ᐂᓮᐊᓯᐅᑉ ᐊᒡᓚᖏᑦ 5:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑲᑉᐱᐊᓐᓇᒦᒃ ᐃᒡᓗᓕᐅᕐᐸᓪᓕᐊᔪᖅ ᐊᒃᑐᐊᖃᑦᑕᐅᑎᔪᓂᒃ, ᐱᕈᕐᓰᕕᓕᐅᕐᐸᓪᓕᐊᔪᕐᓗ ᐊᒃᑐᐊᖃᑦᑕᐅᑎᔪᓂᒃ, ᐃᓂᒃᓮᕈᑎᑐᐃᓐᓇᕐᓗᒍ ᖃᓂᒋᔭᖓ, ᐃᓄᑑᓗᑎᒃ ᓄᓇᖃᕐᕕᒋᓕᕐᓗᒍ ᓄᓇᒋᔭᓂ.

ᐂᓮᐊᓯᐅᑉ ᐊᒡᓚᖏᑦ 5:8 ပူးပေါင်းရင်းမြစ်များ

ᒤᑲᐅᑉ ᐊᒡᓚᖏᑦ 2:2

ᐱᕈᕐᓰᕕᖕᓂᒃ ᐱᔪᒪᕕᒃᔪᐊᓕᕌᖓᒥᒃ ᐱᕋᔭᖕᓂᒃᑯᑦ ᐊᕐᓵᕐᓯᕙᒃᐳᑦ, ᐃᒡᓗᑖᕐᐸᒡᓗᑎᒡᓗ ᐊᕐᓵᕐᓯᓪᓗᑎᒃ. ᐅᖁᒤᒃᓴᕐᑎᑦᓯᓪᓗᑎᒡᓗ ᐊᖏᕐᕋᓕᖕᓂᒃ, ᐊᕐᓵᕐᓯᕙᒡᓗᑎᒡᓗ ᑭᖑᕐᖑᑎᔭᒃᓴᕆᔭᐅᔪᓂᒃ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᐃᓯᑭᐊᓕᐅᑉ ᐊᒡᓚᖏᑦ 33:24

“ᐃᓅᑉ ᐃᕐᓂᖓ, ᐃᓄᐃᑦ ᐃᒡᓗᒐᓴᒡᔪᐊᕕᓂᕐᓂ ᓄᓇᖃᕐᑐᑦ ᐃᓴᕆᐊᓕᒥ ᐅᕾᓐᓇᓕᕐᒪᑕ, ‘ᐂᑉᕋᕼᐋᒻ ᐊᑕᐅᓯᐅᓪᓗᓂ ᓄᓇᒥᒃ ᑐᓂᓯᕕᐅᓚᐅᕐᐳᖅ; ᐅᓄᕐᑑᒐᑦᑕᓕ; ᓄᓇᒥᒃ ᑐᓂᓯᕕᐅᔭᕆᐊᖃᕐᓂᕐᓴᐅᕗᒍᑦ.’

ᐃᓯᑭᐊᓕᐅᑉ ᐊᒡᓚᖏᑦ 11:15

“ᐃᓅᑉ ᐃᕐᓂᖓ, ᖃᑕᓐᖑᑎᑎᑦ ᐊᒡᓛᑦ ᐃᓚᑎᑦ, ᐊᐅᓪᓚᕈᑦᔭᐅᓯᒪᔪᓯᒍᑦ ᐃᓚᓯ, ᐃᓴᕆᐊᓕᐅᑉ ᑭᖑᕚᓕᒫᖏᑦ, ᑖᒃᑯᐊ ᔨᕉᓴᓕᒦᑦᑐᑦ ᐅᖃᕐᓯᒪᖕᒪᑕ, ‘ᐅᖓᓯᒃᑐᒦᓗᐊᓕᕐᐳᑦ ᐊᑕᓂᕐᒥᑦ; ᓄᓇ ᑕᒪᓐᓇ ᓇᖕᒥᓂᕆᓕᕐᐸᕗᑦ.’

ᔫᐱᐅᑉ ᐊᒡᓚᖏᑦ 15:28

ᑖᓐᓇᐅᕗᖅ ᐃᒡᓗᒐᓴᖕᓂᒃ ᓄᓇᑖᕐᓯᒪᔪᖅ ᓵᓚᖃᕐᓂᒃᑯᑦ, ᐃᒡᓗᑖᕐᓯᒪᓪᓗᓂᓗ ᐃᓄᖏᓐᓂᑦ ᕿᒪᒃᑕᐅᓯᒪᔪᓂᒃ, ᐃᒡᓗᐃᓪᓕ ᐃᒡᓗᒐᓮᓪᓗ ᓄᖑᑕᐅᔪᒫᕐᐳᑦ ᐊᓯᕈᕐᑕᐅᓂᕐᒧᑦ.

ᐂᒨᓯᐅᑉ ᐊᒡᓚᖏᑦ 1:13

ᐊᑕᓂᖅ ᐅᖃᕐᐳᖅ, “ᐊᒧᓁᒥᐅᑦ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐊᕐᓇᓂᒃ ᕿᑐᕐᖓᒃᓴᓕᖕᓂᒃ ᐱᓚᒃᓯᓚᐅᕐᒪᑕ ᐊᖕᒪᕐᓗᒋᑦ ᒋᓕᐊᑎᒥ, ᓄᓇᖁᑎᑎᒃ ᐊᖏᒡᓕᒋᐊᕈᒪᓪᓗᒍ.

ᔫᐱᐅᑉ ᐊᒡᓚᖏᑦ 20:21

ᓂᕆᓕᕌᖓᒥ ᓂᕿᓂᒃ ᐊᒥᐊᒃᑯᖃᕐᐸᓐᖏᓚᖅ; ᑍᒤᒻᒪᑦ ᐊᔪᕐᓴᖏᑦᔪᑎᒃᓴᖏᑦ ᐃᓱᖃᕐᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:27

ᓂᐊᖂᔭᒃᓴᓂᒃ ᒥᖕᓂᑐᔫᑉ ᐱᕋᔭᖕᓂᒃᑯᑦ ᑮᓇᐅᔭᕐᑖᕈᒪᓂᕐᒧᑦ ᐃᒡᓗᒥᐅᖃᑎᓂ ᐃᓱᐊᖏᑦᑐᒦᑎᑉᐰᑦ, ᐅᐃᕕᕆᒃᓯᓂᕐᒥᒃᓕ ᐱᐅᒋᔭᖃᕐᖏᑦᑐᖅ ᐃᓅᓂᐊᕐᐳᖅ.

ᒤᑲᐅᑉ ᐊᒡᓚᖏᑦ 2:1

ᑲᑉᐱᐊᓐᓇᒦᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᑦ, ᐱᐅᖏᑦᑐᒥᒡᓗ ᐅᐸᓗᖎᔭᐅᑎᖃᕐᑐᑦ ᐅᓐᓄᐊᒃᑯᑦ ᐃᒡᓕᕐᒥᖕᓂ! ᐅᓪᓛᖓᓂᓗ ᐱᐅᖏᑦᑐᓂᒃ ᑲᔪᓯᑎᑦᓯᔪᑦ, ᑍᒤᓕᐅᕐᐳᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᓯᒪᒐᒥᒃ.

ᕼᐊᐸᑲᐅᑉ ᐊᒡᓚᖏᑦ 2:6

ᐅᖃᐅᓯᐅᒐᔪᒃᑐᒥᒃ ᐅᖃᐅᓯᐅᖃᑦᑕᓕᕐᓂᐊᓐᖏᓛᑦ? ᒥᑕᐅᑕᐅᓗᑎᒡᓗ ᐅᖃᐅᓯᐅᖃᑦᑕᕐᓂᐊᓐᖏᓛᑦ? ᐅᖃᕐᓗᑎᒃ, ‘ᑲᑉᐱᐊᓐᓇᒦᒃ! ᐊᔪᕐᓴᕈᓐᓃᕐᑐᑦ ᑲᑎᕐᓱᐃᓂᕐᒧᑦ ᐱᒋᓐᖏᑕᒥᓂᒃ, ᖃᓄᖅ ᐊᑯᓂᐅᑎᒋᔪᖅ ᑍᒤᓕᐅᕐᓂᐊᕐᐹᑦ? ᐱᑖᕐᑐᕐᑐᓪᓗ ᐊᑭᓕᕐᑕᐅᔪᒪᓂᒃᑯᑦ.’”