ᐂᓮᐊᓯᐅᑉ ᐊᒡᓚᖏᑦ 5:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᐃᑯᐊᓪᓚᓚᐅᕐᐳᖅ ᐃᓄᖁᑎᒥᓄᑦ, ᑕᓕᓂᓗ ᐃᓴᒃᐹ ᑖᒃᑯᓄᖓ ᐱᒋᐊᕈᒪᓪᓗᒋᑦ, ᖃᖅᑬᑦ ᓴᔪᒃᐱᓗᒃᐳᑦ; ᑎᒥᕕᓂᖏᓪᓗ ᐊᖅᑯᑎᓂ ᐃᒋᑕᐅᓯᒪᔪᑎᑐᑦ ᑍᒤᓕᕐᓗᑎᒃ. ᓂᓐᖓᐅᒪᓂᖓ ᓴᖑᓐᖏᓚᖅ ᐊᒡᒐᖏᑦ ᓱᓕ ᐅᕐᓕᕐᑐᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:25 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 14:11

ᔨᕈᐳᐊᒻ ᐃᓚᖏᑦ ᐃᒡᓗᒐᓴᖕᓂ ᑐᖁᔪᑦ ᕿᒻᒥᓄᑦ ᓂᕆᔭᐅᔪᒫᕐᐳᑦ; ᓄᓇᓕᖕᓂᐅᖏᑦᑐᕐᓗ ᑐᖁᔪᑦ ᑎᖕᒥᐊᓂᑦ ᓂᕆᔭᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ.’

ᐊᑕᓃᑦ ᓯᕗᓪᓖᑦ 16:4

ᓇᓪᓕᐊᑦ ᐹᓴᒥᒃ ᐃᓚᖃᕐᑐᑦ ᑐᖁᒃᐸᑕ ᐃᒡᓗᒐᓴᖕᓂ ᕿᒻᒥᓂᑦ ᓂᕆᔭᐅᔪᒫᕐᐳᑦ; ᓇᓪᓕᐊᓪᓗ ᐃᓚᒋᔭᖓ ᓄᓇᑐᐃᓐᓇᕐᒥ ᑐᖁᔪᑦ ᑎᖕᒥᐊᓂᑦ ᓂᕆᔭᐅᔪᒫᕐᐳᖅ.”

ᐊᑕᓃᑦ ᓯᕗᓪᓖᑦ 21:24

ᐂᕼᐊᐱᐅᑉ ᓇᖕᒥᓂᖏᑦ ᐃᒡᓗᒐᓴᖕᓂ ᑐᖁᔪᑦ ᕿᒻᒥᓄᑦ ᓂᕆᔭᐅᔪᒫᕐᐳᑦ, ᓇᖕᒥᓂᖏᓪᓗ ᓄᓇᑐᐃᓐᓇᒥ ᑐᖁᔪᑦ ᑎᖕᒥᐊᓂᑦ ᓂᕆᔭᐅᔪᒫᕐᐳᑦ.”

ᐊᑕᓃᑦ ᐂᑉᐸᖏᑦ 13:3

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓂᓐᖓᐅᒪᕝᕕᒋᓕᓚᐅᕐᐰᑦ, ᐊᑯᓂᓗ ᕼᐊᔧᐅᓪᒧᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᕐᓂᖓᓄᓪᓗ ᐱᓐ-ᕼᐊᑖᑦᒧᑦ ᓵᓚᒋᔭᐅᓯᒪᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 9:37

ᔨᓴᐱᐅᓕᐅᑉ ᑎᒥᖓ ᒪᓂᖅᑲᒥ ᑕᒫᓃᕐᕆᔪᒫᕐᐳᖅ ᔨᔭᕆᐅᓪᒥ, ᓇᓪᓕᐊᑦ ᐅᖃᕈᓐᓇᕈᒫᓐᖏᓚᖅ ᐅᓇ ᑕᕝᕙ ᔨᔨᐱᐊᓕᐅᑉ ᑎᒥᖓ.’”

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᔫᐱᐅᑉ ᐊᒡᓚᖏᑦ 9:13

ᒎᑎᐅᑉ ᓂᓐᖓᖕᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ; ᑖᑦᓱᒪ ᐊᑖᓄᑦ ᓰᖅᑯᕐᐳᑦ ᐃᑲᔪᕐᓯᒪᔪᑦ ᕅᕼᐊᐱᒥᒃ.

ᐃᓐᖏᕈᑎᑦ 106:40

ᑍᒤᒻᒪᑦ ᐊᑕᓂᐅᑉ ᓂᓐᖓᓂᖓ ᐱᒋᐊᓯᓚᐅᕐᐳᖅ ᐃᓄᖁᑎᒥᓄᑦ, ᓇᕐᕈᒋᓕᕐᓗᒋᓪᓗ ᓇᖕᒥᓂᖅ ᑭᖑᕐᖑᑦᔨᔨᖁᑎᒋᔭᓂ.

ᐃᓐᖏᕈᑎᑦ 114:7

ᓄᓇᕐᔪᐊᖅ ᓴᔪᓚᐅᕆᑦ, ᐊᑕᓂᐅᑉ ᓇᔫᑎᓂᖓᓄᑦ, ᔧᑰᓪᓗ ᒎᑎᖓᑕ ᓇᔫᑎᓂᖓᓄᑦ;

ᐃᓐᖏᕈᑎᑦ 18:7

ᓄᓇᓗ ᓴᔪᒃᐱᓗᒃᐳᖅ, ᖃᖅᑬᓪᓗ ᑐᓐᖓᕕᖏᑦ ᓴᔪᒡᓗᑎᒃ, ᐊᐅᓚᕗᑦ, ᓂᓐᖓᐅᒪᑎᓪᓗᒍ.

ᐃᓐᖏᕈᑎᑦ 68:8

ᓄᓇ ᓴᔪᓚᐅᕐᐳᖅ, ᕿᓔᓪᓗ ᑯᕕᓚᐅᕐᐳᑦ ᓯᓚᓗᖕᒥᒃ, ᒎᑎᐅᑉ ᓇᔪᕐᓂᖓᓄᑦ; ᓮᓁᓗᑦᑕᐅᖅ ᓴᔪᓚᐅᕆᕗᖅ ᒎᑎᐅᑉ ᓇᔪᕐᓂᖓᓄᑦ, ᐃᓴᕆᐊᓕᑏᑦ ᒎᑎᖓᓐᓄᑦ.

ᐃᓐᖏᕈᑎᑦ 77:18

ᐃᒃᑐᓚᐅᖁᑎᕕᑦ ᓂᐱᖓ ᐊᓄᕆᒥ ᐅᓚᔪᔨᕋᕐᒦᑉᐳᖅ; ᖃᐅᒻᒪᓪᓛᔪᖁᑎᕕᓪᓗ ᓄᓇᕐᔪᐊᖅ ᖃᐅᒻᒪᒃᑎᑉᐹᑦ; ᑕᕝᕙ ᓄᓇᕐᔪᐊᖅ ᓴᔪᓕᕐᐳᖅ ᐊᐅᓚᓕᕐᓗᓂᓗ.

ᐃᓐᖏᕈᑎᑦ 78:38

ᑖᓐᓇᓕ, ᓇᒡᓕᒍᓱᖕᓂᕐᒥᒃ ᑕᑕᓐᓇᒥ, ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᒋᓚᐅᕐᐰᑦ, ᐊᓯᕈᕐᓇᒋᓪᓗ; ᐅᓄᕐᑐᐃᓱᕐᓗᓂ ᓂᓐᖓᐅᒪᓂᓂ ᓄᖅᑲᕐᑎᖃᑦᑕᓚᐅᕐᐹ, ᓂᓐᖓᐅᒪᓂᓕᒫᓂᓗ ᐊᑕᖏᕐᓗᒍ ᓴᖅᑭᑎᓚᐅᓐᖏᓛ.

ᐃᓐᖏᕈᑎᑦ 83:10

ᑖᒃᑯᐊ ᓄᖑᑕᐅᓚᐅᕐᒪᑕ ᓄᓇᒥ ᐃᓐ-ᑐᐊᕆᒥ, ᐊᓇᓐᖑᕐᓗᑎᒡᓗ ᓄᓇᒥ.

ᒨᓯᓯ ᐂᑉᐸᖏᑦ 7:19

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐂᕉᓂ ᐅᖃᐅᑎᓚᐅᕈᒃ, ‘ᐊᔭᐅᑉᐱᐊᑦ ᑎᒍᓗᒍ ᐃᓵᓚᐅᕆᑦ ᐄᑦᔨᑉᑎᐅᑉ ᐃᒪᖏᓐᓄᑦ, ᑰᖏᓐᓄᑦ, ᑰᓕᐊᕆᓯᒪᔪᓄᓪᓗ, ᑕᓯᖏᓐᓄᓪᓗ, ᐃᒥᕐᑕᕐᕕᖁᑎᖏᓐᓄᓪᓗ ᑕᒤᓐᓄᑦ, ᑕᒪᕐᒥᒃ ᐊᐅᖑᓕᖁᓪᓗᒋᑦ; ᐄᑦᔨᑉᑎᐅᑉ ᓄᓇᖓ ᑕᒪᕐᒥᑦᓯᐊᖅ ᑕᕝᕙ ᐊᐅᓐᖑᕐᓂᐊᕐᐳᖅ, ᐊᒡᓛᑦ ᕿᔪᐃᑦ ᐃᒪᖃᐅᑏᑦ ᐅᔭᕅᓪᓗ ᐃᒪᖃᐅᑏᑦ ᑕᒪᕐᒥᒃ ᐊᐅᓐᖑᕐᓂᐊᕐᐳᑦ.’”

ᐂᓮᐊᓯᐅᑉ ᐊᒡᓚᖏᑦ 10:4

ᐊᒥᐊᒃᑯᑕᖃᕈᒫᓐᖏᓚᖅ ᐅᑯᔪᐃᓐᓇᐅᔪᒫᕐᒪᑕ ᑎᒍᔭᐅᓯᒪᔪᑦ ᐊᑯᕐᖓᓐᓂ, ᐅᕐᕈᔪᒫᕐᐳᓪᓗ ᑐᖁᑕᐅᓯᒪᔪᑦ ᐊᑯᕐᖓᓐᓄᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 10:6

ᐃᓅᖃᑎᒌᒡᔪᐊᓄᑦ ᑎᓕᕙᕋ ᒎᑎᖃᖏᑦᑐᓄᑦ, ᐂᖁᓪᓗᒍ ᐃᓅᖃᑎᒌᓄᑦ ᓂᓐᖓᐅᒪᕕᒋᔭᓐᓄᑦ. ᓵᓚᒋᔭᒥ ᐱᖏᓐᓂᒃ ᐱᑖᖁᓪᓗᒍ, ᐊᕐᓵᕐᓯᖁᓪᓗᒍᓗ ᓵᓚᒋᔭᒥᓂᒃ, ᑐᓪᓕᕋᖁᓪᓗᒍᓗ ᑖᒃᑯᓂᖓ ᓴᓂᕐᓗᑯᑎᑐᑦ ᐊᖅᑯᑎᒦᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 14:19

ᐃᕝᕕᓪᓕ ᐊᓂᑕᐅᑐᐃᓐᓇᕐᓯᒪᕗᑎᑦ, ᐃᓗᕕᕐᓯᒪᓇᒡᓘᓐᓃᑦ, ᑎᒥᕕᓃᑦ ᑕᒫᓂᑐᐃᓐᓈᕐᑐᖅ ᓇᖁᔭᕐᓇᕐᐳᖅ, ᐅᓇᑕᕐᑐᓂ ᑐᖁᑕᐅᔪᕕᓃᑦ ᐊᓐᓄᕌᕕᓂᖏᑎᑐᑦ, ᓴᕕᒡᔪᐊᒧᑦ ᑲᐱᔭᐅᓯᒪᔪᑎᑐᑦ, ᐃᑎᕐᓵᓘᑉ ᐅᔭᕋᖏᓐᓄᑦ ᐃᒋᑕᐅᑐᐃᓐᓇᖃᑕᐅᓯᒪᒐᒥ, ᑎᒥᕕᓂᕐᑐᑦ ᑐᓪᓕᕋᕐᑕᐅᑐᐃᓐᓇᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 23:11

ᐊᑕᓂᐅᑉ ᐊᒡᒐᓂ ᐃᓴᖕᒪᒋᑦ ᑕᕆᐅᑉ ᓇᓛᓄᑦ ᐊᖓᔪᖅᑳᕐᔪᐊᖃᕐᕖᑦ ᐊᓯᕈᕐᓗᒋᑦ; ᐊᑕᓂᐅᑉ ᐱᖁᔨᓂᖓᓄᑦ ᑬᓇᓂᒥᐅᑦ ᑮᓇᐅᔭᓕᐅᕐᕕᒋᓐᓂᕐᐹᖏᑦ ᐊᓯᕈᕐᑕᐅᑎᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 25:11

ᑕᓕᕐᒥᖕᓂᒃ ᐃᓵᖓᑎᑦᓯᔪᒫᕐᐳᑦ ᐳᐃᑦᔪᕋᓱᐊᕐᑐᑎᑐᑦ, ᐊᑕᓂᐅᓪᓕ ᓱᖁᑎᒋᔪᒫᓐᖏᓔᑦ ᐃᓵᖓᒐᓗᐊᕐᓗᑎᒃ ᑭᕕᑐᐃᓐᓇᕐᑐᑎᑐᑦ ᑍᒤᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 29:2

ᐃᓱᐃᓪᓕᐅᕐᑎᑦᓴᕆᐊᖃᕐᐸᕋᓕ ᐊᕅᐅᓪ, ᑕᒪᓐᓇ ᓇᓪᓕᐅᑎᒃᐸᑦ ᕿᒃᓵᖕᓂᖃᕈᒫᕐᐳᖅ ᐅᒡᒍᐊᕐᓂᖃᕐᓗᓂᓗ, ᑕᒪᑐᒪᓕ ᑭᖑᓂᖓᒍᑦ ᐂᕆᐅᓪᓚᕆᐅᓕᕈᒫᕐᐳᖅ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 42:25

ᑍᒤᒻᒪᑦ ᓂᓐᖓᒡᕕᒋᒻᒪᕆᓚᐅᕐᐰᑦ, ᐅᓇᑕᕐᓂᒧᓪᓗ ᐊᒃᓱᕈᕐᑎᑕᐅᓪᓗᑎᒃ; ᖃᓂᒋᔭᓕᒫᖓᓪᓗ ᐃᑯᐊᓪᓚᒃᑎᓪᓗᒍ, ᓱᓕᓕ ᑐᑭᓯᓚᐅᓐᖏᓚᑦ; ᐃᑯᒪᒧᓪᓗ ᐆᑕᐅᓚᐅᕐᐳᑦ, ᓱᓕᓕ ᐆᒻᒪᒻᒥᐅᑕᕐᑖᕆᓚᐅᓐᖏᓛᑦ.”

ᐂᓮᐊᓯᐅᑉ ᐊᒡᓚᖏᑦ 51:20

ᐃᕐᓂᑎᑦ ᓄᑮᕈᑎᓯᒪᕗᑦ, ᓇᓚᓪᓗᑎᒡᓗ ᐊᖅᑯᑏᑦ ᓴᖑᒋᐊᕐᕕᖏᓐᓂ, ᑐᒃᑐᖓᔪᑎᑐᑦ ᓄᓗᐊᕐᑎᑕᐅᓯᒪᔪᑎᑐᑦ; ᑖᒃᑯᐊ ᐊᑕᓂᐅᑉ ᓂᓐᖓᐅᒪᓂᖓᓄᑦ ᐊᒃᑐᐊᔭᐅᕗᑦ, ᒎᑎᑦᓯᓗ ᐃᓂᕐᑎᕆᓂᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 64:3

ᑲᒪᓇᕐᑐᕐᔪᐊᓂᒃ ᐱᓇᓱᐊᖃᑦᑕᓚᐅᕋᕕᑦ ᓂᕆᐅᒃᑎᓐᓇᑕ, ᐊᖅᑲᕋᕕᑦ, ᖃᖅᑳᓗᒃ ᓴᔪᒃᐱᓗᓚᐅᕐᐳᖅ ᓇᔫᑎᓂᕐᓄᑦ.

ᐂᓮᐊᓯᐅᑉ ᐊᒡᓚᖏᑦ 66:15

“ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.

ᐂᓮᐊᓯᐅᑉ ᐊᒡᓚᖏᑦ 66:24

ᐊᓂᒍᑎᒡᓗ ᑕᑯᔪᒫᕐᐳᑦ ᐅᕙᓐᓂᒃ ᐊᑭᕋᕐᑐᕐᑐᑦ ᑎᒥᕕᓂᖏᓐᓂᒃ ᑐᖁᖓᔪᓂᒃ; ᖁᐱᕐᕈᖏᓪᓗ ᑐᖁᔪᒫᓐᖏᓚᑦ, ᐃᑯᐊᓚᔪᒦᓪᓗᑎᒡᓗ ᖃᒥᑕᒃᓴᐅᖏᑦᑐᓂ, ᐃᓅᖃᑎᒌᒡᔪᐊᓄᑦ ᑕᒪᓐᓇ ᑕᑯᒥᓁᑦᑐᕐᔪᐊᖑᔪᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 9:11

ᑍᒤᒻᒪᑦ ᐊᑕᓂᖅ ᕆᔨᓐᑯᑦ ᐊᑭᕋᕐᑐᕐᑎᖏᓐᓂᒃ ᓴᖅᑭᑎᑦᓯᓕᕐᐳᖅ, ᐊᑭᕋᕐᑐᕐᑎᖏᑦ ᑲᔪᖏᕐᓴᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 9:16

ᓯᕗᓕᕐᑏᑦ ᑕᓯᐅᕐᓯᓚᐅᕐᐳᑦ ᑖᒃᑯᓂᖓ ᑕᒻᒪᕐᓇᕐᑐᒧᑦ, ᑕᓯᐅᕐᑕᐅᔪᓪᓗ ᑖᒃᑯᓄᖓ ᐄᔭᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 9:17

ᑍᒤᒻᒪᑦ ᐊᑕᓂᐅᑉ ᖁᕕᐊᒋᔪᓐᓃᕐᐰᑦ ᐃᓅᓱᒃᑐᖁᑎᖏᑦ, ᓇᒡᓕᒍᓱᒐᓂᓗ ᐃᓕᐊᕐᔪᖁᑎᖏᓐᓂᒃ ᐅᐃᒡᒐᕐᓂᖁᑎᖏᓐᓂᒡᓗ; ᐃᓘᓐᓇᑎᒃ ᑕᒃᑯᕐᒨᕐᒪᑕ ᐱᐅᖏᑦᑐᓕᓪᓗᑎᒡᓗ, ᐃᓘᓐᓇᑎᒡᓗ ᖃᓂᖏᑦ ᐱᐅᖏᑦᑐᐊᓗᖕᓂᒃ ᐅᖃᓪᓚᖃᑦᑕᕐᐳᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 9:20

ᑕᓕᕐᐱᖕᒥᖕᓄᑦ ᓂᕿᒃᓴᓂᒃ ᐊᕐᓵᕐᓯᒐᓗᐊᕐᐳᑦ, ᓱᓕᓕ ᑳᒃᓗᑎᒃ; ᓴᐅᒥᖕᒥᖕᓄᑦ ᓂᕆᓪᓗᑎᒃ ᓄᖒᑦᓯᖓᓗᐊᕐᐳᑦ, ᓱᓕᓕ ᐊᑭᐊᑦᑐᓐᖏᓚᑦ; ᐃᓄᐃᓪᓗ ᐊᑐᓂᑦ ᐊᒡᓛᑦ ᐃᓅᖃᑎᒥ ᑎᒥᖏᓐᓂᒃ ᓂᕆᕗᑦ.

ᐂᓮᐊᓯᐅᑉ ᐊᒡᓚᖏᑦ 9:21

ᒫᓇᓯᐅᑉ ᑭᖑᕚᖏᑕ ᐃᕗᕅᒥᐅᑉ ᑭᖑᕚᖏᑦ ᓂᕆᔪᒫᕐᐰᑦ, ᐃᕗᕅᒥᐅᓪᓗ ᑭᖑᕚᖏᑦ ᒫᓇᓯᐅᑉ ᑭᖑᕚᖏᑦ ᓂᕆᖕᒥᓗᒋᑦ, ᑖᒃᑯᐊᓗ ᑲᑐᑦᔨᓗᑎᒃ ᔫᑕᐅᑉ ᑭᖑᕚᖏᓐᓄᑦ ᓵᑦᓱᒫᕐᐳᑦ. ᑕᒪᑐᒧᖓᓕ ᓱᓕ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᔪᒫᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 15:3

ᓯᑕᒪᓂᒃ ᐊᑦᔨᒌᖏᑦᑐᓂᒃ ᐊᓯᕈᐃᔪᒃᓴᓂᒃ ᑎᑭᑎᑦᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᓴᕕᒡᔪᐊᒥᒃ ᑐᖁᑦᓯᑦᔪᑎᒃᓴᒥᒃ, ᕿᒻᒥᓂᒡᓗ ᑎᒥᖏᑦ ᐅᓂᐊᕐᑕᐅᓗᑎᒃ ᓂᕆᔪᒃᓴᓂᒃ, ᑎᖕᒥᐊᓂᒡᓗ ᑎᒥᕕᓂᕐᓂᒃ ᓂᕆᔪᒃᓴᓂᒃ, ᐆᒪᔪᓂᒡᓗ ᓄᔪᐊᕐᑕᓂᒃ ᑎᒥᕕᓂᕐᓂᒃ ᓂᕆᔪᒃᓴᓂᒃ ᓄᖑᑕᐅᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 16:4

ᑐᖁᕋᕈᒫᕐᐳᑦ ᖃᓂᒪᓇᕐᑐᓄᑦ, ᕿᒃᓵᒍᑕᐅᔪᒫᓐᖏᓚᑦ ᐃᓗᕕᕐᑕᐅᖏᓪᓗᑎᒡᓘᓐᓃᑦ; ᓄᓇᒥᓕ ᐊᓇᕐᑎᑐᑦ ᑕᒫᓃᕐᕆᑐᐃᓐᓇᕈᒫᕐᐳᑦ ᑎᒥᕕᓂᖏᑦ. ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒧᓪᓗ, ᑎᒥᕕᓃᓪᓗ ᓂᖃᐅᓕᕈᒫᕐᐳᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 17:4

ᐱᓂᐊᕐᓂᓯ ᒪᓕᒡᓗᒋᑦ ᑭᖑᕐᖑᑎᔭᒃᓴᓯ ᐊᓯᐅᔨᔪᒫᕐᐸᓯ ᑐᓂᓚᐅᕐᑕᒃᑲ ᐃᓕᑦᓯᓐᓄᑦ, ᐊᑭᕋᓯᓐᓂᒃ ᐱᔨᑦᓯᕐᑎᑦᓱᒫᕐᐸᓯ ᓄᓇᒥ ᑲᐅᔨᒪᓐᖏᑕᑦᓯᓐᓂ, ᓂᓐᖓᐅᓯᕋ ᐃᑯᒪᑐᑦ ᐃᑯᐊᓪᓚᒃᑎᑕᐅᖕᒪᑦ ᐃᑯᐊᓚᔪᒫᕐᓗᓂᓗ ᐃᓱᖃᖏᑦᑐᒧᑦ.”

ᔨᕆᒤᐊᐅᑉ ᐊᒡᓚᖏᑦ 4:24

ᖃᖅᑬᓪᓗ ᑕᑯᓴᕋᒃᑭᑦ, ᓴᔪᒃᐱᓗᒃᑐᑦ ᑕᑯᕙᒃᑲ, ᐱᖑᐃᓪᓗ ᐊᐅᓚᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 4:8

ᐆᒪᔪᑦ ᒥᖅᑯᕕᓂᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᓕᕆᑦᓯ, ᐅᒡᒍᐊᕐᓂᕐᒧᑦ ᕿᐊᔪᐊᓘᓕᕆᑦᓯ, ᐊᑕᓂᐅᑉ ᓂᓐᖓᕕᒃᔪᐊᕐᓂᖓᑕ ᑐᓄᓐᓂᐊᕈᓐᓃᕐᒪᓯ.”

ᔨᕆᒤᐊᐅᑉ ᐊᒡᓚᖏᑦ 6:12

ᐃᒡᓗᖏᓐᓂᒃ ᐋᑕᐅᓂᐊᕐᐳᑦ ᐊᓯᖏᓐᓄᑦ ᑐᓂᔭᐅᓗᑎᒃ, ᐱᕈᕐᓰᕕᖁᑎᖏᑦ ᓄᓕᐊᖏᓪᓗ ᐱᖃᓯᐅᑦᔭᐅᓗᑎᒃ, ᑍᒤᓕᐅᕐᓂᐊᕐᐳᑦ ᐊᑭᓂᐊᕐᕕᒋᓕᕈᒃᑭᑦ ᓄᓇᖃᑎᒌᑦ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 8:2

ᓴᖅᑭᔮᓕᕐᓗᑎᒃ ᓯᕿᓂᕐᒧᑦ, ᑕᖅᑭᕐᒧᑦ ᐅᓪᓗᕆᐊᓄᓪᓗ, ᐅᖓᒋᓗᒋᑦ ᑭᒡᒐᕐᑐᕐᓗᒋᓪᓗ ᑐᒃᓯᐊᕐᕕᒋᕙᓚᐅᕐᑕᖏᓐᓄᑦ, ᑲᑎᕐᓱᕐᑕᐅᓗᑎᒃ ᐃᓗᕕᕐᓄᐊᕐᑕᐅᔪᒫᓐᖏᓚᑦ, ᑕᒫᓃᕐᕆᑐᐃᓐᓇᕈᒫᕐᐳᑦ ᐊᓇᕐᑎᑐᑦ ᒪᓂᖅᑲᒦᑦᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 9:22

ᐅᖃᕆᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ: ᑎᒥᕕᓃᑦ ᓴᖅᑭᔮᕐᓂᐊᕐᐳᑦ ᐊᓇᕐᑎᑐᑦ ᓄᓇᑐᐃᓐᓇᕐᒥ, ᑲᑎᕐᓱᐃᕕᒃᑐᑦ ᑲᑎᕐᓱᐃᔪᓄᑦ ᕿᒤᓐᓇᕐᑕᐅᓯᒪᔪᑎᑐᑦ, ᑭᓇᒧᓪᓘᓐᓃᑦ ᑲᑎᕐᓱᕐᑕᐅᓂᐊᓐᖏᓚᑦ.’”

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:22

ᐅᕝᕙᓗ ᑖᕗᖓᓕᒫᖅ ᓇᕐᕈᒋᓕᕐᐱᑎᒎᑦ? ᓂᓐᖓᐅᒪᕕᒋᕕᑎᒎᑦ ᐋᖅᑭᒐᒃᓴᐅᖏᑦᑐᒥᒃ?

ᐃᓯᑭᐊᓕᐅᑉ ᐊᒡᓚᖏᑦ 15:6

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᕔᓂᓕᐅᕐᕖᑦ ᓇᐹᕐᑐᒐᓵᓗᐃᑦ ᐊᑯᕐᖓᓂᑦ ᐃᑯᐊᓪᓚᖅᑯᑎᒃᓴᐅᖁᓪᓗᒋᑦ ᑐᓂᓯᒪᒐᒃᑭᑦ, ᑍᒫᒃᑕᐅᖅ ᔨᕉᓴᓕᒥᐅᑦ ᐃᓄᖏᑦ ᑐᓂᖅᑯᑎᒋᔪᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 30:25

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓ ᐱᔪᓐᓇᕐᓂᕐᑖᕐᑎᑦᓱᒫᕐᐸᕋ, ᐰᕉᓪᓕ ᑕᓕᖏᒃ ᑲᑕᒃᑎᓪᓗᒋᒃ; ᖃᐅᔨᓕᖁᓪᓗᒋᑦ ᐅᕙᖓᐅᒐᒪ ᐊᑕᓂᖅ. ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓ ᓴᕕᒡᔪᐊᓐᓂᒃ ᑎᒍᓯᑎᒃᑯᒃᑯ, ᑎᒃᑯᐊᕐᑎᑦᓱᒫᕐᐹ ᐄᑦᔨᑉᑎᒥᐅᑦ ᓄᓇᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 6:14

ᐱᔪᓐᓇᕐᓂᓐᓄᑦ ᓄᓇᒋᔭᖓ ᐱᒋᐊᕈᒫᕐᐸᕋ, ᐃᓄᖃᕈᓐᓃᕐᑎᓪᓗᒍ ᐊᑐᕐᑐᒃᓴᐅᔪᓐᓃᕐᑎᓪᓗᒍᓗ, ᓄᓇᒋᔭᓕᒫᖏᓐᓂ, ᐃᓄᖃᖏᑦᑐᒥᑦ ᕆᑉᓚᒧᑦ ᑎᑭᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᒐᒪ.”

ᑖᓂᐊᓕᐅᑉ ᐊᒡᓚᖏᑦ 9:16

ᐊᑕᓃᖅ ᐱᓂᐊᕐᓂᑎᑦ ᐃᓱᐊᕐᑐᑦ ᑲᔪᓯᑎᓪᓗᒋᑦ, ᓂᓐᖓᐅᒪᓃᑦ ᔨᕉᓴᓕᒥᑦ ᓴᖑᑎᓚᐅᕈᒃ ᓂᓐᖓᐅᒪᕕᒃᔪᐊᕐᓃᑦ ᐃᒡᓗᒐᓴᒡᔪᐊᖁᑎᖕᓂᑦ, ᖃᖅᑲᒥᑦ ᐃᑦᔪᕐᓁᑦᑐᒥᑦ ᐊᔪᕐᑐᓕᓂᑦᑕ ᓯᕗᓕᑦᑕᓗ ᐱᐅᖏᑦᑐᓕᓂᖏᑕ, ᔨᕉᓴᓕᒻ ᐃᓄᖁᑎᑎᓪᓗ ᒥᑕᐅᑎᒋᔭᒃᓴᓐᖑᕐᑎᓯᒪᖕᒪᒋᑦ ᐃᓄᖕᓄᑦ ᐊᕙᑎᑦᑎᓐᓂ ᓄᓇᖃᕐᑐᓄᑦ.

ᕼᐆᓯᐊᑉ ᐊᒡᓚᖏᑦ 14:4

“ᐋᖅᑭᖕᓂᐊᕐᐸᒃᑲ ᐅᒃᐱᖏᓐᓂᖏᓐᓂᑦ; ᓇᒡᓕᒋᓂᐊᕐᐸᒃᑲ ᐃᓱᒪᕐᓱᕐᓗᖓ, ᓂᓐᖓᐅᒪᓂᕋ ᓴᖑᖕᒪᑦ ᑖᒃᑯᓇᓐᖓᑦ.

ᐂᒨᓯᐅᑉ ᐊᒡᓚᖏᑦ 8:8

ᓄᓇ ᑕᒪᑐᒧᖓ ᓴᔪᒃᐱᓪᓚᖕᓂᐊᓐᖏᓛᖅ? ᓄᓇᖃᕐᑐᓪᓗ ᑕᒫᓂ ᐅᒡᒍᐊᕐᓂᐊᓐᖏᓛᑦ? ᑰᒃᑎᑐᑦ ᓁᓕᑐᑦ ᖄᒥᑦᓱᒫᕐᐳᖅ, ᖃᑉᐳᑑᕐᓂᖓᓄᓪᓗ ᐃᖅᑲᑦᑕᕐᑕᐅᓚᐅᕐᓗᑎᒃ, ᑰᑭᒡᓕᖕᒥᓗᓂᓗ ᓁᓕᑐᑦ ᐄᑦᔨᑉᑎᐅᑉ ᑰᖓᑐᑦ.”

ᒤᑲᐅᑉ ᐊᒡᓚᖏᑦ 1:4

ᖃᖅᑬᑦ ᐊᐅᒍᒫᕐᐳᑦ, ᐳᓐᓂᕐᑎᑐᑦ ᐃᑯᒪᒧᑦ ᐊᐅᒃᑐᑎᑐᑦ ᓇᕐᓮᓪᓗ ᐊᕕᒡᓗᑎᒃ, ᑰᒍᒫᕐᐳᖅ ᐃᒪᕐᑎᑐᑦ ᓯᕕᖓᔪᒃᑯᑦ ᑰᒃᑐᑎᑐᑦ.

ᓇᕼᐅᒥᐅᑉ ᐊᒡᓚᖏᑦ 1:5

ᖃᖅᑲᕐᔪᐊᑦ ᓴᔪᒃᐳᑦ ᐊᑕᓂᐅᑉ ᓵᖓᓂ, ᐱᖑᐊᕐᔪᐃᓪᓗ ᐊᐅᒃᐳᑦ ᑖᑦᓱᒪ ᓵᖓᓂ; ᐊᑕᓂᖅ ᓴᖅᑭᒻᒪᑦ ᓄᓇ ᓴᔪᒃᐱᓗᒃᐳᖅ; ᓄᓇᕐᔪᐊᓕᒫᖅ ᐃᓄᓕᒫᖏᓪᓗ ᑕᕝᕙᓂ ᐃᓂᖃᕐᑐᑦ ᓴᔪᒃᐳᑦ.

ᕼᐊᐸᑲᐅᑉ ᐊᒡᓚᖏᑦ 3:10

ᖃᖅᑬᓪᓗ ᐃᓕᖕᓂᒃ ᑕᑯᒐᒥᒃ ᓴᔪᓕᕐᐳᑦ; ᐃᒦᓪᓗ ᐃᒃᑑᓕᔮᕐᓗᑎᒃ ᖁᕕᓕᕐᐳᑦ ᕿᓚᖕᒥᑦ. ᐃᒪᕐᔪᐊᕐᓗ ᐃᒃᑑᓕᔮᓕᕐᐳᖅ ᓄᓇᐅᑉ ᐊᑖᓂᑦ, ᐃᒪᐅᓪᓗ ᐃᖏᐅᓕᖕᓂᖓ ᐳᕐᑐᓯᓪᓗᓂ.

ᔨᐸᓁᐊᐅᑉ ᐊᒡᓚᖏᑦ 1:17

ᐃᓄᐃᑦ ᐃᓱᒪᔮᕐᓇᕐᑐᓄᑦ ᑎᑭᑕᐅᑎᑦᓱᒫᕐᐸᒃᑲ, ᐱᓱᓕᕈᒫᕐᐳᑦ ᑕᐅᑐᖏᑦᑐᑎᑐᑦ, ᐊᔪᕐᑐᓕᓚᐅᕐᒪᑕ ᐊᑕᓂᕐᒧᑦ; ᐊᐅᖏᑦ ᑯᕕᔭᐅᔪᒫᕐᐳᑦ ᐃᒥᕐᑎᑐᑦ, ᑎᒥᖏᓪᓗ ᐊᓇᕐᑎᑐᑦ ᑍᒤᓕᕈᒫᕐᐳᑦ.

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’

ᒨᓯᓯ ᑕᓪᓕᒪᖏᑦ 31:18

ᑕᒪᓐᓇ ᓇᓪᓕᐅᑎᒃᐸᑦ ᓱᓕᓗᖓ ᐊᓚᕈᒫᕐᐸᒃᑲ, ᐱᐅᖏᑦᑐᓂᖏᑦ ᒎᑎᓐᖑᐊᓄᑦ ᐊᓯᓐᓄᑦ ᓵᓐᖓᓕᕐᓂᖏᑦ ᐱᑦᔪᑎᒋᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:16

ᐊᒡᓛᑦ ᔫᑎᐅᖏᑦᑐᓄᑦ ᐅᖃᓪᓚᖃᑦᑕᖁᔨᓇᑎᒃ ᓄᖅᑲᕐᑎᑦᓯᓇᓱᐊᓚᐅᕐᐳᑦ ᐅᕙᑦᑎᓐᓂᒃ, ᐅᖃᐅᓯᕐᓂᒃ ᐱᐅᓕᔭᐅᑦᔪᑎᒃᓴᖏᓐᓂᒃ; ᑍᒤᓕᐅᕐᓗᑎᒃ ᐊᔪᕐᑐᓕᒃᑲᓐᓂᓚᐅᕐᐳᑦ ᐊᖏᓂᕐᓴᒋᐊᓪᓚᖕᒥᒃ. ᒫᓐᓇᓗ ᒎᑎᐅᑉ ᓂᓐᖓᐅᓯᖓᑕ ᑎᑭᕝᕕᒋᓯᒪᓕᕐᐰᑦ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.