᒃ ᐃᖏᕐᕋᓕᓚᐅᕐᑑᒐᓗᐊᑦ.

ᐂᓮᐊᓯᐅᑉ ᐊᒡᓚᖏᑦ 26:7

ᐃᓱᐊᕐᑐᑦ ᐊᖅᑯᑎᖏᑦ ᒪᓂᕋᕈᕐᑎᑉᐸᑎᑦ; ᐃᓱᐊᕐᑐᑦ ᐱᓱᒡᕕᒃᓴᖏᑦ ᕾᕋᑦᑑᑎᑉᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᑐᓐᖓᕕᒃᓴᓕᐅᕐᐳᖓ, ᐆᒃᑐᕋᕐᑕᐅᓯᒪᔪᒥᒃ ᐅᔭᕋᖕᒥᒃ, ᐃᒡᓘᑉ ᑎᕆᖅᑯᒃᓴᖓᓂᒃ, ᑐᓐᖓᕕᒃᓴᒥᒃ ᐊᐅᓚᖏᑦᑐᒥᒃ; ᓇᓪᓕᐊᓪᓗ ᐅᒃᐱᕐᑐᖅ ᑐᐊᕕᕐᓗᓂ ᐱᓇᓱᐊᕆᐊᖃᕈᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 45:2

ᓯᕗᓂᕐᓃᓐᓂᐊᕐᐳᖓ ᖃᖅᑲᓂᒃ ᒪᓂᖅᑲᒃᓮᓗᖓ, ᐃᑎᕐᑕᕐᕕᖕᓂᒃ ᑲᓐᓄᔭᓂᒃ ᓯᖁᑦᑎᕆᓗᖓ ᐅᒃᑯᐊᓪᓗ ᓴᕕᕋᔧᑦ ᐅᕐᕉᕋᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 49:10

ᑳᒍᓐᓃᕈᒫᕐᐳᑦ ᐃᒥᕈᒍᓐᓃᕐᓗᑎᒡᓗ, ᐊᓄᕆᒧᑦ ᐆᓇᕐᑐᒧᑦ ᓯᕿᓂᕐᒧᓪᓗ ᐆᑎᑕᐅᔪᒫᓐᖏᓚᑦ; ᑖᒃᑯᓂᖓ ᓂᑲᒍᓱᒃᑑᑉ ᑕᓯᐅᕈᒫᕐᐰᑦ, ᓄᓇᐅᑉ ᐃᓗᐊᓂᑦ ᑰᖃᕐᑐᒃᑯᑦ ᑕᓯᐅᕈᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 49:11

ᖃᖅᑲᖁᑎᓕᒫᒃᑲ ᐊᖅᑯᑎᓐᖑᕐᑎᑦᓱᒫᕐᐸᒃᑲ, ᐊᖅᑯᑎᓪᓚᕆᖁᑎᒃᑲᓗ ᐳᕐᑐᓯᒋᐊᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 51:14

ᐊᐅᓪᓚᕈᑦᔭᐅᓯᒪᔪᑦ ᐊᓂᑎᑕᐅᕕᒃᓴᖓᑦ ᖃᒡᓕᕗᖅ; ᑐᖁᓂᐊᓐᖏᓚᑦ ᐃᑎᕐᓴᒧᓪᓗ ᐃᓕᔭᐅᓂᐊᓐᖏᓚᑦ, ᓂᕿᒃᓮᕈᑎᓂᐊᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 57:18

ᐱᓂᐊᕐᓂᖏᑦ ᑕᑯᓯᒪᕙᒃᑲ, ᐋᖅᑭᒍᒫᕐᐸᒃᑲᓕ; ᑕᓯᐅᕈᒫᕋᒃᑭᑦ ᐅᑎᕐᑎᑦᓯᕕᒋᓗᒋᓪᓗ ᓮᒻᒪᕐᑎᑕᐅᓂᕐᒥᒃ, ᕿᒃᓵᖕᓂᕆᔭᖏᓐᓂᓪᓗ ᒪᓂᒍᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 58:8

ᑍᒤᒃᑯᑦᓯ ᑕᕝᕙ ᖃᐅᒪᓂᓯ ᖃᐅᒻᒤᓕᕐᓂᐊᕐᐳᑦ ᖃᐅᕙᓪᓕᐊᔪᑎᑐᑦ, ᐋᖅᑭᒃᑕᐅᓂᓯ ᑕᕝᕙ ᐱᕙᓪᓕᐊᓂᖏᑦ ᓱᑲᑦᑑᓕᕋᔭᕐᐳᑦ; ᓇᓛᒎᕐᑎᑕᐅᓂᓯᓗ ᓯᕗᓂᑦᓯᓐᓃᓕᕐᓗᓂ; ᐊᑕᓂᐅᓪᓗ ᓂᕐᑐᕐᓇᕐᓂᖓ ᓴᐳᑦᔨᔨᒋᓕᕐᓗᒍ ᑭᖑᓂᑦᓯᓐᓃᓪᓗᓂ.

ᒤᑲᐅᑉ ᐊᒡᓚᖏᑦ 2:13

ᐅᒃᑯᐃᕐᓯᔫᑉ ᐊᐅᓪᓚᐅᑎᓂᐊᕐᐰᑦ ᑎᒍᔭᐅᓯᒪᕕᖏᓐᓂᑦ; ᐊᐅᓪᓚᕐᓗᑎᒡᓗ ᐃᒡᓗᒐᓮᑦ ᐃᑎᕐᑕᕐᕕᐊᒍᑦ ᐊᓂᓗᑎᒃ. ᐊᖓᔪᖅᑳᕐᔪᐊᖓᑦᑕ ᐊᑕᓂᐅᑉ, ᑕᓯᐅᕐᓂᐊᕐᒪᒋᑦ.

ᒨᓯᓯ ᓯᑕᒪᖏᑦ 10:25

ᐅᓇᑕᕐᑐᓴᐅᖃᑎᒌᒃᔪᐊᑦ ᑖᓐ ᕿᑐᕐᖓᖏᑦ ᑭᖑᓪᓕᕐᐹᖑᓪᓗᑎᒃ ᐊᐅᓪᓚᕆᕗᑦ ᐅᓇᑕᕐᑐᒃᓴᐅᖃᑎᒌᒃᑐᑦ ᒪᓕᒡᓗᒋᑦ; ᐊᕼᐂᓱᕆ ᐊᒥᓴᑍᑉ ᐃᕐᓂᖓ ᐅᓇᑕᕐᑐᒃᓴᓄᑦ ᑖᒃᑯᓄᖓ ᐊᖓᔪᖅᑳᖑᓚᐅᕐᐳᖅ.

ᒨᓯᓯ ᑕᓪᓕᒪᖏᑦ 16:3

ᑍᒤᑦᑐᒥᒃ ᓂᕆᓕᕐᑎᓪᓗᓯ, ᓂᐊᖂᔭᕐᑐᕐᑐᒃᓴᐅᓐᖏᓚᓯ ᐳᕙᓪᓚᕐᓴᐅᑎᖃᕐᑐᒥᒃ. ᐅᓪᓗᓂᒃ 7ᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᕿᖃᕐᑐᒃᓴᐅᕗᓯ, ᑍᒤᑦᓴᕆᐊᖃᓚᐅᕋᑦᓯ ᐄᑦᔨᑉᑎᒥᑦ ᑐᐊᕕᕐᓗᓯ ᐊᐅᓪᓚᕆᐊᖃᓕᕐᑎᓪᓗᓯ. ᓂᐊᖂᔭᓂᒃ ᑕᒪᒃᑯᓂᖓ ᓂᕆᔪᒃᓴᐅᕗᓯ ᑍᒤᑦᑐᑦ ᑍᔭᐅᕙᖕᓂᐊᕐᒪᑕ ᐅᖁᒤᒃᓴᑎᕐᑕᐅᓂᐅᑉ ᓂᐊᖂᔭᖁᑎᖏᓐᓂᒃ; ᑍᒫᓐᖓᑦ ᐃᓅᓯᓕᒫᑦᓯᓐᓂ ᐃᖅᑲᐅᒪᒃᓯᔪᓐᓇᖁᓪᓗᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᓯᒪᓂᑦᓯᓐᓂᒃ, ᓄᓇᒥᑦ ᐅᖁᒤᒃᓴᕐᑎᑕᐅᕕᖕᒥᑦ.

ᒨᓯᓯ ᑕᓪᓕᒪᖏᑦ 20:4

ᐊᑕᓂᐅᑉ ᒎᑎᑦᓯ ᐃᓚᒋᓂᐊᕐᒪᓯ, ᑖᑦᓱᒪᓗ ᓵᓚᒃᓴᕐᑎᓐᓂᐊᕐᐹᓯ.’

ᔮᓱᐊᑉ ᐊᒡᓚᖏᑦ 4:11

ᐊᑭᐊᓃᑦᑐᐃᓐᓇᐅᓕᕐᒪᑕᓗ, ᑐᓂᕐᕈᓯᕐᑎᑦᓯᔩᑦ ᐊᒡᔭᕐᓯᔪᑦ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᓂᒃ ᐃᑳᓕᓚᐅᕐᐳᑦ ᐃᓄᐃᑦ ᑕᑯᓐᓇᕐᑎᓪᓗᒋᑦ.

ᔮᓱᐊᑉ ᐊᒡᓚᖏᑦ 6:9

ᐅᓇᑕᕐᑐᒃᓮᓪᓕ ᓯᕗᓪᓕᐅᕗᑦ ᑐᓂᕐᕈᓯᕐᑎᑦᓯᔨᓂᑦ ᑎᑦᑐᓚᐅᓯᔭᕐᑐᓂᑦ, ᑭᖑᓪᓕᕐᐸᐅᓪᓗᑎᒃ ᖃᐅᔨᓴᕐᑏᑦ ᐊᑕᓂᐅᑉ ᐃᒃᓯᕐᕕᖓᑕ ᑭᖑᓂᐊᓂ, ᑐᓂᕐᕈᓯᕐᑎᑦᓯᔩᓪᓗ ᑎᑦᑐᓚᐅᑎᒥᖕᓂᒃ ᓂᓪᓕᐊᑎᑦᓰᓐᓇᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 4:14

ᑎᐴᕋᐅᑉ ᐸᕌᒃ ᐅᖃᐅᑎᕚ, “ᒪᑭᓕᕆᑦ! ᐅᓪᓗᖅ ᑖᓐᓇ ᓇᓪᓕᐅᑎᖕᒪᑦ ᐊᑕᓂᐅᑉ ᑐᓂᖕᒪᑎᑦ ᓯᓰᕋᒥᒃ ᐱᔪᓐᓇᕐᓂᕐᓄᑦ. ᐊᑕᓂᖅ ᐃᕝᕕᑦ ᓯᕗᓂᖓᓃᓐᖏᓛᖅ?” ᑕᕝᕙ ᐸᕌᒃ ᐊᖅᑲᕐᑎᓚᐅᕐᐳᖅ ᖃᖅᑲᒥᑦ ᑍᐸᕆᒥᑦ 10,000ᓂᑦ ᐊᖑᑎᓂᑦ ᒪᓕᒃᑕᐅᓪᓗᓂ.